Um nýja stjórnarskrá

Það er minn einlægur áhugi að þjóðin öll fái að koma að gerð nýrrar stjórnarskrár. Til þess er besta leiðin (úr því sem komið er) að þjóðin haldi fundi og komi með tillögur að nýrri stjórnarskrá, hver á sínum landsfjórðungi. Þannig verður best tryggt að allir hlutar landsins fái jafnt að koma að endurgerð stjórnarskrárinnar.

Það þarf að losa algjörlega vald stjórnmálamanna frá endurgerð stjórnarskrárinnar!

Áttum okkar á að þetta er sjálfsögð frumkrafa almennings eftir hrunið og algjör forsenda enduruppbyggingar á Íslandi!

Eftir að búið væri að safna tillögum í stjórnarskrá þá kýs hver landsfjórðungur sér sinn fulltrúa til að taka saman efnið og mæta síðan á fundi þeirra fulltrúa til að klára samantekt stjórnarskrárinnar. Og þaðan færi útkoman beint í þjóðaratkvæðagreiðslu.

Það er mjög áríðandi fyrir framtíðina að þjóðin sjálf velji sér stjórnarskrána, án ráðgjafar frá stjórnvöldum og alþingi. Það þarf svo bara viljann til að klára verkið og fólkið í landinu fái að kjósa sér hvort að hún verður samþykkt eða ekki.

Þetta væri verk fyrir stjórnarskrárfélagið að koma að.

Með góðum kveðjum,
Guðni Karl Harðarson

Áríðandi! Ég skora á stjórnlagaþingsfulltrúa!

Ég skora á þá kjörna stjórnlagaþingsfulltrúa að draga sig til baka út úr starfi til nýrrar stjórnarskrár og neita að taka við starfi í stjórnlagaráði ef það frumvarp verður að lögum.

Ég spyr: hvernig ætlar þú að starfa að því í stjórnarskrá að fara yfir hlutverk Hæstaréttar þegar að þú værir þátttakandi í því að fara ekki eftir úrskurði Hæstaréttar? Finnst þér réttlátt að þú eigir að vinna að hlutverki Hæstaréttar í stjórnarskrá, undir þessum kringustæðum?

Ég spyr: ert þú sem kjörinn stjórnlagaþingmaður tilbúinn að vinna með það á bakinu að það hafi verið gengið gegn úrskurði Hæstaréttar Íslands?

Ég spyr: ertu tilbúinn að vinna undir þessum kringustæðum með það í huga hvernig málið allt verður í huga almennings á Íslandi?

Ég spyr: ert þú viss um að ef ég sem hugsanlegur kjósandi þinn sé ennþá þér fylgjandi eftir allt það sem hefur gengið á? Meðal annars vegna spurningar 1!

Ég spyr: er það eitthvað vafamál í þínum huga að það eigi að fara að úrskurði Hæstaréttar?

 

 

 

Skýrslan ekkert leyniplagg

Ég er honum svo gjörsamlega sammála!

Þessi fyrsta persónukosning í Íslandssögunni mistókst algjörlega. Ástæðunar voru ýmsar, en ein af þeim var sú að ekki hafði verið gert ráð fyrir svona mörgum frambjóðendum. Svo var að mínu mati ein af stórástæðum fyrir fágæta lélegri þátttöku sú að landið var eitt kjördæmi.

Auðvitað ætti að kjósa aftur. En þá með allt öðrum formerkjum og eftir 1.5 ár eða svo. En slíkar kosningar þarf að undirbúa vel og vandlega. Þó ég hafi ekkert á móti þeim frambjóðendum sem náðu kjöri þá var það nú svo að hellst þekkt fólk í þjóðfélaginu sem náðu kosningu.

Varðandi sjálfan mig, þá er ég alls ekki viss um að endurtaka framboð mitt. En ástæðunar fyrir framboði mínu voru þær að: 1. athuga hvort ég gæti staðið í þessu 2. koma skoðunum mínum (sumar hverjar með þeim róttækustu) á framfæri  og 3. tjá mig aðeins opinberlega.

Það þarf að haga þessari kosningu allt öðruvísi. Fyrir það fyrsta þá þarf að skipta Íslandi niður í landsfjórðungasvæði + höfuðborgarsvæðið. Þannig væri tryggt að almenningur úti á landi næði líka kjöri. En því miður voru aðeins þrír utan höfuðborgarinnar sem náðu kjöri í kosningunni. 

Tökum dæmi í vesturl. vestfj. landsvæði.: hugsa mætti sér að fólk fari í einhverskonar persónuprófkjör í hverju þorpi til að draga saman þann fjölda sem býður sig fram. Síðan fengi fólk að kjósa sér af þeim sem næðu hæst í prófkjörinu, 4 í hverjum landsfjórðingi en 9 fulltrúa á höfuðborgarsvæðinu. Þá næðist þessir 25 einstaklingar sem yrðu þá næstu stjórnlagaþingsfulltrúar + vinna mætti sérstaklega úr uppbótar vegna kynjaskiptingu, fjölda karl og kven fulltrúa.

Ég tel að ein af aðal ástæðunum fyrir mjög lélegri þátttöku í kosningunni hafi verið sú að fólk hafði allt of lítið um að velja sér fulltrúa af þeim sem bjuggu á sínu eigin landsvæði. Því til stuðnings væri hægt að skoða kosningatölur hvernig þær skiptust á hverju kjördæmi fyrir sig. Eins og tildæmis suður: rúmlega 30% þátttaka í kosningunum.

Ég hef verið að tala við mikið af fólki, sem ég kannast við á mínum stóra vinnustað og langflestir eru mér sammála um að svona fyrirkomulag væri best og sanngjarnast. 

Andvígir stjórnlagaráðinu

JÁ! ææææææi, afsakið, ég meinti NEI!

Fyrirsögnin tekur til smá greinarstúfs efst á blaðsíðu 2 í Fréttablaðinu í dag.

Ég velti því fyrir mér hvað eiginlega þurfi til að stjórnarliðar segi af sér? Er ég þó ekki endilega að tala um þetta stjórnlagaþingsmál eingöngu, heldur uppsöfnuð atriði mistaka. Er ég þá að tala um sama hvaða flokkur er við völd. Svo virðist þó þetta fara stór versnandi upp á síðustu árin!

Það er algjörlega komið nóg af því hvað stjórnvöld halda í völdin, svo virðist sama hvað gengur á.

Ætti ekki að setja skýr og afmarkaða grein í stjórnarskrána hvað teldist til alvarlega mistaka? Við hvaða aðstæður segi þingmaður af sér? Ég hef líka nefnt þá skoðun mína að kjörnir þingmenn fyrir ákveðinn flokk eigi ekki að geta skipt um flokk á tímabilinu. Það var eitt af stefnumálum mínum í framboði mínu. 

Biður þjóðina afsökunar

Við svo búið að svo komnu,,,,,,,,,

fari ríkistjórn og alþingi í sjálfsskoðun og felli dóm yfir sjálft sig. Ef þeir geta!

Nú þarf að taka til hendinni og ganga í það gera ný lög um kosningu til stjórnlagaþings. En það tekur allt sinn tíma og margt að vinna að í því efni eins og að taka tillit til dóms hæstaréttar. Verður ekki gert strax, því miður..........

Það er og algjörlega viðbúið að það þarf að setja sérstakar reglur um persónukosningu. En annmarkar kosningarinnar voru meðal annars vandamál vegna fjölda frambjóðenda. Eins og ég hef nefnt hefði mjög líklega þátttakan verið meiri a) hefði kosningu verið skipt milli landsvæða b) annmarkar voru á því að þeir sem unnu að kynningu á kosningunni gerðu alltof mikið af því að þurfa að ústkýra fyrir fólki hvernig það ætti að kjósa. Öll umræðan fældi fólk frá kjörstað. Allar ústkýringarnar voru líka til þess að fæla fólk frá. Það að þurfa að vera að útskýra var tildæmis eitt af því!

Fjöldi frambjóðenda = vandamálið var að það þarf að gera sérstök lög um kosningu til persónukjörs, áður en að farið er í vinnu að kjósa til stjórnlagaþings upp á nýtt!

Þetta er svo fáránlegt allt saman vegna þess að það þarf að gera sérstök lög og setja í stjórnarskrá um hvernig persónukjöri skuli háttað, jafnframt því að setja inn ný lög um stjórnmálaflokka. Þetta er eins og að fara í hring.......

Er þá ekki leiðin að gera sérstök lög um persónukjör fyrir stjórnlagaþingið sérstaklega? Endurskoða þau síðan og  endurgera í stjórnarskránni sjálfri?

Ábyrgðin?

Hver er svo ábyrgð þeirra sem settu lögin um stjórnlagaþingið? Ríkistjórnar og alþingis? Ábyrgðin gangvart þeim sem buðu sig fram og náðu kjöri? Og ábyrðin gagnvart þeim sem buðu sig fram og náðu ekki kjöri?

Málið er: með þessu var gerð árás á hugmyndflæði og  allri þeirri miklu vinnu kjörinna fulltrúa og einnig þeirra sem náðu ekki kjöri. Hvað verður um allt þetta efni sem við settum saman? Svo ég tali nú ekki um þjóðfundinn!

Náðu ekki kjöri, vegna þess að þeir sem voru í framboði höfðu lagt í rosalega vinnu í stefnumál sín og áhugamál um hvað fara ætti inn í nýja stjórnarskrá. Hvað með mig sjálfan og alla hina frambjóðendurna? Öll mín áhugamál? Allir fundirnir sem ég hef mætt á varðandi málið? Ekki duttu þau dauð við það eitt að ég náði ekki kjöri (og við hin). Alls ekki! Vegna þess að það átti að fara í gang hugmyndavinna stjórnarskrárfélagsins þar sem okkar hugmyndir og tillögur varðandi stjórnarskrármál átti að ræða um og leggja fyrir kjörinna fulltrúa. Þar átti enn mikil viðbótarvinna að fara í gang.

Nú lifum við öll í óvissu um framhaldið. Því miður.

Þetta er með ólíkindum allt saman og stjórnvöldum á Íslandi til mikilla vansa!

En hvað veit-ég?

 

Stjórnlagaþingskosning ógild

Framboðsúttekt mín

Jæja þá er nú þessi barátta búin og best að fara að snúa sér aðeins að Jólunum og fleiru.

Ég vil byrja með að þakka öllum þeim sem kusu mig í kosningunum kærlega fyrir stuðninginn!

Ég veit að ég fékk stuðning frá fólki í íþróttaheiminum, skákheiminum, fólk sem ég þekki sem á leið um Mjóddina og fullt af fólki sem ég þekki sem ég er viss um að kaus mig í fyrstu sætin (eins og það fólk sagði). 

Þetta var fyrir mér óvönum manninum svolítið sérstök kosningabarátta. Ég ákvað í byrjun að reyna að stressa mig ekki í baráttunni og taka hlutunum létt.

Ég fékk yfirleitt mjög jákvæð viðbrögð hjá fólki sem ég þekki og kannast við! Nema frá einum aðila sem sagðist EKKI ætla að kjósa mig. En sá aðili hafði engan skilning út á hvað málin gengu.

4 myndbönd, 1 útvarpsviðtal, allt þetta án þess að hafa komið nokkurn tímann fram í sjónvarpi eða útvarpi.

3 framboðssíður og tvær opinberar kynningarsíður á netinu og 1 jakki (aðallega til smá gríns vegna sjónvarpsauglýsinga nokkurra frambjóðenda og til að muna og minnistengja fyrir framtíðina). 

Ég ákvað að nota mér sérstöðu eins og hægt væri til að vekja athygli á mér. Eins og tildæmis að vera með sérstakt myndband úr lýðveldisgarði Íslands, uppi á tjaldi í kynningu frambjóðenda hjá stjórnarskrárfélaginu í stað þess að stíga í ræðupúlt óvanur maðurinn.

Ég var mjög duglegur að mæta á fundi og viða að mér efni sem ég mun geyma hjá mér fyrir framtíðina.

Samt komu fyrir nokkur óvænt og sérstök atvik. Ég get því ekki miður sagt á þessu stigi nákvæmlega hvað gerðist. Vil ég þar nefna atvik sem komu fyrir utan og eftir fund þegar að ég var á fundi stjórnarskrárfélagsins þegar að þeir voru haldnir úti á Granda, atvik sem gerðist þegar að ég var á fundi Bótar í Salnum Kópavogi og síðan eitt sérstakt atvik á fundi stjórnarskrárfélagsins í sal FIH. Öll þessi atvik tengjast saman á vissan hátt.............Aðeins þeir aðilar sem komu þar að vita út á hvað þetta gekk.

Síðan var það gangan og kertatendrunin í Lýðveldisgarðinum á föstudeginum fyrir kosningarnar. Mjög sérstakt hvernig það varð til. 

En, allt saman mjög áhugavert og ég mun svo sannarlega ekki hættur í þessum málefni þó ég taki mér frí þangað til Í Janúar. 

Góðar stundir.

 

Koma svo!!!!!

Ég skora á fólk að mæta á kjörstað á morgun. Þessi kosning skiptir rosalega miklu máli fyrir framtíðarkynslóðir þjóðarinnar.

Ég ætla að leyfa mér að fullyrða að þessi kosning muni verða eftirminnanleg í huga fólks í framtíðinni. Sem byrjunin á breytingum!

Ég ætla að fullyrða einnig að kjörnir fulltrúar, stjórnlagaþingmenn muni ná að efla lýðræðið á Íslandi og búa Ísland undir þá framtíð sem við viljum hafa.

Ég trúi því að stjórnlagaþingið muni ná að skilgreina ný lög stjórnarskrárinnar þannig að í framtíðinni verði farið eftir þeim.
Sérstaklega lög um mannréttindi!

 

Ég treysti á það að löggjafarvaldinu og framkvæmdavaldinu verði sett sérstakar skorður og sett viðurlög ef kjörnir fulltrúar þjóðarinnnar brjóti af sér. Viðurlög frá fólkinu sjálfu!

 

 

Rúmlega 10 þúsund búin að kjósa

Virðist vera brot á réttindum

Þeir sem eru ekki blindir og sjónskertir geta fyllt út gerfi-kjörseðil og mætt með hann á kjöstað til að setja það val yfir á þann rétta. Ekki eru þeir með neinn eftirlistsmann yfir sér þegar að verið er að kjósa á kjörstað.

Blindir og sjónskertir þurfa mögulega aðstoð heimavið til að fylla út gerfikjörseðil og síðan væri það sjálfsagt að þeir hafi með sér sinn aðstoðarmann á kjörstað þegar að þeir færa yfir á milli á raunverlega löglega kjörseðilinn. 

En eftirlitsmann kjörstjórna finnst mér fráleitt hægt að skylda þá til að hafa með sér í kjörklefann. Sérstaklega að þeir hafa ekkert leyfi til að sjá hvað hefur verið kosið og sett á löglega kjörseðilinn.

Eins og ég sé þetta virðist þetta vera brot á mannréttindum blindra og sjónskerta. Sjálfsagt að kæra þetta ef það stenst ekki lög!

 

 

 

Blindir ósáttir við eftirlit

SPÉKI stjórnsýslusérfræðingsins

FORSÍÐA AFKOMUVALD  ÁHERZLUR  ÆTTIR  BARÁTTUMÁL  KYNNING  UM MIG

=====================

Hér fyrir ofan er beintenging á framboðssíðu mína
_______________________________________

 Er orðið stjórnsýslusérfræðingsins eitt lengsta orð á Íslandi? Kannski með þeim lengstu?

"Það eru fáar bækur skugga sínum eins vaxin og stjórnarskráin"

SPÉKI= Nýyrði sem skellir saman speki og spé, i.e.

SPÉKI

Guðni Karl Harðarson kennari í stjórnsýsluspéki.

Af framboði mínu: nýtt myndband

FORSÍÐA AFKOMUVALD  ÁHERZLUR  ÆTTIR  BARÁTTUMÁL  KYNNING  UM MIG

=====================

Hér fyrir ofan er beintenging á framboðssíðu mína
_______________________________________

 

Hér er nýtt myndband sem var tekið upp  hjá stjórnarskrárfélaginu. Ég vil þakka  Þórði Grétarsyni og Guðmundi Ragnari Guðmundssyni hjá stjórnarskrárfélaginu fyrir framkvæmd upptökunnar.

Þetta myndband er unnið með kastara og lesið fyrir hljóðnema í ræðupúlti.