Hugmyndaflæði

Allt gott fólk sem vill leggja því góða íslenska málefni lið í því að koma í veg fyrir að Ísland gangi í ESB er velkomið hér inn á síðu mína í hugmyndaflæði...........

Með hugmyndaflæði á ég við að fólk leggi til allskonar hugmyndir um hvernig við getum unnið saman að okkar göfuga verkefni. En af einni hugmynd sprettur jú oft önnur og jafnvel veltur upp á sig, verður stærri.

Endilega komið með hugmyndir um hvað við getum gert osfrv. 

Ætlunin er að setja í gang Facebook hugmyndaflæðis grúbbu alveg á næstunni sem verður opin aðeins fyrir ESB andstæðinga.

Mér er mál,,,,,,,,,,,,,

Blessaður maðurinn er ekki einu sinni í fókus á myndinni

Gott fólk. Nú þurfum við að vera vakandi og standa vörð um landið okkar. Nú er verið að keyra á okkur allskonar liði varðandi þessa meintu inngöngu í ESB. Þessa dagana er þetta allt mjög áberandi í þjóðfélginu. Við erum að sjá meinta sérfræðinga koma til landsins á fundi. Við förum að sjá gylliboðin hrjóta af borðum þeirra út í þjóðfélagið. Við erum að heyra um allskonar vinnuhópa og það jafnvel frá verkalýðshreyfingunni sem er innvinklað inni í krosseignatengsl elítunnar og starfar ekki lengur fyrir verkalýðinn í landinu.

Svo, sannir íslendingar við þurfum að vera vakandi gagnvart þessu liði!

Rehn fjallar um viðhorf Evrópu til Íslands

Glefsur úr frumvarpi Icesave - brotið til mergjar (nr.1)

Nú á næstu dögum mun ég koma með glefsur úr þessu Icesave frumvarpi og fara yfir þær á bloggi mínu.

 Úr frumvarpinu:

>Vart þarf að hafa mörg orð um það hvað hefði orðið um lánshæfismat ríkisins ef íslensk stjórnvöld neituðu að standa við alþjóðlegar skuldbindingar sínar og semja vegna Icesave- málsins. Fyrir utan þá óvissu sem sá gjörningur hefði valdið þá er ljóst að lánshæfismat ríkisins hefði skaðast verulega enda hefði verið litið svo á að íslensk stjórnvöld væru að hlaupast undan alþjóðlegum skuldbindingum sínum.

mínar aths.>

Þetta er algjörlega rangt mat því að neitun á samningi með mikilli alþjóðlegri kynningu hefði sýnt öllum heiminum ástæður Íslands fyrir neitun á samningi og að við vildum semja upp á nýtt! Neitun á samingi hefði verið á þeim formerkjum að við hefðum áhuga á að semja upp á nýtt með öðrum forsendum.

Síðan hefði hugsanlega (ef þurft hefði) mátt leita eftir lánasamingum utan Evrópusamfélagsins eins og vestur eða austur á bóginn.

 úr frumvarpinu>

>Stofnun Tryggingarsjóðs innstæðueigenda.
    Ísland er á grundvelli EES-samningsins skuldbundið til að innleiða í landsrétt tilskipanir 94/19/EB um innlánstryggingar og 97/7/EB um tryggingakerfi fyrir fjárfesta. Í lok desember 1999 innleiddi Alþingi tilskipanirnar í íslenskan rétt með lögum nr. 98/1999. Á grundvelli laganna varð til nýr tryggingarsjóður, Tryggingarsjóður innstæðueigenda og fjárfesta, sem er sjálfseignarstofnun. Aðildarfélög Tryggingarsjóðsins eru viðskiptabankar, sparisjóðir, fyrirtæki í verðbréfaþjónustu og aðrir sem nýta sér heimildir laga til að stunda viðskipti með verðbréf í samræmi við lög um verðbréfaviðskipti og hafa staðfestu hér á landi. Markmið laganna um innstæðutryggingarnar er að veita innstæðueigendum lágmarksvernd gegn greiðsluerfiðleikum viðkomandi innlánsstofnunar.
    Í lögunum er m.a. kveðið á um rekstur, fjármögnun, greiðsluskyldu og fjárhæð greiðslna úr sjóðnum. Þar kemur fram að dugi eignir sjóðsins ekki til fullrar tryggingar skuli krafa hvers tryggðs innstæðueiganda að 1,7 milljónum króna greidd að fullu en eftir það skuli greitt hlutfallslega inná allar kröfur. Þessi fjárhæð er tengd við gengi evru 5. janúar 1999 og er í evrum 20.887.
    Í athugasemdum við frumvarp til laga um innstæðutryggingar var skýrt með hvaða hætti sjóðurinn tryggði innstæður þegar banki eða sparisjóður stæði frammi fyrir greiðsluerfiðleikum (leturbreyting til áherslu):

mínar aths.> Tryggingasjóður er sjálfseignarstofnun er skýrt hveðið á um hér í frumvarpinu og tryggingasjóðnum hér!

 

Úr tilskipun EES um 94/19EB> 

Markmiðið með þessari tilskipun er að móta
lagaramma til að tryggja frjálsa þjónustustarfsemi í
upplýsingasamfélaginu milli aðildarríkjanna en ekki
að samhæfa svið refsiréttar sem slíkt.

úr lið 10) Ráðstafanirnar, sem kveðið er á um í þessari tilskipun,
takmarkast, í samræmi við meðalhófsregluna, einungis
við það lágmark sem er nauðsynlegt til þess að
ná því marki að starfsemi innri markaðarins sé með
eðlilegum hætti. Ef aðgerða er þörf á vettvangi
bandalagsins og til þess að tilvist svæðis án innri
landamæra sé tryggð í raun, að því er varðar rafræn
viðskipti, skal tilskipunin slá skjaldborg um markmið
í almannaþágu, einkum þau sem miða að verndun
ólögráða barna og mannlegrar reisnar, neytendavernd
og verndun almannaheilbrigðis. Samkvæmt 152. gr.
sáttmálans er verndun almannaheilbrigðis grundvallaratriði
í öðrum stefnumálum bandalagsins. 

úr nr. 11:

Tilskipun þessi er einkum með fyrirvara um umfang
verndunar almannaheilbrigðis og neytendahagsmuna,
eins og mælt er fyrir um það í lögum bandalagsins.

úr nr. 25

Innlendir dómstólar, þar með taldir dómstólar á sviði
einkamálaréttar sem fjalla um deilumál sem falla
undir einkamálarétt, geta gert ráðstafanir til að víkja
frá frelsi til að veita þjónustu í upplýsingasamfélaginu
í samræmi við þau skilyrði sem kveðið er á um í
þessari tilskipun

Innlegg frá mér>

Síðan eftir að hafa farið nákvæmlega yfir 97/EB þá er þess hvergi getið varðandi tryggingasjóð. Ef það er hinsvegar einhversstaðar nefnt þá stangast það algjörlega við þessi atriði úr 94/19EB

Það segir  tildæmis hvergi að Ísland eigi að skuldbinda sig til að borga skuldir tryggingasjóðs sem er í einkaeigu. Aðalatriðið er íslenska ríkið á ekki að borga upp tryggingar fyrir einkarekin fyrirtæki. Íslenska þjóðin; almennningur í landinu á ekki að borga þetta. Það er því rangt túlkunaratriði í þessum hluta EES að við séum skuldbundin samkvæmt þessu.

Að framansögðu er alveg ljóst að stjórnvöld eru að túlka EES samninginn í sína eigin þágu til stuðnings frumvarpsins.

Í næsta hluta er komið inn á hugmynd mína um hvernig mætti leysa Icesave.

Aaaaaaaaaaaaaaaaaaaarrrrrrrrrrrrrrrrrrrrrrrrrrrrrrrrrrg!

Það er sama hvað mikið þeir funda þarna. Að samþykkja ríkisábyrgð á þessum samningi eru svik við almenning í landinu. Mikill meirihluti íslendinga vill ekki að þessi samningur verði samþykktur og Samfylkingin lofaði að fara eftir vilja fólksins í landinu (almennt kosningaloforð)! Standi þeir við sín loforð!!!!!

Þeir geta rætt um þetta eins og þeir vilja. 

Alþingi á að segja Nei við samningum,  Það er kjaftæði sem Sigmundur Ernir segir með hræðsluáróður sinn að Ísland verði sett í frystingu ef við samþykkjum þetta ekki. Ef við þyrftum lán í framtíðinni þá væri vel hægt að leita til annara landa sem við gerðum sérstaka samninga við, utan ESB og utan IMF!

Alþingismenn þurfa að hafa þor og dug að neita þessum samningi og sýna þar með að þeir standi við hlið almennings í landinu!

Senda þarf nýja samninganefnd erlendis sem hefði þau fyrirmæli að semja upp á nýtt með öðrum formerkjum án lána! En það er hægt!

 

Ræða breytingar á Icesave í dag

Ákall til þjóðarinnar!

Næsta vika gæti orðið sú mikilvægasta í sögu Íslands!

Nú stendur íslenska þjóðin frammi fyrir því að þessi ríkisstjórn ætli sér að koma í gegn og fá samþykkta ríkisábyrgð á Icesave samningi á alþingi. Þrátt fyrir að mikill meirihluti þjóðarinnar sé andvígur samningnum. Þannig er gengið þvert gegn vilja fólksins. Jafnvel þó að Samfylkingin hafi lofað fyrir kosningar að fara eftir vilja fólksins. Sem er því merkingarlaust kosningaloforð.

Nú er heitt í kolunum á Íslandi og aldrei fyrr hefur eins verið þörf á að fólk komi saman og mótmæli á Austurvöll. Það er svo heitt í fólki að miklar líkur á er að fólkið í landinu taki sér til og geri nú fyrir alvöru byltingu.

En hvað gerist ef ríkisábyrgð verður felld á alþingi? Alþingismenn verða að átta sig á að þeir verða að standa við hlið almennings í landinu.

Saga Íslands getur ekki orðið öðruvísi! Því ef alþingismenn standa gegn vilja fólksins þá sér fólkið alltaf betur og betur ofrýki stjórnmálamanna og missir fyrir alvöru allt traust á þeim! Og þá getur þetta ekki endað nema á einn hátt. Fólkið í landinu mun standa upp og segja: hingað og ekki lengra!

Þegar farið er yfir málin þá er aðalatriðið og sem stendur upp úr. Almenningur á Íslandi á ekki að borga skuldir sem voru myndaðar af fjármálamönnum sem settu tvo banka erlendis á hausinn! Almenningur á Íslandi borgar ekki upp skuldir óreiðumanna sem settu í gang bankaútibú erlendis. Meðal annars vegna þess að þegar að sparifjárreikningar urðu til (í Englandi og Hollandi) þá voru þessi bankar í einkaeigu.

Þetta atriði er á hreinu og ótvírætt. Þessvegna skulu alþingismenn finna aðrar leiðir út úr málinu. Tildæmis leið sem er viðskiptalegs eðlis eins og ég sjálfur hef stungið upp á. Því sú leið er vel fær! Jafnvel með IMF þar að segja næsta hluta lánsins frá alþjóða gjaldeyrissjóðnum. Þar að segja, ef ríkisábyrgð er felld á alþingi þá er hægt að setjast aftur að borðinu og semja upp á nýtt án lánafyrirgreiðslu.

Ríkisstjórn á Íslandi á ekki að lúffa fyrir ríkisstjórnum frá öðrum löndum. Slíkt lýsir bara aumingjaskap og eftirgefni. Nokkuð sem getur haft svo miklar afdrifaríkar afleiðingar fyrir Ísland í framtíðinni.

ALÞINGISMENN HAFIÐ VIT Á AÐ SAMÞYKKJA EKKI RÍKISÁBYRGÐ Á ÞESSUM ICESAVE SAMINGI!

 

 

Megum ekki sofna á verðinum - Hver verður heiður Íslands?

Atburðir næstu daga verða svo mikilvægir fyrir framtíð þjóðarinnar. Spurningin er sú hvort þessi þjóð lendi í ánauð af hendi tveggja landa; Breta og Hollendinga. Hvort þjóðin lendi í því að borga af skuldum sem íslenskir fjárglæframenn sem ráku einkabanka bjuggu til. Hvort aðrar þjóðir nái tökum á Íslandi.

Það er vel skiljanlegt að mikill meirihluti almennings á Íslandi (skoðanakönnun) neiti að borga þetta Icesave. Enda er hvergi neinsstaðar hægt að sjá að við séum skildug til að gera það.

Það er því mjög mikilvægt að mæta niður á Austurvöll þegar að Icesave málið verður tekið fyrir á alþingi. Til að verja Ísland. Því skora ég á alla sem koma hér inn á bloggið mitt að skora á annað fólk sem það þekkir að mæta á Austurvöll þegar að umræður fara í gang.

 

 *Að fara yfir hin málin og skoða*

Skoðun mín:

Fyrst öll þessi mál eru svona tengd eins og IMF lánið (kröfur um frágang Icesave áður en framhald láns), Icesave og innganga í ESB, mætti ætla að síðasta skoðanakönnun vegna Icesave endurspegli á einhvern hátt vilja þjóðarinnar varðandi ESB. En sem slíkt væri það rökrétt framhald og þannig afstaða fólksins. Því að vera á móti Icesave ætti að setja sömu manneskju í að taka afstöðu á móti inngöngu í ESB vegna tengsla málanna.

Það mætti síðan ætla að almenningur á Íslandi vildi gera allt sem hægt væri til að koma í veg fyrir að Ísland taki mikil og stórlán frá útlöndum. Hvaðan sem þau koma. En flest öll lán munu lítið gera nema auka verulega vanda Íslands í framtíðinni í stað þess að takast á við vandann á annan hátt og geta sýnt fram á að vilji íslendinga er sá að gera hlutina sjálfir!

AÐ SANNA FYRIR ALÞJÓÐASAMFÉLAGINU Í FRAMTÍÐINNI AÐ VIÐ GETUM GERT HLUTINA SJÁLFIR OG SNÚIÐ ÞRÓUNINNI VIÐ. SLÍKUR VÆRI STÓRHEIÐUR ÍSLANDS OG MUNDI AUKA VERULEGA ÁLIT ALJÓÐASAMFÉLAGSINS Á ÍSLANDI Í FRAMTÍÐINNI!

Í STAÐ ÞESS AÐ LÚFFA FYRIR ÖÐRUM ÞJÓÐUM OG VERA EINS OG AUMINGJAR SEM TAKA VIÐ ALLRI SPONSU SEM AÐ ÞEIM ER RÉTT. OG GEFA ALLT EFTIR VEGNA KRAFNA ÞEIRRA!.................OG ALÞJÓÐASAMFÉLAGIÐ MUNDI HLÆGJA AÐ ÍSLANDI OG SEGJA AÐ VIÐ SÉUM AUMINGJAR.

 HVORT ER BETRA?

Vill ekki stríð við aðrar þjóðir

Tilkynning um að stig 1 sé hafið varðandi bloggfærslu

Í fyrradag bloggaði ég þessa færslu sem er hér neðst.

Ég er bara að láta vita að stig 1. Önnur skrif er farið í gang. Sent var Icesave hugmynd mín á tvo þingmenn VG.

En skjalið er ennþá trúnaðarmál fyrir alla þá sem hafa lesið!

Undir "1. Önnur skrif" er líka nokkur email bréf sem ég er að semja og mun skrifa á ensku. Netpóstur sem sent verður á vissa aðila erlendis.

***********

Humm um og ha ha?

Er kallinn nú orðinn kolruglaður?

Bara smá tilkynning að ég mun vera með í startholunum sérstakar aðgerðir sem ekki verða birtar beint á blogginu mínu strax.

1. Önnur skrif.

2. Startað á öðrum aðgerðum.

3. Efling á skjali mínu.

4...........................?

5. Reiknað með ræðuhöldum...............?

Smávegis um skjal sem ég sendi til indefence

Á heimasíðu indefence segir í fyrirsögn:

Það er hægt að fella Icesave án afleiðinga á lánafyrirgreiðslu.

Það er nú liðinn nokkur tími síðan að ég sendi hópnum bréf um hvernig væri möguleiki að fara aðra leið til að losna undan greiðslum vegna Icesave. Aðra leið heldur en lánafyrirgreiðslu.

Ef það kemur í ljós að hugmyndir mínar séu á einhvern hátt raunhæfar og nothæfar þá segir sig sjálft að verið er að tengja Icesave inn í önnur lánamál og fyrirgreiðslur til Íslands, eins og viðbótina á IMF láninu og fleira. 

Hugmyndir mínar ganga út á að því er ég best veit löglega viðskiptahætti milli landa. Hugmyndir mínar eru smáar í fyrstu en stigvaxandi.

Þeir sem ekki hafa séð skjalið mitt geta skoðað það hér á blogginu mínu á næstunni.

 

 

Varðandi Heit mitt á Laugardaginn næsta

Ég hef ákveðið að fresta uppákomu sem átti að vera framhalds Heit mitt og vera á laugardaginn í Lýðveldisgarðinum á Hverfisgötu.

Er það einfaldlega vegna þess að ég ætla ekki að standa einn í svona framkvæmdum. Þessi mál snúast ekki um mig sem persónu heldur mikilvæg málefni Íslands. Þar sem amk. svo virðist vera að enginn ætli sér að standa með að svona góðum hlutum hef ég ákveðið að fresta uppákomunni! 

Það er dapurlegt hvernig komið er fyrir Íslandi og sárgrætilegt að enginn bjóði sig fram þegar ætlað er að gera góða hluti með því að vekja athygli á málum með aðgerðum sem þessum.

Ég mun endurskoða afstöðu mína þegar að einhver bíður sig fram til að standa í þessum hlutum með mér! Ég mun vera tilbúinn að skipuleggja uppákomu með öllu góðu fólki. Þannig sér uppákomu Lýðveldissinna.

Hinsvegar hefur komið í ljós að ég þó ég segi sjálfur frá er góður ræðumaður sem slíkur. Ég er hinsvegar farinn í sumarfrí út á land og ætla að hvíla mig á þessum málum öllum í nokkra daga. Í góðri afslöppun.

Hér er Heit mitt sem ég var búinn að setja saman fyrir Laugardaginn

 Sæl og blessuð og velkomin öll sömul,

Ástæðan fyrir veru minnar hér eru miklar áhyggjur yfir álög þau sem á að setja yfir landið okkar ef við ákveðum að ganga í ESB. Mér finnst ég verða að tjá mig um þessi mál og geri því það óhræddur.

Ég mæti því þessvegna hingað til að lesa upp heit mín sem íslendingur. Sem skerpa á hlutverki míns sem íslendings í huga mér. Er það  vegna mikilla áhyggna minna á því að við töpum mikið af okkar séreinkennum sem þjóð og sem íslendingar ef við göngum inn í ESB.

Þessvegna finnst mér ég þurfi að skerpa á þessum atriðum með því að minnast lítillega á þau.  Og hvet fólk til að gera eitthvað svipað. Ef ekki hér þá í huga sínum.

  1. Lýðveldissinnar eru sem slíkir framverðir Íslands og verður minnst í framtíðinni sem heiðursmanna sem unnu að verja heiður Íslands. Það er mitt Heit að verja heiður Íslands!

      2. Á Íslandi hefur alltaf verið mikið baráttufólk. Við höfum alltaf tekist á sjálfvið  alla þá atburði sem hafa komið upp í þjóðfélagi okkar.  Hvernig svo sem þeir eru.  Við höfum alltaf ræktað okkar eigin garð. Jafnvel þó að það komi upp arfi þá eigum við réttinn  sjálf að reita hann burt, hreinsa upp garðinn okkar og endurgera hann sjálf.  Að ætla og vilja  gera það tel ég vera íslenskt og Heit í sjálfu sér.

Flest öll lendum við í að gera mistök í lífinu. Ég er ekki þar sjálfur undanskilinn. En við eigum sjálf að takast á við öll þau vandamál sem koma upp og gera eitthvað nýtt í staðinn.  Að vera íslendingur er meðal annars að eiga tækifæri til að nýta okkur öll gæði landins okkar. Að hafa tækifæri til að gera eitthvað frábært sem enginn annar hefur gert. Slík tækifæri  bíður  auður landsins okkar upp á, hvort sem það er mannauður eða náttúruauður og við eigum að notfæra okkur sjálf öll þau tækifæri sem Ísland hefur upp á að bjóða.

 Að ætla sér að gera hlutina öðruvísi er að mínum dómi algjör aumingjaskapur og eftirlátssemi.  

2.      3. Ég ætla að biðja ykkur að hugsa mjög vel um og taka vel og vandlega eftir því sem ég hef nú að segja:

Á Íslandi eru það mikil tækifæri í auðlindum okkar að hægt væri auðveldlega að koma saman og endurgera Lýðveldið á Íslandi án aðkomu utanaðkomandi afla eins og innganga í samband evrópulanda. Auðvitað yrðu  slíkir hlutir erfiðir. En að ætla sér að gera slíka hluti inni í þessu tiltekna sambandi er einfaldlega miklu erfiðara og mundi stórlega draga úr getu okkar til að rétta landið út úr þeim vanda sem það er í.

Allt sem er nýtt og er að þróast verður að fá að gera það óáreitt. Það er því prinsippatriði að við íslendingar fáum að vera í friði við að framkvæma hlutina algjörlega óáreittir. Í sjálfu sér er það Heit að skerpa á þessu atriði og vilja taka þátt í því að endurgera Ísland með vinnu sinni.  Það er mín staðföst trú að að á Íslandi búi öflugt og vinnusamt fólk sem vill koma að því að endurreysa  landið okkar sjálft. Án inngöngu í ESB.  Að þannig starfi vildi ég koma að endurreysa Ísland. En þú?

Þakka ég svo fyrir og vil minna á að ég mun alltaf bjóða mig fram til að standa vörð að heiðri Íslands! Góðar stundir.

 

Fyrri tilkynning um atburð

Þar sem að vegið var að mér sem íslendingi á síðasta fimmtudegi mun ég halda áfram með að lesa upp Heit mín eins og ég gerði á þriðjudegi fyrir viku á Þingvöllum.

Atburðinn á Þingvelli var framkvæmdur til að vekja athygli okkar á hvað það er að vera íslendingur og hvað við getum gert sem íslendingar.

Því mun ég halda áfram svo lengi sem einhver vill  og hefur áhuga að hlusta, koma með skerpingu í ræðu.

Þannig kemur hér inn auglýsing um næsta Heit mitt sem ætlunin er að halda í Lýðveldisgarðinum að Hverfisgötu á næsta Laugardag.

Nánar auglýst og nákvæmari auglýsing á fimmtudag.