Stjórnarskrárklúður aldarinnar? - afhverju er kjósendum mismunað?

Það er alvarlegur ágalli á þeim spurningum sem verða lagðar fyrir kjósendur varðandi nýja stjórnarskrá. Og kjósendum mismunað.

Ekki veit ég ástæður þessa. Hvort hér sé á ferðinni ásetningur eða alvarlegur hugsunargalli þeirra sem bjuggu til spurningarnar.

Hér er fyrsta spurningin sem lögð verður fyrir kjósendur þann 20 október varðandi ráðgefandi þjóðaratkvæðagreiðslu til stjórnskipunarlaga um nýja stjórnarskrá:

1. Vilt þú að tillögur stjórnlagaráðs verði lagðar til grundvallar frumvarpi að nýrri stjórnarskrá?

Já X, ég vil að tillögur stjórnlagaráðs verði lagðar til grundvallar frumvarpi að nýrri stjórnarskrá.

Nei X, ég vil ekki að tillögur stjórnlagaráðs verði lagðar til grundvallar frumvarpi að nýrri stjórnarskrá.

Ef ég samþykki og segi JÁ við spurningunni þá hef ég allan rétt á að svara hinum spurningunum 5 hvort sem er játandi eða neitandi. Þá hef ég skoðun á þessum atriðum öllum og get komið þeim inn, vegna þess að ég er samþykkur.

Ef ég hinsvegar neita og segi NEI við spurningunni þá hef ég ENGAN rétt til að svara hinum 5 spurningunum.

Vegna hvers? Vegna þess að með því að segja NEI þá segir það ákveðið að ég vil ekki að tillögur stjórnlagaráðs verði lagðar til grundvallar að nýrri stjórnarskrá, sem segir!: ég vil ekki þessa stjórnarskrá sem komu frá stjórnlagaráði. Þá get ég ekki haft skoðun á hinum 5 spurningunum eðli síns vegna, vegna þess að ég er þegar búinn að segja NEI.

Spurningarnar hinar 5 falla þá dauðar vegna þess að ég er búinn að segja NEI.

Áhyggjur mínar snúast um þau atriði afhverju kjósendum er mismunað? Afhverju eru þessar spurningar lagðar svona upp? Afhverju getur sá sem svarar fyrstu spurningunni ekki kosið með réttum hætti eins og fengið að tjá sig um önnur atriði sem kjósa á um?

Hver er ábyrgur fyrir svona vinnubrögðum?

_____________________________________________________________

2. Vilt þú að í nýrri stjórnarskrá verði náttúruauðlindir sem ekki eru í einkaeigu lýstar þjóðareign?
Já
Nei
3. Vilt þú að í nýrri stjórnarskrá verði ákvæði um þjóðkirkju á Íslandi?
Já
Nei
4. Vilt þú að í nýrri stjórnarskrá verði persónukjör í kosningum til Alþingis heimilað í meira mæli en nú er?
Já
Nei
5. Vilt þú að í nýrri stjórnarskrá verði ákvæði um að atkvæði kjósenda alls staðar að af landinu vegi jafnt?
Já
Nei

6. Vilt þú að í nýrri stjórnarskrá verði ákvæði um að tiltekið hlutfall kosningarbærra manna geti krafist
þess að mál fari í þjóðaratkvæðagreiðslu?
Já
Nei

Atkvæðagreiðsla utan kjörfundar að hefjast

Vaknaðu vinur!

      Við erum búin að sjá svo augljóslega hvernig þjóðfélagið er síðan að hrunið varð. Við erum búin að sjá spillinguna sem grasserar út um allt. Og allt það slæma sem hefur gengið á. Innan stjórnmálanna sem og utan þeirra. Við erum búin að leggja fram sanngjarnar kröfur og tillögur sem ekki er farið eftir og ekki eru samþykktar.

     Ef eitthvað jákvætt hefur komið út úr síðustu árum er að það hefur hjálpað okkur að sjá hvernig þjóðfélag við viljum ekki.

     Svo vaknaðu vinur. Skoðaðu í eigin huga. Er það þetta sem þú vilt?

Í skjali mínu "Nýi Sáttmáli" tala ég um að við þurfum að taka okkur til og gera Manngildabyltingu saman. Að við þurfum að vinna saman á jákvæðum nótum.

     Í skjali mínu "Mennskaræði" nefni ég hugsanlegar aðstæður þar sem fjölskyldur geti komið saman og tengst átthaga og fjölskylduböndum. Er eitthvað að því að vilja lifa í mannsæmandi þjóðfélagi?

     Nú er þessi tími að koma að við hefjum Ísland upp á annað svið, sem er svið manngilda og mennsku. Vertu þátttakandi í því einlæga og góða sem við sem hugsum á sömu nótum viljum að allt samfélagið njóti saman.

Við þurfum að fara að safnast saman í hópa og segja svo greinilega:

STOPP! HINGAÐ OG EKKI LENGRA

En það þarf að vera nákvæmlega á þeim nótum sem snýr að mannsæmandi þjóðfélagi. Þar sem vonin ríkir, þar sem fólk hugsar á jákvæðum nótum, þar sem fólk tekur sig saman að fara eftir góðum gildum!

Þér er velkomið að taka þátt í því sem við ætlum að búa til saman og vinna á þessum nótum.  Þessir hópar fara að myndast saman með haustinu.

Ákall um stuðning!!!!!

Í Reykjadal var ég þegar að ég var lítill drengur. Þar var alveg yndislegt að skemmtilegt að vera. Í Reykjadal kynntist ég góðu fólki sem sumt ég kannast við enn í dag.

Ég er handviss um að fullt af fólki hefur sömu sögu að segja!

Finnið leið að bjarga Reykjadal! Starfsemin þar má aldrei leggjast niður!

Óvissa um starfið í Reykjadal

Það er þetta með þingið þið vitið?

Stundum er pólitíkin á aþingi eins og svartasta Suðusúkkulaði. Stundum eins og Sýrop  þeim í munni. Stundum líka með megnasta óbragð í munni sem er þeim þó sælgæti. Stundum með miklu og Beisku eftirbragði sem getur enst lengi á eftir............

Stundum koma samningar ekki í ljós út í þjóðfélagið fyrr enn löngu á eftir að þeir eru gerðir. Meira að segja mánuð eða lengur. Og nýir þingmenn lenda inn í lokuðum aðstæðum, sem þeir kannski hafa sjálfir ósjálfrátt sett í gang og kannski ráða ekkert við.

Ætli sumir þingmenn hafi óbragð í munni eftir gærdaginn? Eða þekkja þeir ekki takmörk sín?

Hugsið ykkur hve margir hafa sárt að binda vegna sumra aðgerða þingmanna. Og eiga enn eftir, því miður.

Sumir stjórnmálamenn eru hreyknir af gjörðum sínum. Þeir eru lokaðir inni í eigin skoðanaheimi og sjá ekki heiminn fyrir utan hann.  Þeir þekkja jú ekki takmörk sín og geta ekki hugsað út fyrir rammann.

...................

Svo er það þetta með blessaða sauðina. Sumir sauðirnir velja sér sinn eigin blett að bíta af. Með grágrænt grasið í munninum endalaust stara þeir út í loftið og eru ekki ánægðir nema að hafa nóg að bíta af. Sama hversu blessað grasið er gott eða vont. Þeir þekkja ekki takmörk sín og hafa ekki vit á að kanna hvað er hinum megin á blettinum. Þeir eru lokaðir af og safnað saman eins og öðrum líkar. Meeeeeeeeeeeeee.

Svo eru það hinir sauðinir sem eru alltaf að leita útfyrir eftir bragðbetra og meira grasi. Það eru þeir sem þekkja takmörk sín og hafa vit á að leita út fyrir eftir meira og betra grasi. Því að þekkja takmörk sín eflir þess að vera leitandi út fyrir þau.

Ég veit alveg hvaða flokki sauða ég tilheyri.

 

„Septemberstubburinn“ lagður af

Vargöld eða Manngildi?

• Hvernig framtíð viljið þið?
• Hvernig lífi viljið þið lifa?
• Algjört kaos eða viljið þið hafa manngildi að leiðarljósi?
• Hvað með stjórnsýsluna, hvernig á hún að verða?

 Þorir þú að tjái þig um þín manngildi og eða manngildi annarra?

 

Eftir hrunið varð til sú sjálfsagða krafa að þjóðfélagið allt taki sig til og vinni saman að þeim atriðum sem teljast til manngilda. Á þjóðfundi 2009 kom það líka greinilega fram. 

Horfandi yfir farinn veg síðan þá er ekki að sjá að stjórnvöld hafi beint sjónum sínum sérstaklega að vinna áfram með manngildin. Að vinna áfram með það sem þjóðfundur 2009 valdi sér og þjóðin vildi. Heldur gerðu þau kröfu um að stjórnarskránni yrði breytt við þá greinilegu óreiðu sem fylgdu þeim málum og enn er ekki komið í ljós hvernig endar. 

Er viðeigandi að vinna að stjórnarskrármálum án þess að vera búinn að vinna að manngildunum? Vissulega eru í stjórnarskrá einhver atriði sem snúa að manngildum. Eins og tildæmis er tengjast mannréttindum. Hinsvegar er það svo að ný stjórnarskrá gerir menn ekki frekar heiðarlega eða þeir beri frekar virðingu fyrir sjálfum sér og öðrum. Það eina sem stjórnarskrá í reynd breytir með endurgerð hennar er efni hennar sjálfrar eins og meðhöndlun stjórunar á stjórnsýslunni eins og alþingi tildæmis og mögulegri tengingu við hvernig lýðræðið eigi að funkera.

Í eðli sínu er því stjórnarskrá ekki hreint tjáningarform siðmenntaðs samfélags. Því besta tjáningarformið í siðmenntuðu samfélagi er að vinna að siðmennt saman, góðum gildum.

Því þyrfti að setja í gang sérstakt "Manngildaráð" sem starfar við það að að sjá og kanna þjóðfélagið og stjórnsýsluna með gagnrýnum augum. Eins og tildæmis að ná fram þeim atriðum þar sem vargöld eru að verki og leggja það til við hvernig sú vargöld mætti lagfæra með gildin að leiðarljósi.  Með þeim verkum verður þjófélagið allt miklu mannlegra og siðmenntaðra. Það mætti leggja fram tillögur um hvernig laga mætti og sýna fram á hvernig manngildin virkuðu í staðinn.

Næst: Verkefnalisti hvernig Manngildaráð starfar

Vanvirðingarnar á þinginu!!!!!!

Er ekki komið nóg af vanvirðingunni á þinginu? Og öllu því ógildislæga sem þar fer fram?

Er ekki nauðsynlegt að laga þingið?

Lesið mjög ákveðna bloggfærslu mína um alþingi, þjófundi, gildin og stjórnarskrá. 

Hér eru bornar fram ákveðnar mikilvægar spurningar!

Gildismatnar spurningar

http://hreinn23.blog.is/blog/hreinn23/entry/1243876/

Þingmenn slegnir yfir ummælum

Villandi upplýsingar?

Ég veit ekki til með þessi atvik. En ég veit um tilfelli sem undirskriftasafnari fyrir frambjóðanda hefur sagt fólki að það gæti skrifað undir á fleiri en einn lista. Hélt að þetta færi efti undirskriftasöfnun við kosningar til alþingis sem og þið vitið stjórnlagaþingi.

 Vil ég því beina sjónum að kanna málið ef hægt er af þeim forsendum.

 

Vil nota tækifærið að beina sjónum ykkar á fína bloggrein mína:

Hvað er þetta með Dögun eiginlega? VAKNIÐ!

Kærði undirskriftafölsun

Já hvað er þetta með sannleikann eða lygina?

Í margt ágætu skjali mínu "Nýi Sáttmáli" skrifa ég um hin mannlegu gildi. Þar kemur fram greinilega um að sannleikur tilheyrir heiðarleika.

Dálítið sérstakt að fylgjast með þessu þingi þar sem óvirðingin og óheiðarleikinn gengur um. Tökum tildæmis óvirðinguna sem Vigdís fékk á sig í umræðunum í gærmorgun.

Ætlar þetta lið aldrei að læra?

Hér er linkur á skjalið mitt: Nýi Sáttmáli

Þar sem unnið er að þeim gildum sem þjóðin valdi sér á fyrri þjóðfundi. Hér eru dregnar fram spurningar um Heiðarleika, Virðingu, Kærleika og félagslegt Réttlæti til umhugsunar.

Ég er á þeirri skoðun að vinna með manngildin skiptir miklu meira máli en stjórnarskrá á þessum tímapunkti sögunar.

Hér er linkur að grein sem ég skýri út málið:

Hvað er þetta eiginlega með Dögun VAKNIÐ!

 

„Ekki beitt mér á einn eða annan hátt“

Hvað er þetta eiginlega með Dögun? VAKNIÐ!

Eins og við vitum þá fékk þjóðin tvo þjóðfundi til að draga fram hvað hún vildi leggja áherslu á fyrir framtíðina.

Á fyrri þjóðfundi valdi fólk sér öll þau mannlegu gildi sem það vildi leggja áherslu á. Voru þar nefnd gildi eins og Heiðarleiki, Virðing, Kærleikur og fleiri góð gildi.

Á seinni þjóðfundi sem settur á var vegna geðþóttaákvarðanar þar sem reynt hafði verið að telja fólki trú um að aðalástæðan fyrir hruninu væri gölluð stjórnarskrá Íslands. Fór í gang alveg ótrúleg atburðarrás þar sem hinn ótrúlegasta flóra fólks geystist fram á ritvöllinn með hinar og þessar greinar, bæði með og á móti. Atburðarrás sem eftir allan þennan tíma hefur ekki enn séð fyrir endann á.

Fyrir seinni þjóðfund var alveg ljóst hvað almenningur á Íslandi átti að krefja um að gera. Það átti að velja sér fulltrúa sem áttu að vinna að gerð nýrrar stjónarskrár. Allir vita hvernig það gekk fyrir sig. Og það þrátt fyrir alla vinnuna og peningana sem lagðar hafa verið í verkið og enn á eftir að leggja í verkið. Svo kom að því að velja sér fulltrúa og aðeins 35% þjóðarinnar kaus sér að mæta til að velja sér þessa fulltrúa. Og allir vita síðan hvernig til tókst eftir það.

Berandi saman þetta tvennt er alveg ljóst að í mínum huga er það ekki beint stjórnarskrá Íslands sem er aðalástæðan fyrir hruninu, heldur mannlegur breiskleiki. Það eru ótal atriði sem tengjast heiðarleika og virðingu meðal annars. Það eru þessi atriði varðandi stjórnmálin og viðskipti. Og þau atriði breytast ekkert með gerð nýrrar stjórnarskrár.

Eins og ljóst er á að leggja alla áherzlu í að breyta stjórnarskrá Íslands. Sama hvort þjóðin vill það eða ekki, eins og hún hefur þegar sýnt. En ekkert á að gera í því að vinna áfram með hin mannlegu gildi.

Ég veit það alveg í mínum huga hvað ég vill vinna áfram með! Það er ekki ný stjórnarskrá, heldur vil ég vinna að því stjórnmálamenn og viðskiptamenn séu heiðarlegir. Að þjóðfélagið ómi að öllum mannlegum gildum. Því þrátt fyrir nýja stórnarskrá þá stendur hitt eftir með þjóðinni óhreift og ólagað. Áfram mun allskonar fólk vinna sig áfram í á viðskiptalegum grunni þó að ný stjórnarskrá verði til.

Nú kynnu margir að velta fyrir hvernig eigi að vinna áfram með gildin? Erfitt að segja hvað fólk sæi fyrir sér, en hvað mig varðar þá væri tildæmis hægt að setja í gang manngilda hópa sem vinna saman að því að sýna fram á hið óheiðarlega, óvirðulega í þjóðfélaginu og krefjast þess að fólk breyti og gangi á veg heiðarleika, virðingu og réttlæti svo dæmi séu nefnd.

Já það er þetta með Dögun sem ég vellti fyrir mér. Í þeim margt jú ágæta mannskap fyrir utan þið vitið allt hitt sem hefur gengið á. Sjálf segja þau að aðaláherzla þeirra sé að vinna að gerð nýrrar stjórnarskrár. Þar á meðal tala þau ýmiss fögur orð eins og fólk eigi að velja sér möguleika á persónukjöri, þjóðaratkvæðagreiðslur á ýmiss mál, allt landið eitt kjördæmi og fiskimiðin í eigu þjóðarinnar.

Hugsandi um þetta þá eru þetta allt göfug og háleit sjónarmið. Bara þó inni í hvaða umhverfi lýðræðis þau eru sett. Það væri alveg tildæmis hægt að hugsa sér einhverjar þjóðatkvæðagreiðslur um ýmis mikilvæg mál. En þá kemur á móti hugsun um ýmis atriði eins og tilhvers við eigum að velja okkur þjóðaratkvæðagreiðslur ef það í reynd gerir svo lítið til að breyta stjórnmálaumhverfinu? Því þjóðaratkvæðagreiðslur gera lítið fyrir okkur nema að geta átt möguleika að kjósa um mál sem við teljum vera mikilvæg inni í því stjórnmálaumhverfi sem er fyrir. Ein aðal ástæðan er sú að í nýrri stjórnarskrá á að tryggja þingræðið um ókominn tíma. Í þeim hugleiðingum þá vellti ég því fyrir mér hvort að fólk inni í Dögun hafi gleymt þeim háleitu sjónarmiðum sem margir þeirra hafa með sér um beint lýðræði? Því ef stjórnarskrá yrði samþykkt svona þá hyrfu á braut allir draumar um beint lýðræði.

Svo er það þetta með persónukjörið. Gerir það eitthvað fyrir okkur meira að eiga kost á að kjósa okkur persónur utan flokka inn á óbreytt þingið? Lendum við ekki í því samt sem áður að velja okkur persónur sem ætla að ná inn á þingið með vinsældakosningu? Eða opnast ekki fyrir þann möguleika að ýmsir þrýstihópar, félagasamtök geti valið sér fulltrúa inn á þingið?

Það eru svo ótal margar spurningar sem vakna upp í þessu sambandi öllu.

Svo eru það blessaðar áherzlur Dögunar. Já hvernig er hægt að leggja ofur áherzlu á málefni sem hafa svo ótal margt sem þarf að hyggja að? Það kemur óneitanlega upp í hugann að aðaláherzla Dögunar sé á þetta stjórnarskrámál sé einn af þáttum þess að ná inn þessi 5% til að halda velli á þingi. Tökum tildæmis persónur þær innan Dögunar sem hafa eitt ótal miklum tíma í að skrifa um stjórnarskármál. Verða þær með þegar að kosið verður á nýtt þing þegar að það verður? Óneitanlega veltir maður fyrir sér þessu sjónarspili öllu og hver sé ástæðan fyrir ofuráherzlunum.

Ég vellti því fyrir mér hvort að Dögun sé stætt í því að byggja sig upp á svo veikum grunni? Tildæmis með það í huga að aðeins 35% valdi sér fulltrúa í stjórnlagaþingið og sýndi þannig hinn mikla áhuga á nýrri stjórnarskrá eða hitt þó heldur. Samkvæmt þeim forskriftum er nokkuð traust að byggja á þeirri fullyrðingu að lítið meiri þátttaka verði bæði í kosningu á þessum 6 atriðum blessuðum eða kosningu á nýrri stjónarskrá. Reikni nú hver sem vill út hvað 5% af 35% sé svo þið skiljið hvað ég meina. Yrði Dögun ekki mjög veikt stjórnmálaafl eftir allt saman?

Væri ekki miklu meira vit í því að beina sjónum að þeim málum sem skipta mestu máli fyrir fólk? Eins og ýmsar leiðréttinar sem fólk hefur lent í vegna hrunsins?

Eða það sem í mínum huga sem skiptir miklu máli? Að vinna að þeim atriðum sem snúa að mannlegum gildum!

Ástæðan fyrir því að ég fór út úr Dögun er sú að þetta blessað stjórnmálaafl vina og vandamanna hefur villst af vegi. Þetta er ekki það sem ég vill vinna að.

Hvað er þetta með Dögun? Hvernig er ykkur stætt á að byggja á svo veikum grunni? Á leggja ofuráherzlu á þau atriði sem svo rosalega mikið hefur mistekist að vinna að? 

Varúð!

Um bloggheima og facebook er í gangi áróðursmaskína sem jafnvel dregur inn saklaust fólk. Þessi maskína kallar allt sem er andstætt sér áhrínsorðum án þess þó að nefna fólk á nöfn. Nær daglega má sjá merki þessa! Jafnvel prófessorar og þingmenn taka þátt. Áróðurinn gengur vítt og breytt um vefsamfélagið.

Ég vil vara fólki við og taka engum færslum sem sérstaklega gefnum. Ég vil benda fólki á að hugsa sérstaklega um atriði eins og: hvað sé undirlyggjandi????

Munið eftir því að fólk hættir stundum til að segja ekki nema hálfan sannleikan. Eða segja aðeins frá því sem þeim hentar.

 

Í skjali mínu "Nýi Sáttmáli"  <linkur stendur:

 

Þegar að þú ert tilbúinn að taka afleiðingum án eftirsjár eða iðrunar þá getur þú verið heiðarlegur.

Við viljum tryggja að allt samfélagið sé byggt upp af heiðarleika og breiðist út um það. Við höfum áhuga fyrir að fólk fókusi daglega á gildi Heiðarleika í lífi sínu og hafi heiðarleika í huga í störfum og leik. Við viljum tryggja að Heiðarleiki breiði sig út um:

1. allt samfélagið

2. alþingi

3. alla stjórnsýsluna

4. öll embætti

 

 

Það er mikilvægt að stjórnmálamenn séu traustvekjandi

Traust það sem kjósandinn veitir stjórmálamönnum gefur þeim afl til að vera traustvekjandi fyrst og fremst. Þannig uppfærir stjórnmálamaðurinn þetta vald sitt yfir til almennings með því að efla það traust sem kjósandinn veitir honum og eflir það út í þjóðfélagið.

 

Að vera ósvikinn

Það er mikilvægt að stjórnmálamenn svíki ekki loforð sín við kjósendur. Að staðið verði við þau mál sem lofað hafa verið og það gert innan fyrirfram ákveðins tíma.

 Að sjálfsögðu á þetta hér með traut og að vera ósvikinn, við með allt samfélagið, eins og prófessora er tengjast stjórnmálum, almenning í opinberum stöðum og yfirleitt almenning á Íslandi.