Frábært!!!!!!!!!!!!!

Nú þurfum við sem segjum nei að koma og vinna saman og undirbúa okkur svipað og fyrir venjulegar kosningar!

Koma svo! Stöndum saman almenningur á Íslandi.

 

Segjum algjört NEI við Icesave-samningum í þjóðaratkvæðagreiðslunni!

 

 

Forsetinn staðfestir ekki

Auðvitað!

„Íslenskur almenningur hefur ekkert haft með málið að gera og ber enga ábyrgð á þessu sköpunarverki fjármálafyrirtækja, aflandseyjarinnar City of London og ríkisvalds sem þjónar alþjóðaauðvaldinu. Attac á Íslandi hafnar öllum samningum og krefst þess að Icesave verði rannsakað sem sakamál," segir m.a. í yfirlýsingunni.

 Auðvitað á að rannsaka þetta sem sakamál og hefði átt að fara í það verk fyrir löngu. Möguleiki hefði átt að vera að mynda samþjóðarlegan (ísl. brsk. og holl.) rannsóknarhóp og rannsaka málið.

Ég hef alltaf sjálfur sagt að þetta væri sakamál og í huga fullt af fólki (líka sem ég veit um og hef talað við) er það líka. Ég ætla sjálfur að fullyrða að langflestur hluti þess sem kaus á kjosum.is hugsi líka á þennan veg.

Forseti okkar er vonandi enn að hugsa á svipuðum nótum og sjá að málið kemur hvergi almenningi á Íslandi við og hefur aldrei gert! Það á ekki að breytast frá fyrri skoðun hans um málið, þar að segja þjóðarhatkvæðagreiðsluna vegna Icesave II.

Við skorum á Forsetann að standa með almenningi á Íslandi því ekki gat þingið séð sóma sinn að gera það.

 

Forsetinn vísi Icesave til þjóðarinnar

Áskorun til Forseta Íslands

Ég skora á Forseta Íslands hr. Ólaf Ragnar Grímsson að senda Icesave lög III til þjóðaratkvæðagreiðslu.

Íslenska þjóðin hafnaði samningi Icesave  II með svo afgerandi hætti (98%) að mjög sterk rök eru fyrir því að langflestir kjósenda voru að hafna öllum Icesave samningum. Enda gefur núverandi áskorun á kjosum.is sömu niðurstöðu. En þar eru yfir 33.000 manns þegar búin að setja nafn sitt inn þegar að þetta er skrifað.

Að sjálfsögðu á íslenska þjóðin að fá að hafa ákvörðunarvald á þeim samningum sem múlbindur þjóðina og æsku hennar langt fram í framtíðina.

Icesave- samningarnir eru líklegir til að valda þjóðinni verulegum ánauðum um komandi tíð. Íslenska þjóðin á að hafa vald til þess að ákveða hvort að slíkir gífurlegu fjármunir sem greiðslur á Icesave verða eigi að lenda á þjóðinni að greiða í stað þess að þeir aðilar sem urðu þessari meintu skuld valdandi eigi sjálfir að endurgreiða hana, hverjir svo sem fjármunir hennar eru eða verða.

Ef einhver á að kalla slíkt yfir þjóðina er það hún sjálf fari svo hún ákveði að samþykkja samningana.

 Því heitum við á þig, virðulegi Forseti, að neita ofangreindum lögum samþykkis og að beina þeim til þjóðaratkvæðis.

Síðast hugsaði forsetinn málið í sex sólarhringa

Ef ekki þjóðaratkvæðagreiðsla þá telst þetta aðför alþingis að þjóðinni!

Það er með ólíkindum að komin sé upp sú staða að alþingi íslendinga skuli ætla sér að standa gegn þjóðinni í þessu mjög svo sérstaka máli öllu.

Gjörsamlega alveg ótrúlegt að almenningur á Íslandi eigi að borga skuldir fjárglæframanna, hverja svo sem þær eru.

Maður hlýtur að spyrja sig hvað sé eiginlega í gangi? Hvernig er eiginlega komið fyrir meirihluta alþingismanna? Er þetta lið allt saman orðið meira og minna siðblint?

Ef almenningur á Íslandi fær ekki að hafa síðasta orðið í þessu máli þá telst það vera aðför alþingis að þjóðinni. Nokkuð sem þjóðin mun hafa lengi í minnum! 

Ég spyr mig hver dómur þjóðarinnar verði yfir alþingismönnum?

Þetta lið skal átta sig á að ef þeir samþykkja Icesave þá verði málið bara búið og gleymt af þjóðinni. Ó, NEI! Aldrei skal það vera að þjóðin muni gleyma aðför alþingis gegn þjóðinni og öll þessi saga skal skráð með réttri sagnfræði í sögubækunar og vera öllum þeim sem samþykkja til mikilla vansa fyrir verkið.

 

Jóhanna, Steingrímur, Bjarni og öll þið hin. Þjóðin mun hafa þetta í minnum að eilífu og þetta óverk fer í sögubækurnar!

Ég spyr mig! Hvernig ætlar þessir alþingismenn að geta staðið undir reiði Þjóðarinnar og minningu hennar vegna þessara atburða?

HAFIÐ ÆVINLEGA SKÖMM FYRIR!

Áfram íslenska þjóðin.

Komið við á http://kjosum.is og krefjist þjóðaratkvæðagreiðslu um Icesave. Það eru þegar komnir yfir 20.000 manns.

KOMA SVO!

20 þúsund undirskriftir

Koma svo!

Koma svo og losa þetta umsóknar rugl burt!

Loksins var staðið við fyrri yfirlýsingar.

Er framsókn, sjálfstfl. og Vg búnir að komast að sérstöku samkomulagi?

Ég vellti því fyrir mér hvort þetta sé undanfari á falli ríkistjórnar?

 

Áfram Ísland! 

ekkert ESB

Vilja draga umsóknina til baka

Við svo búið að svo komnu,,,,,,,,,

fari ríkistjórn og alþingi í sjálfsskoðun og felli dóm yfir sjálft sig. Ef þeir geta!

Nú þarf að taka til hendinni og ganga í það gera ný lög um kosningu til stjórnlagaþings. En það tekur allt sinn tíma og margt að vinna að í því efni eins og að taka tillit til dóms hæstaréttar. Verður ekki gert strax, því miður..........

Það er og algjörlega viðbúið að það þarf að setja sérstakar reglur um persónukosningu. En annmarkar kosningarinnar voru meðal annars vandamál vegna fjölda frambjóðenda. Eins og ég hef nefnt hefði mjög líklega þátttakan verið meiri a) hefði kosningu verið skipt milli landsvæða b) annmarkar voru á því að þeir sem unnu að kynningu á kosningunni gerðu alltof mikið af því að þurfa að ústkýra fyrir fólki hvernig það ætti að kjósa. Öll umræðan fældi fólk frá kjörstað. Allar ústkýringarnar voru líka til þess að fæla fólk frá. Það að þurfa að vera að útskýra var tildæmis eitt af því!

Fjöldi frambjóðenda = vandamálið var að það þarf að gera sérstök lög um kosningu til persónukjörs, áður en að farið er í vinnu að kjósa til stjórnlagaþings upp á nýtt!

Þetta er svo fáránlegt allt saman vegna þess að það þarf að gera sérstök lög og setja í stjórnarskrá um hvernig persónukjöri skuli háttað, jafnframt því að setja inn ný lög um stjórnmálaflokka. Þetta er eins og að fara í hring.......

Er þá ekki leiðin að gera sérstök lög um persónukjör fyrir stjórnlagaþingið sérstaklega? Endurskoða þau síðan og  endurgera í stjórnarskránni sjálfri?

Ábyrgðin?

Hver er svo ábyrgð þeirra sem settu lögin um stjórnlagaþingið? Ríkistjórnar og alþingis? Ábyrgðin gangvart þeim sem buðu sig fram og náðu kjöri? Og ábyrðin gagnvart þeim sem buðu sig fram og náðu ekki kjöri?

Málið er: með þessu var gerð árás á hugmyndflæði og  allri þeirri miklu vinnu kjörinna fulltrúa og einnig þeirra sem náðu ekki kjöri. Hvað verður um allt þetta efni sem við settum saman? Svo ég tali nú ekki um þjóðfundinn!

Náðu ekki kjöri, vegna þess að þeir sem voru í framboði höfðu lagt í rosalega vinnu í stefnumál sín og áhugamál um hvað fara ætti inn í nýja stjórnarskrá. Hvað með mig sjálfan og alla hina frambjóðendurna? Öll mín áhugamál? Allir fundirnir sem ég hef mætt á varðandi málið? Ekki duttu þau dauð við það eitt að ég náði ekki kjöri (og við hin). Alls ekki! Vegna þess að það átti að fara í gang hugmyndavinna stjórnarskrárfélagsins þar sem okkar hugmyndir og tillögur varðandi stjórnarskrármál átti að ræða um og leggja fyrir kjörinna fulltrúa. Þar átti enn mikil viðbótarvinna að fara í gang.

Nú lifum við öll í óvissu um framhaldið. Því miður.

Þetta er með ólíkindum allt saman og stjórnvöldum á Íslandi til mikilla vansa!

En hvað veit-ég?

 

Stjórnlagaþingskosning ógild

Að fara af stað með bloggið mitt aftur

Gott fólk.

Nú er ég að fara af stað aftur eftir nokkurt hlé. 

Eins og þið vitið sem hafið skoðað hér á bloggið mitt þá er ég mikill andstæðingur inngöngu í ESB.

Pistlar mínir munu ganga út á hvernig hægt væri að setja í gang nýtt Ísland með öðruvísi stjórnkerfi. En það er draumur minn að við endurreisum Ísland að eigin forsendum, með nýju íslensku stjórnkerfi og víðtækri þátttöku almennings í nýrri uppbyggingu þar sem allir þegnar landsins njóti afraksturs vinnukrafta sinna á sanngjarnan hátt.

 

Framboðsúttekt mín

Jæja þá er nú þessi barátta búin og best að fara að snúa sér aðeins að Jólunum og fleiru.

Ég vil byrja með að þakka öllum þeim sem kusu mig í kosningunum kærlega fyrir stuðninginn!

Ég veit að ég fékk stuðning frá fólki í íþróttaheiminum, skákheiminum, fólk sem ég þekki sem á leið um Mjóddina og fullt af fólki sem ég þekki sem ég er viss um að kaus mig í fyrstu sætin (eins og það fólk sagði). 

Þetta var fyrir mér óvönum manninum svolítið sérstök kosningabarátta. Ég ákvað í byrjun að reyna að stressa mig ekki í baráttunni og taka hlutunum létt.

Ég fékk yfirleitt mjög jákvæð viðbrögð hjá fólki sem ég þekki og kannast við! Nema frá einum aðila sem sagðist EKKI ætla að kjósa mig. En sá aðili hafði engan skilning út á hvað málin gengu.

4 myndbönd, 1 útvarpsviðtal, allt þetta án þess að hafa komið nokkurn tímann fram í sjónvarpi eða útvarpi.

3 framboðssíður og tvær opinberar kynningarsíður á netinu og 1 jakki (aðallega til smá gríns vegna sjónvarpsauglýsinga nokkurra frambjóðenda og til að muna og minnistengja fyrir framtíðina). 

Ég ákvað að nota mér sérstöðu eins og hægt væri til að vekja athygli á mér. Eins og tildæmis að vera með sérstakt myndband úr lýðveldisgarði Íslands, uppi á tjaldi í kynningu frambjóðenda hjá stjórnarskrárfélaginu í stað þess að stíga í ræðupúlt óvanur maðurinn.

Ég var mjög duglegur að mæta á fundi og viða að mér efni sem ég mun geyma hjá mér fyrir framtíðina.

Samt komu fyrir nokkur óvænt og sérstök atvik. Ég get því ekki miður sagt á þessu stigi nákvæmlega hvað gerðist. Vil ég þar nefna atvik sem komu fyrir utan og eftir fund þegar að ég var á fundi stjórnarskrárfélagsins þegar að þeir voru haldnir úti á Granda, atvik sem gerðist þegar að ég var á fundi Bótar í Salnum Kópavogi og síðan eitt sérstakt atvik á fundi stjórnarskrárfélagsins í sal FIH. Öll þessi atvik tengjast saman á vissan hátt.............Aðeins þeir aðilar sem komu þar að vita út á hvað þetta gekk.

Síðan var það gangan og kertatendrunin í Lýðveldisgarðinum á föstudeginum fyrir kosningarnar. Mjög sérstakt hvernig það varð til. 

En, allt saman mjög áhugavert og ég mun svo sannarlega ekki hættur í þessum málefni þó ég taki mér frí þangað til Í Janúar. 

Góðar stundir.

 

Koma svo!!!!!

Ég skora á fólk að mæta á kjörstað á morgun. Þessi kosning skiptir rosalega miklu máli fyrir framtíðarkynslóðir þjóðarinnar.

Ég ætla að leyfa mér að fullyrða að þessi kosning muni verða eftirminnanleg í huga fólks í framtíðinni. Sem byrjunin á breytingum!

Ég ætla að fullyrða einnig að kjörnir fulltrúar, stjórnlagaþingmenn muni ná að efla lýðræðið á Íslandi og búa Ísland undir þá framtíð sem við viljum hafa.

Ég trúi því að stjórnlagaþingið muni ná að skilgreina ný lög stjórnarskrárinnar þannig að í framtíðinni verði farið eftir þeim.
Sérstaklega lög um mannréttindi!

 

Ég treysti á það að löggjafarvaldinu og framkvæmdavaldinu verði sett sérstakar skorður og sett viðurlög ef kjörnir fulltrúar þjóðarinnnar brjóti af sér. Viðurlög frá fólkinu sjálfu!

 

 

Rúmlega 10 þúsund búin að kjósa

Virðist vera brot á réttindum

Þeir sem eru ekki blindir og sjónskertir geta fyllt út gerfi-kjörseðil og mætt með hann á kjöstað til að setja það val yfir á þann rétta. Ekki eru þeir með neinn eftirlistsmann yfir sér þegar að verið er að kjósa á kjörstað.

Blindir og sjónskertir þurfa mögulega aðstoð heimavið til að fylla út gerfikjörseðil og síðan væri það sjálfsagt að þeir hafi með sér sinn aðstoðarmann á kjörstað þegar að þeir færa yfir á milli á raunverlega löglega kjörseðilinn. 

En eftirlitsmann kjörstjórna finnst mér fráleitt hægt að skylda þá til að hafa með sér í kjörklefann. Sérstaklega að þeir hafa ekkert leyfi til að sjá hvað hefur verið kosið og sett á löglega kjörseðilinn.

Eins og ég sé þetta virðist þetta vera brot á mannréttindum blindra og sjónskerta. Sjálfsagt að kæra þetta ef það stenst ekki lög!

 

 

 

Blindir ósáttir við eftirlit