Verjum Ísland gegn frekari svikum við þjóðina!

Ég skora á allt gott fólk að koma saman til hugmyndavinnu til að verja Ísland. Því Landráðin sem framin voru í kvöld færa okkur vopnin upp í hendurnar.

Þegar að ég kom með mínar skoðanir um "Okkar Ísland" þá gerði ég mér alveg ljóst að margir myndu fussa og sveija. Og jafnvel ekki hafa neina trú á málinu. Í "Okkar Ísland" og á bloggi mínu hef ég ákveðið skrifað um alla vantrú mína á núverandi flokkaskipulagi. Það er svo sannarlega að koma í ljós að ég hef og hafði rétt fyrir mér!

Vissulega gerð ég mér grein fyrir því að margir teldu það sem ég skrifað um vera óraunhæft og jafnvel eitthvað vitlaust?! Málið er að það er alltaf að koma betur og betur í ljós að ég hef rétt fyrir mér! ÞAÐ ÞARF AÐ LOSNA VIÐ FLOKKA FRÁ ÍSLANDI!

Það þarf að koma skipulega að málum með því að skipta landinu í 5 svæði sem ég hef skrifað svo mikið um hér á bloggi mínu og í skjali mínu: "Okkar Ísland" 

Vissulega geri ég mér grein fyrir því að sumar hugmyndir mínar sé kannski ekki framkvæmanlegar. En það besta sem gæti komið fyrir Ísland væri skipting landsins í þessi svæði sem hvert hefði nokkra sjáfsstjórn til uppbyggingar landsins. Að mínu mati standa málin þannig að það sé ekkert um betra að velja heldur en að velja einhverja svona leið.

"Okkar Ísland" er því ekkert annað en viturlegt! Því þegnar landsins geta komið saman til stjórnunar þess!

 

Athugasemdir

[Sigurður Grétar Guðmundsson, 31.12.2009 kl. 16:54]

Finnst þér þú meiri maður og merkilegri með því að bera LANDRÁÐ upp á landa þína?

Ég er vissulega pólitískur og hef verið allt frá unglingsárum, verið flokksbundinn í 3 stjórnmálaflokkum, Þjóðvarnarflokknum (sem var stofnaður ári áður en þú fæddist) Alþýðubandalaginu og nú Samfylkingunni. Margt sem mínir andstæðingar í pólitík hafa gert er vissulega skelfilegt, svo sem leyfa Bandaríkjamönnum að setja upp herstöð á Keflavíkurflugvelli, þegar tveir menn, formenn Sjálfstæðisflokks og Framsóknarflokks skipuðu sér í hóp þeirra þjóða sem hófu hið skelfilega Íraksstríð.

En þrátt fyrir þetta skaltu hvergi geta fundið að ég sé svo vessæll að þurfa að grípa til þess að kalla menn LANDRÁÐAMENN.

Það er ekki núverandi Ríkisstjórn sem skapaði skrímslið ICESAVE, það voru sömu mennirnir og fóru í Íraksstríðið, mennirnir og þeirra flokkar sem einkavæddu bankana árið 2002. Þeir lögðu grundvöllinn að ICESAVE skrímslinu. Hvergi komu Samfylking eða Vinstri grænir nálægt þeim gerningi. Landsbankinn var seldur fyrir spottprís þeim þeim Björgólfsfeðgum og þeirra liði, talið að þeir kæmu með mikið fé inn í landi en það fór lítið fyrir þeim fjársjóði.

En hvar fengu þeir peninga til að kaupa Landsbankann?

Þeir fengu lán í Búnaðarbankanum sem fjárglæframenn Framsóknarflokksins voru um það bil að kaupa og það lán hafa þeir ekki greitt!!!

Svo leyfa menn sér að svívirða þá sem eru að vinna hörðum höndum við að hreinsa flórinn eftir þessa menn sem sátu þá í  Ríkisstjórn  þegar frjálshyggjan var innleidd og bankarnir einkavæddir, nánast gefnir þekktum fjárglæframönnum. Ég ætla að minna þig á nokkuð sem þú vilt örugglega ekki muna frekar en annað sem gerðist á hinum langa valdaferli Sjálfstæðisflokks og Framsóknarflokks. Gamall flokksforingi var settur sem æðsti maður Seðlabankans. Og hvernig fór það. Hann setti Seðlabankann á hausinn með glórulausum lánum, svokölluðum "ástarbréfum" án nokkurrar tryggingar. Sú byrði er okkur mun þyngri heldur en ICESAVE getur nokkru sinni orðið.

Að lokum ein spurning. Þú segir að við hefðum ekki átt að taka ríkisábyrgð á þessari skelfilegu skuld sem þeir Sigurjón, Halldór, Björgólfur og gleymdu ekki Kjartani Gunnarssyn þá framkv. stj. Sjálfstæðisflokksins bjuggu til í Bretlandi og Hollandi með fullri blessun Seðlabanka og Fjármálaeftirlits.

Ertu svo einfaldur að halda að þá gufu skuldin hreinlega upp?

Svaraðu því og reyndu að ræða málin með rökum.

[Guðni Karl Harðarson, 2.1.2010 kl. 19:25]

Guð minn góður?! Hefur þú ekkert verið að lesa á bloggi mínu?

Hættið að bera af ykkur fram og til baka. Það eru allir sekir í þessu. Sjálfsstæðisflokkurinn, Framsókn, Samfylkingin og VG. ALLIR!

Ég var í Samfylkingunni og ég hef líka komið nálægt öðrum flokkum. Aldrei þó Sjálfsstæðisflokki. Hitt veit ég fyrir víst hverjir sekir eru. En þar fyrir á ekki að bera sekt þeirra á almenning á Íslandi. Það er slíkt sem er hægt að kalla Landráð!

Er ég að svívirða fólk sem er að hreinsa flórinn? Hvað er eiginlega búið að hreinsa. Hafa einhverjir verið dæmdir fyrir þetta? Eð ertu svo einfaldur að halda að SF og VG muni eitthvað gera til að hreinsa þetta og fólk verði dæmt?

Minna mig á? Þarftu eitthvað að minna mig á. Heldur þú virkilega að ég viti þetta ekki allt saman? Heldur þú virkilega að SF sé eitthvað betri en hinir? Hvað Fjármálaeftirlitið? Ég gæti haldið nær endalaust áfram!

Ég er ekki minni maður fyrir að kalla það fólk landráðamenn sem leggur byrðar á þjóð sína sem almenningur á ekki að borga. Því fátt er meira ljótt að gera almenningi og landi sínu. Það er alveg á hreinu að almenningur í landinu á ekki að borga þetta! ÉG SEGI ÞAÐ ALVEG SAMA HVERJIR SEM BJUGGU TIL SKULDINA!

Ef þú skilur þetta ekki þá er eitthvað að!

Ég er ekki svo einfaldur að halda að skuldin gufi upp! Þetta er engin skuld Íslands! Það búið að fara í gegnum þetta mál allt saman fram og til baka. Það eru spurningar um hvort að nokkurn tíma þarf að borga Icesave. Það hefur komið í ljós að Dómstólaleiðin er vel fær. Síðan má draga málið áfram fram í framtíðina vegna þess að heimurinn er í kreppu og það er óljóst hvort að bankinn (ég segi ekki við) þurfi nokkurn tímann að borga þetta.

Það eru til leiðir sem ég meira að segja nefnt hér og sent bæði þingmönnum og indefence. Það var viðskiptaleið með lokuðum banka..... Ég veit ekki hvort þú nennir að kafa vel inn í bloggið mitt til að skoða þetta. En ég skrifaði það á bloggið mitt í haust.

Það mætti færa reikninga íslendinga frá Landsbankanum og selja eignir bankans strax. Afganginn mætti mynda gearing með! Þannig að setja af stað lokaðan íslenskan lokaða banka í Bretlandi og Hollandi þar sem viðskipti væru mynduð af almennum mörkuðum og útkoman yrði notuð til að borga upp reikningseigendum (þar að segja kaupa upp kvittanir) það sem var borgað og skila inn til Breska bankans og Hollenska bankans sem voru notaðir til að borga fjármagnseigendum upp í topp.

Það er síðan alveg ljóst að það á að nota samþykki á Icesave til að troða okkur inn í þetta ESB rugl. Því að það sem hefur gengið á að undanförnu sínir fram á að það er búið að lofa stjórnvöldum einhverjum blóðpeningum..........Það á svo fljótlega eftir að koma í ljós.........

[Guðni Karl Harðarson, 2.1.2010 kl. 19:38]

Aðar leiðir hafa verið nefndar úti í þjóðfélaginu....

Fattar þú ekki? Með því að neita að skoða aðrar leiðir: það segir líka allt.......

[Guðni Karl Harðarson, 2.1.2010 kl. 20:15]

Ég kalla það síðan Landráð að svívirða þjóð sína með því að neita henni um rétt sinn að fá að kjósa um það mál sem mun hafa svo mikil áhrif á framtíð hennar.

Ég kalla það Landráð að ætla sér að hafa sitt fram sama hvað þjóðin segir í svona mikilvægu máli. Að ganga gegn vilja mikils hluta þjóðarinnar í réttlætismáli.

Að ganga gegn réttlæti vilja þjóðarinnar er ekkert annað en Landráð.......

Síðast þegar að ég vissi voru um 55.000 manns sem höfðu skrifað á lista um að Forseti Íslands skrifaði ekki undir þetta og gefði því þjóðinni tækifæri til að velja sjálfri um málið.