Fáein orð um Stjórnlagaþing

 Ný Stjórnarskrá þýðir í raun Nýtt Lýðveldi fólksins!

Ég var að hlusta á umræður í Sjónvarpinu um frumvarp Ríksstjórnar um Stjórnarskrárbreytingu til setja af stað Stjórnlagaþing.

Það er greinilegt að Alþingismenn halda að mikilvægi þeirra sé ofar hagsmunum fólksins í landinu. Þeir ræða og rífast um mál sem á að snúa um fólkið fyrir fólkið til breytinga í landinu.

Það er því á hreinu að eina rökrétta staða er sú að fólkið sjálft ákveði hvað verði rætt á Stjórnlagaþingi! Þetta er vegna eðlis þessa máls!

Á bloggi mínu fyrir nokkru síðan talaði ég um að fólkið sjálft ætti að ræða um hvað væri tekið fyrir á Stjórnalagaþingi. Ég lagði til Þingvallaleiðina með Almannaþingi á Þingvöllum þar sem þessi mál yrðu rædd af fólkinu í landinu en ekki stjórnmálamönnum!

Það er alltaf betur og betur að koma í ljós að alþingi á ekkert að vera að koma að þessum málum. Ég fagna því að ef þeim tekst ekki að komast að samkomulagi og vonast eftir að málið verði svæft þessvegna! Því miður

Það er fólkið sjálft í landinu sem á að ákveða umræðuefnin á Stjórnlagaþingi, tímalengd og launatengd efni. Undibúa síðan sjálft Stjórnlagaþing frá a til ö!

En ef ekki er hægt að komast hjá því að fá þetta Stjórnlagaþing með öðru móti verður fólkið í landinu að taka við því en gera svo sitt besta til að útiloka Ríkistjórn og alþingismenn frá Stjórnlagaþinginu  eins og hægt væri, eftir að frumvarpið er orðið til! Aðeins þannig væri hægt að sættast á að þetta frumvarp verði að lögum. Að fólkið í landinu (eða stjórnlagaþingið) geti útilokað sjálft öll afskipti stjórnmálamanna frá byrjun til enda. Að finna leið til þess strax og Stjórnlagaþingið tæki til starfa!

Síðan skal Alþingi aldrei fara yfir á neinn hátt útkomu Stjórnlagaþings! Heldur fara eftir því eingöngu sem fulltrúar þess velja. Á ég þar við meðal annars "Gerð nýrrar Stjórnarskrár" Sem er einn megin tilgangur minn fyrir að vera frekar á móti þessu frumvarpi. Því alþingismenn virðast ætla að koma með puttana í gerð nýrrar stjórnarskrár!

Athugið að gamla stjórnarskráin var samin af yfirstéttinni í landinu og er tekin upp frá þeirri dönsku á þeim tíma.

Enn meira ef ég má bæta við: Ég hef þá skoðun að þurfi að endurreisa Ísland frá grunni og byggja það upp fyrir fólkið í landinu. Þannig þyrfti Stjórnlagaþing að ákveða að stofnað yrði Nýtt Lýðveldi Fólksins með jafnvel nýjum Þjóðhátíðisdag ef því væri að skipta. Ný Stjórnarskrá þýðir í raun Nýtt Lýðveldi!

Stjórnlagaþingið á að koma frá fólkinu og vera fyrir fólkið! 

 Mín skoðun!

Hvernig er hægt að lesa í þetta að verðbólga sé að lækka?

>Vísitala neysluverðs miðuð við verðlag í mars 2009 lækkaði um 0,59% frá fyrra mánuði.

0,59 % segi og skrifa? Rosaleg lækkun?

>Síðastliðna tólf mánuði hefur vísitala neysluverðs hækkað um 15,2%.

Deilum þessari tölu með 12! Hver er útkoman?: 1,266xxxx% hækkun á mánuði.  Þegar að lækkun neysluverðs p.r. mánuð fer upp fyrir hækkunina á 12 mánuðum (0,59% fer upp fyrir 1,266% pr. mán) væri raunverulega hægt að segja að búið væri að ná tökum á verðbólgunni.

Reiknið nú hvenær er búið að ná þessu 15,2% til baka!

En rökrétt má segja að þessi tala 0,59% muni lækka frekar á næstu mánuðum. Tildæmis í Apríl verði þessi tala 0,38%. Í Mai 0,21. Þegar að verði er búið að síga niður að núlli fari það hækkandi aftur. Þannig mætti ætla að það yrði hækkun á Vísitölu neysluverðs í Júní eða fyrr og fara svo stígandi aftur. 

Varðandi Bensínverð þá er það mjög rokkandi og fer auðvitað eftir heimsmarkaðsverði.

Þetta er hinsvegar mat leikmanns sem hefur þó einhverja þekkingu á hlutabréfa-vísitölum en hefur ekki aflaðsér þekkingu á þessum útreikningi. Hinsvegar er mjög einfalt að sjá að upplýsingar og uppsetningin hér fyrir ofan í fréttinni er ekki mjög nákvæmlega sett fram........

 

 

Talsvert dregur úr verðbólgu

Nýja Ísland?

Í gær var ég aðeins að koma inn á að við þegnar landsins berum ábyrgð á að búa afkomendum okkar góðrar framtíðar. Ef okkur tekst það ekki þá mun verða landsflótti. Flótti sem er þegar byrjaður. Flótti sem á eftir að stóraukast ef okkur tekst ekki vel upp, sem er ólíklegt vegna þess sem á undan er gengið.

 

Hvernig framtíð viljum við á Íslandi?

 

Viljum við búa í landi þar sem allir þegnar þess geti búið saman í sátt og samlyndi? 

Viljum við búa við stjórn sem veitir þegnum landsins jöfn tækifæri?

Í mínum huga er það við, fólkið sem þurfum að koma að breytingum. Búa til "Nýtt Ísland" á Íslandi.

 

Nú þurfum við að þora að koma saman að búa til hið "Nýja Ísland" í sameiningu. Fólkið í landinu. 

Þetta er miklvægt atriði fyrir okkur! Að hafa í framtíðinni geta sýnt þjóðum heimsins að almenningur á Íslandi hafi komið saman til að rétta Ísland við út úr fjárkreppu og yfirvofandi gjaldþroti heimilanna.

Það er alveg ljóst að ef náum ekki saman um þetta mál þá munum við aðeins ýta á undan okkur vandanum en ekki ráða fram úr honum. Mér eiginlega hryllir við þeirri tilhugsun að afkomendur okkar þurfi að taka við allri holskeflunni vegna þess að við gátum ekki verið nógu vitur að ganga í hlutina saman!

 Áfram Ísland!

 

Nýja Ísland!

 

Góðir hlutir gerast hægt. En það þarf að byrja einhversstaðar.

Ísland brennur

Í hvernig landi vilt þú búa í framtíðinni?

 

 

Viltu búa í landi þar sem þú sem launþegi heldur áfram að blæða fyrir græðgi  atvinnu fjárglæframanna?

 

Vilt þú búa í landi þar sem þú munt halda áfram að borga háa vexti á íbúðaláni þínu?

 

Vilt þú búa í landi sem þar sem þú munt þurfa áfram búa við hátt matvöruverð?

 

 

Viltu búa í landi þar sem þú munt áfram sjá stjórnmálaflokka setja menn í sínum flokki í hinar ýmsu valdastöður  eins og tíðkast hefur?

 

Viltu búa í landi þar sem þú heldur áfram að búa við sama kerfi?

 

Þá kýst þú áfram einhvern af fjórflokkunum

 

 

En þá borgar þú mér það sem þú skuldar mér!

 

 

                                             Hvaða ábyrgð berð þú sem kjósandi?                                                                                             

  

1. afkomu þíns sjálfs og fjölskyldu þinnar

 

2. að veita flokki umboð til að fara með þín mál á þann veg að tryggja afkomu þína og fjölskyldu þinnar og annara landsmanna

 

3.  síðan hefur val þitt á flokki áhrif á því hverjir stjórna landinu. Þannig ef; þegar að þú velur, þar að segja kýst þér flokk þá ertu um leið búinn að setja mig sem annan kjósanda að lenda í að búa við þá flokka sem veljast saman til stjórnunar. Þannig  þú hefur áhrif á val á því kerfi sem flokkarnir munu nota til stjórnunar við. Þú hefur því alltaf áhrif á val mitt eins og ég hef áhrif á val þitt. 

 

Þannig er að þeir flokkar sem lenda saman í stjórn eftir val okkar kjósendanna standa sig ekki þá í raun berum við sem kjósendur alltaf smá ábyrgð á því að hafa valið yfir okkur stjórnendur sem geta ekki náð að leysa vandamál þjóðfélagsins. Þannig berum við sem kjósendur alltaf einhverja ábyrgð!

 

Það er þegar sannað að kerfið virkaði ekki og fólkið sem bjó til kerfið var heldur ekki að standa sig!

 

Því þurfum við íslendingar að koma saman til að búa til nýtt kerfi þar sem allir þegnar landsins getum verið í sátt við. Núverandi stjórnmálamenn hafa engvar lausnir til þess. Aðeins við fólkið í landinu getum búið til nýjar lausnir!

 

Því spyr ég ykkur? Vilt þú eiga þátt í því að velja yfir þig aftur flokka sem munu viðhalda sama kerfinu? 

Er ekki sannað að mennirnir með kerfið sem við höfum búið við geta ekki notað kerfið áfram vegna þess að það er meingallað?

 

 Allar þessar spurningar koma upp í hugann vegna fjárhagslegrar stöðu Íslands og hverja framtíð við veljum okkur. Því segi ég!: Það er svo mikilvægt að velja okkur framtíð þar sem við vinnandi fólk þessa lands getum búið saman í sátt og samlyndi. Í sátt við afkomu okkar. Í sátt við samfélag okkar. Í sátt við okkur.

 

Það er alveg á hreinu að einhversstaðar þurfum við sem fólkið að byrja á vali okkar til breytingar á samfélaginu. Að gera Ísland hæft til að búa í því.

 

 Nýja Ísland

 

Ef ég sé einhvern af fjórflokkunum við stjórn eftir kosningar þá mun ég fara burt af landinu! Ég mun leggja það til við hóp manna að leitast eftir að mega stofna samfélag íslendinga í öðru landi eins og Canada svo dæmi sé tekið. Nýlenda íslendinga sem kölluð yrði:

 

Nýja Ísland

 

 

Þetta er nokkuð sem ég hef heyrt hjá nokkuð mörgu fólki. Að það gæti orðið stór landsflótti.

Það væri hægt að gera þennan flótta skipulegan! Að hópur fólks taki sig einfaldlega saman um að flytja burt af landinu og fá leyfi fyrir að mynda þorpssvæðis samfélag í öðru landi.

 

Hvað sem verður: Ef okkur fólkinu tekst ekki að losa landið undan valdagræðgi og peningagræðgi nú alveg á næstunni. Þá er ég farinn og fullt af öðru fólki! 

Það er á hreinu að ég treysti ekki fjórflokknum til þess að leysa vandann!

 

 

Fyrir áhugasama

Kynningarfundur verður haldinn á Borgarahreyfingunni

 

Klukkan 20.00 í kvöld þriðjudaginn 10. mars ætlum við að halda kynningarfund í Iðnó. Verið velkomin að koma og hlusta á stefnumálin okkar og umræður um þær.

Til máls taka Herbert Sveinbjörnsson, formaður, Birgitta Jónsdóttir, varaformaður og Hjálmar Hjálmarsson, frambjóðandi.

Opið verður fyrir spurningar að því loknu.

Borgarahreyfingin er að byggja brú fyrir þjóðina inn á Alþingi óháð fjórflokknum. Við mótmæltum dómgreindarleysi, ráðaleysi og getuleysi í kjölfar bankahrunsins. Nú brettum við upp ermar.

Yfirlýsing frá Borgararhreyfingunni - Þjóðin á þing

Refsingin fyrir að hafna þátttöku í stjórnmálum er að þér verður stjórnað af verra fólki en sjálfum þér.
Plato

Borgarahreyfingin – þjóðin á þing, stefnir á framboð í öllum kjördæmum  
undir listabókstafnum O. Borgarahreyfingin samanstendur af  
breiðfylkingu fólks sem á fátt annað sameiginlegt en að vera virkir  
borgarar í lýðræðissamfélagi. Efnahagshrunið í haust og vanhæfni  
stjórnvalda til að taka á því, varð til þess að leiða saman þann ólíka  
hóp sem stendur að Borgarahreyfingunni. Innan hreyfingarinnar er fólk  
með fjölbreyttan bakgrunn, ólíkar lífsskoðanir, sem býr við mismunandi  
kjör víðsvegar á landinu.


Nánast allar stofnanir sem almenningur treysti til að gæta hagsmuna  
sinna brugðust. Enginn sætti ábyrgð og enginn hefur verið kallaður til  
ábyrgðar. Borgarahreyfingin er stjórnmálaafl sem sinnir hagsmunavörslu  
fyrir einn hóp – þjóðina – og hefur eina meginreglu að leiðarljósi: að  
færa völdin frá flokkræði til lýðræðis sem er róttæk skynsemi.

Borgarahreyfingin – þjóðin á þing var stofnuð til að hrinda í  
framkvæmd eftirfarandi meginatriðum:

     * Alvarleg staða heimila og fyrirtækja verði tafarlaust lagfærð.
     * Þjóðaratkvæðagreiðsla skal fara fram um mál er varða þjóðarhag  
óski tiltekinn minnihluti þjóðarinnar þess. Sama gildir um að rjúfa  
þing.
     * Bera skal alla samninga undir þjóðaratkvæðagreiðslu sem  
mögulega framselja vald.
     * Rofin verði óeðlileg hagsmunatengsl milli viðskiptaheims og  
þingheims.
     * Tryggð verði skipting valdsins milli löggjafarvalds og  
framkvæmdavalds, m.a. þannig að ráðherrar sitji ekki á þingi.
     * Allar náttúruauðlindir verða í þjóðareigu og óheimilt að  
framleigja þær nema tímabundið.
     * Trúverðug rannsókn undir stjórn og á ábyrgð óháðra erlendra  
sérfræðinga á íslenska efnahagshruninu verði hrundið af stað og fari  
fram fyrir opnum tjöldum. Frysta eignir grunaðra STRAX meðan á  
rannsókn stendur.
     * Landsmenn skrifi sína eigin stjórnarskrá.

borgarahreyfingin - þjóðin á þing

     * Við í Borgarahreyfingunni erum sammála um, að sama hvar í  
flokki þingmenn standa, munu þeir leitast við að halda þeim völdum  
sínum áfram.
     * Við treystum þeim því ekki til að færa völdin frá flokkunum til  
þjóðarinnar, sama hverju þeir lofa.

     * Við erum líka sammála um að þeim er ekki treystandi til að  
rannsaka efnahagshrunið ef rétt reynist að þeir hafi margir hverjir  
fengið óeðlilegar fyrirgreiðslur hjá fjármálastofnunum.
     * Við þjóðin þurfum okkar þrýstihóp inn á þing og sameiginlega  
munum við beita þrýstingi innan þess sem utan.
     * Ef landsmenn, treysta flokkunum til þess að takmarka völd sín  
og rannsaka eigin sök á efnahagshruninu þá kjósa þeir bara einn þeirra.
     * Ef þeir hins vegar treysta því fólki best til verksins sem búið  
er að standa vaktina frá upphafi hrunsins. Fólkinu sem þegar hefur  
sýnt einlægan vilja til að koma á breytingum, þá biðjum við hér með um  
þeirra stuðning í komandi kosningum.
     * Við erum valkostur fyrir þá sem eru orðnir þreyttir á sömu  
frösunum, sömu andlitunum, sömu lausnunum og vilja gegnsætt réttlæti.  
Jafnframt viljum við hvetja alla þá sem stóðu vaktina með okkur á  
Austurvelli og á Borgarafundum að hjálpa okkur með því að  bjóða sig  
fram. 

Hér er linkur fyrir þá sem vilja ganga í hreyfinguna:

borgarahreyfingin - þjóðin þing

Borgarahreyfingin leggur fram vandlega unnar tillögur til bráðaaðgerða í efnahagsmálum

Borgarahreyfingin - Þjóðin á þing

 

Í Brogarahreyfingunni er hópur fólks sem vill koma inn í stjórnmálin af krafti til breytinga fyrir fólkið í landinu. Það sem sameinar okkur er að inn í stjórnun þarf að koma fólk sem vill vinna af miklum krafti og eljusemi við að rétta landið okkar út úr þeim mikla vanda sem það er komið í.

Réttlæti, Heiðarleiki, Traust, Kraftur, Stuðningur,

 

 

Stefnumál Borgarahreyfingunnar:

1. Gripið verði til neyðarráðstafana í þágu heimila og fyrirtækja.

1.1.   Alvarleg staða heimilanna verði tafarlaust lagfærð með því að færa vísitölu verðtryggingar handvirkt fram fyrir hrun hagkerfisins (jan. 2008) og hækkanir höfuðstóls og afborganir húsnæðislána til samræmis við það.  Raunvextir á verðtryggðum lánum verði að hámarki 2% og afborgunum af húsnæðislánum verði almennt hægt að fresta um tvö ár með lengingu lánsins um þann tíma. Náð verði samkomulagi við eigendur verðtryggðra húsnæðislána um að þeim verði breytt í skuldabréf með föstum vöxtum og verðtryggingarákvæði í lánasamningum verði bönnuð.

1.2.   Leitað verði leiða til að leysa myntvanda Íslands með myntbandalagi við aðrar þjóðir eða ef með þarf með einhliða upptöku annars gjaldmiðils.

1.3.   Atvinnulaust fólk verði hvatt með aukagreiðslum til að stunda nám og/eða vinnu með samfélagslegu markmiði til að koma í veg fyrir að tengsl þess við vinnumarkaðinn rofni.  Sett verði á stofn víðtæk aðstoð við atvinnulausa um allt land með það að markmiði að kenna þeim að nota atvinnuleysið sem tækifæri til hina betra.

1.4.   Skuldsett fyrirtæki verða boðin út og aðeins tekið tilboðum ef ásættanlegt verð fæst.  Annars verði starfsfólkinu leyft að taka yfir lífvænleg fyrirtæki sem ekki fæst ásættanlegt verð fyrir. Skuldir eigenda verði ekki felldar niður sjálkrafa en nota á endurreisnarsjóð atvinnulífsins til að veita hagstæð lán og breyta skuldum lífvænlegra fyrirtækja í hlutafé í eigu ríkisins frekar en að afskrifa skuldir.

1.5.   Halla á ríkissjóði verði mætt með endurskoðun skattkerfisins, m.a. með fjölgun skattþrepa, hátekjuskatti og breytingum á virðisaukaskatti, frekar en niðurskurði í heilbrigðis- og velferðarþjónustu.  AGS fái ekki að ráða ferðinni með stöðu ríkissjóðs.

1.6.   Strax verði hafist handa við að meta heildarskuldir þjóðarbúsins og að því loknu gert upp við lánardrottna eftir bestu getu og skynsemi.  ICESAVE reikningar Landsbankans og aðrar skuldir bankanna erlendis verði ekki greiddar fyrr en álit óháðra sérfræðinga liggur fyrir um skyldur Íslands og m.t.t. þess að sennilega hafi verið um svikamyllu að ræða en ekki eðlilega bankastarfsemi.  Rannsakað verði hvað varð um allar innlagnir á reikningana, fjármunirnir sóttir og þeim skilað til eigenda. Stjórnendur og eigendur bankanna verði gerðir persónulega ábyrgir fyrir því sem vantar upp á.  Samið verður um það sem út af stendur m.t.t. neyðarástands og reynt að fá þær skuldir niðurfelldar.  Samhliða því verði gefið loforð um framlag af hálfu Íslands sem nemi 2% af VLF renni til þróunaraðstoðar á ári næstu tíu ár til að sýna góðan vilja íslendinga til að verða ábyrg þjóð meðal þjóða.

2. Landsmenn semji sína eigin stjórnarskrá.

2.1.   Þjóðaratkvæðagreiðsla skal fara fram um tiltekið mál óski tiltekinn minnihluti þjóðarinnar þess. Sama gildir um að rjúfa þing.

2.2.   Bera skal alla samninga undir þjóðaratkvæðagreiðslu sem mögulega framselja vald, m.a. þar sem krafist er að lög og reglugerðir séu innleidd án atbeina Alþingis.

2.3.   Að viðurkenna þau sjálfsögðu mannréttindi sbr. 1. gr. Mannréttingayfirlýsingar Sameinuðu þjóðanna að vægi atkvæða í alþingiskosningum verði jafnt enda væri það í samræmi við hugmyndir um að auka vægi þjóðaratkvæðis um einstök mál enda augljóst að ekki væri hægt að láta suma landsmenn hafa meira vægi en aðra við þjóðaratkvæðagreiðslu.

2.4.   Að fjöldi þingmanna miðist við fjölda á kjörskrá í hlutfallinu 1/4000 sem væri í samræmi við algengt hlutfall í öðrum löndum. Þetta myndi þýða nokkra fækkun þingmanna í dag en hægfara fjölgun þeirra í framtíðinni með vaxandi fólksfjölda sem væri rökrétt.

2.5.   Að kjördæmaskipan verði endurskoðuð og kjördæmum fækkað á suðvesturhorninu.

2.6.   Að tryggð sé skipting valdsins milli löggjafar-, framkvæmda- og dómsvalds, m.a. þannig að ráðherrar sitji ekki á þingi

2.7.   Að ráðherrar og æðstu embættismenn framkvæmdavaldsins, nema dómarar, gegni embætti í mesta lagi í átta ár eða tvö kjörtímabil samfellt.

2.8. Að fyrsta málsgrein 76. greinar stjórnarskrárinnar verði breytt til samræmis við Mannréttindayfirlýsingu Sameinuðu þjóðanna um réttinn til lífskjara sem nauðsynleg eru til verndar heilsu og velliðan allra. Grein 76 muni þá hljóða svona eftir breytingu. “Öllum skal tryggður rétttur til grunn lífskjara sem nauðsynleg eru til verndar heilsu og lífsviðurværi þeirra sjálfra og fjölskyldu þeirra, sé þess nokkur kostur. Grunn lífskjör teljast vera nauðsynlegt fæði, hreint vatn, klæði, húsnæði, læknishjálp og nauðsynleg félagsleg þjónusta, svo og réttur til öryggis vegna atvinnuleysis, veikinda, fötlunar, fyrirvinnumissis, elli eða annars sem skorti veldur og menn geta ekki við gert.” Öllum skal tryggður í lögum réttur til almennrar menntunar og fræðslu við sitt hæfi. Börnum skal tryggð í lögum sú vernd og umönnun sem velferð þeirra krefst.

2.9.   Aðrar breytingar á stjórnarskrá verði gerðar þannig að hún samræmist Mannréttindayfirlýsingu Sameinuðu þjóðanna.

2.10.          Allar náttúruauðlindir verða í þjóðareigu og óheimilt að framleigja þær nema tímabundið og þá aðeins með viðurkenndum gagnsæjum aðferðum þar sem fyllsta jafnræðis og arðs er gætt.

 

3. Trúverðug rannsókn undir stjórn og á ábyrgð óháðra erlendra sérfræðinga á íslenska efnahagshruninu verði hrundið af stað og fari fram fyrir opnum tjöldum. Frysta eignir grunaðra auðmanna STRAX meðan á rannsókn stendur.

3.1.   Tafarlaust verði sett í gang opinber rannsókn undir stjórn erlendra sérfræðinga á hruni íslenska efnahagskerfisins.  Samhliða því verða sett verði afturvirk lög sem leyfa ógildingu allra fjármálagerninga undanfarinna tveggja ára þ.m.t. gerninga skilanefnda bankanna, og í undantekningartilfellum lengra aftur í tíma ef sýnt er að um óeðlilega gjörninga hafi verið að ræða sem leitt hafi af sér skaða fyrir íslenskt efnahagslíf.  Ef sýnt er að gjörningar félags og/eða eiganda þess hafi verið með þeim hætti að leitt hafi af sér skaða fyrir íslenskt efnahagslíf verður í þeim tilfellum ákvæði hlutafélagalaga um takmarkaða ábyrgð eigenda verði fellt niður.

4. Lögfest verði fagleg, gegnsæ og réttlát stjórnsýsla.

4.1.   Að ráðningatími (skipunartími) og þ.a.l. uppsagnarfrestur allra embættismanna sé í samræmi við það sem almennt gerist hjá stjórnendum á vinnumarkaði skv. nánari útfærslu sem verði í höndum Kjararáðs.

4.2.   Að tiltekinn minnihluti þingmanna geti boðað til þjóðaratkvæðagreiðslu um lagafrumvörp sem Alþingi hefur samþykkt.

4.3.   Að hæfi umsækjenda um störf hæstaréttar- og héraðsdómara sé metið af hlutlausri fagnefnd skipaðri af Alþingi eftir tilnefningu hæstaréttar. Fagnefndin geti lagt fyrir umsækjendur próf til að skera úr um þá hæfustu og að ráðherra beri að velja dómara úr hópi þeirra sem fagnefndin telur hæfasta.

4.4.   Að æðstu embættismenn séu valdir á faglegum forsendum.

4.5.   Að fastanefndir þingsins verði efldar. Að nefndarfundir verð almennt haldnir í heyranda hljóði. Gerð verði krafa um að fastanefndir afgreiði öll mál og skili niðurstöðu innan ákveðins tíma.

 

5. Lýðræðisumbætur STRAX.

5.1.   Stjórnlagaþing í haust

5.2.    Persónukjör

5.3.    Afnema 5% þröskuldinn

5.4.    Þjóðaratkvæðagreiðsur

5.5.   Ný framboð fái sama tíma í fjölmiðlum og sama stuðning og aðrir stjórnmálaflokkar

 

6. Borgarahreyfingin leggur sig niður og hættir störfum þegar þessum markmiðum hefur verið náð eða augljóst er að þeim verður ekki náð.

Wall Street á túndrunni

Nokkrar landslagsmyndir af sýningu 2007 í Iðu - Lækjargötu

 

 

 

 

 

Hér eru nokkrar myndir sem ég tók sumarið 2007 og voru á sýningu hjá mér á Menningardag í Iðu Lækjargötu. Ég set þessar myndir inn til að slappa aðeins af fyrir komandi pólitísk átök Njótið heil

Alþingi - þjóðin - þjóðarvitundin

Almannaþing og hátíð á Þingvöllum.

 

Smá viðbót sem ég set hér inn degi seinna, þann 21. feb.

Ég legg til að á þessu almannaþingi sem ég nefni hér fyrir neðan, komi fólkið saman og ræði ýmis mál sem þeim er ofarlega í huga. Þannig mætti setja á dagskrá umræður um 

1. Á Ísland að ganga í ESB?

2. Hvernig mynt á Ísland að taka upp?

3. Á Ísland að byrja á Hvalveiðum fyrir alvöru. 

Síðan þegar að niðurstaða fengist úr þessum málum mætti undirbúa þjóðaratkvæðagreiðslu um þau.

Tilgangurinn með að ræða þessi mál á almannaþingi væri að efla þjóðarvitundina.

 

Í mars 2008 sendi ég forseta og ríkisstjórn 14 síðna bækling þar sem ég stakk upp á að haldin yrði hátíð á Þingvöllum til að sameina þjóðina.

Svarið sem ég fékk frá Össur Skarphéðinsyni var eitthvað á þá leið að ekki væri fordæmi fyrir að gefa einstaklingum leyfi fyrir að halda hátíð á Þingvöllum.

Í fyrirspurn minni sem ég veit svo sem ekki hversu mikið var rædd inni á ríkisstjórnarfundi tók ég sérstaklega fram að slík hátíð þyrfti að koma að frá hendi ríkisstjórnar. Reyndar stakk ég upp á hvort hægt væri að fá styrk upp að 5 mílljónum (sem eingöngu átti að vera fyrir undirbúning og vinnu) með aðkomu ýmissa aðila úr matvæla og ferðaiðnaðnum til að setja svona  hátíð í gang. 

Svarið sem ég fékk var því út í hött. Og greinilegt var að Ríkisstjórnin hefði ekki áhuga að sameina þjóðina!

Hugmyndin var sú að setja í gang alsherjar Þingvallahátíð þar sem fólk kæmi að úr öllum landshornum, til kynninga, sölu á smávöru, íþrótta og leikja. Nokkurskonar alsherjar hátíð fyrir fólkið í landinu til að sameina þjóðina.

 Inni í hugmynd minni gat ég sérstaklega um að áhugavert að vera með almannaþing samhliða hátíðinni.

 Nú í framhaldinu vil ég endurvekja þessa hugmynd og sting upp á að alsherjar hátíð verði sett upp á Þingvöllum þann 17. Júní næstkomandi til að sameina þjóðina eftir öll þau áföll sem gengið hafa yfir. Vil ég sérstaklega taka fram að ég mun koma að þessu betur inn ef samtök fólks þess sem bíður fram í næstu kosningum mun ná góðu fylgi!

Guðni Karl Harðarson

Samstaða það er málið!

Nú köllum við allt gott fólk til góðra verka sem er búið að fá nóg af stjórnmálaflokkum á Íslandi!

 

Nú stöndum við saman fólkið í landinu og gerum umtalsverðar lýðræðisbreytingar.

 Áfram Ísland!

Áfram Samstaða!

 

 

Hér kemur inn á Bloggið mitt á næstunni fullt af efni varðandi hversvegna Íslandi yrði betur stjórnað án flokka.