Hér eru myndir sem ég tók af mótmælafundi í gær

Hér eru 23 myndir sem ég tók af mótmælafundi í gær.

Smellið á þennan link:

http://hreinn23.blog.is/blog/hreinn23/entry/1195216/

Boða mótmæli á Austurvelli

Myndir af mótmælafundi í gær

Skoðið færslu:

http://hreinn23.blog.is/blog/hreinn23/entry/1195216/

Þar sem ég setti inn 23 myndir frá mótmælum í gær 1. Október 2011.

 

Verið að þjarma að almenningi

Jæja já?

En á að hækka Bensínverðið á almenning. Það fer að verða svo að láglaunafólk hafi alls ekki tök á að eiga og reka Bifreið.

Miklil eru álög á almenning í landinu. Álög vegna fjármálakerfisins sem á að lenda endalaust á fólki. Þetta ætlar engan endi að taka. Við erum svo gjörsamlega búin að fá nóg að allt mun líta út fyrir að þetta endi bara með algjörri byltingu.

Nú þurfum við gott fólk að taka okkur saman og leggja blessuð höfuðin í bleyti og koma með hugmyndir og ráð gegn liðinu. Sjálfur er ég á fullu að skoða minn hug!

Ég tek þó fram að ég er ekki fylgjandi ofbeldi!

Hækka skatta á bensín

Yfirlýsingagleðin allsráðandi?

Ég velti því fyrir mér hvort að forseti vor, Hr. Ólafur Ragnar hafi sagt þessi orð til að gera tilraun til að dempa andstæðar raddir Samfylkingar og VG fólks gegn sér. Semja frið?

 

>Ólafur Ragnar sagði að það sem hefði skipt máli fyrir endurreisn Íslands væri að stofnaðir hefðu verið nýir bankar og almenningur í landinu hefði ekki verið gerður ábyrgur fyrir skuldum einkabankanna.

Ha? Veit forsetinn ekki að með því að stofna nýja banka og bjarga bönkunum var almenningur einmitt gerður ábyrgur fyrir skuldunum. Einmitt og meðal annars vegna þess að ekki er búið að gera gangskör í að bjarga heimilunum sem og vegna sí-aukin gjaldþrot fólks. 

Ég þakkaði forsetanum eins og svo margir aðrir að fá að kjósa um Icesave. En ekki er ég sammála honum í þessu. Og er ég viss um að margir aðrir eru það ekki. Í framhaldinu velti ég því fyrir mér hversu meðvitaður hann er um ástandið á Íslandi?

Stuðluðu að vexti eftir kreppu

Hver eru skilaboðin?

Ef skoðað er þá sést að aðeins 1% munur er á þeim eru óánægð með störf ríkistjórnar og þeim sem eru óánægðir með störf stjórnarandstöðunnar. 64,1 % á móti 63,1 %.

Eru ekki skilaboðin þau að þjóðin er almennt óánægt með stjórnmálamenn á Íslandi? Svo eru tillögur stjórnlagaráðsins að auka þingræðið. Sem eru greinilega út úr korti við þau skilaboð sem almenningur er að gefa.

En hvað er það sem almenningur er óánægður með störf ríkistjórnar?

Það skín út að það er megn óánægja með að ríkistjórn skuli hafa kosið að bjarga bönkunum og fjármálamönnunum í ónýtu fjármálakerfi. Í stað þess að forgangsraða í það að takast á við vanda heimilanna.

Það skín í gegn að svo virðist sem enginn stjórnmálamaður hafi þor í að takast á við kröfur þjóðarinnar að taka verðtrygginguna í burt.

Það skín í gegn að staða margra heimila er þannig að mjög margir eiga í miklum vanda með að borga af fasteignalánum og mjög margir hafa þurft hvað eftir annað að leita aðstoðar sem svo gagnast ekki vegna þess að engu á að breyta í þessu stórgallaða fasteignakerfi.

Svo mætti áfram telja.

En hvað vill stjórnarandstaðan ef hún kæmist til valda? Eins og við almenningur höfum heyrt á öldum ljósvakans þá tala þeir um að það þurfi að setja í gang ný atvinnutækifæri út um allt land. En við þau verkefni myndu fjármálamennir og bankanir spila með og reyna að græða á framkvæmdum þeirra.

Ég sé ekki fyrir mér að neinu verði breytt í kerfinu. Því miður er það hrein staðreind að algjört getuleysi stjórnmálamanna er við að takast á við vanda og gera gangskör í að breyta kerfinu.

Já því miður. Langflest okkar eru orðin langþreytt á stjórnmálamönnum á Íslandi og erum að kalla eftir einhverju algjörlega nýju!

Ég sé það fyrir mér að heimurinn muni breytast mikið á næstu árum og ég vonast svo sannarlega eftir því að mannfólkið hafi vit á að losa sig við afætur þjóðfélagana. Það er augljóst að það er mikil vakning meðal fólks út um allan heim eins og sést hefur undanfarna daga af mótmælum víðast hvar.

Það er vitundarvakning í gangi og við íslendingar þurfum að taka okkur saman að vera amk. meðal þeirra fyrstu sem þora að breyta fyrir alvöru!

 

 

Megn óánægja með stjórnmálin

Mikið er þessi mynd geggjuð alveg + sérstök grein um stjórnmálalega gagnrýni

Ég vil nota tækifærið og vísa hér á bloggpistil minn:

"Froskasjónir" - eru stjórnmálamenn hafnir yfir gagnrýni?

Tilefnið er viðtal um meinta ómaklega gagnrýni á Jóhönnu í útvarpinu í morgun.

Ríkisstjórnarfundir teknir upp

Elsku besta Jóhanna

Farðu nú að hætta að ljúga að fólki. Farðu nú að hætta þessari endalausu tuggu sem enginn trúir. Farðu nú að segja sannleikann um ástandið.

Farðu nú að gera eitthvað fyrir alvöru fyrir almenning á Íslandi.

Dapurlegt......en ég er því miður alveg viss um að hún er alveg vanhæf til þess.

7 þúsund ný störf í augsýn

Hvar hefur þessi maður fengið upplýsingarnar?

>Landið hafi endurheimt aðgengi sitt að alþjóðlegum fjármálamörkuðum og allt þetta hafi náðst án þess að þjóðfélagið hafi beðið skaða af.

Ha? Ég veit ekki betur en að allt logi hér um vegna þess að ekki hafi veið tekið fyrir alvöru á skuldavanda heimilanna. 

Ég veit ekki betur en að ótalmörg heimili séu í rúst vegna gjörsamlega ónýtt  fasteignakerfis. 

Ég veit ekki betur en að heimilin þurfi að borga himinnháar tölur fyrir íbúðir og verðtryggingu á lánum.

Svo mætti lengi telja.

>Árangurinn hafi fengist með því að fara óhefðbundnar leiðir, það er með afskriftum skulda, gjaldeyrishöftum og gengisfellingu. Leiðin hafi verið eins andstæð gullfætinum og hægt var og það hafi virkað.

Ha? Hverjir voru afskrifaðir nema þeir fjárglæframennirnir sem settu allt þjóðfélagið á hausinn og svo geta þeir í mörgum tilfellum haldið sama leiknum áfram.  

Nei! Almenningur sem varð fyrir barðinu var sko ekki láta ganga fyrir og svo himinn langt frá því að neitt sé fyrir alvöru búið að gera fyrir fólk sem lifir í fátækt, og er að missa heimilin sín.

Ég gæti lengi áfram talið. En mikið óttalegt bull er þetta í manninum. 

Þjóðfélagið er í algjörri spennu og allt logar nú útaf verðtryggingunni. Það má búast við að þúsundir manna mæti niður á Austurvöll þegar að alþingi byrjar. Bæði stutta þingið og síðan þegar að það byrjar í október.

Ég skil ekki þennan mann! Gerir þú það sem hér ratar inn á bloggið mitt?

Krugman: Ísland gerði rétt

Laugardalslaug: Það mætti koma upp,,,,,,,

Ég er einn þeirra sem fer reglulega í sund hér og þar um Höfuðborgarsvæðið.

Nýr Sjópottur er góðra gjalda verður. En það vantar svo sannarlega alvöru Nuddpott í Laugardalslaugina. Það er alveg glatað að aðallaug Reykjavíkur hafi ekki alvöru nuddpott.

Sjálfur bý ég í næsta nágrenni við Laugardalslaugina en forðast hana vegna þessa pottleysis og sæki aðallega Árbæjarlaug eða Kópavogslaugarnar.

Sundlaugarnar gerðar sætar

VÁ áhrifin

Nú þarf að fara að undirbúa Ísland undir nýja framtíð. Því fyrr sem við getum byrjað, því betra.

Nú þurfum við íslendingar að setja í gang ný tækifæri fyrir íbúana.  Stjórnvöld á Íslandi skulda fólkinu sem varð undir vegna ákvarðanatöku fjárglæframannana, réttinn til að ákvarða framtíð sína. 

Vá áhrifin

Við íslendingar þurfum að leitast eftir rosalegum áhrifum verka okkar. Eitthvað sem við getum séð og sagt VÁ við, þetta er rosalegt. Og við sem eigum verkin gætum þannig verið stolt að þeim. Fólk sem kemur og sér á að geta verið lissa. Stara á verkin af undrun og aðdáun.

Hægt væri að byrja smátt að leitast eftir að setja í gang svona Vá áhrif til nýjunga og síðan smátt og smátt auka og stækka umfangið.

En í VÁ áhrifum eru atriði sem snúa að heildinni, svo sem: samheldni, eftirvænting, kraftur, hvatning,  undursamlegt, aðdáunarvert. Einnig hófsemi, aðhald, nægjusemi og fleiri atriði.

Á Íslandi þarf að vera til sérstök hvatning fyrir íbúana að vinna saman að framgangi fjölskyldunnar og heildarinnar. Svona hvatning þarf ekki að snúast um að við eigum að græða sem mest. Heldur frekar að byggjast á því að allir sem taki þátt njóti góðs af framtaki sínu og þátttöku. Meðal annars með því að njóta verkana sem og að hafa sanngjarna afkomu af verkum sínum.

Ísland á fullt af tækifærum fyrir íbúana. Einmitt vegna smæðar landsins og náttúrulegrar getu landsins okkar. Við þurfum að finna leiðir fyrir okkur sjálf sem allir njóta jafnt góðs af þegar að verið er að setja í gang verkefni.

Við íslendingar þurfum að vinna saman að því að endurreisa Ísland með því að finna nýjar leiðir saman.

Við þurfum að taka sameiginlegan þátt í að finna þennan Vá áhrifaþátt í öllum okkar verkum. Gera eitthvað rosalega spennandi og skemmtilegt sem við höfum ekki gert áður. Eitthvað sem allir vilja taka þátt í. Við þurfum að sækjast eftir setja í gang ný verk með nýjum formerkjum. Við þurfum að sýna þolinmæði saman til að vinna að góðum verkum sem geta verið til eflingar mannlegs þjóðfélags. Þar sem við hinn almenni borgari getum jafnt notið góðs af.

Við þurfum að efla mannsandann til þeirra verka og vinna sameiginlega að framgangi Íslands.

Við þurfum að finna leiðir til þess að endurvekja framgang Sjávarþorpana. Koma í veg fyrir að sagan endurtaki sig. Við þurfum að stórefla framgang gömlu þorpana með nýjum VÁ tækifærum. Við þurfum að setja í gang sérstaka tryggingu fyrir starfsfólk og íbúa Sjávarþorps fyrir því að halda eða/fá ný störf ef fyrirtækið á staðnum stendur illa. Finna leiðir til endurreisnar.

Það sama á við um Bændasamfélagið!

Við þurfum að setja í gang sérstaka tryggingu fyrir atvinnu þegar að fyrirtæki fara í gjaldþrot.

En er þetta allt hægt ef við göngum inn í ESB? Þegar að ég hugsa um þessi mál þá sé ég hvergi að manneskjan hafi þessi tækifæri til að búa sér til alvöru nýja framtíð með þessum Vá áhrifum. Tökum sem dæmi að ef við göngum inn þurfum við alltaf að vera fá leyfi til að gera hlutina. Og síðan alltaf að þurfa að standa í því að þurfa að hugsa um það hvort það sé nú í lagi fyrir ESB reglugerðum ef við ætlum að setja í gang eitthvað spennandi atriði. Við eigum ekki einu sinni að þurfa að hugsa um það hvort það sé í lagi erlendis frá  (leita í reglugerðir) ef við höfum áhuga að gera eitthvað.

Þessvegna, meðal svo margs annars, þarf að fara að ákveða að draga umsóknina um inngöngu í ESB til baka. Helst það strax.

Veltið því fyrir ykkur afhverju ég sé að skrifa um þessa þætti. Afherju ég sem hef unnið við nánast hvert einasta verkamanna starf sem hægt er að vinna við, út um allt land og það án þess að hafa náð sérstökum peningalegum ávinningi, heldur öfugt, hafi þennan sérstaka áhuga fyrir því að við íslendingar búum okkur sjálfir nýja VÁ framtíð án inngöngu í þetta títtnefnda samband.

Það er meðal annars vegna þess að VÁ tækifærin okkar eru í sjálfum okkur, saman!

Vilja snúa við samrunaþróun ESB