Kynningarmyndband á framboði mínu

Í gær skellti ég mér niður í Lýðveldisgarð Íslands að Hverfisgötu 23 (1994) með frændum mínum til að taka upp einfalt kynningarmyndband fyrir framboð mitt til stjórnlagaþingsins.

Notuð var einföld og nett upptökuvél (JVC Everio GZ-MS110) sem tekur upp í MOD skrár. Síðan var myndbandið kóðað í fullkomnari videoskrá og sett inn á YouTube.

 

Hér er fyrst mynd af mér tekin í garðinum upp við Þingvallasteininn:

 

 

 

 

 

 

 

Hér er svo myndbandið sem var tekið upp, tilbúið og sett inn á vefinn. Ath. að hljóðið er dálítið járnað vegna þess að það eru engin sérstök gæði á hljóðinu og ekki hefur gefist tími til að breyta því. 

 

 

Tabula Rasa Islandus?

Blank slate, clean slate, re-start, hvaða nöfnum sem skal nefna það. Er ekki kominn tími til að Ísland endursetji sig og byrji upp á nýtt? Á nýjum grunni?

Er ekki kominn tími til að treysta á almenningi þessa lands til að byggja upp sanngjarnt þjóðfélag þar sem allur almenningur fái sama rétt til samfélagsins?

En hvar skal byrja? Eigum við að treysta alþingi fyrir þeirri sömu vinnu sem alþingi hefur verið ætlað í gegnum árin síðan að  lýðveldið var stofnað? Er það sem við sjáum fyrir okkur að lítið þurfi að breyta fyrirkomulagi alþingis til þess að vinnu og verklag þeirra alþingismanna verði öðruvísi? Er það raunhæft? Losa og gera litlar breytingar um flokksvaldið og þingræðið? Eða er aðeins nóg að  losa framkvæmdavaldið frá löggjafarvaldinu til að allt verði gott? Hvernig verður þá með lýðræðið? Fáum við aukið lýðræði við það?

Eigum við að láta nægja að setja inn nýjar reglur inn í stjórnarskrána, eins og að setja lög til varnar að það sama geti komið fyrir aftur varðandi fjármálageirann? Eigum við að láta nægja að gera eins smávægilegar breytingar á stjórnarskránni eins og hægt er? 

Hvað með stjórnmálamenn og flokka? Eigum við að láta það óáreitt þegar að stjórnarskráin verður tekin fyrir? Er einhver sem vill taka það að sér að aðgreina vandann? Eða er búið að vera að því undanfarna mánuði en hvergi sé heildstæð mynd af myglunni í stjórnkerfinu og hvað þarf að laga?

Hvað með framkvæmdavaldið? Hvað eigum við að gera við það? Hvernig eigum við að breyta því?

Hvað með forsetann? Hverju eigum við að breyta þar?

Allt eru þetta spurningar sem tilheyra spurninga um aukið lýðræði. Hvaða leiðir við getum beitt til þess að ná auknu lýðræði. 

Það er alveg ljóst að Ísland á að gera sína eigin stjórnarskrá en ekki á að þurfa að halda í gamla og úrelta danska skrá sem gerir okkur lítið gagn og lítið farið eftir. 

Er ekki kominn tími til fyrir Ísland að búa til eitthvað algjörlega nýtt fyrir framtíðarkynslóðirnar? Eitthvað sem eykur lýðræði stórlega og opnar fyrir þátttöku landsmanna í ákvarðanatöku að réttindum þeirra? Því það er ekkert raunverulegt lýðræði á Íslandi, heldur fjölskyldu og flokksræði.

Nú á að fara að endurgera stjórnarskrá Íslands. Kjósa á þingfulltrúa á stjórnlagaþing sem á að standa í tvo mánuði (en getur farið fram á að hafa fjóra með frumvarpi til laga). 

Getur öll sú vandasama vinna sem á að framkvæma á stjórnlagaþinginu nást að klárast á tveimur til fjórum mánuðum? Það er augljóst að hugsandi fólk geti séð að slíkt verði einfaldlega ekki hægt! Það þurfi miklu lengri tíma.

Þessvegna legg ég það til ef hægt verður að kosnir stjórnlagaþingmenn fari einungis fram á þann tíma sem þeir þurfa til að klára verkið! Ekki tvo, ekki fjóra heldur að þegar ljóst er hversu langt öll vinnan er komin eftir fyrstu tvo mánuðina þá fari stjórnlagaþingmenn fram á aukinn tíma samkvæmt því. 

Við verðum að átta okkur á því að þó það standi í lögunum að stjórnlagaþingið geti farið fram á tvo viðbótarmánuði (úr tveim í fjóra) og það eigi að klára með sérstöku frumvarpi, þá væri einfaldlega hægt að setja fram breytingartillögur á því frumvarpi með tilliti til þeirra verka sem eftir yrðu. Stjórnlagaþingi kæmi þannig inn með sérstaka greinargerð um hvaða tiltekin mál þurfi að fara betur yfir (og tímann til þess) til að ná að klára þau. Og óskaði síðan eftir þeim tíma sem þeir þyrftu til þess.

Ég ætla að biðja ykkur að skoða vandlega og lesa í þessi orð!:

Stjórnlagaþingið fer fram á þann tíma sem þarf til þess að klára verkið.

 

 

 

 

 

******************************************************

 _____-----_____-----_____-----_____

http://gudnikarl.wordpress.com

_____-----_____-----_____-----_____

 

******************************************************

Apasamfélagið

Var þessi flokkur ekki einn sá sem var valdandi hruninu? Hefði ekki verið heiðarlegt af þeim að taka þátt vegna þessa?

Það er algjört ábyrgðarleysi að taka ekki þátt í þessum fundum. Auðvitað hefðu allir flokkar að koma að þessum samráðsfundum á jöfnum grundvelli. Þetta sýnir bara að völdin skiptir meira máli en sá almenningur sem á í erfiðleikum!

 

 

 

 

Ástandið á alþingi er svona svipað eins og í Apasamfélagi þar sem hver og einn foringi hópa ver svæði sitt og ef einhver ryðst inn fyrir þá er mætt með kjafti og klóm. Algjör pissukeppni þar sem hver bendir á annan með gjörsamlega óábyrgum athugasemdum!

Þetta sýnir (sem og aðrir atburðir á þingi undanfarna mánuða) enn betur að þjóðin þarf að taka sig til og breyta fyrirkomulaginu á alþingi verulega!

Alþingi íslendinga er algjörlega rúið öllu trausti fólks.

Að stjórn og stjórnarandstaða geti ekki unnið saman fyrir almenning í landinu á neyðarstund er algjörlega til háborinnar skammar og sýnir valdahroka.

 

 

 

 

_____-----_____-----_____-----

http://gudnikarl.wordpress.com

_____-----_____-----_____-----

 

 

Fráleit umræða um samráðsfund

Hvað gengur á í huga hans?

Er hann að sjúga puttann á sér

Orðinn þreyttur kallinn á öllu jaskinu? Hvað ætli hann sé að dreyma? 

Fagra veröld og fiska í sjó,

fjölbeytni handa mönnum hjá,

nóg því handa öllum þá,

þjóðartekjur með atvinnu sjá

Eða er þetta bara hreint og tómt puttasog með tómum huga?

 

Dottaði á borgarafundi

Blekkingar!

Ég trúi tæplega orði sem kemur frá þessu liði. Þetta er gert til að slá ryki í augu fólks og dreyfa málum á langinn.

Ég hlýt að spyrja mig og bera saman þær kröfur sem koma frá AGS við þær aðgerðir sem segist ætla að vinna að. Sérstaklega með tillit til fréttar sem kom á sama tíma og verið var að mótmæla í fyrradag um að ríkistjórnin ætli ekkert að gera til aðstoðar heimilunum.

Nú er spurningin! Hvort vegur sterkara AGS eða almenningur á Íslandi sem á í erfiðleikum?????

*Kaupleiguréttur? Hvað á að gera við skuldina sjálfa sem hvílir á íbúðunum? Ég spyr því lánin eru hjá mörgum komin langt umfram kaupgetu inni í framfærslunni. 

Hver verður mánaðarleg kaupleiga af íbúð sem skuld er í kringum 40.000.000 eða meira? Mun fólk ráða við kaupleigu ef ekkert er fellt niður?

Það fyrsta sem þarf að gera er að stöðva algjörlega útburð!

Eitt dæmi um hvað liðið þarna á þingi er sundrað og hver fyrir sig. Það var að stjórnarandstaðan gat ekki komið í alvöru að með stjórninni að málum. Athugið að það sama hefði gerst ef Samfylkingin og VG hefðu verið í stjórnarandstöðu!

Hinsvegar hefðu allir flokkar átt að taka sig til í þessu máli og það hefði ekkert neitt sérstaklega átt að koma frá forsætisráðherra.

 

Kaupleigurétt á eignir við lokasölu

Ef gefa á því gaum hvernig á að ráða.............

Þeir sem hafa heimsótt bloggið mitt hafa sé nokkrar breytingar á færslum mínum undanfarna tvo mánuði. Meðal annars hef ég verið að breyta blogghaus myndinni með hliðsjón af því sem ég hef nokkuð mikið verið að skrifa um. Þó ég hafi við og við komið með smá færslur varðandi það sem er að gerast úti í þjóðfélaginu.

Ég held að það sé nokkuð ljóst að ég sé farinn að snúa mér að stjórnarskrármálum. Ég er á fullu í að fara yfir gömlu stjórnarskrána og gera mína eigin þar sem ég set inn mínar skoðanir.

Það er alveg ljóst eftir á það sem undan er gengið að það þarf að gera gangskör í því að endurgskipuleggja stjórnmálakerfið á Íslandi. Það þarf að tryggja að almenningur geti haft miklu meiri áhrif á hvernig réttindum til þeirra er stjórnað. Það þarf líka að fá almenning til að taka miklu meiri þátt í ákvörðunartöku stjórnmálanna.

Ég er að fara að bjóða mig fram til stjórnlagaþingsins og mun bjóða fram starfskrafta mína þar inni af einurð og vanda til verka, nái ég kosningu.

Hugur minn snýst mikið um hvernig það mætti tryggja almenningi stóraukinnar aðkomu að ákvarðanatöku. En það eru til leiðir að því marki!

Til að mynda hef ég mikinn áhuga á að sett verði sérstök lögbók á bakvið sjálfa stjórnarskrána. Að öll lög, með fáum undantekningum fari þar inn og séu sérstaklega tekin fyrir aftur og aftur árlega á sérstakri tímasetningu. Þó ný lög geti líka orðið til í þeim kafla. Með slíku fyrirkomulagi væri hægt að raða aðkomu að lögunum skipulega, því þá væri úr sögunni að framkvæmdavaldið kæmu með lagafrumvörp á alþingi eftir þeirra hentugleikum. Lögin yrðu til eftir skipulögðu kerfi.

Þannig gætu líka hinir ýmsu hópar eins og aldraðir, öryrkjar og fleiri undirbúið fyrir það á að fara að taka fyrir lögin þeirra. Tildæmis mætt inn á svokallaðan "almannaróm" þar sem þessir hópar geta borið þeirra málefni undir kosna almannaþingmenn (5). Málin verði rædd, kláruð og undirbúin fyrir endurgerð lagana. Tekið þannig tillit til hópana í lagagerðinni.

Ég hef mikið hugsað um hvernig þetta væri hægt. Tildæmis verið svo róttækur að vilja taka löggjafarvaldið af alþingi og færa á lögbókina sjálfa, en þá með svokallaða temprun dómsvaldsins sem sæi um ágreiningsmál og hefði með lagavaldið (ég vil ekki kalla það vald) að gera. Þegar að fólk hugsar um þessi mál þá er það alltaf að tala um vald. Í mínum huga þarf þess ekki því hægt væri í reynd að segja að lögbókin sjálf hafi áhrif á hvaða lög séu tekin fyrir, tildæmis með tímasetningunni. Hinsvegar gæti dómsvaldið komið þarna að eftir þörfum.

Ég er á þeirri skoðun að stjórnlagaþingið eigi alltaf að vera starfandi sem umsjón á skiptingu valdsins og ritunar þess niður í þar til gerðar bækur. Taka mál fyrir, undirbúa þau og stýra leið þeirra. 

Ég hef mikið hugsað um hvernig þetta allt saman væri framkvæmanlegt. Við það áttaði ég mig á að það er miklu auðveldara að koma slíku breyttu kerfi fyrir ef Íslandi yrði skipt niður í 5 svæði. Þar að segja, þá gætu svæðisþingmenn rætt lög sem tilheyra þeirra heimasvæði og dómsvaldið tekið við þeim tilbúnum. Hvert þessara 5 landsvæða hefði sína eigin lögbók (þar sem lögum þeirra svæðis væri raðað eftir tímasetningu eins og nefnt var hér að ofan). En síðan væri ein aðal ríkistjórn þar sem tekin væru fyrir málefni sem tilheyrðu öllu landinu jafnt. Þá væri stjórnarskráin með sína eigin föstu (óbreytanlegu kafla) yfir og fyrir allt landið en lög framkvæmdavaldsins sett á lögbók yfir allt landið með dómsvaldinu en stjórnlagaþingmenn hefðu umsjón með.

Eitt er í viðbót sem er algjört prinsipp mál að þarf að vera en það er að hópar geti komið beint að gerð fjárlaga! Tildæmis verkalýðshreyfingin, öryrkjar og aldraðir. Þessir hópar gætu undirbúið sig samkvæmt því.

Eins og ég skrifaði þá er ég að fara í framboð til stjórnlagaþings og náði meðmælendunum á innan við sólarhring.

 

 

Hrunaþunginn mikli

Ætli að það sé ekki frekar þúsundir fólks sem er að missa vinnu sína í hinu ýmsu atvinnuvegum út um allt land!

Ég veit um fólk sem er búið að missa vinnu og ég veit líka um fólk sem missir vinnu sína um áramótin.

Hvað ætli það séu síðan margir aðrir sem vita um fólk sem er að missa vinnuna?

Ný störf eru miklu færri en þau störf sem tapast.

Þessi ríkistjórn hefur akkúrat engin tök á atvinnusköpun í landinu!

 

Hin sönnu hrunfjárlög

Áfram mótmæli!

Ég styð svo sannarlega undir þessi mótmæli. Það er kominn tími til að losna við þetta lið þarna á þingi! Við erum gjörsamlega búin að fá yfir okkur nóg.

Verst að komast ekki vegna mikilla anna í minni vinnu! Ef ég væri laus þá væri ég svo sannarlega þarna. Er með ykkur í anda!

Á vinnustað mínum er fólk að tala um þetta alþingismannalið og það á ekki til orð yfir ruglið sem fer fram á þingi!

Berjumst fyrir bættum kjörum.  

ÞAÐ ER KOMIÐ

 

NÓG!!!!!

 

AF RUGLINU !!!!!

Hávær mótmæli við þinghúsið

Rökin fyrir hugmyndum mínum

Fjórði kafli um mínar hugmyndir varðandi nýja stjórnarskrá.

Gaumi er notaður sem ímyndaður spyrill minn. Er það tilraun til að hafa efnið á mannamáli.

Gaumi>Nú komstu dálítið í gær inn á útskýringar. Ertu til í það í dag að koma með helstu rök þín varðandi hugmyndir þínar að stjórnarskrá.

Já, en fyrst þarf ég að setja hér upp hugmyndina á sem einfaldastan máta.

1. Stjórnarskrá sem er með frekar fasta og óbreytanlega forkafla, en með fleiri forkalfa en áður.

2. Undirliðir sem er Lögbók þar sem flest öll lög koma inná (undanskilin væru fjárlögin sem fengju umræðu með þátttöku þeirra sem fjárlögin snúast um, sjá lið nr. 10).

3. Öll þau lög röðuð eftir gerð lagana inn á hvern kafla.

4. Öll lög unnin á hverju ári eftir sérstakri tímasetningu.

5. Hverjum lögum fyrir sig úthlutuð sérstakur tími til að vinna í. 

6. Umsjónarmenn stjórnarskrár og lagabókar yrðu stjórnlagaþingmenn.

7. Alþingi vinnur lög þessarar lögbókar og skilar þeim síðan fullunnum til baka.

8. Löggjafarvaldið kæmi frá lögbókinni með sérstakri útfærslu um hvernig væri hagað. En stjórnlagaþingmenn hefðu umsjón með valdinu (og lögbókinni).

9. Almenningur gæti komið inn á (almannaróm) til umræðna um mál, kysu sér sína almannaþingmenn (tala þeirra á bilinu 1 til 5) til að taka við hugmyndum þeirra, vega þær og meta. Almenningur fær að kjósa um þær, úrlausn kosningar taka síðan almannaþingmenn og færa stjórnlagaþinginu til umfjöllunar og þannig fá þau tækifæri að vera rædd þegar að lög eru tekin fyrir (hóp á tímasetningunni).

10. Eitt er í hugmyndum mínum sem mér finnst nauðsynlegt að fá meiri nálgun í. Það er að hópar þjóðfélagsins kæmu að gerð fjárlaga. Nefna mætti að ASI gæti komið þar að, öryrkjar og aldraðir, osfrv. 

*****

8. Framkvæmdavalið fer ekki inn á löggjafarvaldið til að búa til lög. Heldur sækist það inn á lögbókina.

9. Alþingi býr aðeins til lög fyrir lögbókina eftir tímasetningu lagana og skilar fullbúnum til baka.

Læt þetta nægja í bili um útá hvað þessar hugmyndir mínar.

Gaumi>Flott, ertu þá að fara að koma með helstu rökin.

Já. Svona þau helstu þó þau séu fleiri.

HELSTU RÖK FYRIR HUGMYNDUM MÍNUM

1. Öll lög væru skipulega unnin eftir ákveðnu tímakerfi.

2. Hópar fá fasta umfjöllun á lög. Eitt það helsta góða við hugmyndir mínar er að hver lög sem koma úr kafla lögbókar fá þannig fasta umfjöllun eftir tímaferlinu. Hugsið ykkur tildæmis:

Öryrkjar fengju sérstaka lagaumfjöllun á ákveðnum tíma.

Aldraðir fengju sérstaka lagaumfjöllun (lög tekin fyrir) á ákveðnum tíma.

Lög um auðlindir fengju sérstaka umfjöllun á ákveðnum tíma (tíminn settur með fasta yfirfærslu laga (lög tekin fyrir) á hverju ári fyrir sig (mætti kannski hugsa sér hverju þingi).

Og svo framvegis............. Þetta gefur miklu meiri nálgun á málefni hópana og miklu meiri og skipulegri að lög séu tekin fyrir á sérstökum tíma árlega. Ekkert framkvæmdavald sem hefði yfirráð um hvenær lög væru tekin (frumvörp) fyrir eftir þeirra hentugleikum.

3. Miklu meiri hlutverkatenging inn í þjóðfélagið vegna þess að verið er að fjalla um lög skipulega.

4. Miklu meiri áhrif almennings á þjóðmálin vegna stóraukinnar þátttöku í lagagerðinni. Hópar gætu þannig tekið bein tillit til þess að það eigi að ræða lögin og undirbúið sig samkvæmt því.

5. Fjárlögin rædd skipulega með beinni þátttöku þeirra sem lögin eiga að fjalla um. Ákvarðanataka fjárlaga væri því tekið tillit á hópana vegna þess að þeir væru þátttakendur.

6. Framkvæmdavaldið væri ekki að vasast í lögbókina og kæmi alls ekki með nein frumvarp fyrir alþingi (búa til dæmi þar sem það væri helst ekki hægt).

7. Á alþingi væri ekki lengur neitt yfirvald (þó framkvæmdavaldið væri þar ekki lengur) heldur væri valdið fært á stjórnarskrána.

8. Umsjónarmenn sem væru stjórnlagaþingmenn sæju um ýmis verkefni eins og að taka lögin þegar að tímasetning er komin á og færa alþingi til þess að fara yfir. Og fengju lögin svo til baka kláruð.

9. Mörg þessara 137 kláruðu frumvarpa á síðasta þingi snerust um ýmis mál hér og þar úti á landi. Ef landinu yrði skipt niður væri vel hægt að hver landshluti hefði sér sín lög að fara yfir (svæðisþing) og aðal stjórnlagaþing um lögin sem snúast frekar um landið allt beint.

 10. Valdinu væri algjörlega þrískipt og fengi hvert vald fyrir sig dálítið aðhald (eftir þörfum).

Fleiri atriði gætu komið upp í hugann eða ég munað eftir en ég læt þetta duga hér núna.

Gaumi>Þakka þér fyrir. 

Þakka fyrir að fá að útskýra og færa einhver smá rök fyrir hugmyndum mínum. Vona að allir hafi skilið rökin.

Frekari útskýringar á löggjafarvaldinu í stjórnarskrána

Þriðji (sem er milli leikþáttur) leikþáttur um hugmyndir mínar varðandi löggjafarvaldið á stjórnarskrána.

Gaumi er ímyndaður spyrill minn.

Gaumi>Guðni? Ertu til í að reyna að útskýra hugmyndir þínar fyrir þeim sem ekki skilja þær?

Að sjálfsögðu! Bent hefur verið tildæmis á að það sé framkvæmdavaldið sem komi með langflest frumvörpin á þingið og það séu venjulega þau aðeins sem séu samþykkt. Þingmenn eru þannig að vinna frumvörp sem ríkistjórn ákveður (bendi á að ríkistjórn er mynduð af yfirvaldi frá flokkum). Auðvitað vissi ég þetta. En það eru alltaf þingmenn sem ræða þau áður en þau verða til. Ég vil með hugmyndum losa framkvæmdavaldið frá alþingi. Þar að segja, alþingi sjá aðeins um búa til þau lög sem þeir eru fengnir til að búa til. Ekki af framkvæmdavaldinu, heldur af stjórnarskránni sjálfri með umsjón stjórnlagaþingsins.

Gaumi>Er það nóg að taka framkvæmdavaldið burt? Hverjir fá þá að vinna lögin? Hvað á ríkistjórn að gera? 

Nei! Það er alls ekki nóg að taka framkvæmdavaldið út úr alþingi. Hluti þess vanda fellst meðal annars af því að lögin hafa þurft sérstaka útfærslu inn í framkvæmdavaldið. Þessi lagatenging verður ekki bara tekin burt. Ýmislegt væri hægt að nefna. En tildæmis er efst í huga mér þetta þingræði flokka sem mun alltaf standa eftir, sem og þetta framkvæmdaræði inn á ríkistjórnarvaldinu (framkvæmdavaldinu). Ekki er nóg að aðskilja valdstigin til að allt verði gott. En framkvæmdaræðið er algjört og á því getur ríkistjórn hagað sér eins og hún vill. 

Ég vil nefna það að blekkingar verða jafnt til þá að framkvæmdavaldið verið losað út úr löggjafarvaldinu. Almenningur fær sjaldan að vita hinn sanna raunveruleika. 

Þetta er einfalt í huga mér. Flokkar hafa vald inni á þinginu. Þetta vald verður til misnotkunar. Ekki bara vegna þess að ríkistjórn komi með frumvörp á þingið. Það er misskilningur. Heldur vegna þess að í gangi er endalaust karp og wealing og dealing inni á þinginu á milli flokka.  Hvort sem þau eru hluti af ríkistjórn eða ekki.  Ef löggjafarvald  heldur áfram með þeirri einni breytingu að taka út framkvæmdavaldið þá verður alltaf til sérstakt þingræði sem byggist á sama valdi sem er í ríkistjórn. Ekki væri nóg að kjósa á þinginu um yfirstjórnunina því að tilhneigingin verðu sú að þeir flokkar sem ráða á þinginu verða þeir sömu og eru í ríkistjórn. Ég ætla að vona að þið sjáið möguleikana fyrir ríkistjórn að vinna með þeim sem stjórna þinginu!

Straumar og stefnur koma frá flokkunum. Sumir vilja þetta og aðrir vilja hitt. Það er aldrei nein trygging fyrir því að mál (lagafrumvörp) séu kláruð af sanngirni sem allir þegnar landsins njóti góðs af. Það er vegna þess að flokkar get ná fram vilja sínum í krafti meirhluta þvert á vilja þjóðarinnar. Þó ég hafi þannig kosið mér flokk til að stjórna þá er engin trygging fyrir því að hann mun koma með mál sem mér nýtast og öðrum. Frekar er líklegt að það sé eftir hentistefnu. Þessi hentistefna losast ekki við það að framkvæmdavaldið fari bar úr löggjafarvaldinu (og eða öfugt). Síðan gera þeir allt til að halda í valdið sem hafa valdið. Þar að segja, þeir sem ráða vilja ráða. Alveg jafnt inni á löggjafarvaldinu sem og inni á framkvæmdavaldinu.

Sem segir að losa sundur framkvæmdavaldið frá löggjafarvaldinu gerir lítið annað en að frumvörp séu ekki borin upp af ríkistjórn. En áttið ykkur á því að þegar að fræmkvæmdavaldið losnar frá löggjafarvaldinu (eða öfugt) þá nær ríkisstjórn að hafa meiri völd en áður. Vegna þess að það hefur ekki verið alslæmt að alþingismenn hafi aðhald á frumvörp með því að ræða frumvörp ríkistjórnar (tildæmis það eru fleiri sem ræða málin).

Ég vona að þetta nægi til að útskýra málin.

Gaumi>Hvernig er með það? Hefur almenningur getað haft einhver áhrif á frumvörp og komið með tillögur að breytingum?

Já, stundum hafa tillögur almennings verið rædd í nefndum eins og alsherjarnefnd og jafnvel verið tekið tillit til þeirra. En gerist það oft? Nei. Og þá frekar að litlu leiti og stundum bara smáatriði innan heildar einhvers lagafrumvarps. Með mínum hugmyndum getur almenningur haft miklu meiri áhrif á lögin vegna nálægð við þau til hliðar við stjórnlagaþingið (sem almannaþing inni á svokölluðum almannarómi (og stjórnarskrána).

Gaumi>Er það sem þú leggur til að löggjafarvaldið verði tekið af alþingi? 

Já! Og sett á stjórnarskrána, því þá verður þingmönnum gefnir raunverulegir möguleikar að búa til lög í friði eftir lagafrumvörpum sem koma úr hlutlausri átt eftir sérstakri forskrift með umsjón frekar en að ríkistjórn gerið það að sínum hentileika.

Gaumi>Eins og þú útskýrir stjórnarskrána þá séu öll lög sett á hana sem lögbók? Er það ekki rétt skilið hjá mér?

Jú. Sem sérstakir forkaflar sem eru nefndir eftir eðli lagana og hafa til þess gildi. Síðan eru lögin röðuð niður á kaflana.

Sjá má hvernig hún skiptist niður í þessari færslu:

http://hreinn23.blog.is/blog/hreinn23/entry/1099932/

Gaumi>Ef stjórnlagaþingið hefur umsjón með stjórnarskránni (lögbókinni) geta þá ekki stjórnlagaþingmenn breytt henni eftir eigin vild og hentugleika? Hvernig er hægt að koma í veg fyrir það?

Jú. Ef einhver nennir að skoða þetta þá sést að lögin eru sett sem tímasetning (þau eru tekin fyrir á ákveðnum tíma). Það væri eitt af fleiri atriðum til að passa upp á að einhverjir umsjónarmenn geti ekki breytt lögunum eftir eigin hentugleika. 

Síðan má búa til sérstakan einn aðila af umsjónarmönnunum sem hefur umsjón með lögunum sem á að fara yfir til endurskoðunar. Yfirumsjónarmaður hvers kafla stjórnarskránar fyrir sig.

Einnig spilar inn í þetta hið svokallaða opna lýðræði. Margir aðilar passa upp á lögin og passa þannig upp á hvora aðra. 

Umfjöllun (undirbúningur) um lögin rétt fyrir þess tíma sem á að fara yfir þau gefur líka aðhald þar á.

En fleira getur komið þarna að.

Það er velkomið að koma með spurningar fyrir þá sem skilja ekki alveg það sem ég hef verið að nefna í þessum hugmyndum.