Já eða nei?

Ég er nú bara ekki alveg sammála henni Rögnu þarna, nema að hluta.

Maðurinn hefur þurft að bíða í 2 ár í kerfinu eftir að fá að vita hvort hann fengi hæli og síðan fengið neitun. Þegar hún er að tala þá gleymist henni að minnast á þennan ofurtíma sem þetta tók fyrir manninn.

Málið er að ef svona mál fæst endurupptekið ætti skjólstæðingurinn (hælisleitandinn hver sem hann er) að eiga rétt á hraðafgreiðslu vegna þess hversu mál hans var lengi að bíða í kerfinu í fyrra skiptið.

Ég skil að sumu leiti örþrifaráð mannsins og ég get ekki séð að Ragna sé að tala fyrir munn hinna sem sýni minni aðgangshörku. Þvert á móti get ég skilið vel að þeir sem bíða gætu vel skilið afstöðu mannsins og þessi aðgerð hans gæti haft góðar afleiðingar á þann veg að svona mál verði fyrr tekið upp í kerfinu og svipaðar aðstæður kæmu ekki aftur upp. Hinir sem bíða (eða í framtíðinni eiga eftir að bíða) hljóta að hugsa hvernig þetta verði fyrir sig eftir svona dæmi......

Hinsvegar er tímasetning hans kannski ekki alveg rétt. Ef hann þurfti endilega að gera þetta þá hefði verið hagstæðast fyrir hann að gera það eftir að lögfræðingurinn hans hefði skilað af sér. Til að gera tilraun til að hraða endanlegri úrlausn.

Það að frestur lögfræðings mannsins sé ekki runninn út þíðir ekki að Dómsmálaráðuneitið hafi ekki í sýnum höndum fyrri gögn í málinu. Heldur aðeins það að lögfræðingurinn á eftir að enduryfirfara mál mannsins og skila af sér. Vinna sem hann getur hæglega verið búinn að klára en þarf ekki að skila af sér fyrr en að nákvæm ákvörðun um hvenær á að taka mál mannsins fyrir aftur hjá Dómsmálaráðuneitinu.

 Þó ég sé alls ekki fylgjandi svona aðgerðum og myndi sjálfur aldrei framkvæma svona þá hef ég vissa samúð með manninum.

 

Látum ekki undan þrýstingi

Áríðandi tilkynning!

Í gærmorgun hringdi í mig Þór Saari hagfræðingur og frambjóðandi Borgarahreyfingarinnar. Sagðist hann hafa verið beðinn að tjá mér að hreyfingin óskaði eftir að ég yrði ekki frambjóðandi fyrir þau. Þetta muni hafa verið ákveðið á stjórnarfundi hjá hreyfingunni. Ástæðan sem hann gaf fyrir þessu var sú að ég væri ekki sammála stefnumálum hreyfingarinnar.

Í því sambandi vil ég taka það sérstaklega fram að allir sem komu inn í Borgarahreyfinguna þegar að hún varð til höfðu samhljóða samþykkt öll stefnumál hennar með að rétta upp hendur. Því er hægt að sjá hvort þessi fullyrðing sé rétt!  Inn í Borgarahreyfinguna kom fólk með mismunandi skoðanir um hin ýmsu mál en sættust á stefnumál hennar. Helstu mál sem ágreiningur var um voru innganga í ESB og hvort taka ætti upp erlenda mynt, eins og tildæmis evruna.

Þar sem þetta símtal kom mikið flatt upp á mig þá gekk ég í að finna út hina raunverulegu ástæðu þessarar ákvörðunar. Í fyrstunni ætlaði kosningastjóri hreyfingarinnar að finna átyllu fyrir að geta sagt mér að ég mætti ekki lengur vera með. Var sú átylla sem hann fann að ég hefði skrifað bréf hér á bloggið mitt um minnkun verðbólgu. Bréf sem ég gat þess að  eingöngu að mér finndist 0,59% lækkun vvísitölu neysluverðst vera lítil miðað við hækkunar hennar síðustu mánuða. Ég komst síðan að sú átylla hans hélt ekki vatni. Síðan fékk ég svarbréf frá einum einstaklingi í stjórn Borgarahreyfingarinnar þar sem sú manneskja tjáði mér að mér hefði verið sagt upp sem frambjóðanda vegna þess að ég vildi vera í fyrsta sæti í Reykjavík suður. Mér var nú þegar farið að gruna þetta enda var einhver kergja í stjórninni að ég ætlaði að leyfa mér að bjóða mig fram í 1 til 3 sæti (ekki bara 1 sæti!). Hélt auðvitað að ég mætti þetta og vera þá með fleirum í þessum sætum.

Í því sambandi skal þess sérstaklega getið að ákveðið var á stjórnarfundi að allir þeir sem vildu vera frambjóðendur mættu velja sér þau sæti sem þeir vildu! Síðan ætti að varpa hlutkesti ef fleiri en einn völdu sig í 1sta sætðið og svo framvegis 2, 3, 4.... Þetta ætti að vera hreyfing fyrir fólkið í landinu. Helst allir sem vildu mættu vera með og velja sér sæti.

En því miður var þessum ákvörðunum stjórnar varpað strax fyrir róða. Það var ekki sjálft fólkið, almenningur í landinu sem átti að velja fyrstu sætin! Heldur var gripið til þess ráðs að hafa samband við einstaklinga sem voru á einhvern hátt vinsælir. Sem á einhvern hátt gætu veitt atkvæði. Ef farið er yfir efstu frambjóðendur hreyfingarinnar í kjördæmunum má sjá hvað ég er að tala um. Með einni undantekningu þó! Nýjasti og mest þekkti einstaklingurinn sem varð frambjóðandi kom mjög vel fram við mig frá fyrsta til hins síðasta. Góður náungi sem hefur því miður á undanförnum árum lent í röngum flokki. Ég er samt alls ekki að segja að þekktu frambjóðendurnir hafi komið eittkvað illa fram við mig. Þetta gekk frekar út á stjórnameðlimi sem líka voru sjálfir frambjóðendur.

Skoðun mín: Þar sem þetta framboð átti að vera hreyfing en ekki flokkur hefði fyrirkomulagið átt að vera þannig að enginn frambjóðandi ætti að vera í stjórninni.

Ástæðan fyrir því að ég valdi að bjóða mig fram svona ofarlega var sú að ég taldi mig geta komið inn mjög sterklega inn í hreyfinguna og unnið í henni með góð mál. Auðvitað ætlaði ég mér inn á Alþingi en til að starfa þar að góðum málum! Ég ætlaði jafnvel að koma á breytingum á það sem hefur viðgengist undanfarin ár niður á þingi.

Þegar að ég byrjaði að mæta á fundi inn í hópum fólks sem höfðu orðið til við allan óróann og síðan búsáhaldabyltinguna, kom ég mjög sterklega inn með áhugamál og stefnumál mín. Mér hætti stundum til að taka frammí fyrir fólki og að vera stundum pínu æstur. En ég hef alltaf verið ákveðinn og trúr þeim málum sem ég staðfastlega tel vera rétt fyrir Ísland. Ég bauð mig fram í stjórninni og fékka að vera varamaður (án atkvæðisréttar). Sem varamaður mátti ég mæta á alla fundi og koma með skoðanir og athugasemdir. Alltaf á fundum þegar að ég var að reyna að komast að til að tala varð það stundum að það þurfti að taka í frammí fyrir öðru fólki. Það voru samt svo margir sem vildu alltaf tala að erfitt var að komast  að.  Alltaf þegar að mér varð þetta á þá kom athugasemd um það. En þegar að öðrum varð þetta á þá var ekkert sagt. Mörgum hætti til að tala í einu.

Síðan gerist það á síðari tíma stjórnarfundum að mér var bolað út úr stjórninni. Var það sagt að það væri vegna þess að ég stuðaði fólk. Búin var til ný regla í stjórninni að varamenn mættu ekki sitja fundi nema að vera kallaðir til. Allt til þess að ég fengi ekki að setja stjórnarfundi vegna þess að ég væri að stuða fólk.  Ég hafði líka skráð mig í áróðurshóp. En það gerðist að sá áróðurshópur fékk ekkert að starfa, heldur var fengið fólk úr einhverjum stofum til að sjá um áróðurinn. Þannig myndaðist kergja og óánægja.

Ég kom inn í þessa hreyfingu mjög sterkur með góð mál og taldi mig hafa unnið af algjörum heilindum í störfum mínum fyrir hana. Tildæmis vegna þess líka að ég nokkuð lagt að mörkum á þessum óróatíma öllum sem verstum. Svo dæmi séu tekin: 1. Senda bréf á ensku til blaða erlendis. 2. Skrifast á við fólk á alþjóðlegri Politics forum. Senda Herði Torfa bréf sem ég stakk upp á við hann að fá fólk til að mæta niður á alþingi með búsáhöld og allt það sem gerði nógu mikinn hávaða (ath. það gætu fleiri hafa komið með þessa hugmynd!, ég veit ekki um það). Skrifa Forseta bréf til að biðja um að almenningur mætti kjósa fólk í kjörklefanum, það deginum áður en Jóhanna mætti til Forseta að mynda stjórn. Og ýmislegt fleira. Allt um þetta má skoða á bloggi mínu í hinum ýmsu færslum.

Ég legg til að fólk skoði dálítið vel um mig hér á blogginu mínu.

Ég yfirgef nú þessa hreyfingu með vissum söknuði því í minni einlægni hélt ég að ég fengi að vinna að góðum málum þar. Það eru mjög sérstakar ástæður sem ég get ekki komið inná hér fyrir ástæðu minni í hreyfingunni. Fjórir meðlimir hreyfingarinnar fengu að vita þessar ástæður í algjörum trúnaði. Ég ætla nú að vona að þau haldi þann trúnað við mig. En allt sem ég sagði þeim frá var sannleikur. Því miður virðist svo vera að ég eigi ekki að vinna að málum hér í þessari hreyfingu. Ég hef allan hátt unnið mín störf af heiðarleika og hreinskilni. 

Að lokum vil ég koma inn á stefnumál hreyfingarinnar pínulítið. 

Flest þeirra eru mjög sterk og góð! Þar á meðal hef ég verið mjög hrifinn af útfærslunni að fólkið í landinu eigi að mynda sér sína eigin stjórnarskrá. Einnig er hugmyndin um Stjórnlagaþing mjög góð.

Það er þetta með að afnema 5% regluna sem ég er ekki alveg nógu sáttur við. Ef á að afnema 5% regluna hvernig má þá koma í veg fyrir að algjörir rugl flokkar komist inn á alþingi? Flokkar sem hafa þar ekkert að gera. Smáflokkar sem munu ekki geta náð saman framboði nema í 1 til 2 kjördæmum. Ath. ég á ekki hér við Borgarahreyfinguna sem hefur unnið að grunni í sínum stefnumálum í marga mánuði.

 Síðan er þetta með að mínu mati vantar útfærslu á Hátekjuskattinum. Hversu hár han eigi að vera í prósentum.

Að lokum er síðasta stefnumál hreyfingarinnar að segja sér upp þegar að hreyfingin hefur náð markmiðum sínum. Það er mín skoðun að þetta stefnumál hafi ekki verið nógu vel útfært! Hvernig getur hreyfingin sagt sér upp án þess að bregðast kjósendum sínum? Síðan, hvernig er það viðlíðandi að segja sér upp á miðju kjörtímabili ef helstu stefnumál eins og Stjórnlagaþing o.s.f.r.v. hafa náðst í gegn? Segjum að hreyfingin nái inn 2-3 mönnum og upp komi sú staða að til að geta myndað stjórn í landinu þurfi hreyfingin að koma að stjórninni. Ætlar þá hreyfingin að hætta á miðju kjörtímabili, þar að segja ef hún hefur náð sínum málum fram? Kostar það ekki stjórnarslit?

Síðan er hin staðan. Ef hreyfingin fær 2-3 menn í minnihluta en ber sín mál fram á alþingi og fær þau í gegn eftir ca. 2 ár. Hvernig getur hreyfingin hætt og veikt með því minnihlutann?

*****

 Ég vil að lokum þakka lesendum Bloggsins míns sem komu inn á síðu mína þegar og á meðan að ég var að setja í gang framboðsmálin.....

Að öllu meðtöldu finnst mér að það sem hafi á gengið á vera að stjórnarmeðlimir hafi ekki komið fram við mig af fullum heiðarleika. 

Góðar stundir.

 

 

 

 

 

 

 

 

Borgarafundur um persónukjör & kosningalög

Iðnó fimmtudagskvöldið 26. febrúar kl. 20:00

Ríkisstjórnin lofaði persónukjöri og breytingum á kosningalögum. Er það mögulegt? Samstaða –bandalag grasrótarhópa boðar til almenns borgarafundar til að fá úr því skorið.
Ræður: Þorkell Helgason - útbjó núverandi kosningalög
Ómar Ragnarsson - talsmaður persónukjörs & breytinga á kosningalögum
Fundarstjóri: Magnús  Björn Ólafsson - ritstjóri
Formenn flokkana hafa verið boðaðir  á fundinn til að fá afdráttalaus svör varðandi þessi mál. Hvaða flokkar ætla að verða við kröfum almennings um persónukjör? Mikilvægt er að almenningur fái skýr svör nú þegar. Nú er tækifæri fyrir almenning að fá svör við spurningum sínum.

Sýnum samstöðu og mætum öll

Varúð!!!!! Gott fólk ekki falla á glansmyndina

Fyrsta stig kosningabaráttu frambjóðenda flokkana er hafið.  Að láta sjá sig út um allt.

 

Nú förum við að byrja að sjá andlitin af pólitíkusunum í sjónvarpi eins og ýmsum þáttum. Nú ætla þeir að fara að sýna á sér sparihliðina fyrir kjósendurnar. Gott dæmi að þeir séu í startholunum!

Svo dæmi sé tekið: Ég hef séð hann Geir, Össur, Ögmund og fleiri leika góða kallinn.....

Varúð! Kosningarnar eru að fara í gang! Við eigum eftir að sjá fleiri glansmyndir á næstunni! Við eigum eftir að sjá pólitíkusana koma fram á ýmsum stöðum til að reyna að sýna á sér sparihliðarnar.

Gott fólk ekki falla á glansmyndina! 

Og hvenær á þetta svo að byrja? Eftir þrjú ár?

Auðvitað ætti að stofna til pólitískra hreinsana. Það þarf að hreinsa til í öllu þessu liði og það eins strax og hægt er. Ekki bara einkavini hans Kjartans heldur í öllum flokkum og alla hvort sem þeir eru á þingi eða úti í fjármálafóla-geiranum.

Guð hvað sjálfsstæðismenn eiga annars í tilvistarkreppu. Öllu heiðvirðu og réttsýnu fólki er farið að vera ljóst að frjálshyggjan og eistaklingshyggjan er í dauðateigjunum. Sem betur fer. Fyrir mér mætti senda allt þetta lið langt út í hafsauga og láta þau fara að vinna til alvöru fyrir sér á eins og tildæmis á Olíuborpalli. Kjartan virðist ekki vita hvað orðið heiðvirður merkir.

Hinsvegar mætti hreinsa til innan hennar eigin flokki og vasapólitíkusum þar eins og hvar annarsstaðar.

Þeir viðsjárverðu tímar sem Kjartan talar um eru að langmestu leiti komnir frá hans eigin flokki frá þeim tíma fyrir meira en 17 árum þegar að þetta allt var búið til. Þau ár sem í framtíðinni verða nefnd þau alverstu í sögu Íslands. Ég sé fyrir mér allar myndirnar í fundarsalnum í Landsbankanum verða skipt út og inn sett í staðinn myndir af alvöru fólki sem hefur streðað baki brotnu við sína vinnu meðan að þessi fól hafa lítið gert annað en að skemma fyrir Íslandi og troðið í sína vasa peningum skattborgarana, ásamt því að skammta sér biðlaunum fyrir hundruðir milljóna. 

Maður líttu í þinn eigin rann.......

Mér finnst þó stundum þessi loforð hennar Jóhönnu og Ríkisstjórnarinnar bera vott þess að gera allt eins og hægt er til að ná fram vinsældum hjá saklausu fólki úti í þjóðfélaginu.  Spurningin er þó ekki bara hreinsanir heldur að ná peningum sem þetta lið hefur sansað að sér til baka og skila út í þjóðfélagið. Hinsvegar veit Jóhanna sama og ekkert um hvernig væri hægt að framkvæma þessa hluti og hvernig. Það væru svo sannarlega til ýmsar leiðir og þær sem Jóhanna og hennar lið veit lítið um!

Allar hennar hugmyndir þurfa að fara í gegnum karp og þras inni á pöllum þingsala dögum saman þangað til að einhverjar ef þó einhverjar lausnir berast út í þjóðfélagið með til þess gerðum lagabálkum. Einhverntímann eftir marga mánuði. 

Að fylgjast með Alþingi þessa dagana er eins og að fylgjast með litlum börnum rífast um hver eigi nú allar föturnar og skóflurnar í sandkassanum. Þau eru í sandkassaleik.

 

Pólitískar hreinsanir og ofsóknir

Áskorun til Bloggara (10) Árangur!

Árangur!

 

Bréf mitt á ensku sem ég (ásamt fleirum) hef undanfarið sent hinum og þessum fréttastofum úti í heimi eins og Reuters, Cnn CNBC og fullt af fréttavefum í Færeyjum, Noregi og Svíþjóð virðist vera að bera einhvern árangur!

 

Auking hefur verið í umfjöllum um Ísland í fréttamiðlum úti í heimi frá því að bankahrunið var.

 

Tilgangurinn með áskoruninni var meðal annars sú að halda blaðamönnum á fréttamiðlum úti í heimi (og öðru fólki á forums) vakandi og meðvirkt um stöðu Íslands. Halda þeim við efnið.  Að halda áfram að fjalla um Ríkisstjórnina og peningamennina sem settu landið í þá stöðu sem það er í.

 

Að lesa í stöðuna með ályktun og athygli! 

 

 Rökrétt er að ætla að Ríkisstjórnin og peningamenn hafi vonað að  aðeins í fyrstunni yrði fjallað eittkvað um það sem gerðist á Íslandi í Október og síðan mundi það smám saman dofna og minnka.

 

 Höldum áfram að gera fréttamenn á erlendum fréttamiðlum vakandi um aðgerðir Ríkisstjórnar! Það má gera með að vekja athygli fréttastofa með því að senda klausur og efni úr íslenskum fréttamiðlum, ásamt því að senda eigin bréf.

 

Það er samt svo að ég vonast eftir (öðrum) og meiri árangri af bréfinu! Vonast að sá árangur berist fljótlega!

 

*****

Lesið grein í Fréttablaðinu bls. 26 mánudaginn 29. desember>

 

Iceland= í djúpum skít

 

 Ísland er að troða sér inn í málvitund erlendra blaðamanna

 

 

*****Bréfið aftur*****

The Icelandic Government is the most unpopular government since the Icelandic democracy started in 1944.

The majority of the Icelandic public is against its government. Each and every week and many times a week, a large group of protestors meet in front of the Icelandic parliament to protest. They are protesting what the government is not going to do and what they are going to do to revive Iceland out of the financial crisis.

We the protesters and protesters on the Blogs want to expose the mistrust in the government by writing to news agents and newspapers and peaceful people around the World. Many times we have demanded the resignation of our government, yet they decline to do so.

Icelandic protesters have not been aggressive through history when feeling a strong need to protest. Our Country is known to be one of the most peaceful nations in the World. Therefore it is doubtful that there will be a revolution in our Country. But still we are at the brink of more aggressiveness against the government and who knows what might happen early next year?

It is safe to assume there would already have been a revolution in some other countries if they were in a similar situation like we are in now.

We Icelanders, the people, a majority which is against its government; call for support from peaceful minded people from around the whole World. 

 

Ég átti fund í andaheimi

Nú ætla ég að segja ykkur frá enn  fleiri undarlegum atburðum:

Jæja. Til að átta sig á hvað ég er að fara er nauðsynlegt að lesa síðasta Blogg mitt hér á blog.is á undan þessari.

Draumur sem ég átti fyrir mörgum árum var með upplifun þessari sem ég skrifa um hér fyrir neðan:

 Svoleiðis er að á þeim tíma þegar að ég brotnaði á fatlaða fótinn í desember árið 2002 og missti hann næstum því, þá vissi ég um það fyrirfram og kom það sterklega upp í minninguna að ég mundi brotna (undan mér rann stigi þegar að ég vann við að skreyta fyrir jólin í verslunarmiðstöð þar sem ég vann).

lesið um mig: hreinn23.wordpress.com/about/

 Málið var að bæði ég gat ekkert gert til að koma í veg fyrir sem átti að gerast (brotna)! Einnig að akkúrat þegar að ég brotnaði þá var ég ekki viðbúinn að það myndi ske akkúrat þá. Ég bara var að lifa og vinna.

 Ég sem sagt brotnaði þennan dag snemma í desember og fór á Borgarspítalann beint í aðgerð. Nú eftir aðgerðina rifjuðust  upp ýmsir atburðir sem ég mundi eftir í draumi. Eftir aðgerð var rúmið og ég sett á ganginn á bæklunardeild fyrst vegna þess að það var ekki pláss laust inni á herbegjum. 

Þarna á ganginum beið ég sérstaklega eftir því að ákveðin kona (sjúklingur á deildinni) kæmi og settist í ákveðið sæti á ganginum. Ég hugsaði með mér (og sá fyrir mér minningu) hvenær ætlar þessi blessuð kona að setjast þarna á ganginn! Svo gerist það eftir 3 daga þá settist þessi kona akkúrat á þennan stað þegar að ég horfði á það! Nákvæmlega eins og í minningunni.

Annað sem ég mundi sterklega er að þarna var maður í einhverri rannsókn og settur í fremsta herbergið í tvær nætur. Mundi sterklega eftir þessum manni. 

Einnig mundi ég eftir því þegar að bæklunarlæknanir tveir sem gerðu aðgerðina á mér voru að ganga stofugang. Ég meina akkúrat fremst á ganginum að byrja stofuganginn. Svona var ýmislegt sem ég mundi eftir þarna.

Ég mátti fara um og hafði dálítið frjálst að fara um ganga á Hjólastól. Ég fer niður á Hjólastólnum á fyrstu hæðina. Þarna háttar svo til að innst á opna svæði hæðarinnar er stór gluggi sem snýr í áttina að litlum einnar hæðar húsum sem eru (voru?) á bakvið spítalann. Ég stoppaði þarna oft og var að hugsa. Mundi eftir því meira að segja mjög vel í minningu. Þarna gat ég verið í friði með hugsanir mínar. Það fór nú nokkuð mikið um hugann þessa daga þarna. Eins og tildæmis spurgði ég þeirrar spurninga: afhverju þurfti ég að ganga í gegnum þetta? afhverju aftur? Ég er að tala um allar þessar sterku endur upplifanir dagana þarna. 

Síðan gerist það eina nóttina að ég er allt í einu staddur (í svefni) í herbergi með fullt af fólki (mér fannst þetta fólk vera frekar einkennilegt og ekki eins og venjulegar manneskjur eru vanar að vera).

Til að fólk sem les þetta geti áttað sig:

Herbergið leit svona út eins og svolítið lengra í annan endann (8m lengd og 5 m breidd). Út við veggina voru stórir bókaskápar frá gólfi til lofts. Síðan var eitt langborð í herberginu sem sneri  langsum og var ca. 5 metra á lengd. Allt fólkið, 9 manns sat við borðið og svo virtist sem einn maður réði og stjórnaði fundinum. Sat hann við endann á borðinu með bakið í gluggann. (viðb.) Ég sat við hliðina á honum á horninu á hans hægri hönd. (viðb end)

 

Mikið var rætt sem ég man ekki hvað var. En samt virtist fundurinn vera m.a. til að svara spurningum mínum. Ég man að ég var mjög óánægður! Ég spurgði afhverju ég þyrfti að lenda í þessum erfiðleikum aftur og aftur. Ég spurgði afhverju ég þyrfti að brotna aftur og aftur. Lifa það sama aftur og aftur (ath. í draumnum).

Maðurinn sem stjórnaði svaraði því til að ég hefði ekki skilað af mér skjalinu. Ég mundi ganga í gegnum þessa atburði aftur og aftur þangað til ég skilaði af mér skjalinu. Ég var sko ekkert sáttur við þetta! Mjög óánægður.

Svo næst vaknaði ég bara. Lá andvaka og hugsaði um þetta fram og til baka. 

Hvaða skjali átti ég eiginlega að skila af mér?

Ég er ekki viss. Kannski átti ég bara að skrifa um þessa undarlegu og raunverulegu andlegu upplifanir í svefni. Kannski að þær eigi að sýna að við raunverulega lifum aftur í andanum? Út um allt? Hver veit.

Eða kannski ég átti ég að klára að skila af mér blessaðri hugmyndafræði minni sem hefur verið að þróast með mér í gegnum lífið? Skjalið sem ég væri að búa til?

Ég veit þetta ekki! En alla vega þá hef ég skilað nokkuð af mér því fyrra og skrifað nokkuð vel um hvað ég hefu upplifað í svefni (þó enn sé ýmislegar upplifanir eftir).

Svo ef það skildi virkilega svo vera að ég ætti að skila af mér þessu blessuðu skjali þá er það að fara að koma hér inn. Ef það er ástæðan! (viðb.) hvernis sem ér hef ég ákveðið að setja amk. fyrripartinn. Það er ekki einu sinni víst að það þiki merkilegt?? (viðb. end).

Það skjal er hugsað sem 1. grunnur  á þrískiptu stjórnarfari 2. boðleið sem ég er hugmynd mín.

Númer 1. fer alveg að koma inn. Sá hluti er að vera tilbúinn og verður settur inn nú í vikunni.

Númer 2. er í þeim farvegi sem yfirförun er.

Nú er fyrir ykkur að fylgjast með! Ath. Það er þeirra sem lesa þetta að vega og meta þetta sem ég skrifa. Þetta eru aðeins hugmyndir sem eru skrifaðar af verkamanni. En þó verkamanni sem hefur ofboðslega mikla lífsreynslu! Ég fer ekki fram á neitt. Lít aðeins svo á að ég þurfi að skila þessu blessuðu skjali af mér.

Hvernig sem þetta verður. Ég vil ekki einu sinni comment um það! En draumurinn var raunverulegur og mjög sterkur.

 Fyrri hlutinn fer að detta inn........

 

Ruglaður þessi fýr eða geðveikur?

Ég er viss um að þeir fáu sem nenna að skoða Bloggið mitt skylji stundum ekki hvað ég er að fara með því sem ég skrifa.

 

Hér er upplifun mín um klukkan 03.40 síðustu nótt: (andlegt)

 Ég  hef undanfarið verið með vöðva verki aftan í hálsi, herðum og upp í haus. Oft syngur í hausnum á mér vegna of stýfra hálsvöðva.

Síðan gerist þetta síðastliðna nótt:

Ég fór frekar seint að sofa enda átti ég ekki að mæta í vinnu fyrr en kl. 14.00. Hvað með það þegar að ég var kominn upp í rúm og að fara að sofa birtist allt í einu eittkvað lítið smá hvítt ljós-frymi (ferkar bjart en lítið) við endan og fyrir ofan rúmið mitt. Þetta stóð aðeins í eina sekúndu. Síðan um 10 secúndum síðar kom aftur hvítt ljósfrymi. Nú stærra en veikari litur og stóð jafn lengi. Svo næst eftir aðrar 10 sekúndur birtist mér miklu stærra ljósbjarmi (frymi? erfitt að lýsa þessu en einhver hlutur var þetta), nú um ferkantað og eins og kannski skáphurð í laginu. Það var eins að þetta sem var þarna væri að gefa sér tíma til að stækka til að eflast í orku en deyfast í ljósi. Þetta síðasta stóð líka stutt nema nú rétt á eftir fann ég eins og mikla orku færast upp eftir likamann minn, enda í herðum og verða þar sterkast. Þessi orka virkaði eins og gæsahúð nema miklu sterkari og öflugri orka. Á eftir leið mér miklu betur og gat sofnað án þess að vera með verki eða syngl í höfðinu (ath. synglið ekki tinnitus).

Mjög merkileg upplifun.

 Einhver sem getur skýrt þetta út?

Á næstunni mun ég koma hér með mjög öfluga endurlífssögu sem kom fyrir mig fyrir nokkrum árum. Endurlífssögu svo öflug að ég held ég megi segja að enginn eða mjög fáir geti sagst hafa upplifað eitthvað svipað! 

Ég skora á þig sem kemur hér inn að segja öðrum frá þessu vegna þess að þessi saga er algjör sprengja og jafnvel dálítil sönnun líka.