Losum liðið við ábyrgðina

Almenningur á Íslandi gæti tekið sig saman og gefið út yfirlýsingu um Icesave! En svo virðist sem það sé að koma í ljós að við eigum alveg að geta farið með Icesave málið fyrir dómstóla!

Búið er að ræða þetta ótrúlega mál allt fram og aftur á alþingi mánuðum saman án þess að niðurstaða hafi fengist. Því krefst almennningur á Íslandi að taka málið úr höndum ríkisstjórnar og alþingis.

Ég legg einfaldlega til að almenningur á Íslandi taki málið úr höndum Ríkisstjórnar og alþingismanna með því að koma með svipað og eftirfarandi yfirlýsingu:

Almenningur á Íslandi mun ekki leggja á þær byrðar til framtíðar að tryggja fjárfesta sem hefur í för með sér gýfurlegar álögur á almenning á Íslandi til framtíðarinnar! Slíkt er okkur ekki bjóðandi að ætla sér að hinn vinnandi íslendingur taki að sér að borga og samþykkja Icesave. 

Því viljum við lýsa því yfir að við munum leitast eftir því að fara með þetta mál fyrir alþjóðlega dómstóla! Við erum því tilbúin að leita allra leiða að fara með málið þessa leið. 

Icesave verður ekki samþykkt af almenningi á Íslandi!

 

Fjárlaganefnd fundar

Athugasemdir

[Valsól (IP-tala skráð) 30.12.2009 kl. 09:58]

Það er tómt mál að tala um að fara með þetta fyrir dómstóla. Það má benda á að í þorskastríðinu þá vildu Bretar og Þjóðverjar fara með landhelgismálið fyrir alþjóðadómstóla en Íslendingar sögðu bara ,,Nei" og þar með var málið úr sögunni. Það sama myndi gerast núna, Bretar og Hollendingar myndu segja bara ,,nei" og þar með færi málið aldrei fyrir dóm.

[Sigurður Sigurðsson, 30.12.2009 kl. 10:23]

Valsól:  Það er Breta og Hollendinga að fara með málið fyrir dóm - ekki okkar !!  Vonandi skilurðu þetta fljótlega og með hækkandi sól.  Ef þeir telja sig eiga kröfu á okkur þá þurfa þeir að leita réttar síns fyrir dómstólum.

Varðandi útvíkkun landhelginnar, þá voru íslendingar í fullum rétti skv. alþjóðlegum viðmiðum hafréttarreglna til að stækka landhelgina á sínum tíma. 

Á þessu tvennu er reginmunur, en þið vinstra fólk eruð svo blinduð af blessaðri ESB sýninni að þið, fyrirfram, viljið ekki skilja það.

[Guðni Karl Harðarson, 30.12.2009 kl. 10:31]

Valsól. Það sem málið snýst um almenning á Íslandi þá á almenningur á Íslandi að gefa út þá yfirlýsingu að við séum óhrædd þ.e. að fara með málið fyrir dómstóla. Hvað gerist við það er spurningin. En með þessari yfirlýsingu sýnum við alþjóð að almenningur á Íslandi er hvergi óhræddur að takast á við málið á þessum vettfangi.

Athugaðu að segjast fara með málið fyrir dóm er svipað og segja að almenningur samþykki þetta ekki. En það mætti alveg bæta þeirri forskrift einhversstaðar inni í dæmið.

Ef Bretar og Hollendingar segðu nei þá væru þeir því bara að viðurkenna þeirra órétt í málinu.

[Guðni Karl Harðarson, 30.12.2009 kl. 10:36]

Sigurður: Að gefa út þessa yfrlýsingu frá almenningi gefur okkur leverage yfir málið og þá erum við farin úr vörn og búin að setja Breta og Hollendinga í vörn við að svara okkur. Boltinn væri kominn til þeirra! 

Ef Bretar eða Hollendingar eiga að setja málið í dóm þá verðum við alltaf í vörn og spurningarmerki hvað við getum gert. Það sterka (ef sterkt skildi kalla) sem Bretar og sérstaklega Hollendingar hafa verið að gera er að segjast fara með málið í dóm því þá setja þeir pressu á okkur!

Við verðum að snúa þessu við og sýna að við séum hvergi óhræddir á að takast á við málið!

[Guðni Karl Harðarson, 30.12.2009 kl. 10:52]

Viðbót: Það er mikill munur að segjast að almenningur á Íslandi vilji takast á við málið og gefi út yfirlýsingu um það. Heldur en að stjórnvöld og ríkisstjórn geri það.

Það segi ég því við almenningur á Íslandi höfum svo sterk rök með okkur í málinu.