Vaknaðu vinur!

      Við erum búin að sjá svo augljóslega hvernig þjóðfélagið er síðan að hrunið varð. Við erum búin að sjá spillinguna sem grasserar út um allt. Og allt það slæma sem hefur gengið á. Innan stjórnmálanna sem og utan þeirra. Við erum búin að leggja fram sanngjarnar kröfur og tillögur sem ekki er farið eftir og ekki eru samþykktar.

     Ef eitthvað jákvætt hefur komið út úr síðustu árum er að það hefur hjálpað okkur að sjá hvernig þjóðfélag við viljum ekki.

     Svo vaknaðu vinur. Skoðaðu í eigin huga. Er það þetta sem þú vilt?

Í skjali mínu "Nýi Sáttmáli" tala ég um að við þurfum að taka okkur til og gera Manngildabyltingu saman. Að við þurfum að vinna saman á jákvæðum nótum.

     Í skjali mínu "Mennskaræði" nefni ég hugsanlegar aðstæður þar sem fjölskyldur geti komið saman og tengst átthaga og fjölskylduböndum. Er eitthvað að því að vilja lifa í mannsæmandi þjóðfélagi?

     Nú er þessi tími að koma að við hefjum Ísland upp á annað svið, sem er svið manngilda og mennsku. Vertu þátttakandi í því einlæga og góða sem við sem hugsum á sömu nótum viljum að allt samfélagið njóti saman.

Við þurfum að fara að safnast saman í hópa og segja svo greinilega:

STOPP! HINGAÐ OG EKKI LENGRA

En það þarf að vera nákvæmlega á þeim nótum sem snýr að mannsæmandi þjóðfélagi. Þar sem vonin ríkir, þar sem fólk hugsar á jákvæðum nótum, þar sem fólk tekur sig saman að fara eftir góðum gildum!

Þér er velkomið að taka þátt í því sem við ætlum að búa til saman og vinna á þessum nótum.  Þessir hópar fara að myndast saman með haustinu.

Athugasemdir

[Rakel Sigurgeirsdóttir, 19.8.2012 kl. 16:22]

Gott innlegg hjá þér Guðni.

[Guðni Karl Harðarson, 19.8.2012 kl. 17:14]

Þakka þér fyrir Rakel

[Helga Kristjánsdóttir, 19.8.2012 kl. 17:32]

Ég get ekki verið meira sammála þér Guðni minn,en allstaðar þar sem ,elitan er, notar hún vopn sín,sem er peningar eða ígildi peninga,ekki frá sjálfum sér heldur því sem líkist ,,mútum,,líkt og IPA,styrkirnir. Margir falla fyrir þeim. Ég vil heldur bryðja harðar skorpur,umkvörtunarlust,heldur en liggja fyrir fótum þessa pakks.

[Ásthildur Cesil Þórðardóttir, 19.8.2012 kl. 19:47]

Innilega sammála þér Guðni minni.