Það er kominn tími fyrir Ísland að breyta til!

Ég vona svo innilega að Ögmundur standi með þjóðinni í þessu máli. En það skiptir öllu máli að standa með þjóðinni!!!!!

Blogg mitt í gær var tilraun til að fá fram talningu á með eða á móti!

Ég sendi áskorunarbréf (örugglega fleiri?!) til flestra þingmanna VG og stjórnarandstöðu um að segja NEI við ríkisábyrgð. Þó ég hafi reiknað með neitun þeirra á ríkisábyrgð.

Hinsvegar finnst mér vera allt í fína lagi þó þessi ríkisstjórn falli ef NEI verður sagt við Icesave. Þar sem allir flokkar hafa reynt með sér og mistekist, þá þarf að bjóða upp á tvo möguleika í næstu kosningum!:

Almenningur í landinu fengi kost á að velja um:

a) Utanþingsstjórn (sem yrði valið í og kosið í af almenningi úti á svæðum landsins, jafnt úr öllum fjórðungum + höfuðborgarsvæði til að byrja með).

b) Þjóðstjórn allra flokka.

Stjórnarsamstarf undir Ögmundi komið

Athugasemdir

[Jón Ingi Cæsarsson, 11.8.2009 kl. 14:32]

Tillaga A ... þarf að breyta stjórnarskrá... ertu að tala um það ?

Tillaga B. Eru meiri líkur á að fimm flokkar komi sér saman en tveir ??

[Guðni Karl Harðarson, 11.8.2009 kl. 18:27]

Þakka þér fyrir innlitið Jón Ingi.

Þetta mál hefur komið upp við og við undanfarna mánuði. Þar sem umræðan gengur út á að almenningur þurfi að taka sig til og velja stjórn utan flokka. Hvar er það í stjórnarskránni sem segir að það megi þetta ekki?

Fór ekki einmitt Samfylkingin í kringum stjórnarskrá um daginn þegar að samþykkt var að ganga í aðildarviðræður án þess að það væri sérstakt leyfi fyrir því í stjórnarskrá?!

Mér minnir að ég hafi verið búinn að kanna þetta dálítið og ég held hvergi að þetta sé bannað í stjórnarskránni. Hinsvegar ef þetta (liður A) væri næsta krafa fólksins þá væri stjórnmálamönnum ekki lengur stætt að standa á móti þessum valmöguleika! Eftir allt sem gengið hefur á undanfarna mánuði!

(liður B) Ég reikna með að stjórnmálamennirnir sjálfir munu vilja reyna þá leið næst. Því allt annað væri búið og mistekist. Ekki náist saman um aðra leið hjá þeim.........

Ég ætla að biðja þig um að fylgjast vel með blogginu mínu á næstunni þar sem ég kem enn betur inn á þessi mál.

[Jón Ingi Cæsarsson, 11.8.2009 kl. 19:13]

Almenningur velur ekki ríkisstjórn.. almenningur velur alþingismenn í kosningum. Forseti velur einhvern til stjórnarmyndunar og þingflokkar velja oftast nær þá sem þeir vilja að taki við ráðherradómi... síðan má mynda utanþingsstjórn en stjórnir verða alltaf að styðjast við þingmeirihluta til að koma málum í gengn... við nefnilega búum við þingbundið lýðræði.

Fráleitt að halda að það sé brot á stjórnarskrá að fara í viðræður um eitthvað... aftur þarf að breyta stjórnarskrá verði vilji þjóðarinnar sá að ganga í ESB.

[Guðni Karl Harðarson, 12.8.2009 kl. 11:13]

Það sem þú skrifar þarna veit ég allt saman um og þarfnast ekki einu sinni umræðu á milli okkar.....

Hitt málið:

Það er/var lögfræðilegt mat þingmanns (og fleiri þingmanna) að það þyrfti að breyta stjórnarskránni til að geta farið í viðræður. Að setja það inn í stjórnarskrána þar sem það var ekki fyrir. Því er það brot á stjórnarskránni að ætla sér að gera hluti sem var ekki leyfi fyrir í henni að gera, þar að segja að sækja um. Ég fékk meira að segja svar frá þingmanni sem er lögmaður um þetta sérstaka tiltekna atriði.

Ég var einnig á þingpöllum og fylgdist með þessu máli.