Það vantar mikið í þetta

Það er hvergi getið þess í þessum tillögum hvernig og hvort eigi að taka á verðtryggingunni. Síðan er hvergi hægt að sjá hvort tillaga sé um að laga þann stóra galla á fyrrum frumvarpi ríkisstjórnar um að þeir sem óski eftir greiðsluaðlögun a. b. eða c. lendi ekki á 4ra ára vanskilalista.

Síðan virðist svo vera að þeir leggi engvar breytingar á Húsnæðiskerfinu sjálfu varðandi vaxtakerfið og innreikning húsnæðis inn í vísitöluna í stað sérstakrar Húsnæðisvísitölu sem setja mætti á.

Síðan er hvergi getið um afskriftir óeðlilegara vaxta af bæði lánunum í erlentu myntinni sem og öðrum lánum þar sem það á við.

Það vantar útfærsluna um hvernig á að lengja í lánunum. Eins og tildæmis að ef fólk geti ekki staðið í skilum væri hægt að bjóða upp á að greiðsla þess mánaðar sem ekki væri hægt að standa við þá gæti fólk komið sértaklega til að fá úrræði út af þeim vanda hvort sem það er af lánum í bönkum eða húsnæðisstofnun. Hugsa sér mætti að greiðsla þess mánaðar væri hægt að bæta inn í höfuðstólinn. En það eru fleiri útfærslur til.

Síðan er mikilvægt atriði að ef einhverjar breytingar á að gera vegna lána þá hafi þær ekki umtalsverðan kosnað í för með sér eins og tildæmis bankar vilja gera þegar að skuldbreytingar eru framkvæmdar. Þannig hafa allar aðgerðir banka til móts viðlántakanda miðast við að hagnast sjálfir af því með greiðslu sem þeir taka fyrir skuldbreytingu á lánum. Sem er eiginlega tvítekning vegna þess að skuldarinn hefur þegar tekið á sig háa vaxtaprósentu og aðrar greiðslur inn vegna lánanna. Tölur upp í kr. 8.000 hef ég séð að tekið fyrir skuldbreytingu. Ég er að benda á það atriði að þeir sem lenda í greiðsluvanda lenda inni í ýmsum aukagjöldum sem gera bara vandann enn meiri og erfiðara að taka á. Þegar að vandinn er byrjaður er skuldara ekki gefið neitt tækifæri á að spóla hann niður.

Það eru ýmis gjöld sem lenda á fólki í greiðsluvanda og þó taka ætti á einhverjum hluta þeirra þá þarf að taka á öllum málum þannig að fólk lendi ekki áfram í vanda og setja upp tryggingu til að koma í veg fyrir að slíkt kæmi fyrir aftur. 

Hugsa mætti sér kannski einhvern varasjóð með kannski brot af launum og aðstoð frá lífeyrissjóði eða verkalýðsfélagi sem aðstoð við þá sem eru inn í greiðsluaðlögun. Hugsað sem trygging gegn því að sami vandinn komi ekki upp aftur. En þeir sem lenda í vanda vilja haldast inni í og sogast í vandanum og eiga oft erfitt að losna út þó að eitthvað sé búið til eins og greiðslugetuplagg sem umsjónarmaður (lögmaður) heldur utanum. 

úr frétt>að ákveðnum skilyrðum uppfylltum og að kröfuhafi sem ekki sættir sig við niðurskurð veðskulda umfram 100% veðþol eignar geti leyst eignina til sín gegn yfirtöku veðskuldbindinga eða m.ö.o. að skuldari skili lyklunum að eigninni. Skuldari og fjölskylda hans geti engu að síður haldið afnotum eignarinnar í allt að 12 mánuði gegn greiðslu hæfilegs endurgjalds í formi húsaleigu.

Þetta atriði þarf að skoða útfærsluna á. Vegna þess að samningar á milli kröfuhafa og skráðum eiganda geta í mörgum tilfellum erfiðlegir. Þyrfti að hafa sérstakan fulltrúa sem ætti að vinna með báðum aðilum til að þetta virki.

Eftir því sem ég les þetta plagg úr fréttinni get ég hvergi séð neina viðurkenningu að kerfið hafi verið gallað og þurfi að stór laga. En viðurkenning á vandanum er fyrsta atriðið til að taka fyrir alvöru á kerfinu og breyta því þannig að fólk lendi ekki alltaf í því sama í framtíðinni!

 

Mæta vanda 10.000 fjölskyldna

Smá punktar um þetta

Staðreyndin er sú að það vill enginn íslendingur vinna við þetta vegna þess að launin eru ekki það góð til að mæta líkamlegu erfiði í greininni.

Síðan er það virðingartapið sem helgast af þessari menntadýrkun sem hefur tíðkast hér á landi. Fólk vill ekki vinna í svona allra mestu láglaunastörfum vegna þess að það er búið að gefa í skyn að starfið sé ekki virðingu þess vert. 

Síðan hjálpar það ekki að svona margir útlendingar sækist eftir því að vinna í starfinu vegna þess að það er búið að búa til í huga fólks að útlendingar sækist inn í láglaunastörfin.

Maður man það hérna áður fyrr þegar fólk sóttist í svona störf. Á sumrin voru þannig störfin í fiskvinnslunni eftirsóttust vegna þess að fólk gat unnið sér inn peninga með eftirvinnunni og bónusinum ef nóg var að gera.

Á haustin sóttist svo fólk inn í sláturhúsastörfin af sömu ástæðu. Þar að segja að hafa nóg að gera og ná inn pening með aukavinnunni.

Fyrir þá sem hér lesa og ekki þekkja til né hafa unnið við þessi störf þá langar mig til að láta vita að í fáum störfum eins og þessum þá hefur verið eins skemmtilegt að vinna. Þannig fylgdi oft mikilli vinnu fjörið hjá fólkinu. Og oft var rosalega skemmtilegt að vinna með hörkuduglegu fólki sem blandaði mikilli vinnu við fjörið.

Síðan hafa þessi störf alls ekki haldist í hendur við launaþróun í landinu. Og þarf að endurvekja þau með stuðningi og virðingu!

 

 

 

Um 500 erlendir starfsmenn í sláturhúsunum

Hvað gerist þegar að fólk lendir í greiðsluerfiðleikum?

Þegar að fólk nær ekki endum saman þá lendir það í erfiðleikum frá fyrsta degi. Það er mjög auðvelt að setja saman útreikning sem sýnir hvernig málin geta þróast. En verður aðeins gert á einfaldari máta hér.

Þegar að fólk lendir í því að geta ekki borgað af lánum þá verður það til þess að þurfa að taka nýtt lán til að borga upp það gamla sem þegar hefur safnast upp vegna verðtryggingar og hærra vaxtaálags. Þannig lendir fólk í áralöngum eða lífslöngum hringiðum atburða sem það ekkert ræður við. Ef skuldir eru 20.000 kr. hærri en tekjur einn mánuðinn þá getur sú tala rokin upp í 30.000 krónur þann næsta. Þannig getur sá sem hefur verið í kr. 10.000 mínus í upphafi árs verið kominn í 60.000 kr. mínus í enda ársins svo smá dæmi sé tekið. Og þegar að talan hækkar það mikið þá kemur að því að taka þarf nýtt lán. Svo talað sé aðeins í smáum tölum. Hugsið ykkur svo hvernig þetta er í stórum tölum.

 

Fólk getur auðveldlega lent í aðstæðum sem það ræður ekkert við allt sitt líf. Svo getur það orðið fyrir því að vera álitið fjármálaglæframenn og átt í síendurteknum erfiðleika viðræðum við banka sinn og starfsmenn þar sem stundum hefur lítinn sem nær engan skilning út á hvað málin ganga og virðing fyrir lántakanda lítil.

Allt á meðan að aðrir gátu gengið inn í banka og fengið lán með bréfum í bankanum sjálfum til að kaupa hlutabréf í bankanum án trygginar nema veð í sjálfum bréfunum. Til þess svo að geta selt bréfin síðar á miklu hærra verði á tölu sem átti sér langt í frá einhverja stoð í raunveruleikanum. 

Fólk lendir síðan að þurfa að vera í síendurteknum samningum við sinn banka og aðrar lánastofnanir eins og Húsnæðislána. En dæmi eru til þess að fólk lendi í mjög erfiðum tilfinningalegum aðstæðum og félagslegum erfiðleikum þar sem jafnvel fólk getur veikst af geði og lent inni á geðsjúkrahúsi.

Ég er ekki hér að setja fram nein ákveðin dæmi né sérstakan útreikning en aðeins að reyna að sýna fram á hversu auðveldlega málin geta þróast áfram til hins miklu verra. 

Hugsið ykkur svo hvernig aðstæður geta orðið þegar að mál hrannast upp í áralöngum erfiðleikum. En ástæðurnar geta verið ýmsar til að fólk missi tökin á fjármálum sínum! Tildæmis áralöng veikindi og aðgerðir á spítölum vegna veikinda.

Síðan eru það hinir sem gerðu lítið annað enn að bruðla í þessum svokölluðum óðæris árum sem voru ekkert annað en blekkingar til að fá fólk inn í bankana. Fólkið með flottræfilsbílana eða í einbýlishúsunum sem yfirpóluðu sig í óðærinu á ekkert skilið neina leiðréttingu eða að minnsta kosti ættu að fara aftast í röðina yrði nú eitthvað gert.

Það nánast ekkert gert fyrir fólk sem er fatlað fólk sem lendir í svona aðstæðum. Svo talað nú sé um réttindi fatlaðra þá stendur í stjórnarskrá Íslands þar sem segir að fötluðum séu tryggt réttindi og kjör sambærileg annara úti á vinnumarkaði. Eftir því er ekki farið.

Það eru oftast aðeins þeir sem hafa lent slíku sem áralöngum fjármálaerfiðleikum sem geta sagt frá út á hvað málin ganga.Og svo hinir ættu að lesa frá þeim til að fá einhvern skilning út á hvað málin ganga!

Að lokum þetta:

Ég held að stjórnvöld ættu að stórskammast sín vegna þess að standa sig ekki í að laga kjör þeirra sem hafa lent í erfiðum málum í stað þess að standa að því að bæta þeim kjörin sem þau best hafa. Bara eitt lítið dæmi um slíka verknaði er Icesave og trygginar í sjóð til einkafjárfesta......

Innan við þriðjungur tilbúinn í greiðsluverkfall

Aðeins smávegis um vanda heimilanna

Ég var á athyglisverðum og góðum fundi um vanda heimilanna í fyrrakvöld. Þar komu nokkur mjög góð atriði fram. Ég hafði lúmskt gaman af því þegar að blessaður kallinn Gylfi Magnússon viðskiptaráðherra minntist á þennan svokallaða stöðuleika sáttmála. Þá hló allur salurinn í Iðnó og nokkuð var um frammíköll í framhaldinu. Það er alveg ljóst að í huga fólks er þetta svokallaða stöðuleika plagg ekkert annað en algjört bull.

Væri ekki upplagt að gera nú eitthvað fyrir alvöru til að hjálpa heimilunum út úr þessum vanda? Þó nefna mætti öll hin atriðin eins og að lagfæra lánin þá eru önnur atriði sem mætti einfaldlega framkvæma á þessum síðustu og verstu tímum. Sérstaklega tvö atriði sem væru kjarabót og sem slík bæði stuðningur og réttlæti fyrir fólk gagnvart öllum þessum bankamálum og öllu því fjármálasukki sem gengið hefur yfir þjóðina.

1. Hvernig væri nú að taka sig til og borga fólki út dálítið af eignum sínum í Lífeyrissjóðum? Svona eins og 20% af eignum þeirra? Afhverju ekki þetta alveg eins og að nefna alltaf að hinir og þessir Lífeyrissjóðir eigi að taka sig til og fjárfesta í fyrirtækjum? Þessir peningar eru jú eign almennings og fínt væri að nota hluta af þeim svona á síðustu og verstu tímum?!

2. Eða? Má ekki leysa hreinlega einn bankann sérstaklega til almennings? Þjóðin á jú Landsbankann! Hvernig væri að snúa við blaðinu að í stað þessa 200 milljarða sem verið er að setja í bankana, þá setji bankarnir einhverja milljarða til baka til almennings í landinu til að bæta því þetta mikla tjón sem hefur orðið.

Ég bara spyr!

Ég er að setja í gang verðlaunasamkeppni um nýjan Þjóðsöng íslendinga

Verðlaunasamkeppni um nýjan þjóðsöng íslendinga

Þetta er ætlað sem samkeppni um ljóð sem mætti hugsanlega nota í þjóðsöng íslendinga í framtíðinni?

Við íslendingar eigum ekki neinn almennilegan þjóðsöng. Þessvegna langar mig til að nota þennan blogg vettfang minn til að setja í gang smá keppni í að semja nokkuð sem hægt yrði að nota sem nýjan þjóðsöng.

Hugsunin er að fá fólk til að taka þátt í að semja nýjan þjóðsöng með því að senda inn á bloggið mitt samið ljóð með rími, ásamt stuðlum og höfuðstöfum.

Veitt verða svokölluð stigaukandi verðlaun eftir þátttöku og styrkveitingu í málefnið. Þannig er í fyrstunni  kr. 5.000 sem er borgað úr mínum vasa fyrir afnotarétt af besta ljóðinu. En verlaunaféð hækkar eftir því sem fé bætist í verkefnið. Hugsunin er að verkefnið standi í um mánuð......

Hér eru stigin:

Stig 1. 

Besta ljóðið er keypt aðeins fyrir afnotarétt á bloggið mitt og er borgað kr. 5.000 fyrir afnot af besta ljóðinu á bloggsíðu minni. Eigandi ljóðs hefur þannig að öðru leiti allan einkarétt á ljóðinu sjálfur.

Stig 2. 

Safnað yrði styrkveitingu fyrir önnur kaup á  ljóðinu. Þannig að uppi á bloggi mínu koma upplýsingar um hversu upphæðin er orðin há.

Sá/sú sem tekur þátt getur þannig byrjað í Stigi 1 en færist sjálfkrafa upp um stig þegar að meiri peningar eru komnir í pottinn.

Hér koma síðan inn á bloggið mitt allar upplýsingar um hækkun á Stigum, þ.e. verðlaunafé. 

Um ljóðið og þjóðsönginn:

Ljóðinu er ætlað að vera amk. 3 til 5 erindi og hvert erindi amk. 4 línur með rími, stuðlum og höfuðstöfum. Þó eru allar góðar tillögur velkomnar um smá breytingu þar á.

Setjið ljóðið ykkar í athugasemdir á samkeppnina og þau verða færð upp á bloggsíðuna hverju sinni.

Þau verða birt einu sinni en á Stigi 1 er keyptur afnotaréttur fyrir framtíðarbirtingu á bloggi mínu.

 

Ath. ef einhver vill gefa í verkefnið til að auka Stigið þá er það velkomið því hærra fé því meiri þátttaka! 

Sendið mér línu á: [e-mail]

 

Sitthvað eitt og annað

Nýtt Ísland landið "Okkar"

Það er alveg ljóst að ef að einhverjir aðilar utan alþingis ætli sér að koma saman til að setja í gang stjórnlagaþing þá verður það að vera á þann hátt að fá almenning með til framkvæmdanna. Það er vegna þess að ef einhver hópur gerir þetta án aðkomu almennings þá hefur það forræðisgildi. Svona stór atriði eins og að setja í gang nýja stjórnarskrá með vinnu stjórnlagaþings er það stórt atriði fyrir almenning í landinu að tryggja þyrfti að almenningur fengi að taka þátt eins og hægt væri. Slíkt væri best með almannaþingi sem væri undirbúningur sjá: Tökum okkur saman og myndum nýtt Ísland með nýju lýðræði fólksins-leiðir að markinu:

Almannaþing kæmi í staðinn fyrir ríkisstjórn og alþingi.

En þannig kæmu allir að málinu sem hefðu áhuga á að taka þátt í myndun nýrrar Stjórnarskrár og mynda nýtt Ísland.

Um ESB inngöngu

Í athugasemd hjá mér hér á bloggi mínu nefni ég það atriði að ganga ekki inn í ESB muni skapa frekar logn í landinu heldur en ef við göngum inn. Margir þeirra sem eru fylgjandi inngöngu munu þannig sætta sig við niðurstöðuna.

Ef við veljum hinsvegar að ganga inn þá mun alltaf vera mjög stór hópur sem mun alltaf vera ósáttur við inngönguna. Þá mun því alltaf vera mikil ólga á Íslandi. Bara vegna þessara atriða. Þar er ég að vísa til þjóðerniskenndarinnar og íslendingsins í okkur. Það er vegna þess að við erum jú íslendingar. Við lifum á Íslandi.

Ég er þar að segja að það er mjög margir sem mun sætta sig við orðinn hlut að ganga ekki inn frekar en það er stór hópur sem mun aldrei sætta sig við að ganga inn

Ég ætla rétt að vona að einhver fólk geti lesið í þetta og að einhverjir og að Samfylkingarmenn geri sér grein fyrir hvað þeir eru að gera þjóðinni!

Hátt bylur í tómri Tunnu

Nú hafa ýmsir menntamenn eins og Hagfræðingar og Viðskiptafræðingar komið fram í Sjónvarpi að undanförnu og sagt við þjóðina að fólk eigi að mennta sig.  Mér finnst þetta vera gömul tugga því hvað hefur margt af þessu svokallaða menntaða fólk einmitt gert þjóðinni? Svo koma Hagfræðingar og Stjórnmálafræðingar og segja þjóðinni hitt og þetta hvað eigi að gera varðandi það að rétta þjóðina út úr því sem þetta (oft) svokallaða menntaða fólk setti þjóðina í. Og eru sjaldan sammála um neitt.

Nú finnst mér það vera kominn tími til að þetta fólk komi nú fram og beri dálitla meiri virðingu fyrir fólki sem hefur ekki menntað sig mikið! Vegna þess að margir þeirra eru jú saklausir í einmitt öllu þessu sem hefur gengið yfir þjóðina. Segja mætti að almenningur virðist þannig hafa miklu meira vit en þessir Hagfræðingar sem hafa sem hæst og sem geta lítið verið sammála.

Það geta verið ótal ástæður fyrir því að fólk nái ekki að mennta sig. Eins og tildæmis veikindi innan fjölskyldu svo fátt eitt sé nefnt. Síðan hversu óheyrilega dýrt það er og oft ekki fyrir nema efnafólk sem getur gengið í Háskólamenntun þó það hafi getu til.

Síðan er jú ekkert sérstakt fyrir fólk að sjá fyrir augum sér þessa Hagfræðinga og Viðskiptafræðinga að bera upp þessa tuggu því ekki verður það til að fólk sækist eins mikið eftirað læra þessi fög í Háskóla. Ég spái því að í framtíðinni að fólk sækist meira inn í raungreinarnar á kosnað Hagfræðinnar og Viðskiptafræðinnar.

Svo mætti líka nefna það að menntun er ekki mælikvarði á gáfur. Því til er fullt af fólki sem hefur getu og gáfur en hefur ekki menntað sig. Það hefur líka engu síður góða getu til að brjóta til mergjar og vera með úrlausnir, heldur enn þeir sem eru oft hámenntaðir.

Síðan má nefna það atriði að menntað fólk hefur ekkert að gera í mörg þau störf sem minna menntaðir hafa verið í. Oft eru menntaðir þannig ófærir um að leysa hin ýmsu lægri launuðu störf.

Ég segi: Berið virðingu fyrir náunganum og öllum þeim störfum sem fólk hefur getu til og kýs sér að starfa við!

 

Læt ég svo staðar numið að sinni...........

 

 

Tökum okkur saman og myndum nýtt Ísland með nýju Lýðræði fólksins

Það er ekki lýðræði á Íslandi því það er flokkslýðræði með ríkisstjórn sem æðsta ofurvaldið yfir fólkinu. 

Það er því blanda af flokks og stjórnarlýðræði. Lýðræði sem ríkisstjórn kýs að setja yfir lýðinn í landinu. En setja svo eigið vald og valdahroka yfir það sem almenningur alveg augljóslega vill. Stjórnin er æðsta valdið og skiptir sér ekkert hvað almenningur í landinu segir.

Þetta er staðreind en ekki fullyrðing! Nokkuð sem ég hef skrifað um í skjalinu "Okkar Ísland" fyrir löngu síðan.

Það er alveg ljóst að almenningur í landinu skiptir ríkisstjórn engvu máli. Kristallaðist það svo greinilega með því sem kom fram í þessu svokallaða Icesave máli þar sem ríkisstjórn fór á engvan hátt eftir því hvað almenningur vill.

Framtíð Íslands

Það er alveg ljóst að það mun aldrei komast á friður á Íslandi fyrr en að almenningur fær miklu meiru ráðið stjórnun landsins. Því þarf almenningur fyrir alvöru að koma að því að breyta stjórnkerfi Íslands þannig að Lýðræði fólksins verði ekki fótum troðið af misvitrum stjórnmálamönnum. En til þess að breyta stjórnkerfi landsins þarf að endurgera Lýðveldið Ísland og það verður ekki gert nema með nýrri stjórnarskrá.

Eftir að fara yfir málin er alveg ljóst að íslendingar sjálfir verða sem mest að koma að því verki að búa til nýtt Ísland! En til þeirra verka verður almenningur að koma til verka frá grunni en ekki einhver hópur fámennra manna sem ætlar sér að hafa algjört vit fyrir almenningi og hefur með því (ómeðvitað eða meðvitað) litla virðingu fyrir ákvörðunum almennings í landinu.

En til þess að almenningur hafi eitthvað að segja um framtíð nýs Íslands verður hann að koma að því á sem mestan hátt að mynda þetta nýja Lýðveldi.

Það er alveg ljóst að almenningur á Íslandi mun aldrei verða ánægður með nýja stjórnarskrá þar sem æðstu valdhafar ætla sér að hafa æðsta vald yfir hvernig nýtt Ísland verður í framtíðinni. Því verður almenningur að koma mikið og sterklega að málinu frá byrjun til enda.

Eins og segir í skjalinu mínu "Okkar Ísland" þyrfti að skipta landinu niður í 5 hluta vegna þess að í nálægð vinnur fólkið best saman. Einnig til þess að hægt væri að setja í gang nýtt Lýðræði fólksins þá verður þannig fyrirkomulag að verða til að sjálfsögð skipting og tilfærsla á valdi funkeri rétt. Með nýju Lýðræði er átt við því að hægt væri að setja í ganga nýtt Lýðræði fólksins þar sem fólkið vinnur saman að því sjálft að taka ákvarðanir. En til þess þarf valdskiptingu og valdatilfærslu. 

Ef ég, eða þú yrði valinn í til stjórnunar þá hæfist starfið í sveitarstjórn í ákveðinn tíma en færist svo yfir í starf sem þingmaður á svæðisþingi, einnig í ákveðinn tíma. Starfið endaði þannig með þingmennsku á aðalþingi landsins, einnig í ákveðinn tíma. En þannig fæst þessi hringrás.

Með þessu fyrirkomulagi væri tryggt að það væri fólkið sjálft sem tækju ákvarðaninar sem ráðnir embættismenn svo framkvæddu.

Leiðin að markinu

Það er alveg ljóst að til að endurgera Lýðveldið Ísland þá þurfum við að gera okkar eigin séríslensku stjórnarskrá, en ekki danska. En til þeirra verka þarf að vanda mjög og skipta verkinu niður í hluta. Til þess að almenningur komi sem mest að verkinu þarf að setja upp varðaða leið að markinu. 

1. almannaþing

Að fyrstu þarf fólk að eiga þess kost á að taka þátt í almannaþingi sem hefði það verkefni að koma að stefnu þeirri sem Ísland skuli taka til framtíðar. Almannaþing væri þannig hugsað sem vörður almennings sem ákvarðar ýmis mál eins og tildæmis hvernig skal unnið, hvenær, hversu lengi og hvað tekið sé fyrir á stjórnlagaþingi. Síðan kjósa fólk sem vinni að stjórnlagaþingi.

Almannaþing mætti hugsa sér færanlegt þannig að hópur manna kæmi saman fyrst í hverju landshorni til skrafs og ráðagerða um þessi mál og útkoman yrði síðan tekin saman á aðal almannaþingi sem allir landsfjórðungar + höfuðborgarsvæði tækju þátt í. Hugsa mætti sér að það almannaþing færi annaðhvort fram í Reykjavík í góðu plássi. Eða á Þingvöllum undir stóru tjaldi.

2. stjórnlagaþing

Aðal verk sem stjórnlagaþing tæki að sér væri að mynda nýja stjórnarskrá Íslands. En starfsmenn stjórnlagaþings yrðu kosnir af almenningi af öllum landshornum landsins jafnt. Störf stjórnlagaþings má ekki vera ráðgefandi fyrir stjórnmálamenn því þar er unnið fyrir almenning í landinu.

3. þjóðaratkvæðagreiðsla um stjórnarskrá

Þegar að stjórnlagaþing hefði lokið störfum bæru þeir störf sín undir þjóðina og hún fengi að kjósa um stjórnarksrána í þjóðaratkvæðagreiðslu. En slík þjóðaratkvæðagreiðsla þyrfti að fara fram á einum stað því ætlunin væri að mynda nýtt Lýðveldi fólksins á Íslandi eftir að útkoma þjóðaratkvæðagreiðslu væri lesin upp. Ef ný stjórnarskrá væri ekki samþykkt af þjóðinni skal stjórnlagaþing halda strax áfram störfum og bera breytingar aftur upp fyrir þjóðina.

4. útkoma úr þjóðaratkvæðagreiðslu lesin upp fyrir þjóðina með tilheyrandi hátíðarbyrjun

Þá gerði fólk sér glaðan dag meðfram því að verið er að undirbúa nýtt Lýðveldi fólksins.

5. Nýtt Lýðveldi á Íslandi myndað 

Nýtt Lýðveldi myndað með tilheyrandi hátíðarhöldum með þátttöku almennings. Sáttmáli lesinn upp fyrir fólkið.

Þar sem Þingvellir eru helgasti staður Íslands þá er raunhæft að koma saman þar og mynda nýtt Lýðveldi.

Nú spyr ég hvort að þessi leið væri ekki einmitt sú leið sem væri skynsamlegust fyrir almenning á Íslandi. Fyrir framtíð Íslands? Er ekki sterkt að geta lagt fram svona einhverja leið fyrir Ísland að velja sér frekar en leið sem aðrir eins og erlendir aðilar hafi svo mikið að segja hvaða ákvarðanir við tökum í framtíðinni?

Er ekki einmitt sterkasta atriðið að við íbúar Íslands eigum að ráða sjálf framtíð okkar og taka okkar eigin ákvarðanir?

ÁFRAM ÍSLAND! veljum okkar eigin framtíð! EKKERT ESB kjaftæði!

Málið er að við getum gert þetta því stjórnvöld á Íslandi geta ekkert gert ef við fólkið sjálft ákvörðum að fara svona leið! Þá yrðu hreinlega tvær þjóðir í landinu og á endanum yrði ríkisstjórn að láta undan vilja fólksins!

Við erum fólkið í landinu og við getum gert þetta ef við viljum! Sama hvað ríkisstjórn segir!

 

Okkar Ísland - spurningar og hugleiðingar

Eins og sum ykkar vita sem ratað hafa hingað inn á bloggið mitt þá hef ég sett saman 38 síðna skjal sem gengur út á öðruvísi og breytt stjórnkerfi á Íslandi.

viðbót: Inngangur

Hafa stjórnvöld ekki einmitt sýnt það og sannað svo um munar að undanförnu að þeir fara ekki eftir vilja fólksins? Hafa stjórnvöld ekki á einhvern hátt notfært sér hvað íslendingar eru friðsamir? Að við getum ekki gert byltingu þó við tölum um það? Hvað þarf eiginlega til að stjórnvöld skilji vilja fólksins? Eða eiga þau ekki einmitt að vinna fyrir almenning í landinu heldur en að vera haldbendi fámennra hópa eins og tildæmis að tryggja hóp fjárglæframanna?

Hvað er eiginlega að gerast á Íslandi með stjórnmálamenn? Hvað gengur um í hausnum þeirra? Hafa þeir gleymt að þeir voru kosnir fyrir almenning?

Spurningar

Afhverju hef ég ekki leitast eftir því sjálfur að fá umfjöllun um skjalið í þáttum í Sjónvarpi eða Útvarpi fyrst ég var á annan borð að gera þetta skjal? Til þess eru ýmsar ástæður.

Að setja svona skjal saman var ekki gert til að vekja eftirtekt á mér. Ef skjalið er það merkilegt hefði ég þá átt að sækjast eftir umfjöllun um það og viðtali við mig? Ég ákvað að gera það ekki. Ég hef þó haft samband við tvo aðila með netpósti og sent þeim skjalið til skoðunar. Fengið þau viðbrögð til baka frá öðrum þeirra að margt sé skynsamlegt í skjalinu og að ég ætti að hafa samband við fjölmiðla til að fá grein og umfjöllun um skjalið. Í því tilfelli DV.

Málið er að ég vill að fjölmiðlarnir sjálfir eiga að sækjast eftir að fá hjá mér umfjöllun um út á hvað þetta blessaða "Okkar Ísland" gengur. Síðan gerast góðir hlutir oft hægt en gerast þó. Sem er stundum andstæða þess öfuga með sum mál sem hafa verið borin fram hratt út í þjóðfélagið með fjölmiðlum.

Ég vil þannig að fólk sem gefur sér tíma að lesa skjalið melti það og velti því fyrir sér hvort að eitthvað svona stjórnkerfi fólksins væri möguleiki að setja á (kannski smám saman og með breytingum sérfræðinga) í þjóðfélagi okkar Íslendinga? 

Hugleiðingar

En afhverju var ég í ósköpunum að setja þetta skjal saman? Afhverju hef ég svona mikla trú á "Okkar Ísland" hugmyndunum að stjórnkerfi fólksins? Nýju alvöru lýðræði?! Lýðræði fólksins sem er algjörlega snúið við þannig að allar hugmyndir og aðgerðir koma frá fólkinu sjálfu út í þjóðfélagið.

"Okkar Ísland" ER!

"Okkar Ísland" er sett fram til að sýna fram á möguleika þess að hægt væri að setja í gang öðruvísi Lýðræðiskerfi fólksins. Kerfi þar sem ríkið er það sama og fólkið sjálft og vinnur að framgangi allra einstaklinga  jafnt en án sérhagsmuna einstakra hópa. Þar sem fólkið er ríkið og ríkið er fólkið.

"Okkar Ísland" er stjórnkerfi sem á að byggja á heiðarleika meðal fólks og tryggja fólki fyrir alvöru jöfn réttindi í þjóðfélagi okkar íslendinga. 

"Okkar Ísland" er byggt á þeirri hugmynd að við fólkið sjálft eigum að vinna að kjörum okkar. Því skuli fólkið sjálft vinna saman í kerfi sem vinni að sameiginlegri niðurstöðu án flokkakerfis.

"Okkar Ísland"  er byggt á þeirri hugmynd að við fólkið sjálft eigum að vinna að kjörum okkar. Því skuli fólkið sjálft vinna saman í kerfi sem vinni að sameiginlegri niðurstöðu án ríkisstjórnar sem hefur ofur yfirvald yfir þegnana.

Í "Okkar Ísland" eru þegnanir ríkið og ríkið þegnarnir. Einmitt vegna þess að allir (nema þeir sem eru ekki á sakaskrá og ekki komnir á þennan venjuga kosningaaldur) eiga jafnan rétt á að bjóða sig fram til þjónustu fyrir almenning. Með skiptingu og tilfæringu á valdi (minnkað) til að enginn festist í valdinu og verða lausir við að lenda í að setja í gang yfirbyggingu og stækkun valds með öllu sem því fylgir.

"Okkar Ísland" er ætlað sem hrein stjórnmál fólksins án blekkinga og allar aðgerðir væru upplýsingar fyrir allan almenning að ná í. Þannig yrðu allar fréttir um aðgerðir hreinar og beinar öll sagan sögð út í þjóðfélagið og ekkert skilið undan!

*****

"Okkar Ísland" er ekki!

"Okkar Ísland" er ekki ætlað fyrir einhverja hópa umfram aðra hópa. 

"Okkar Ísland" er ekki ætlað til að einhverjir sérstakir aðilar í krafti aðstöðu geti notað sér hana til að hagnast á sér og vinum sínum til handa þannig að aðrir verði fyrir áföllum á meðan.

"Okkar Ísland" er ekki fyrir uppbyggingu valds til stærra valds.

"Okkar Ísland" er ekki til að byggja upp og viðhalda valdi yfirstéttar.

"Okkar Ísland" er ekki fyrir flokkakerfi heldur fyrir að fólk beri fram skoðanir sínar á jöfnum grundvelli án utanaðkomandi áhrifa.

"Okkar Ísland" er ekki fyrir sérhagsmuni.

"Okkar Ísland" er ekki fyrir krosseignatengsl inn í fyrirtæki, stofnanir eða verkalýðsfélög.

"Okkar Ísland" er einfaldlega hugsuð sem sanngjörn leið fyrir okkur öll sem búa á Íslandi!

Eru það draumórar? Eða er það sanngjarnt að það mætti setja upp einhvern veginn svona kerfi eftir það sem hefur gengið á hér á Íslandi?

 Læt ég svo staðar numið nú en kem með fleiri atriði í nýja grein jafnóðum og hugleiðingar koma þar um.

Hann segist ekki hafa vit? Eða er ekki það sem hann er að segja?

Mér finnst alveg sjálfsagt að fólk sem á í erfiðleikum með að greiða af lánum sínum skuli taka sig til og mótmæla! Að gera það með þessum ákveðna hætti verður til þess að ríkisstjórn mun neyðast til að vinna með hagsmunasamtökum heimilanna fyrir alvöru til að finna lausnir á þeirra sem eiga í erfiðleikum. Eða að öðrum kosti fer allt þjóðfélagið upp í háaloft!

>Hann segist ekki fá þau skilaboð úr bankakerfinu að það sé minni greiðsluvilji.

Guð minn góður? Í hvaða heimi lifir þessi maður eiginlega? Sjálfsagt þarf hann sjálfur engvar áhyggjur að hafa?! Hver er munurinn á minni greiðsluvilja og minni greiðslugetu?

Hvað gerist þegar að fólk lendir í því að tekjur eru orðnar miklu minni en gjöld? Það er ósköp einfalt mál. Þá lendir fólk í á endanum að ekki er hægt að ýta skuldunum á undan sér endalaust með því að taka ný lán til að borga þau gömlu. Hverjar eru orsakaninar fyrir því? Ekki einmitt háir og óréttlátir vextir? Og síðan sprakk húsnæðiskerfið þegar að bankarnir tóku við lánunum. Ég skil ekki eiginlega hana Jóhönnu í þessu máli því hún barðist gegn því á sínum tíma (án árangurs) að bankarnir færu að lána húsnæðislán og það jafnvel 100%.

Það er alveg sama hvort verið er að tala um einhver myntkörfulán eða önnur lán bankana. En það eru ótal ástæður fyrir vanda fólks þó sumir hafi eflaust lent í því að eyða um efnum fram þegar að ofurpeninga og eyðslustefnan var í gangi á fullu.

Við skulum sjá hvað gerist! 

Háskalegt að borga ekki

Áfram Ísland - vinnum Frakkana aftur

Ég mun svo sannarlega fylgjast með stelpunum á hverjum einasta leikdegi! Hætti sem betur fer í vinnunni klukkan 14.00 og missi því amk. ekki af leikjum þessa vikuna!

Við höfum unnið þær áður. Og ef vel gengur í dag er það gott vegarnesti lengra inn í keppnina!

Ég óska þeim góðs gengis!

EM: Styttist í Frakklandsleikinn