Tvö ár á fullu þingmannakaupi?

Hvaða rugl er þetta eiginlega? 41 manns á fullum launum í 2 ár?

Geir og Jóhanna geta karpað um þetta eins og þau vilja á þingi. Ég fæ ekki séð að þetta þurfi að kosta svona mikið! Mesta lagi 100 til 200 milljónir.

Svo þarf þetta stjórnlagaþing ekki að standa svona lengi! Mesta lagi 5 mánuði. Það mætti hugsa sér að fólkið í landinu kæmi saman á stjórnlagaþing tvisvar og  starfaði í 2.5 mánuði í senn. Ég fæ síðan hvergi séð að fólk þurfi að fá borgað há laun fyrir þetta!

Alþingismenn átta sig ekki á að ef fólkið í landinu kemur sjálft til starfa án afskipta flokka þá getur það unnið miklu, miklu hraðar og komist miklu fyrr að niðurstöðu en þingmenn flokka!

smá reikningsdæmi:

41 manns á 400.000 króna launum í 5 mánuði + annar kosnaður=

41x400.000x5=82.000.000 + 118.000.000 í kosnað= 200.000.000

Ef ég væri kjörinn á stjórnlagaþing þá væri ég tilbúinn að vinna á mínum verkamannalaunum þá mánuði sem það stæði. 

Síðan mætti alveg hugsa sér að fulltrúar yrðu kosnir á Þingvöllum og rætt yrði um málið og það undirbúið á almannaþingi þar. Eins og ég hef stungið áður upp á  hér á bloggi mínu.

Ég fæ ekki séð að þingmenn né ríkisstjórn þurfi að koma neitt að þessu máli heldur fólkið sjálft frá a til ö!

Það mætti vel hugsa sér að tengja saman Almannaþing + Stjórnlagaþing og halda það á Þingvöllum.

Ég sé þetta svona fyrir mér:

Almenningur kæmi saman á Þingvöllum til að ræða saman á Almannaþingi og þar yrði meðal annars rætt um Stjórnlagaþing og hvað ætti að vinna á því. Notað yrði öll mikla vinna allra lýðræðishópa fólks sem hafa skipst á skoðunum um málið á undanförnum mánuðum! Þar er mikil og góð undirbúningsvinna að baki! Þessir hópar kæmu þá með sín skjöl og athugasemdir.

Almannaþing kláraði þessa undirbúningsvinnu og ljúki því svo með því að kjósa fulltrúa á Stjórnlagaþingið.

Telur stjórnlagaþing kosta meira en milljarð

Athugasemdir

[TARA, 7.3.2009 kl. 12:35]

Ég hugsa að margir myndi vinna þetta fyrir lítið og með glöðu geði, einungis til þess að koma þessu frá sem fyrst..

[Guðni Karl Harðarson, 7.3.2009 kl. 12:41]

Það er nefnilega málið! Hver mundi ekki vilja koma að svon mikilvægu máli? Hvaða fólk hefði ekki áhuga á svona? Síðan mætti alveg hugsa sér að fyrirtæki tækju þátt með því að borga starfsfólkinu sín mánaðarlaun á meðan ef eitthvað af því tekur þátt í stjórnlagaþinginu og eru kosnir fulltrúar þar!

Svona eins og er gert stundum hjá íþróttafólki?!