Þið eruð auðvitað velkomnir að Hlíðarenda Haukar

Spurningar varðandi málið.

Hversvegna ætti  nýrri leikvöllur Vals á Hlíðarenda að þola álagið frekar en leikvöllur FH?

úr frétt>FH-ingar töldu m.a. að völlurinn myndi ekki þola það álag nema að með því að farið yrði í kostnaðarsamar endurbætur á honum.

Ef álagið á völl FH væri svona mikið með því að hleypa Haukum að. Erum við Valsarar þá að eyðileggja völlinn okkar með því að veita Haukum aðgang að okkar velli.?Ég bara spyr því álagið á Vodafonevöllinn hlýtur jú að vera engu minna og jafnvel mætti segja að sá völlur væri viðkvæmari ef eitthvað er því á nýrri velli tekur oft meiri tíma að jafna sig inn í jarðveginn, undirlagið. Ég man nú eftir því þegar að við vorum að bíða eftir því að völlurinn okkar væri tilbúinn að leika á. 

Mér finnst þetta vera dálítill fyrirsláttur hjá FHingum. Það er hægt að sjá í gegnum þetta, nema að yfirlýsing þeirra sé því vanhugsaðri í orðalagi.

Er Bæjarstórn í Hafnarfirði að gera upp á milli íþróttafélögin þar?

Þess má geta að ég hef verið Valsari frá 6 ára aldri. Ég er jú líka uppalinn í gamla miðbænum.

Ég hef á undanförnum árum tekið Ljósmyndir fyrir Val.

Fundur með bæjarstjóra breytti engu

Athugasemdir

[Jóhann Elíasson, 20.10.2009 kl. 10:42]

Þakka þér kærlega fyrir Guðni.  Ég er þess alveg handviss að þarna er bara á ferðinni "gamli" FH - Hauka "rígurinn", sumir bara eldast en þroskast ekki.  Hann Lúlli "Lord of the rings" er gegnheill Haukamaður en hann gerir ekki mikið gegn FH - klíkunni.  Það verður bara að segjast eins og er að FH ingar hafa bara hlúð betur að fótboltanum en Haukar og við sjáum árangurinn.  En við sjáum það líka að handboltinn er orðin afgangsstærð hjá þeim og nú sjáum við hvernig þetta gamla "veldi" er orðið, reyndar eru þeir aðeins að rétta úr kútnum núna en undanfarin ár hafa verið frekar "mögur.

[Guðni Karl Harðarson, 20.10.2009 kl. 10:58]

Þakka þér innlitið Jóhann.  Sennilega er þetta alveg rétt hjá þér að þarna sé bara gamli "Hauka - FH "rígurinn" Það skín í gegn um fréttina svo augljóslega.

Mér finnst það vanhugsað annars hjá Bæjarstjórn Hafnarfjarðar að hafa ekki verið því undirbúnir því að Haukar kæmust í efstu deild. Ef þeir hefðu verið það í fyrra þá hefðu þeir verið búnir að stiðja undir það að Haukavöllurinn væri leikhæfur. Ef þeir hefu verið þessu viðbúnir þá hefði þetta ekki komið upp.

Ég hlakka til að sjá Haukana á Hlíðarenda næsta sumar og óska þeim gæfu og gengis í efstu deild á komandi sumri.

[Björn Jónsson, 20.10.2009 kl. 11:41]

Já...... Hafnarfjarðar-Brandararnir taka á sig ýmsar myndir. Bara einn Mathiesen völlur á landinu, sennilega líka sá eini sem er allt að því einnota.

[Sigurður Eðvaldsson (IP-tala skráð) 20.10.2009 kl. 13:10]

Nú hef ég ekkert meiri heimildir en þið um það hvers vegna Haukar og FH náðu ekki samkomulagi um umrædda leiki. Eflaust spilar gamli FH - Hauka rígurinn þó einhverja rullu í þessu máli.

Ég hef verið stuðningsmaður FH alla tíð og man vel hvernig Kaplakrikavöllur var útlítandi á árunum 2001 - 2004. Þá var völlurinn nánast ónýtur, án efa vegna of mikils álags. Hann var moldarflag með slitnum túnþökum hér og þar. Með mikilli vinnu,samviskusemi og alúð hafa vallarstjórarnir í Kaplakrika hins vegar náð að fá völlinn til að blómstra. Þessi staðreynd skýtur stoðum undir þær fullyrðingar að völlurinn í óbreyttri mynd muni ekki þola það álag sem fylgir því að vera heimavöllur tveggja liða.   

[Guðni Karl Harðarson, 20.10.2009 kl. 18:29]

Já svolítill Hafnarfjarðarbrandari Björn

[Guðni Karl Harðarson, 20.10.2009 kl. 18:35]

Þakka þér innlitið líka Sigurður.

þú>Með mikilli vinnu,samviskusemi og alúð hafa vallarstjórarnir í Kaplakrika hins vegar náð að fá völlinn til að blómstra. Þessi staðreynd skýtur stoðum undir þær fullyrðingar að völlurinn í óbreyttri mynd muni ekki þola það álag sem fylgir því að vera heimavöllur tveggja liða. 

Ég er ekki alveg sammála þér. Ef völlurinn hefur verkið haldið við samviskusamlega eftir 2004 til 2009 eða í 5 ár þá ætti hann að vera í það góðu ástandi til að þola aukið álag. 

Það veit ég til að á Vodafone vellinum var viðhöfð svipuð mikil vinna og alúð til að fá völlinn leikhæfan. 

Ég hef þó svipað og þú ekki miklar heimildir um málið þó þetta allt saman hljómi eins og Hafnarfjarðarbrandari eins og hann Björn skrifar.