Nokkursskonar Ræða - eða auglýsing?

Ég skora á þig sem lest að flytja þetta yfir á önnur Blogg á allt hugsandi fólk! Berið út! Tökum höndum saman

Copyright Guðni Karl Harðarson

 

"Okkar Ísland"

Hvað er það?

 

Baráttan að hefjast!  Fólkið fyrir fólkið!

Já?

Langbesta lausnin fyrir íslendinga er að fólkið sjálft taki þátt í að rétta landið við. Að fólkið taki höndum saman og vinni að uppgangi landsins í sameiningu! 

Hvernig litist þér á að taka þátt í stjórnun? Að taka þátt í uppbyggingu landsins með fólkinu? Okkur almenningi? Lang besta lausnin er uppbygging um allt land með þátttöku fólksins sjálfs!

Það væri lang fljótlegast og best ef við almenningur í landinu komum saman til að rétta landið við! Þannig getum við unnið saman að lausn úr vandanum. Enga flokka!

Ég bið ykkur gott fólk að hugsa vandlega um hvað væri hægt að gera ef við tökum okkur til og vinnum að þessu saman!

Hversvegna fólkið? 

Vegna þess við getum fundið leið til að byggja upp landið! Setja í gang framkvæmdaáætlun. Við gætum bætt fólki sem hefur orðið fyrir skaða. 

Launahækkun láglaunafólks strax? Rugl vitleysa? Nei! Ég veit um leið sem væri hægt að fara til að fólk fengi til baka skaðann eftir svokallað "óðæri" Það væri ýmislegt hægt að gera.

Hér er tildæmis ein hugmynd: (kannski eitthvað svipað komið upp hjá öðrum)

 Efnahagsbanki fyrir fólkið!

Leggja niður Seðlabanka! Í staðinn yrði settur í gang svokkallaður Efnahagsbanki allra íslendinga. Að efnahagsbanka kæmu Ríkisstjórn, Hagfræðingar, Launþegar og fleiri.

Tilgangurinn?

Að vinna að sameiginlegri niðurstöðu fyrir alla. Tildæmis að vinna að því að fólk geti eignast íbúð án þess að lenda í vandræðum með ofurháar afborganir og vexti! Að vinna að því í sameiningu að tryggja launafólk sómasamlega afkomu! Að vinna að því að sjá til þess að vöruverð í búðum haldist innað eðlilegra marka þannig að fólk geti keypt allar nauðsynir án þess að lenda í skuldavandræðum. Að vinna að eðlilegum efnahagsmálum fyrir allan almenning í landinu! 

Stefnum að því að búa til 5 ára áætlun fyrir landið okkar að losna út úr skuldunum!

Þar eru leiðir til og er ég með eina mjög góða sem gæti gagnast okkur fólkinu. En í henni þyrfti fólkið að koma til. Auðvitað misjafnlega mikið. Fyrir suma yrði þetta erfiðara en fyrir aðra. Þið getið auðvitað velt því fyrir ykkur hverjir þeir eru?

En allt með sanngirni!

 *****

Afhverju ekki flokkar?

ekkert flokksræði

engar valdaklíkur

enga málamiðlunarsamninga milli flokka til að geta unnið saman í stjórn

ekkert valdapot

ekkert peningavald

engin frjálshyggja

enga einkavini

engin einstaklingshyggja

engar nefndir

engar sponsur eins og utanlandsferðir eða einkabíla

enga jafnaðarstefnu (ekki í þeim skilningi eins og er notuð)

enga vinstri stefnu

enga samvinnustefnu

 Þú mátt bæta við sjálf/ur sem þér dettur í hug!

Aðeins stefnu fyrir fólkið sjálft í landinu þar sem það getur unnið saman í bróðerni!

Hugsið málið! Hvort sem þú ert verkamaður, læknir, verslunarmaður, iðnaðarmaður! Það skiptir ekki máli við hvað þú vinnur! Ég er til dæmis verkamaður með einlægan áhuga á stórfeldum breytingum á Íslandi. Öðruvísi Pólitík.

Samverkamenn fólksins!

Ertu með? Ég mun ekki gefast upp hvort sem þú hefur áhuga á þessu eða ekki! Ég mun herja á þessu fyrir kosningar og ef þú sérð að þú getur átt hag að koma með í hópinn þá ertu svo sannarlega velkominn!

Ég mun vera einn og óstuddur ef þið hafið ekki áhuga að vera með! En verið velkomnir í hópinn, allir þeir sem af einlægni vill vinna saman að lausn fyrir allt fólkið í landinu!

Þú munt sjá mig og vita af mér en veist þú af þér? Losnum út úr bullinu og framapotinu!

 

Áfram Ísland fyrir fólkið sjálft! "Okkar Ísland"

hér er slóð að hugmyndinni "Okkar Ísland"

ath. nýjustu hugmynd um breytingar er sú að fækka þorpssvæðum úr 5 í 4 á hverju þorpssvæði. Er það vegna þess að á sumum svæðum búa mjög fáir. 

 http://hreinn23.blog.is/blog/hreinn23/entry/767528

Athugaðu að þó ég sé verkamaður og þú sérst verkamaður þá getum við allir verið með! Landið er fyrir alla Íslendinga jafnt lærða sem leikna.