Færsluflokkur: Tónlist

Íslendingar vaknið!

Ertu ekki meðvitaður um þjóðfélagið kæri kjósandi?
Ertu ekki þátttakandi í afkomu þinni?
Er ekki frumskilyrði að allir á Íslandi fái að njóta réttinda og afkomu?
Er ekki frumskilyrði að fólk fá notið lífs síns án þess að vera skuldaþræll í gegnum allt líf sitt?

Hvað með íslenska kjósendur? Væri ekki einmitt tækifærið núna? Því ef ekki núna þá er allt eins líklegt að það verði aldrei!

Til að losa burt og breyta flokkakerfinu á Íslandi þarf fólk að koma saman og velja nýjar leiðir!

Það er alveg augljóst í mínum huga að það þarf að endurreisa þjóðfélagið frá grunni.

Skynsemin segir þetta gengur ekki upp!
Skynsemin segir alveg eins og þú sem velur eitthvert eitt framboð þá mun staðan alltaf vera sú að stór hluti fólks mun alltaf vera útundan.

Tökum dæmi:
Hér talað um stærstu flokkana því eins og staðan er núna þá virðist ekki verða mynduð stjórn nema með samsteypu tveggja eða þriggja flokka.

1. Ef Samfylkingin kemst aftur til valda þá mun esb ferlinu haldið áfram andstætt meirihluta þjóðarinnar. Því meirihlutinn vill augljóslega ekki þarna inn.

Áfram mun þessi flokkur hugsa fyrst og fremst að bjargar bönkum og fjármagni í stað þess að setja almenning í fyrsta sæti.

*>Þarna skiptist fólk í fylkingar með og á móti. Ísland áfram í hugarkreppu andstæðna.
Þarna mun sá flokkur halda í ofurvald sitt án þess að starfsháttum þingsins verði breytt. Áfram munum við sjá heiftarlegar deilur fram og til baka. Þjóðin kemst lítið áfram og litlar breytingar fyrir fólkið til betri vegar.

2. Ef Sjálfstæðisflokkurinn kemst til valda þá mun litlu sem engu verða breytt. Þeir sem hafa fengið að fjárfesta fá að fjárfesta áfram. Sami leikurinn verður í gildi þar sem nokkrir einstaklingar nota peningana sem við almenningur í landinu vinnum til með erfiði okkar. Áfram mun fjármálavaldið ráða í landinu og áfram munu sumir þessir einstaklingar undir vernd spila með peninga fólksins. Áfram mun þessi spilaborg hrynja og sama ruglið tekur við að reisa þjóðina út úr öllum vanda.

*>Þarna skiptist fólk í fylkingar með og á móti. Ísland áfram í hugarkreppu andstæðna.
Þarna mun sá flokkur halda í ofurvald sitt án þess að starfsháttum þingsins verði breytt. Áfram munum við sjá heiftarlegar deilur fram og til baka. Þjóðin kemst lítið áfram og litlar breytingar fyrir fólkið til betri vegar.

Allt þetta rifrildi þar sem enginn kemst áfram með neitt.
Hver höndin upp á móti annarri og enginn vill kannast við neitt eða læra neitt. Því stríðið stendur líka á milli andstæðra fylkinga almennings. Eins og augljóslega er sjáanlegt hér á facebook og á bloggum daglega.

Íslendingar vaknið. Komum okkur saman um að sameiginlega aðstæður til að reisa þjóðina okkar þannig að flest allir geti notið þess á sanngjarnan hátt. Búum til nýtt þjóðfélag á grundvelli mannkærleika, réttlæti og virðingu.

Ef við stöndum saman þá stendur ekkert gegn okkur!

Vaknið! Það er alveg sama hverjir munu stjórna! Áttið ykkur á að báðir stærustu flokkarnir standa fyrst og fremst með fjármagninu í stað fólksins. Og næstu fjögur árin yrðu þá farin fyrir súg og við vöknum enn og aftur upp við vondan draum. Enn verri draum.

So to recap, when a leader loses legitimacy, they cannot generate political power if the people are politically aware.

Áskorun á Ríkistjórn - Video

Gott fólk.

Í dag eru 50 dagar þangað til að þjóðin á að kjósa um stjórnarskrárspurningar í þjóðaratkvæðagreiðslu.

Það er mikilvægt að þeir sem eru andstæðir inngöngu í ESB mæti í kjörklefann og segi þvert NEI við spurningu 1.

Í 111. grein tillagna stjórnlagaráðs, - Framsal Ríkisvalds stendur:

>Heimilt er að gera þjóðréttarsamninga sem fela í sér framsal ríkisvalds til alþjóðlegra stofnana sem Ísland á aðild að í þágu friðar og efnahagssamvinnu. Framsal ríkisvalds skal ávallt vera afturkræft.

Með lögum skal afmarka nánar í hverju framsal ríkisvalds samkvæmt þjóðréttarsamningi felst.


Samþykki Alþingi fullgildingu samnings sem felur í sér framsal ríkisvalds skal ákvörðunin borin undir þjóðaratkvæði til samþykktar eða synjunar. Niðurstaða slíkrar þjóðaratkvæðagreiðslu er bindandi.<



Ef þjóðin mætir í kjörklefann þann 20. október og setur X NEI við spurningu 1, er sjálfhætt í viðræðum við esb og helsta mál Ríkistjórnarinnar fallið um sjálft sig.
Og í sjálfu sér sjálfsögð krafa að ríkistjórnin segði af sér í framhaldinu.

Þetta Video er það fyrsta af nokkrum sem ég mun setja inn á næstunni.





Er ekki hægt að vera með á netinu?

tada, tada, tadatadatada, tadaaa, tada búmm, tada Smile
mbl.is Einstök hljómhviða í Laugardalnum
Tilkynna um óviðeigandi tengingu við frétt

Það þarf að losna við ríkistjórn sem heldur þjóðinni í gíslingu!

Það er svo margt sem þarf að ÞORA að gera. Jú, mest aðkallandi er að losna við verðtrygginguna og finna alvöru lausn á skuldavanda heimilana. Það þarf að taka tillit til þeirra sem eru að vinna í alvöru við að finna lausnir og hafa komið með þær eftir að hafa vandlega unnið slíkar tillögur með margra mánaða vinnu að úrlausnum. Það þarf að segja sig fyllilega fús til að vinna með því fólki að sameiginlegri lausn.

Það þarf að vinna fyrir framtíðina!

En það er bara alls ekki nóg! Því það er svo margt annað sem þarf  að gera líka. Það þarf tildæmis að breyta þinginu þannig að ekki komi upp þessar aðstæður sem hafa verið að koma upp þar hvað eftir annað. Það þarf að koma í veg fyrir að þingmenn séu að vasast í hvort að þeir sjálfir fari fyrir dóm. Það þarf að finna leið til að setja í lög hverjir dæmi hvort að þingmenn (ráðherrar) hafi brotið af sér og hverjir hafi ábyrgð á hlutum. 

Það þarf að kenna stjórnvöldum að takast við þeirri ábyrgð sem þeir EIGA að takast við því trausti sem fólk gerir með að kjósa það til valda!

Það þarf að losa um ofurvald þingsins sem hefur svo augljóslega komið í ljós að þingmenn standi ekki undir. Það þarf líka að þora að breyta fjármálakerfinu og gera það samfélagslegt. 

Það þarf líka að setja tryggingu fyrir því að fólk lendi ekki síðan í sömu aðstæðum aftur. Það þarf líka að breyta kerfinu þannig að fólk lendi ekki alltaf í fátækt. Og að aðgerðir ríkistjórnar lendi ekki alltaf á þeim sem minnst hafa launin. 

 

Síðan þarf þjóðin sjálf að gera sér ljóst að við björgum ekki neinu í framtíðinni nema að vinna að framgangi þjóðarinnar í heild með sköpun verðmæta með krafti okkar sjálfra og framlegð. 

Ísland á svo mörg tækifæri að setja í gang verkefni í fæðuöflun fyrir framtíðina. Það er það sem við verðum að fókusa á til framtíðinnar vegna þess að flestar þjóðir heims eiga í þessum vanda að geta framleitt nóga fæðu til að brauðfæða þjóðinar. Til þess eigum við Íslendingar sjálfir mikil tækifæri. Miklu fleiri en margir hverjir aðrir.

 


mbl.is Vantar stjórn sem skilur vandann
Tilkynna um óviðeigandi tengingu við frétt

Hans áttaviti er skakkur

Menn eiga að vera dæmdir af verkum sínum.

Hinsvegar velti ég því fyrir mér hvort ekki eigi þarna að vera fleiri úr fyrrverandi ríkistjórn. Jafnt Samfylkingu og Sjálfstæðisflokki. Það virðist dálítið hanga á því hverjir ráða í þjóðfélaginu sem eru kærðir. Ég velti því fyrir mér hver staðan væri ef Sjálfstæðisflokkurinn væri ráðandi í ríkstjórn í stað þeirra sem nú er?

„Við sitjum í örfoka auðn hálfsannleika og upphrópana,“ sagði biskup. Hann gerði skrif fólks á netinu og blogg að umfjöllunarefni og sagði að sumir teldu að það að hrópa og blogga væri það sama og að hugsa.

Margir fengju mikla athygli út á ýmiskonar gífuryrði. Hann sagði að blogg væri eins og eintal, ýmsar upphrópanir kæmu þar í stað samtalsins og samviskan sljóvgaðist.

Hefur Biskup einhverjan rétt til þess að alhæfa svona? 

Í það fyrsta þarf að hugsa áður en bloggað er. Það eru mjög fáir sem henda einhverjum fullyrðingum og gífuryrðum fram á bloggi. Langflestir bloggarar skrifa vandaðar og góðar greinar sem vekja mikla athygli og fær fólk til umhugsunar. Á blogginu fara fram skoðanaskipti sem geta haft mikil áhrif á þjóðfélagið. Bloggari er þannig nokkurskonar heimavinnandi frétta og skoðunarmiðill. Alveg sama þó sé verið að skrifa um mannfólk, hvort það sem er starfandi eða hefur starfað í opinberu embætti.

Stjórnmálamenn hvaðan sem þeir koma eiga geta tekið ábyrgð á gerðum sínum! Þetta segir allt um stjórnkerfið á Íslandi að ekki megi kæra þá. Á ég þá alveg við úr hvaða flokki þeir koma. Tek ekki neitt einn mann þar út úr!

Biskup á ekki að tjá sig svona um einstök atriði eins og þetta. Og óneitanlega velltir maður sér fyrir því hver sé hvatinn að baki orðum hans.

 

 

 


Ó, eru þeir tilbúnir?

Það segir hvergi í þesari frétt hvenær þessi vantrausttillaga verði lögð fram. Sagði hann það? Vænlegra væri að klára frumvarp um persónukjör áður en þetta verður gert.

Flokksvaldið á Íslandi er ekki að átta sig á hversu mikil gjá er á milli þings og þjóðar. Sífellt fleiri munu ekki mæta til að kjósa. Við þurfum alvöru breytingar! Ekki endalaust sama ruglið!

 


mbl.is Tillaga um vantraust lögð fram
Tilkynna um óviðeigandi tengingu við frétt

Haltir leiða blinda

Hugmynd fyrir stjórnlagaráðs fulltrúa

Lýður eða aðrir fulltrúar ef lesa:

Hvernig væri að kjósa ykkur eða velja sérstaka fulltrúa almennings sem leituðust eftir því að fá fram hugmyndir hjá fólki út um allt land um hvað eigi að vera í stjórnarskrá?

Ég er þá að tala um að fara öfugu leiðina við það sem er að almenningur og fólk innan stjórnarskrárfélagsins komi með hugmyndir til ykkar. Að leita sérstaklega eftir hugmyndum frá almenningi!

úr þingsályktun:

Fundir ráðsins verði opnir.

Um skipulag og starfshætti stjórnlagaráðs fer að öðru leyti eftir starfsreglum sem stjórnlagaráð setur sér.

 Ég skora á stjórnlagaráð að setja sér sérstaka starfshætti sem tengja almenning um allt Ísland við gerð Stjórnarskrá Íslands! Það væri vel hægt. Ekkert í starfsreglum sem segir að þeir megi það ekki.

 

Aðeins um tilurð stjórnlagráðs, ábending til alþingismanna:

Eftir því sem mér sýnist þarf almenningur að fá að kjósa beint (áður) um útkomu á vinnu stjórnlagaráðs, áður en að alþingi fái svokallað frumvarp þeirra að nýrri stjórnarskrá til umfjöllunar. Þar að segja kjósa um stjórnarskrána frákomnri af stjórnlagaráði! Öðruvísi verður gerð nýrrar stjórnarskrár ekki lögleg!

Ég tel að stjórnlagaráð hafi ekki leyfi til að koma fram með frumvarp til laga! En það er ekki þeim að kenna heldur alþingi. Það er meðal annars vegna þess að almenningur kaus ekki í stjórnlagaráðið.

Mér er spurn! Hvernig getur stjórnlagaráð komið með frumvarp til laga? En það er það sem stjórnlagaráðið á að gera. Mér sýnist að frumvarpagerð stjórnlagaráðs stríði gegn sjálfri stjórnarskránni. Þarf ekki að setja sérstök lög til þess að aðrir en *.þing geti borið fram frumvörp til laga? (úr stjórnarskrá: Stjórnlagaráð skili tillögum sínum til Alþingis í formi frumvarps til stjórnarskipunarlaga fyrir lok júní 2011).

úr stjórnarskrá Íslands:

97/1995, 16. gr. 79. gr. Tillögur, hvort sem eru til breytinga eða viðauka á stjórnarskrá þessari, má bera upp bæði á reglulegu Alþingi og auka-Alþingi. Nái tillagan samþykki ... 1) skal rjúfa Alþingi þá þegar og stofna til almennra kosninga af nýju. Samþykki [Alþingi]1) ályktunina óbreytta, skal hún staðfest af forseta lýðveldisins, og er hún þá gild stjórnskipunarlög. Nú samþykkir Alþingi breytingu á kirkjuskipun ríkisins samkvæmt 62. gr., og skal þá leggja það mál undir atkvæði allra kosningarbærra manna í landinu til samþykktar eða synjunar, og skal atkvæðagreiðslan vera leynileg. 1)L. 56/1991, 27. gr.

Það er orðana munur á því að það megi koma með tillögur eða leggja fram frumvarp til laga! Þarf ekki að vera skýrt um það skorið hverjir mega leggja fram frumvarp? Er það ekki annars í dag bara alþingi sem má koma með frumvarp til laga?

 úr stjórnarskrá Íslands:

2. gr. Alþingi og forseti Íslands fara saman með löggjafarvaldið. Forseti og önnur stjórnarvöld samkvæmt stjórnarskrá þessari og öðrum landslögum fara með framkvæmdarvaldið. Dómendur fara með dómsvaldið.

Er þá ekki sjálfgefið samkvæmt þessu að aðeins þeirra sem getið er í stjórnarskránni megi og eigi að vinna frumvarpið?

Er það ekki sjálfgefið að með kosningu til stjórnlagaráðs af þjóðinni var alþingi að veita þjóðinni leyfi að kjörnir stjórnlagaþingmenn (umboðsmenn) megi fara yfir stjórnarskrá Íslands og koma með frumvarp til laga, til að bera undir alþingi? 

Hefur stjórnlagaráð (ókosið) sama leyfi?

Segir það ekki að sjálfu sér að almenningur fái að kjósa beint um útkomu stjórnlagaráðs áður en alþingi fær hana?

 


mbl.is Eru hugsi um stjórnlagaráð
Tilkynna um óviðeigandi tengingu við frétt

Aðventutónleikar

Ég vil nota hér tækifærið að auglýsa Aðventutónleika

Valskórsins og Karlakórs Fóstbræðra

í Kapellunni að Hlíðarenda í kvöld klukkan 20.00

 

dagskrá:

1. Valskórinn syngur nokkur Jóla og Hátíðarlög.

2. Hugvekja.

3. Karlakórinn Fóstbræður syngur nokkur lög.

Valskórinn er magnaður kór undir stjórn Báru Grímsdóttur. Ég sjálfur er þar einn af Tenórum.

 


Nýtt Lýðveldi með nýrri stjórnarskrá!

Það er alveg á hreinu að þetta frumvarp er algjört rugl!

Fyrir það fyrsta er það samsuða minnihlutaflokkastjórnar sem hefur unnið að málinu í mjög stuttan tíma.  Þar á meðal eru inni í þessu atriði sem eru að þingmanna eigin geðþótta!

Athugið sem detta hér inn og lesa:

Það er búin að vera mikil vinna hjá hópi fólks um hvernig stjórnlagaþing á að vera. Bæði á Internetinu og á fundum í Borgartúninu. Þar kom að Lýðveldisbytingin og fleiri hópar. Síðan gerist það að viss hópur vill láta á það reyna hvort þessu máli megi koma í gegn á alþingi. Það er aðeins slíkur hópur sem repesenterar fólkið sem má koma að þessu máli ef hann kemur manni inn. En aðeins með því að búa til algjörlega nýtt frumvarp og síðan vísa málinu strax í nefnd fólksins í landinu! Frumvarpið sem slíkt á eingöngu að taka til þess hverjir byrja á (hvaða fólk) að ákveða hvað verður rætt á Stjórnlagaþingi! Þannig þarf ný (hreyfing hver sem væri!) aðeins að undirbúa kosningar inn á undirbúningsnefndina! Það væri eina sem taka ætti á í frumvarpinu og það strax þegar að ný stjórn yrði mynduð!

Það er hinsvegar mjög ólíkegt að nýr hópur eða hreyfing geti komið að þessu máli inni á alþingi! Til þess þyrfti hann að vinna að þessu máli með öðrum flokkum.  Þeir fengju ekki að vinna einir að þessu máli.

Sem segir eingöngu eitt! Það er aðeins fólkið sjálft sem getur undirbúið Stjórnlagaþingið og hvað á að ræða þar! 

>Í áliti meirihluta sérnefndarinnar segir, að í reynd sé þinginu þó ætlað að semja frumvarp að nýrri stjórnarskrá og endurskoðun stjórnarskrárinnar sé einungis liður í því starfi. Samkvæmt tillögu nefndar meirihlutans á að bera frumvarp um stjórnskipunarlög, sem stjórnlagaþing samþykkir, undir þjóðaratkvæði.

Eins og ég hef sagt m.a. í síðustu bloggfærslu minni! Stjórnmálaflokkar eiga ekki að koma að endurskoðun stjórnarskrár. Þessvegna er svo mikilvægt að stöðva þetta frumvarp með öllum ráðum eins fljótt og hægt er!

Athugið! Þjóðin ræðir lífróðri meðan að þetta frumvarp er í gangi! Mál sem er svo algjörlega mikilvægt að ef stjórnmálamenn koma einhverstaðar að gerð nýrrar stjórnarskrár mun fólkið í landinu aldrei geta verið fyllilega ánægt með útkomuna! Nýtt Lýðveldi með aðkomu stjórnarflokka er glatað mál.

 Ég hef vandlega skoðað þetta mál fram og aftur. Endurskoðun stjórnarskrárinnar þýðir aðeins eitt!

Ný stjórnarskrá þýðir í reynd að endurgera þarf Lýðveldi Íslands.

 

Það er mjög sennilega ekki rökrétt að búa til nýja stjórnarskrá án þess að setja af stað nýtt Lýðveldi. Afhverju? Vegna þess meðal annars að það þurfi að endurvinna núverandi stjórnarskrá það segir að hún sé gölluð! Yfirstéttin setti í gang Lýðveldi með gallaðri (danskri) stjórnarskrá. Það að þurfa að laga hana segir allt.......

Endurgera þarf stjórnarskrána með nýju Lýðveldi!

Það er megin orsökin fyrir því að fólkið í landinu á sjálft að sjá um þetta ekki stjórnmálamenn!

Guð forði okkur frá að búa til nýtt Lýðveldi með aðkomu stjórnmálamanna!

Það er almenningur, fólkið í landinu sem á að taka þetta að sér!

Gott fólk stöðvum þetta með öllum ráðum!

 

Ég vil bæta við!:  Gleymum ekki að það eru stjórnmálamenn sem eru þjónar fólksins en ekki öfugt. 


mbl.is Umræða um stjórnarskipunarlög hafin
Tilkynna um óviðeigandi tengingu við frétt

Hvernig er hægt að lesa í þetta að verðbólga sé að lækka?

>Vísitala neysluverðs miðuð við verðlag í mars 2009 lækkaði um 0,59% frá fyrra mánuði.

0,59 % segi og skrifa? Rosaleg lækkun?

>Síðastliðna tólf mánuði hefur vísitala neysluverðs hækkað um 15,2%.

Deilum þessari tölu með 12! Hver er útkoman?: 1,266xxxx% hækkun á mánuði.  Þegar að lækkun neysluverðs p.r. mánuð fer upp fyrir hækkunina á 12 mánuðum (0,59% fer upp fyrir 1,266% pr. mán) væri raunverulega hægt að segja að búið væri að ná tökum á verðbólgunni.

Reiknið nú hvenær er búið að ná þessu 15,2% til baka!

En rökrétt má segja að þessi tala 0,59% muni lækka frekar á næstu mánuðum. Tildæmis í Apríl verði þessi tala 0,38%. Í Mai 0,21. Þegar að verði er búið að síga niður að núlli fari það hækkandi aftur. Þannig mætti ætla að það yrði hækkun á Vísitölu neysluverðs í Júní eða fyrr og fara svo stígandi aftur. 

Varðandi Bensínverð þá er það mjög rokkandi og fer auðvitað eftir heimsmarkaðsverði.

Þetta er hinsvegar mat leikmanns sem hefur þó einhverja þekkingu á hlutabréfa-vísitölum en hefur ekki aflaðsér þekkingu á þessum útreikningi. Hinsvegar er mjög einfalt að sjá að upplýsingar og uppsetningin hér fyrir ofan í fréttinni er ekki mjög nákvæmlega sett fram........

 

 


mbl.is Talsvert dregur úr verðbólgu
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband