Kæru Lýðveldissinnar - allir sem einn

Nú fer í hönd Stríð um Ísland við sambandssinna um hvort eigi að fara í inngöngu í ESB. Stríð hugarvopna. Stríð sem andstæðingur okkar mun gera allt til að nota blekkingar á fólk og beita gylliboðum og ofur loforðum! Þar sem við andstæðingar þeirra verðum að vera svo á sérstöku varðbergi fyrir öllu áreiti þessa fólks. Af því tilefni kom meðal annars þessi hugmynd upp!

Nú lítur því miður út fyrir að við þurfum að ganga í þessar viðræður sem er í sjálfu sér ekkert lýðræði í!

Því langar mig í þessu sambandi til að setja í gang hugmynd, umhugsun og vakningu meðal fólks um hvað það er að vera íslendingur. Að vekja okkur Lýðveldissinna til umhugsunar um þetta mál með því að mæta á Þingvelli; helgasta stað íslendinga. Að setja þar í gang hugareflingu fyrir okkur Lýðveldissinna.

Þetta er mjög alvarlegt mál og skiptir Ísland mjög miklu máli fyrir framtíðina! Ég vil ekkert sérstaklega vera að tala um sjálfan mig hér því þetta mál gengur ekki út á mig sem persónu! Þó ég sjái mig eins og JenGuð segir svo fallega: Hugsjónamanninn hugmyndaríka og eldheita lýðveldissinnan( eins og svo margir Lýveldissinnar sjá sjálfa sig að minni skoðun) þá er ég ekki að koma með hugmynd hér fyrir mig persónulega.

 

Auglýsing

 

Mætum á Pallana fyrir framan Almannagjá á Þingvöllum á þriðjudögum klukkan 20.00 til að endurvekja heit okkar sem íslendingar.

En að endurvekja heit okkar sem íslendinga (skilningur minn sem Lýðveldissinna) er að segja frá hvað það er sér-íslenskt að búa á Íslandi! AÐ VERA ÍSLENDINGUR!

Einnig má segja frá hvað við viljum gera til að verja landið okkur gegn ágöngu utanaðkomandi afla!

Allir Lýðveldissinnar; fólk frá Fullveldissinnum, fólk úr Heimssýn, Ásatrúarfólk og líka þar með talið allur þeir almenningur sem vill ekki inngöngu í ESB eru auðvitað velkomnir alla þriðjudaga klukkan 20.00. á Pallana við Þingvöll í brekkunni fyrir ofan gömlu Kirkjuna.  Það er engin skylda til að gera neitt nema að koma saman og hlusta á okkur sem viljum lesa upp. Þeim sem vilja er boðið að lesa upp á blaði 3 atriði (eða fleiri) af blaði um hvað það sé að vera íslendingur: "endurvekja heitin" og/eða lesa upp einnig hugmyndir hvað fólk vill gera til að koma í veg fyrir inngöngu í ESB. Eins og tildæmis að tala við Ömmur, Afa, frænda, frænkur og alla vini.

Allir Lýðveldissinnar velkomnir hvern einasta þriðjudag klukkan 20.00 til að lesa upp, vera saman til umhugsunar, samræðu eða hugareflingu.

Þó þú komist ekki á morgun þá getur þú komið eftir viku eða þarnæstu viku! Þó ég einn mæti þá mun ég halda áfram að mæta!