Fyrir vara við fyrirvara við fyrirvara

Hvernig er beygingin á þessu?

Ég ætla að hafa það í fleirtölu

Hér eru fyrirvarar

um fyrirvara

frá fyrirvörum

til fyrirvara

Þetta beygist eins og:

hér eru aular

um aula

frá  aulum

til aula

af vísir>Jóhanna Sigurðardóttir forsætisráðherra og Steingrímur J. Sigfússon fjármálaráðherra vildu lítið sem ekkert segja fjölmiðlum í gær. Þjóðirnar hefðu farið fram á að upplýsingarnar yrðu meðhöndlaðar sem trúnaðarmál.

Það er alveg með ólíkindum að ríkisstjórn ætli sér að halda þessum upplýsingum sem trúnaðarmál. Einmitt vegna þess hversu þetta mál allt varðar almenning í landinu. Það eru sjálfsögð mannréttindi fólks að vita allt um þetta mál strax. Það er jú fólkið í landinu sem þessi stjórn gerir kröfu um að borga þetta.

Ef ríkisstjórn hefði einhvern manndóm í sér þá hefðu þau svarað þeirri kröfu Breta og Hollendinga um að halda upplýsingunum sem trúnaðarmál að þetta Icesave mál skipti svo miklu máli fyrir almenning að það sé ekki hægt. Sem ef skoðað.....segir ekki nema eitt. Það er verið að slá um sig með innihaldslausum orðum sem var aldrei gerð nein krafa til af þessum þjóðum.

Hversu mikið af þessum upplýsingum verði haldið leyndum fyrir almenningi þegar og eftir að byrjað er að ræða þessi mál á alþingi?

úr yfirlýsingu frá Sj.flokknum >Þar segir að höfnun Breta og Hollendinga á fyrirvörum Alþingis feli í sér að ríkisábyrgð vegna Icesave taki ekki gildi. Eins að ríkisstjórnin hafi ekki heimild til að víkja frá þeim skýru fyrirvörum sem gildandi lög kveða á um.

Sama hvað hver segir. Það er alveg ljóst að þetta mál allt er komið á byrjunarreit vegna þess að samþykkt alþingis á Icesave var háð lögum sem forseti Íslands samþykkti.Og allar nýjar samþykktir þarf forseti Íslands að samþykkja aftur. Þannig er skilningur minn.......

Það er því alveg ljóst að í gang fara nýjar umræður á alþingi. Sama karpið fram og til baka. Þetta mál mun því taka mjög mikinn tíma af störfum hausþingsins. Þannig mun ekkert vera hægt að fara í önnur mikilvæg mál sem átti að byrja að ræða á næsta þingi. Svo nefna mætti sem mál eins og aðgerðir til hjálpar heimilunum. Því það er alveg ljóst að þó að þeir segja þau mál verði rædd og gengið frá á næstunni þá verða þau ekki kláruð af þessari ríkisstjórn bara sí svona. Þau eru júin að sanna vangetu sína svo augljóslega að leysa mál fljótt og örugglega. 

En þau hefðu mátt segja sér þetta því að alltaf var ljóst að Bretar mundu gera fyrirvara við fyrirvara íslendinga. Sem við þurfum núa að gera aðra til fyrir með vara á.

Annað með þetta mál allt. Nú spyr ég þarf þá hinn sjálfumglaði forseti Íslands að samþykkja nýja fyrirvara sem verða gerðir?

Það er alveg augljóst mál að þetta allt saman er orðið eitt alsherjar rugl. 

Múlbundnir þingmenn