Það er nóg af þeim til í ríkisstjórn

Er hann annars að tala um þessa gömlu íslensku jólasveina? Ekki trúi ég á Grýlu og Leppalúða! Skil ekki hvað maðurinn er að meina að gera mér þetta upp?

>Lars Peder Brekk, landbúnaðarráðherra Noregs, segir að Íslendingar trúi greinilega á jólasveininn úr því þeir haldi að þeir geti fengið sérstakar undanþágur varðandi sjávarútvegsmál innan Evrópusambandsins. Þetta kemur fram á norska vefnum VG.

>„Íslandi mun ekki takast að fá samþykki Evrópusambandsins fyrir því að þeir fái sérstakar undanþágur í sjávarútvegsmálum. Það er eins og að trúa á jólasveininn,” segir Brekk í samtali við fréttastofuna ANB. 

Maður gat nú sagt það sér sjálfur. Þegar að ég las um þetta fyrst þá fór ég nú bara að hlæja. Undanþágur? Sýnir bara að þetta íslenska ESB lið innan SF gerir allt til að fá fólk til að reyna að trúa sér.

>Hann segir að aðild Íslends að Evrópusambandinu yrði eins og manni af himnum ofan fyrir Evrópusambandið sem þá fengi aðild að stærri fiskimiðum og fleiri fiskistofnum.

Hárrétt. Má ég benda líka á eina staðreind. En hún er sú að inni í ESB þurfum við að fá leyfi fyrir því ef við ætlum að auka hvóta eða fiskveiðileyfið. Jafnvel bara þó það væri tímabundið!

>Íslendingar yrðu hins vegar að afsala sér stjórn fiskveiða í lögsögu sinni og hann telji það því jafnast á við rússneska rúllettu að Íslendingar leggi fiskimið sín undir fyrir aðild að sambandinu.

Bara nokkrar spurningar í þessu sambandi!

Hversu margar þjóðir innan ESB hafa aðgang að fiskveiðilögsögu? Eða að veiða fisk sem slíkan? Eru ekki mestar líkur að veiða Þorsk og aðrar fiskveiðitegundir í kringum Ísland? Eru ekki einna mestar líkur fyr því að stofninn stækki aftur við þá Íslandsstrendur? Hefur veiði Þorsks ekki stórhrapað við Bretland og/eða Skotland?

Það sem ég er að segja er einfaldlega það að við íslendingar eigum að standa sjálfir og óháðir að auðlindum okkar!

 

Segir Íslendinga trúa á jólasveininn