Auðmenn Íslands hafa sannað vangetu sína að stjórna landinu

Að undanförnum mánuðum hefur sannast að kerfi Frjálshyggju og Einstaklingshyggju hafa mistekist. Bara að þær aðstæður með ofurskuldum og ofurlánum komu upp sýnir að sá möguleiki í slíkum kerfum er algjörlega fyrir hendi!

Ef kafað er nákvæmlega ofan í slík kerfi er hægt að sýna fram á að færa til eignir frá einni persónu til annarar skapar togstreytu. Togstreita sú getur orðið öflug og spunnið uppá sig. Meðal annars er hægt að sýna fram á eignafærsla innan sama pólitísks trúarhóps getur skapað óvini innan hópsins! Það eru til ótal dæmi því til sönnunar.

Allir þeir mörgu sem þekkja til mín hafa vitað af því hversu ég varaði og var algjörlega á móti slíkri stefnu! Fullt af fólki! Ég hef ótal sinnum lent í rökræðum við peningasinna. Ég hef unnið á mörgum stöðum og jafnvel verið sagt upp störfum vegna þess að einn þeirra heyrði til mín. Ég hef unnið með mörgum auðtrúa! Ég hef unnið með fólki sem hefur lent inn í æðstu valdstöður landsins. Hér í Reykjavík, á Flateyri, á Raufarhöfn og á Höfn í Hornafirði svo dæmi séu tekin. Ég þekki til fólks sem hefur náð peningum, safnað auði í eigin vasa og völdum meðan að við hinir sátum eftir.

 Nú er svo komið að peningagræðgis og auðhyggjumenn hafa eyðilagt þetta land. Aldrei hefur landið staðið eins illa eins og nú! Aldrei nokkru sinni! 

Eftir stendur að nokkrir auðmenn hafa náð sér í mikla peninga á meðan að hinir þegnar landsins standa eftir í mismunandi slæmum fjármála aðstæðum og komist í miklar skuldir vegna þeirra. Þessir auðmenn halda áfram að safna til sín eigin auði með ofur háum launum og eftirlaunum meðan að fyrirtæki þeirra mörg hver standa eftir í ofurskuldunum. Og þeir eru í aðstöðu til að safna enn meiri auði sumsstaðar á meðan að okkar yndislega herlausa og friðsama Ísland rambar á barmi gjaldþrots.

Sumir voru auðtrúa og trúðu á kraft peningahyggjunnar en eru nú smám saman að sjá ljósið! Hinir sem neituðu að trúa tala um: hvað sagði ég þér ekki? Við vorum alltaf á móti þessu.

Eftir stendur að við sem neituðum alltaf að trúa og stóðum okkar plykkt með vinnu og eljusemi, fáum  að borga upp skuldirnar, á meðan að auðmennirnir fá að vera óáreittir og geta haldið áfram að auðgast enn meir.

Ríkisstjórn Íslands er stjórn sem hefur stutt þessa auðhyggju. Pólitísk sýn þeirra Sjáfsstæðismanna er sannarlega brotin og að brenna út. Bara það einfalda atriði að þessi peningastefna hefur mistkekist segir að slík stjórn á að segja af sér. Það segir sig sjálft!

Þeir þegnar sem eiga að borga skuldir Ríkisins vegna efnahagshrunsins eiga með réttu að taka við og stjórna þessu landi! Það eru aðeins þeir sem hafa fengið skuldirnar á sig sem með réttu eiga að fá tækifæri til að losna út úr vandanum! Ekki gera auðmennirnir það. Það verða ekki auðmenn og stuðningsmenn þeirra sem rétta þetta land af.

Ríkisstjórn Íslands segi afsér og láti fólkið og dóm þess taka við stjórninni!

 

 

 

Athugasemdir

[Lúðvík Júlíusson, 24.11.2008 kl. 02:22]

Milton Friedman, von Hayek og von Mises... allir frjálshyggjumenn og einstaklingshyggjumenn gagnrýna stefnur í hagstjórar-, peninga-, og verlferðarmálum eins og hún hefur verið framkvæmd hér á landi.

Það er líklega þess vegna sem ekki hefur tekist að ráða niðurlögum þeirrar meinsemdar sem óx hér í þjóðfélaginu... vegna þess að verið var að ráðast á rangan 'andstæðing'.  Hinn raunverulegi andstæðingur var ríkið, forræðishyggjan, elítisminn og íhaldsstefnan.  Hún sá um að prenta seðla, kynda undir verðbólgubál, gefa 'vinum sínum' lausan tauminn, veikja undirstöður íslensks efnahags, veikja samstöðu þjóðarinnar, og keyra landið og þjóðfélagið í mestu niðursveiflu í áratugi.

Ég kallaði á sameinaða baráttu hægri og vinstri gegn þessum öflum strax árið 2005 þegar ég var búinn að fá nóg.  Nú enn og aftur erum við sundraðir í baráttu gegn þessu 'skrímsli'.

Vonandi berum við(þeas. hugsjónarfólkið) gæfu til þess að taka saman höndum og byggja upp opið, heiðarlegt og réttlátt samfélag í framtíðinni.

[Guðni Karl Harðarson, 25.11.2008 kl. 01:39]

Guðminn góður? Það voru Milton Friedmann, von Heyek og von Mises.........?????

Hvernig er staðan í fjármálaheimi Bandaríkjana? Hvað skulda þeir mikið? Og fjármálafyrirtækin þar halda áfram með þeirri vissu um að fjármálaeftirlit og stofnun Bandaríkjanna muni koma og bjarga þeim út úr gjaldþrotum. Af öllum þessum fjármálfyrirtækjum sem féllu hratt þar komu eigendur og stjórnendunir sjálfir án þess að tapa eigið fé á meðan að fyrirtækin féllu hratt. 

Það segir mér nú bara ennþá frekar að hversu þessir auðmenn og peningamenn í íslensku bönkunum hafa verið að gera litla landinu okkar.

Áttaðu þig á því! Það verður ekkert samansull hægri og vinstri! Það verður ekkert stjórnmálaafl sem bjargar landinu heldur fólkið sjálft! Hið vinnandi fólk landsins. Áttaðu þig á því að þeir sem hafa orðið fyrir barðinu á peningaöflunum munu aðeins geta rétt landið við! Aðeins þeir!

Það sem landið þarf er hraða uppbyggingu án aðkomu einhverra stjórnmálaflokka! Ísland þarf gæfu til að leggja stjórnmálaflokka af og byrja upp á nýtt! Núna er tækifærið!

[Lúðvík Júlíusson, 25.11.2008 kl. 01:56]

Átta mig á hverju?  að það sé til fólk sem vill vinna sig úr þessu ástandi?  að það eigi allir að leggja sitt af mörkum?  ég skal gera það ef þú áttar þig á því að einkavinavæðing, ríkiskapítalismi og lánaþensla eru ekki frjálshyggja og eiga ekkert skylt með frelsi heldur meira með kúgun.

[Guðni Karl Harðarson, 25.11.2008 kl. 03:14]

>ég skal gera það ef þú áttar þig á því að einkavinavæðing, ríkiskapítalismi og lánaþensla eru ekki frjálshyggja og eiga ekkert skylt með frelsi heldur meira með kúgun.>

 Bíðum við?

Úps? Telst ekki óheft fjármagn til hluta af þessu svokallaða frelsinu? Varð ekki þetta svokallaða frelsi til þess að ákveðnir menn með aðstöðu gátu sett í gang að búa til peninga með því að lána hverjum öðrum á milli fyrirtækja? Óheft frelsi til aðgerða að gera það sem þeir vildu? Voru þeir að kúga sjálfa sig? Eða kannski fólkið í landinu? 

Einkavinavæðing og lánaþensla er þetta ekki komið innan úr þeim flokki sem er með samansoðið lið? Meðal annars þeirra sem sterkast hafa stutt frálshyggjuna? 

Er ekki innan hluta frjálshyggjunnar  fólk sem vill opna fyrir allt og setja í gang óheftan aðgang að fjármagni til að gera ýmsa hluti á markaði peninga og auðs? Frelsi til alls? Nefnum dæmi: hverjir hafa viljað selja áfengisverslun ríkisins? Hverjir heldurðu að fái að kaupa ef að yrði? Eru það einhverjir sem eru 1. einstaklingshyggjumenn 2. frjálshyggjumenn? eða kannski litli launamaðurinn? Eða þeir sem eru bæði óheftir frelsis-menn og um leið einstaklingshyggjumenn?

Veistu það ég ætla ekki út í eina einustu rökræðu um þessi mál við þig. Ég gæti nefnt ótal dæmi um frjálshyggjumenn að verki undanfarin ár! Einkavinir? Hverjir högnuðust á hinum og þessum viðskiptum með orkuna? Hvernig með Keflavík tildæmis? Ætlarðu að segja mér að ekkert af þessum mönnum séu frjálshyggjumenn? Eða eiga frjálshyggjumenn og frelsi það sem þeir tala um ekkert skilt við frjálshyggju.

Guð hvað ég er naive.

Sjáðu til. Ég bí bara til spurningar sem ég ætlast ekki einu sinni til að þú svarir!

Lánaþenslan? Verk þessara manna?

Ég fer bara ekki út í svona umræður! Ef ég leita þá get ég fundið hundrað dæmi eflaust.

Það eru allt önnur mál aðkallandi. 

(skoðun) Það er samt eitt af viðfangsefnum að komast að hvað hafi farið úrskeiðis í kenningum um (segjum nær) óheft frelsi og afleiðingum þess í núverandi þjóðfélagi. Eitthvað gleymdist í þeim kenningum.

 >Að allir eigi að leggja sitt að mörkum?

Nei, nei, nei! Þeir sem hafa komið landinu í þessa stöðu eiga að borga og það á að byggja upp áfram meðfram og eftir það. 

Sú björgun sem þessi svokallaða Ríkisstjórn ætlar sér að gera verður til þess að sveigja stuðningsliðið út fyrir að þurfa að borga brúsann. Eða eru þessir menn ekki enn að störfum með frelsi til fjármögnunar? Hversu langt verður þangað til að þeir komist í næstu aðstöðu að setja eitthvað á hausinn vegna þess að enginn lánar lengur?

 Takk fyrir, ekki meir!

[Lúðvík Júlíusson, 25.11.2008 kl. 03:24]

ef þú lest síðustu athugasemd þína þá sérðu að við erum sammála... síðustu ár voru tóm klisja við getum báðir verið sammála um að nú sé komið nóg af henni... mætum á laugardaginn á Austurvöll og köllum á breytingar og leggjum okkar af mörkunum svo landið rísi úr kreppu sem fyrst og allir geti lifað mannsæmandi lífi.