Lýsandi dæmi

Mér finnst það vera ótrúlegt að verkalýðshreyfingin skuli yfir höfuð vera að standa í þessu stappi að ná fram samningum við atvinnurekendur. Samningar sem áttu að ganga í gildi í Mars! Hvað er eiginlega að gerast?

Úr frétt mbl. þann 16.02

>Á fundi formanna aðildarfélaga Alþýðusambands Íslands var samþykkt að fresta til júníloka endurskoðun kjarasamninga og þeim launahækkunum til félagsmanna á hinum almenna vinnumarkaði sem ættu að koma til 1. mars nk.

>„Það er yfirgnæfandi meirihluti fulltrúa okkar aðildarfélaga sem telur skynsamlegast við núverandi aðstæður að fresta endurskoðuninni og freista þess að halda í innihald kjarasamningsins og ná því fram þó það verði kannski á síðari dagsetningum,“ segir Gylfi Arnbjörnsson, forseti ASÍ. Vísar hann þar til taxtahækkunar upp á 13.500 kr. á þessu ári og 17.500 kr. á næsta ári sem kveðið er á um í samningnum.

<

úr þessari frétt:

>„Það er ljóst að kannski standa öll spjót á Seðlabankanum í augnablikinu,“ sagði Gylfi Arnbjörnsson, forseti Alþýðusambandsins, að loknum fundi með ráðherrum í gærkvöldi.

>„Við gerðum grein fyrir því að það er mjög þungt á milli okkar og atvinnurekenda varðandi launaliðinn og hangir á bláþræði svo næstu daga verður að ráðast hvert framhaldið verður þar. Það er alveg ljóst að afstaða atvinnurekenda ræðst að miklu leyti af vaxtamálum og þróun þeirra þannig að það er ákaflega mikilvægt næstu daga að reyna að finna einhverja leið út úr þessum ógöngum.“ Gylfi segir mikinn vilja til þess að vinna áfram með ríkisstjórninni og sameinast um framtíðarsýn, hinsvegar liggi lausn vandans hvað varðar launahækkanir á vinnumarkaði ekki hjá henni.

Er verið vísvitandi að blekkja launþega með allskonar yfirlýsingum allt til þess eins að losna við að samningar gangi í gildi? Hvaða bull er í gangi? Hvernig getur forseti Alþýðusambandsins sagt þessi orð? 

Sameinast um framtíðarsýn með ríkisstjórninni án þess að lausn vandans hvað varðar launahækkanir liggi ekki hjá henni? 

Ég skil þetta ekki. Er ekki einmitt á svona tímum sem að allir aðilar eigi að koma saman að lausn vandans í sameiningu? Er ekki einmitt sú staðreind að samningar voru gerðir áður og á meðan að þessi fjármálahrun landsins komi ákveðnar inn í kjarasamningana?

Á ekki ríkisstjórn að koma ákveðnar að samningum einmitt í ljósi aðstæðna í þjóðfélaginu? Á ekki ríkisstjórnin í sameiningu við alþýðusambandið að verja það að verkafólk lendi ekki í þessar aðstæður?

Ég talaði alltaf um að þeir hefðu átt að setja af stað bjargráðasjóð (viðlagasjóð) til að bregðast við vandanum! Til að verja kjör og aðstæður sérstaklega fyrir láglaunafólk! En ekkert hefur verið gert neitt í þá áttina.

Eða er það svo að láglaunafólk á að taka á sig fjármálahrunið sem fjárglæframenn settu þjóðina í? Getur það kannski verið að (valda)tengsl slíkra manna inn í stjórnmálin og ríkisstjórn  geri það að verkum að vandi þjóðarinnar lendi á því fólki sem leggur mest að verkum til þjóðarbúsins?

Þið ættuð að skammast ykkar! Hvorki alþýðusambandið né ríkisstjórn eru vandanum vaxin!

Þegar að kjarasamningar voru gerðir í upphafi voru ekki alveg orðnar þessar aðstæður! Hinsvegar þegar að breyttar aðstæður urðu og þjóðin lenti í þessum vanda (vegna ákveðnra einstaklinga) þá átti strax að bregðast við og verja samningana og verja það að láglaunafólk lenti ekki í erfiðleikum vegna þessara aðstæðna! Nú eru þessir erfiðleikar þjóðarinnar að koma inn í kjarasamninga láglaunafólks og verkamanna, sem hefði einmitt ekki átt að gerast!

Verkamenn! Það kemur svo sannarlega að því að við segjum: hingað og ekki lengra!

 

 

Strandar á vöxtum Seðlabankans