Svona rugl á ekki að samþykkja!

Það er augljóst að kreppan vegna aðgerða þessara fjármálaóreiðimanna á að koma verst við þeirra lægri launuðu. Nokkuð sem virðist alltaf gerast. Þessu þarf að breyta!

Ég skora á aðildarfélögin að samþykkja ekki þennan ósamning.

 Hér eru forsendur úr gamla samningnum 1 febrúar 2008:

>Forsenduákvæði kjarasamninga
Forsendur kjarasamninganna er að kaupmáttur launa haldist eða aukist og að verðbólga fari lækkandi. Í febrúar á næsta ári verður farið yfir það hvort þessar forsendur hafi staðist. Hafi það gerst þá framlengjast samningarnir til nóvemberloka árið 2010. Hafi það hins vegar ekki gerst þá geta samningsaðilar samið um viðbrögð og þar með framlengingu samninganna eða samningar verða lausir frá og með 1. mars 2009.

Hér er verið að segja að ef forsendurnar hefðu breyst (sem þær svo sannarlega gerðu) þá ætluðu þeir sér að gera nýja og betri samninga! En Forsendurnar versnuðu til muna!

>Í samningnum núna í lið 1. segir:

>Taxtabreytingar sem áttu að taka gildi frá 1. mars 2009 er frestað og koma til framkvæmda þannig að:

>- 1. Helmingur hækkana almennra kauptaxta koma til framkvæmda 1. júlí sem hækka þá um 6.750 kr á mánuði. Helmingur hækkana á ákvæðisvinnutöxtum, kostnaðaliðum og fastákveðnum launabreytingum koma til framkvæmda á sama tíma. Hinn helmingur þessara hækkana kemur til framkvæmda 1. nóvember 2009.

 >liður  - 3. Hækkun kauptaxta, almennar launahækkanir og aðrar kjarabreytingar sem áttu að taka gildi 1. janúar 2010 færast til 1. júní 2010.„Þessi niðurstaða hefur þegar verið borin upp á formannafundi ASÍ sem samþykkti að vinna málið áfram en það verður afgreitt með tillögu sem verður borin upp í samninganefnd ASÍ og hjá SA til samþykktar eða synjunar. Tilkynna skuli niðurstöðu fyrir 13. júlí nk.  Samningsaðilar geti sagt sig frá samkomulaginu en báðir aðilar hafa frest til 17. júlí 2009 til að ákveða að framlengja ekki samninginn. Í því tilviki fellur samningurinn úr gildi svo og áformaðar launahækkanir,“  segir í umfjöllun Eflingar um samkomulagið.

***

Í stað þess að samningarnir hefðu átt að verða betri vegna forsendnanna eins og þeir gáfu í skyn! þá eru þeir núna verri (löngu kominir inn í verðlagið).  Í slæmu árferði og því ástandi sem þjóðfélagið er í ætti að verja kjör og búa til ný vegna tapsins inn í verðlagið en ekki gefa eftir og fresta samningum!

Samninganefnd ASI á að vera til að verja kjör hópa þeirra sem eru innan þeirra! Ekki krafna annara eins og samtaka atvinnulífsins, sem krefst að samningar eigi að frestast vegna ástands í þjóðfélaginu. Ástands sem er ekki fólkinu, vinnufólkinu innan sambansins að kenna.

ASI á að verja kjör í svona stöðu en ekki gefa eftir! Sem segir bara eitt: Þessa samninga á ekki að samþykkja!

 Augljóst að þetta lið er ekki að standa sig!

Tími til kominn að hefjast handa

Athugasemdir

[Magnús Sigurðsson, 25.6.2009 kl. 23:49]

Sæll Guðni, það er satt hjá þér svona rugl á ekki að samþykkja.

Maður fær meira en svima á því að sjá þessa stöðuleikafugla í fjölmiðlum, manni verður hreinlega óglatt.

Þarna eru sömu andlitin og fyrir rúmu ári síðan sem töldu fólki trú um að allt væri í góðu lagi væri farið að þeirra ráðgjöf. 

Heilastarfsemi þessara stöðuleikafugla nær ekki út fyrir tertuborðið.  Í stað þess að beita sér fyrir því að verðtryggingunni verði settar skorður á meðan skatthækkanir ríða yfir bjóða þeir upp á svona endemis þvælu.

[Guðni Karl Harðarson, 26.6.2009 kl. 00:18]

Sæll Magnús. Þakka þér fyrir innlitið. Óglatt verður mér líka! Já þetta er bara endemis þvæla! Hvað halda þeir að fólk sé eiginlega? Ég veit eiginlega hvernig heili þessara manna virkar? 

Ég legg til að setja svona fólk í veruleikaskoðun! Setja í gang og krefjast þess að fá að mæla raunsæismatshæfni fólks við stjórnun eins og þessara manna sem og ríkisstjórn.

Og allan þennan tíma sem þetta tók, fyrir þetta rugl!

Skorður á verðtrygginguna hefði JÚ verið kjarabót! Eins og tildæmis niðurgreiðsla á henni í skömmtum!

[Magnús Sigurðsson, 26.6.2009 kl. 08:13]

Ég held að það ætti að vera orðið hverjum manni ljóst að þetta fólk er þarna fyrir sjálft sig.

Það sem vekur mér mestrar ógleði er það að fólk sem tók þátt í hrunadansinum, jafnvel áratugum saman, telur sig best umkomið til að ákveða hvað kemur almenningi vel. 

Mikið af þessu liði á að hafa þá sómatilfinningu til að bera, að stíga til hliðar.  Það hefur valdið almenningi nógu tjóni nú þegar.

[Guðni Karl Harðarson, 27.6.2009 kl. 00:14]

Algjörlega fyrir sjálft sig! Svo virðist já sem við eigum að fá sama ruglið aftur! Auðvitað á þetta fólk að stíga til hliðar, en valdagræðgin er víst svo mikil hjá þessu fólki að hún teygir sig út um flest alla í öllum flokkum.