VÁ áhrifin

Nú þarf að fara að undirbúa Ísland undir nýja framtíð. Því fyrr sem við getum byrjað, því betra.

Nú þurfum við íslendingar að setja í gang ný tækifæri fyrir íbúana.  Stjórnvöld á Íslandi skulda fólkinu sem varð undir vegna ákvarðanatöku fjárglæframannana, réttinn til að ákvarða framtíð sína. 

Vá áhrifin

Við íslendingar þurfum að leitast eftir rosalegum áhrifum verka okkar. Eitthvað sem við getum séð og sagt VÁ við, þetta er rosalegt. Og við sem eigum verkin gætum þannig verið stolt að þeim. Fólk sem kemur og sér á að geta verið lissa. Stara á verkin af undrun og aðdáun.

Hægt væri að byrja smátt að leitast eftir að setja í gang svona Vá áhrif til nýjunga og síðan smátt og smátt auka og stækka umfangið.

En í VÁ áhrifum eru atriði sem snúa að heildinni, svo sem: samheldni, eftirvænting, kraftur, hvatning,  undursamlegt, aðdáunarvert. Einnig hófsemi, aðhald, nægjusemi og fleiri atriði.

Á Íslandi þarf að vera til sérstök hvatning fyrir íbúana að vinna saman að framgangi fjölskyldunnar og heildarinnar. Svona hvatning þarf ekki að snúast um að við eigum að græða sem mest. Heldur frekar að byggjast á því að allir sem taki þátt njóti góðs af framtaki sínu og þátttöku. Meðal annars með því að njóta verkana sem og að hafa sanngjarna afkomu af verkum sínum.

Ísland á fullt af tækifærum fyrir íbúana. Einmitt vegna smæðar landsins og náttúrulegrar getu landsins okkar. Við þurfum að finna leiðir fyrir okkur sjálf sem allir njóta jafnt góðs af þegar að verið er að setja í gang verkefni.

Við íslendingar þurfum að vinna saman að því að endurreisa Ísland með því að finna nýjar leiðir saman.

Við þurfum að taka sameiginlegan þátt í að finna þennan Vá áhrifaþátt í öllum okkar verkum. Gera eitthvað rosalega spennandi og skemmtilegt sem við höfum ekki gert áður. Eitthvað sem allir vilja taka þátt í. Við þurfum að sækjast eftir setja í gang ný verk með nýjum formerkjum. Við þurfum að sýna þolinmæði saman til að vinna að góðum verkum sem geta verið til eflingar mannlegs þjóðfélags. Þar sem við hinn almenni borgari getum jafnt notið góðs af.

Við þurfum að efla mannsandann til þeirra verka og vinna sameiginlega að framgangi Íslands.

Við þurfum að finna leiðir til þess að endurvekja framgang Sjávarþorpana. Koma í veg fyrir að sagan endurtaki sig. Við þurfum að stórefla framgang gömlu þorpana með nýjum VÁ tækifærum. Við þurfum að setja í gang sérstaka tryggingu fyrir starfsfólk og íbúa Sjávarþorps fyrir því að halda eða/fá ný störf ef fyrirtækið á staðnum stendur illa. Finna leiðir til endurreisnar.

Það sama á við um Bændasamfélagið!

Við þurfum að setja í gang sérstaka tryggingu fyrir atvinnu þegar að fyrirtæki fara í gjaldþrot.

En er þetta allt hægt ef við göngum inn í ESB? Þegar að ég hugsa um þessi mál þá sé ég hvergi að manneskjan hafi þessi tækifæri til að búa sér til alvöru nýja framtíð með þessum Vá áhrifum. Tökum sem dæmi að ef við göngum inn þurfum við alltaf að vera fá leyfi til að gera hlutina. Og síðan alltaf að þurfa að standa í því að þurfa að hugsa um það hvort það sé nú í lagi fyrir ESB reglugerðum ef við ætlum að setja í gang eitthvað spennandi atriði. Við eigum ekki einu sinni að þurfa að hugsa um það hvort það sé í lagi erlendis frá  (leita í reglugerðir) ef við höfum áhuga að gera eitthvað.

Þessvegna, meðal svo margs annars, þarf að fara að ákveða að draga umsóknina um inngöngu í ESB til baka. Helst það strax.

Veltið því fyrir ykkur afhverju ég sé að skrifa um þessa þætti. Afherju ég sem hef unnið við nánast hvert einasta verkamanna starf sem hægt er að vinna við, út um allt land og það án þess að hafa náð sérstökum peningalegum ávinningi, heldur öfugt, hafi þennan sérstaka áhuga fyrir því að við íslendingar búum okkur sjálfir nýja VÁ framtíð án inngöngu í þetta títtnefnda samband.

Það er meðal annars vegna þess að VÁ tækifærin okkar eru í sjálfum okkur, saman!

Vilja snúa við samrunaþróun ESB

Rosalegt

Ég sit hérna við tölvuna í hádegismat að borða íslenska Sjávarréttasúpu og virði fyrir mér stöðu markaðarins. Og skoða nokkur línuritakort. Allsstaðar það sama. Allar vísitölur á niðurleið.

Ég stari stóreygur á upphafssíðu Stockcharts.com . Nú er það svart maður, allt RAUTT utan eitt fyrirtæki sem er 13% upp. Allir bandaríkjamarkaðanir í niðurleið.

Algjört hrun nær hvar sem er leitað niður.

Bankar leiða lækkun

Svo virðist

Já, svo virðist sem spá mín í fyrradag standist fullkomlega:

Sjáið $Dax í dag. Hraðfellur, sjáið langan rauðan (mínus) lengst til hægri. Þetta er nákvæmlega eins og ég fastlega bjóst við.

Það sama er að gerast þegar að aðrar markaðstölur eru skoðaðar.

 

munið að smella tvisvar á mynd:

Lækkun í Japan

Bendi bara á

Vinsamlegast lesið hina bloggrein mína í dag: "Opnið augu ykkar"

Vill ESB-umsóknina á ís

Opnið augu ykkar!

Ég reyni að koma þessu frá mér á einfaldan hátt.

Það er Ísland sem á að opna augu sín og hætta við að vilja ganga inn í svona samband sem riðlar til falls. Staðreyndin er sú að ,,,,,það er miklu líklegra að þetta samband muni ganga erfiðlega að standa saman og reisa sig við úr þeim vanda sem flest "skuldsettu" ríki þess eiga í. Staðreyndin er sú að því meira sem fallið verður vilja þau að mest allt vald verði framselt til Brussel. Ríki og lönd munu því hafa litlu sem engu að ráða um fjármálastjórnun landa þeirra né annarar stjórnunar.

Staðreyndin er líka sú að ,,,,,við íslendingar eigum að treysta á okkar getu til að reisa Ísland upp úr kreppunni. Sem og að vera nógu djarfir til að búa til og setja í gang nýtt kerfi sem byggir á samheldni íbúana að vinna saman að uppgangi landsins okkar. 

Íslendingar hafa lang flestir verið duglegt og vinnusamt fólk. Við eigum að treysta á vinnuafl landsins og  vinna að hvatningu fólks til búa okkur nýja framtíð. Það er enginn að segja að það sé auðvelt verk. En augu heimsins í framtíðinni munu líta til Íslands og sjá hvað við höfum gert til að reisa landið okkar við. Þegar hinir munu eiga enn í stórvanda og mörg ríki og lönd munu eiga í miklum fjármálaerfiðleikum og vera við fátækrarmörk.

Staðreyndin er sú að það er vinnuaflið sem er kveikja framtíðarmöguleika okkar. Ef ekki væri fyrir vinnuaflið þá hefði þjóðin enga getu. Það sama á við aðrar þjóðir, því ef ekki er vinna fyrir fólkið þá hafa þjóðir enga getu til að reisa sig við úr vanda.

 

Delors: ESB á barmi hengiflugs

Aðeins þetta

Ég sé að það er svo margt gott búið að blogga hjá skoðanabræðrum mínum! Litlu við að bæta nema þetta.

Ég treysti því og trúi staðfastlega að við íslendingar muni geta fundið miklu betri leiðir saman utan þessa Evrópubandalags. Er reyndar alveg handviss um að við getum það!

 

Ég vona svo sannarlega að það verði staðið við það að taka það fyrir á alþingi að draga umsóknina til baka, nú í haust.

Ég sé fyrir mér að þjóðin muni strax þá láta sitt álit í ljós með afgerandi hætti.

Ég treysti á að alþingismenn muni leita eftir afgerandi stuðningi frá almenningi. Ekki bara með skoðanakönnun, heldur með öðrum afgerandi hætti.

 

 

„Það er þjóðin sem velur“

Staðreind um markaðinn

Markaðir hafa ekki verið lægri síðan fyrir ári síðan (ath. miðað við stöðu þegar að fall markaða var fyrir 4 dögum eða miðvikudaginn 10 ágúst). Sumir lengra síðan, eins og DAX.

Með því að skoða línurit og hafa tvö ár slegið inn kom eftirfarandi í ljós:

$DAX (German Dax composite) hefur ekki verið lægri síðan í lok Febrúar 2010. 

$INE  (iShares MSCI Italy index) féll á miðvikudag niður fyrir lægstu stöðu sem var í Júní 2010.

 $FTSE (London Financial Times index) féll á miðvikudag niður að sömu stöðu og í Júlí 2010.

$CAC (French CAC 40 index) fallið niður fyrir stöðu í Júlí 2009. Eða staða fyrir meira en tveimur árum.

$IBEX (Spain Bolsa de Madrid IBEX 35 index) féll niður að svipaðri stöðu sem var 25. Mars 2009 eða tvö og hálft ár.

 

Hér er staða $DAX í dag með smá skoðun frá mér:

 

 

 

 

 

 

 

 

 

 

Munið að smella tvisvar á mynd til að skoða í fullri stærð

Ég ætla að gerast svo djarfur að spá að $DAX falli niður fyrir 5400 á fimmtudag. Þetta er allt svo "Volatile" í "Bear" markaði að ég á ekki eftir að sjá þetta fara neitt upp á næstunni. 

Svo er svona svört toppstjarna mjög slæmt í mjög hraðfallandi markaði. Ég býst við að við sjáum svipað merki á morgun og er í dag. Ens síðan stærra mínusmerki áfram (eins og stóra rauða).

Sjáið svörtu línuna og örina sem ég setti inn á línuritið sem bendir á stefnu markaðarins.

 

Lækkun í helstu kauphöllum

Gervivöxtur

Hversvegna er (oft pínulítill) Hagvöxtur þjóða oft í öfugu hlutfalli við skuldir þeirra, þegar að þjóð eða ríki á í erfiðri skuldastöðu?

Það er vegna þess að það er verið að reyna að fjármagna neyslu með lántökum. Að reyna að setja í gang aukna neyslu. Sjáið tildæmis í Bandaríkjunum sem undanfarin ár hafa tekið lán eftir lán til að fjármagna peningakerfið. Sem og setja í það endalausa "blank slate" tékka sem engin verðmæti eru á bakvið né inneign eru fyrir. Má þar tildæmis nefna útgefin ríkisskuldabréf sem seðlabanki þjóða eða ríkja kaupa af ríkissjóði og veita útí hagkerfið. Svipað og Evrópuþjóðinar eru að fara að reyna með skuldabréfaútgáfu sem nefnd hefur verið í fréttum.

Svo gerist það að þessar þjóðir geta ekki lengur aukið skuldirnar vegna þess að þeir hafa ekki efni á að borga meira úr ríkissjóði (vegna allra skuldana). Né efni á að gefa út fleiri skuldabréf. Hvað gerist þá? Þá hrynja markaðir og peningakerfið riðlast. 

Hvaða ráða er þá gripið til? Sumir vilja auka skattana, segjast ætla að gera það með því að hækka skatta á hærri launaflokka. En aðrir vilja auka niðurskurð.

En báðar aðferðirnar munu þó hafa slæm áhrif á hagkerfið og hafa mjög slæm áhrif á kjör þeirra lægri og lægstlaunuðu. Fyrri aðferðin leiðir til hækkunar vöruverðs og ýmissa gjalda. Þannig mun skattur á hærri launaða einstaklinga (sem eru tildæmis í rekstri) í reynd leiða til hækkandi verðlags. Seinni aðferðin mun leiða til þess að venjuleg þjónusta dregst saman og leiðir oft til aukinnar verðálagningar á þjónustuna. Þar að segja að um leið og þjónusta dregst saman eykst gjaldtaka fyrir þjónustuna sem stendur eftir. Ekki öfugt.

Síðan gerist það að þjóð getur ekki lengur fjármagnað það að setja í gang aukna neyslu með því að taka fleiri lán. Þjóðin eða ríkið er í reynd gjaldþrota. Þannig hefur gerst með Ísland og þannig er að gerast með Bandaríkin. 

Allar aðgerðir til að reyna að bjarga hruni markaða og fjármálakerfa mun þannig mistakast, nema að eitthvað kraftaverk gerist. 

 Hverjir hagnast?  Þeir sem eru efnaðastir munu ávallt hagnast. Jafnvel á hruni markaða og vegna þess að þeir taka í reynd við peningum frá þeim þjóðum sem skulda mest. Þetta eru afætur heimsins sem nota sér allar þær aðstæður sem myndast til að hagnast á þeim. Topparnir sem hinir sem stjórna og hafa valdið langar til að vera með og skríða fyrir.

Hvað eiga þjóðir að gera? Auka neyslu? Draga saman?

NEI! Þær eiga að kyppa snarlega Hagkerfinu úr sambandi og byrja upp á nýtt á nýjum forsendum. Þeim sem lægri og miðstéttir geta hagnast á. En sú stefna byggist á deilingu þjóðkerfa niður á smærri einingar og byggja afkomukerfið á framleiðslu þegnana og verðmætasköpun. Ekki aukinni neyslu, eða auknum sköttum, eða draga saman innan sama hagkerfis.

 

 

 

Minni hagvöxtur á evru-svæðinu

Hvað eigum við að gera gagnvart falli markaða?

Nú þegar að peningamarkaðir í Evrópu og Bandaríkjunum hrynja sem óðir væru hvað mun gerast?

Að gefa út ný skuldabréf mun aðeins auka vandann því það er ekkert annað en aukin peningaprentun. Sem ég þó tel vegna ástands markaðarins hafa lítil áhrif til að verja markaðina áframhaldandi falli. Bara að líta á MACD á kertastjaka línuritum segir allt sem segja þarf sem og ýmisar aðrar kennitölur og áberandi áhrif sem eru á markaðnum.

Við þurfum að verja okkur sjálf gagnvart slíkri ásókn.

Hvað er það besta sem litlar þjóðir eins og við getum gert?

Eitt það besta sem við gætum gert er að halda fast í gjaldmil okkar. Verja landið okkar gagnvart slæmum erlendum fjármálaáhrifum. Sem væri það viturlegasta.

Skipta landinu niður þannig að setja í gang stórauknar framkvæmdir fólks sem eingöngu auka verðmæti og byggjast á verðmætasköpun. Og draga úr innflutningi á samskonar vörum eins og við getum.

Finna leiðir til að búa til vörur til að selja erlendis sem flestir vilja og hafa áhuga á að kaupa af okkur. Vera sjálf nægjusöm að þeim vörum sem við getum búið til. 

Efla mannfólkið til góðra verka og setja í gang umfangsmikla þróun á að auka mannfjölda á ýmsum stöðum landsins. Með nýjum störfum.

Ég sjálfur hefði áhuga á að athugað hvort ekki væri hægt að setja í gang fleiri íslenska gjaldmiðla, tildæmis að versla á milli landshluta. Einskonar sérstakar landshlutakrónur. Ég þekki það vel inn á fjármál að ég er viss um að það væri hægt.

 

Útiloka ekki lengur skuldabandalag

Er það kannski bara þjóðin?

Er það Framsókn? Er það Sjálfstæðisflokkurinn?

Eða er það kannski bara þjóðin?

Að sjálfsögðu hafi átt að vera búið að slíta þessar viðræður fyrir löngu síðan! Þessari aðför Sf að þjóðinni.

Það er þó ekki Sjálfstæðisflokkurinn sem mun leiða baráttuna gegn aðild, heldur þjóðin sjálf. Þegar að viðræður á þingi munu hefjast í haust um þetta mikilvæga málefni mun þjóðin sjálf hafa sitt að segja hver niðurstaðan verður. Að sjálfögðu verða þeir flokkar á þingi sem vilja slíta viðræður að leita til þjóðarinnar til stuðnings. Að sjálfsögðu mun þjóðin hafa sitt að segja og krefjast þess að fulltrúar þeirra muni taka ákvörðun um framhaldið samkvæmt vilja fólksins en ekki flokka!

Fyrr í sumar gekk einn ágætur andstæðingur ESB úr VG í framsóknarflokkinn. Að sögn m.a. að hann taldi að framsókn muni leiða baráttuna gegn aðild að ESB.

Hverjir hafa rétt fyrir sér þjóðin eða flokkar?

Ég lít svo sterklega á að ef andstæðingar ESB aðildar tökum höndum saman hvar í flokki sem er og án þess að hugsa til flokka þá munum við fá tækifæri til að búa þjóðina undir betri framtíð saman.

Hvorki Sjálfstæðisflokkurinn né Framsókn, eða VG eða hinir eru þjóðin.

Vill slíta aðildarviðræðum