Til sölu Kreppuspraybrúsar

 

 

 

Til sölu áþreifanleg lausn á meinum þjóðfélagsins

 

 

Til sölu efni á Spraybrúsum með 100% instant virkni

 

með samvinnu færustu vísindamanna hafa verið fundin upp efni sem hægt er að nota við hinum ýmsu kvillum þjóðfélagsins. Í blaðinu ecconomist fyrir um tveimur mánuðum var grein vísindamanna um efnin.

 

Eftir mikið japl og lumur hafa tekist samningar um innflutning á efnunum. Gáfu framleiðendur eftir m.a. vegna sérstakra aðstæðna á Íslandi vegna efnahagshruns landsins. 

 

Brúsanir koma í mörgum gerðum. Hér fyrir neðan má sjá þær gerðir sem þegar hafa verið fluttar inn. Framleiðandi gaf leyfi fyrir að innflytjandi merkti brúsana með sér íslenskum miðum með upplýsingum um, gerð, efni, virkni og fleira. Athugið að brúsanir skulu notast í ýtrustu varúð vegna þess hversu efnið virkar algjörlega um leið og styrkleika efnisins. 

 

 

 

  1. Græðgisupplausn sem hægt er að notast við gegn græðgi.

Ef þú heyrir  í manneskju sem talar um að hann/hún geti stórgrætt á þessu eða hinu þá er nóg að nota aðeins 1 lítil spray sem virkar amk. allan daginn. Verður þá manneskjan ljúf sem lamb.

 

100ml. brúsi aðeins kr. 7.500

 

 

 

 

 

 

 

  2. Valdagræðgisupplausn gegn valdagræðgi. Notaðu þennan ef einhver nálægt þér  talar um að komast til að ná valdastöðu. 

 

Mjög áhrifamikill á þann hátta að minnka þörfina til valdþorsta.

 

100ml. brúsi aðeins kr. 200

 

 

 

 

 

 

 

3. Ábyrgðarstyrkur  með sérstöku ábyrgðarefni er. Með því að nota þennan á stjórnmálamanninn þá vill hann umsvifalaust taka ábyrgð á gerðum sínum. Þannig væri hægt að nota hann til að fá heilu Ríksstjórnirnar til að segja afsér.

 

Varúð! Notist aðeins í ýtrustu neið, þar eð aðeins þegar að fólk er viss um að stjórnmálamaður hafi eitthvað á samviskunni.

 

 1. athugið að þessi brúsi er mjög dýr. Er það vegna þess hversu öflugur hann er til breytinga í þjóðfélaginu.

 

100ml. kr. 1.333.000

 

 

4. Frásagnarmáti til að fá stjórnmálamenn til að segja meira frá málefnum sem þeir eru með í gangi.

 

ath. þessi er aðeins ætlaður fréttamönnum til að fá stjórnmálamenn að segja meira frá málum sem eru í gangi hjá þeim. 

 

Þessi hefur þó aðeins 60% styrkleika virkni vegna þess að ekki má misnota efnið til að fá stjórnmálamenn að segja of mikið. Gæti verið slæmt því sum erlend blöð gætu mistúlkað ummæli.

 

100ml. kr 40.000 (aðeins seldur í 25 brúsa kassa).

 

Fleiri efni eru á leiðinni. Hinsvegar er fólk velkomið að koma með eigin hugmyndir að efni sem má framleiða til að setja á brúsa. Hef ég fengið loforð vísindamanna til að gera sitt besta að finna þau upp og síðan að setja á markað.

 

 

Böl er völ en okkar framtíð er þín valtíð

Þeir sem hafa lesið Bloggið mitt að undanförnu þykir kannski hugmynd mín ver dálítið róttæk?

Málið er ég að ég er kominn á þá skoðun að það er engin þörf lengur fyrir neina stjórnmálaflokka á Íslandi. Ég hef lesið ýmislegt hér á Blogginu um marga hluti. Eins og: viljum ríkisstjórnina burt, ýmislegt sagt um ráðherra bæði Sjálfstæðisflokksins og Samfylkingarinnar. En hvað tæki við? Aðrar kosningar með Samfylkingu (ath. margir hægri sinnaðir þar) stærsta og VG næst stærsta, sem nýja Ríkisstjórn?

Haldið þið virkilega að þessir flokkar muni breyta einhverju og lækna meinin í þjóðfélaginu? Haldið þið virkilega að ný stjórn lendi ekki í sama farvegi og núverandi? Eða er það virkilega enginn sem hefur áhuga á að losna undan áralangri ánauð í þjóðfélaginu? 

Vilt þú sem venjulegur þegn þjóðfélagsins áfram taka þátt í slíku rugli? Viltu áfram taka þátt í að þú þurfir að vera bundinn einhverjum kerfisköllum sem standa í fundum eftir fundum mánuðum saman án þess að neitt alvöru komi út úr því? Viltu áfram þurfa að kaupa þér íbúð, kaupa þér skuldir? 

Sama hvað þú kýst. Við munum búa við sömu hringekkju í allri framtíð!

Hvort sem það gerist á þessu ári eða næsta ári, eða hvenær. Sama hvað við kjósum af flokkum. Þeir munu engan raunverulegan vanda leysa!

Ég er þreyttur á þessu rugli. Nefnum eitt dæmi: heldur þú virkilega að ný ríkisstjórn muni nokkurn tíman taka sig til við að setja reglur um laun manna í þjóðfélaginu? Heldur þú að þeir muni lækka sín eigin laun? Heldur þú að þeir muni setja lög um takmörkun launa til framkvæmdastjóra fyrirtækja? Takmörkun á eftirlaunum?

NEI! Ég er algjörlega viss og þori að éta sokkana mína (steykta auðvitað) ef þessi eða ný ríkisstjórn geri eitthvað við því!

Þeir munu ekki sýna lit sjalfir og taka sjálfir þátt í að lækka sín laun (eins og við erum með töpuðum verðmætum okkar og auknri verðbólgu í þjóðfélaginu). 

Kreppan mun alltaf koma verst út fyrir þá sem minnst mega sín og hafa orðið fórnarlömb atburða síðustu mánuða! Bíddu við! Eftir um 3 til 4 mánuði muntu sjá launahækkanir hjá æðstu ráðamönnum og alþingismönnum. Ef ekki beinar hækkanir þá munu þeir bæta við nefndum til að starfa í og fá þannig meiri laun. Þú átt örugglega eftir að sjá töluverða aukningu á nefndum í framtíðinni. Fylgstu með!

Þeir sem eru best staddir mun ávalt koma best útúr kreppunni!

Við hin á lægri launum munum aftur á móti standa þá enn verr en nú.

Því miður

Ég tek ekki þátt í þessu rugli lengur!

Ruglaður þessi fýr eða geðveikur?

Ég er viss um að þeir fáu sem nenna að skoða Bloggið mitt skylji stundum ekki hvað ég er að fara með því sem ég skrifa.

 

Hér er upplifun mín um klukkan 03.40 síðustu nótt: (andlegt)

 Ég  hef undanfarið verið með vöðva verki aftan í hálsi, herðum og upp í haus. Oft syngur í hausnum á mér vegna of stýfra hálsvöðva.

Síðan gerist þetta síðastliðna nótt:

Ég fór frekar seint að sofa enda átti ég ekki að mæta í vinnu fyrr en kl. 14.00. Hvað með það þegar að ég var kominn upp í rúm og að fara að sofa birtist allt í einu eittkvað lítið smá hvítt ljós-frymi (ferkar bjart en lítið) við endan og fyrir ofan rúmið mitt. Þetta stóð aðeins í eina sekúndu. Síðan um 10 secúndum síðar kom aftur hvítt ljósfrymi. Nú stærra en veikari litur og stóð jafn lengi. Svo næst eftir aðrar 10 sekúndur birtist mér miklu stærra ljósbjarmi (frymi? erfitt að lýsa þessu en einhver hlutur var þetta), nú um ferkantað og eins og kannski skáphurð í laginu. Það var eins að þetta sem var þarna væri að gefa sér tíma til að stækka til að eflast í orku en deyfast í ljósi. Þetta síðasta stóð líka stutt nema nú rétt á eftir fann ég eins og mikla orku færast upp eftir likamann minn, enda í herðum og verða þar sterkast. Þessi orka virkaði eins og gæsahúð nema miklu sterkari og öflugri orka. Á eftir leið mér miklu betur og gat sofnað án þess að vera með verki eða syngl í höfðinu (ath. synglið ekki tinnitus).

Mjög merkileg upplifun.

 Einhver sem getur skýrt þetta út?

Á næstunni mun ég koma hér með mjög öfluga endurlífssögu sem kom fyrir mig fyrir nokkrum árum. Endurlífssögu svo öflug að ég held ég megi segja að enginn eða mjög fáir geti sagst hafa upplifað eitthvað svipað! 

Ég skora á þig sem kemur hér inn að segja öðrum frá þessu vegna þess að þessi saga er algjör sprengja og jafnvel dálítil sönnun líka.

 

Skoðana Skjóðan mín 1

Skoðun: Lífeyrismál

Ég fer nú bráðum að nálgast þann aldur að fá endurgreitt frá Lífeyrissjóðnum mínum. Þó ég sé ekki nema 54 ára.

Ég hef ég þá sterku skoðun að innan næstu 5 ára skuli lögum Lifeyrissjóða vera breytt þannig......

1. Lífeyrisþegi fái endurgreiðslu alla peninga þá sem hann hefur greitt í sjóðinn þegar hann hefur ná endurgreiðslualdri! Í einni greiðslu!

bætt við 7 Ágúst

Frá því að ég var skyldaður með lögum að tekið yrði af launum mínum og ég borgi í Lífeyrissjóð mánaðarlega hef ég náð að safna um krónur alls 4.000.000 sem er nú í sama sjóð (en var áður í nokkrum sjóðum). Ég lít á þennan pening sem sparnað minn til stuðnings elliárana! Það á ekki að vera svo að lífeyrisþegi eigi að fá endurgreiðslu mánaðarlega sem er hjá mér ca. 38.000 á mánuði með aldurstengdum ávinningi og jöfnum ávinningi um kr. 45.000.

Hver fær restina af peningnum ef einhleypur maður og án ættingja ef hann verður fyrir andláti stuttu eftir að hann hefur náð endurgreiðslualdri? Ég sem sparandi á þennan pening! Ekki Lífeyrissjóðurinn!

Eða, hvernig er það hjá öðrum eins og fjölskyldumeðlimi?

2. Ég hef þá skoðun að setja eigi í Lög að Lífeyrissjóðir geti ekki fjárfest fé lífeyrisþega án samþykkis hans! Þar sem peningarnir eru í raun eign Lífeyrisþega, ekki Lífeyrissjóðsins!

Ég vil ekki að Lífeyrissjóður spili með peninga mína! Ef fjárfestingar tiltekins sjóðs eru í mínus lendir það á endanum á Lífeyrisþega í lægri lífeyrir. Allt getur gerst í fallandi markaði!

3. Ég hef þá skoðun að setja eigi í lög að leita eigi samþykkis Lífeyrisþega til fjárfestinga með því að halda fund með lífeyrisþegum um málið áður! Að samþykkis þurfi hjá yfir 60% eða 70% Lífeyrisþega. Að Lífeyrissjóður geri allt í hans valdi til að auglýsa það tildæmis með því að senda út bréf og ná til Lífeyrisþega! Og aðeins megi fjárfesta með eign Lífeyrisþega ef hann samþykkir það!

4. Ég er á þeirri skoðun að Lífeyrisþegar eigi að geta fengið endurgreitt allan þann pening sem hann hefur lagt í sjóðinn í einni greiðslu, áður en að endurgreiðslualdri er náð ef sérstakar ástæður séu fyrir hendi að ef Lífeyrisþegi verði fyrir þannig slysi að hann geti ekki unnið sem eftir er allrar ævinnar vegna slyssins!

5. Líf:eyrissjóðurinn eigi aðeins að fá vörslugreiðslu fyrir sparnað minn. Svipað og Bankar.

Varðandi örorkulífeyri úr Lífeyrissjóðum er mín skoðun sú að auðvitað eigi lífeyrisþegi sömu örorku lífeyris réttindi og áður úr sjóðum þrátt fyrir að ofangreindu. En ekki er nánar farið út í það atriði sem stendur en ég hef áhuga að skoða þau mál betur síðar!

 

Sjá:

hreinn23.valsmyndir.com

og á hreinn23.wordpress.com er framhaldið á þessari grein og öðrum skoðunum mínum.....

einnig nokkuð mikið skrifað um mig..Endilega skoðið það.