Okkar Ísland

INNGANGUR

 

Við  það hrun sem hefur orðið á bankakerfi Íslands að undanförnu hefur orðið til þess að landið okkar og fólkið í því hefur lent í gríðarlegum erfiðleikum með sín fjármál. Eins og við vitum hefur mikið verið skrifað um gjaldþrot bankanna, aðgerðir seðlabanka og ríkisstjórnar.  Daglega koma upp greinar úr fjármálageiranum sem skjóta fólki skelk í bringu. Í fyrstu virðist eitthvað vera rætt um málin en síðan er eins og þau svæfist og deyji út. Þannig er tildæmis verið að tala um að ef einhver brjóti af sér þá eigi hann að svara til saka. En samt virðist svo vera að allt sé gert til að koma í veg fyrir að sannleikurinn komi fram. Hvergi er neinn sem er sökudólgur.

 

Það virðist því svo vera að sama hversu málin séu rædd komi engin niðurstaða á neinu. Nema að þeir sem brutu af sér fá þau skilaboð að allt sé í lagi með slíkt og þeim boðið að gera það áfram. Enginn eigi að svara til saka. Hvorki þeir fjármálamenn sem urðu þessa valdandi. Eða þeir sem notfærðu sér aðgang að aðstöðu fyrir lánsmagni til að amk. gera tilraun til að auðgast hvort sem sú tilraun sé að hluta til, eða að öllu leyti ólögleg.

 

=Í þessum glundroða öllum virðist svo vera að Ríkisstjórn Íslands og Alþingismenn séu að senda þau skilaboð til þjóðarinnar að þeir sem hafi ekkert gert af sér verði fórnarlömb. Ef þú ert eitt fórnarlambanna  þá finndu þér leið til að ná í enn meira lán til að bjarga þér og framlengja vandanum í staðinn að slá á hann. Eða jafnvel finndu þér leið til að svindla og svíkja. Þá verði allt í lagi með þig og þína. Fyrr ekki!

 

Þegar að allt þetta byrjaði þá talaði Ríkisstjórn Íslands um að það yrðu framkvæmdar sérstakar aðgerðir til að hjálpa því fólki sem hafði komið út með verstan skaða. Var jafnvel talað um að sérstakur aðgerðahópur yrði myndaður til að fara yfir málin með fólki. Mátti jafnvel skilja að Ríkisstjórnin ætlaði sérstklega að leggja til fjármagn í verkefnið. En í staðinn hefur komið í ljós að Ríkisstjórnin ætlar ekkert að gera í málinu og ætlar enga aðstoð að veita. Heldur er fólki beint til Ráðgjafastofu heimilanna sem hvergi nærri hefur mannskap til þessara verka. Biðlistar hafa margfaldast á þeim bæ og mjög oft hefur ekkert komið útúr greiningu þar. Fólk hafi farið til baka engu nær. Gjaldþrot heimilanna hafa margfaldast.

 

=Svo virðist sem Ríkisstjórnin hafi svikið fólkið og brugðist trausti þess. Hvergir bólar á þeim aðgerðum sem Ríkisstjórn lofaði.

 

Ég sem þegn þessa lands hef fylgst með því sem fer fram á vettfangi þess. Ég hef fylgst með störfum Alþingismanna eins og ég hef getað. Ég hef fylgst með störfum Ríkisstjórnar eins og ég sem þegn þessa lands hef kost á. Og ég hef fylgst með störfum Seðlabanka me því að fylgjast með fréttum.

 

Ég hef tekið eftir málþófi eftir málþófum. Getgátum eftir getgátum þar sem annaðhvort er svarað (sem þó oft er eins lítið og hægt er) með útúrsnúningum eða litlum sem engum svörum. Í mörgum tilfellum hafa þessir herrar engin svör við neinu en vilja ekki viðurkenna það og halda ef málum sé hægt að svæfa þá gleymist þau og ekki lengur sé þörf á svörum.

 

Ég á sínum tíma mætti alltaf til að kjósa í öllum kosningum. Þægur þegn kaus ég auðtrúa á það að mitt atkvæði hefði vægi til þess að þeir sem ég kaus mundu sjá til þess að finna leiðir til að þjóna mér og öllum öðrum þegnum þessa lands til jafns. ÉG VAR AUÐTRÚA.

 

=Svo ég segi: Mitt álit á störf þessara manna er löngu rúið öllu trausti. Þessir menn hafa að mínu mati langt því frá náð að sýna þess að þeir séu verðugir þeirra háu launa sem þeir sjálfir hafa valið sér. Ég skora á landsmenn þessa lands að næst þegar að á að kjósa til Alþingis (ef eftir núverandi kerfi)  þá munum við ekki mæta!

KJÓSUM EKKI!!!!! Í næstu kosningum!

 

_______________________________________________________________________________________

 

Leið Íslands

 

 Hættum með Alþingi í núverandi mynd og amk. fækkum dögunum sem þingmenn koma til þingstarfa og breytum.

Leggjum niður stjórnmálaflokka. Veljum fólkið í landinu og virkjum það til stjórnunar.

Færum stjórnina yfir í landshlutana.

 

 

Hugmynd þessari að nýrri stjórnsýslu er ætlað að færa völdin til fólksins og viðhalda valdskiptingu með sömu möguleika fyrir allt fullorðið fólk í landinu (sem er ekki á sakaskrá og hefur aldrei brotið af sér) geti tekið þátt í stjórnun þess og fengið sömu laun fyrir það.

 

Íslandi yrði skipt í 5 þingdæmi og 5 valdhluta í hverju þingdæmi.

 

Skiptum Íslandi í 5+ 1 hluta varðandi stjórnun í landinu.  Þannig fengju Vestfjarðarþing 1 hluta, Norðurlandsþing 1 hluta, Austurlandsþing 1 hluta, Suðurlandþing 1 hluta og Höfuðborgarsvæðið 1  hluta. En sjálfur hef ég áhuga að færa Alþingi til Þingvalla og það er þessi + 1 hluti um getið hér að ofan.

Hér er dæmi um uppbyggingu stjórnarkerfis tekið frá Vesturlands og Vestfjörðum:

1. Undirstjórnun sem er í hverju svæði ( 5 svæði  stærri þorpum) sem er með 5 manns á hverjum stað
2. Þessir hlutar eru með aðal svæðisstjórnum sem í eru 25 manneskjur (miðað við 5 svæði) undirþigndæmi með for-löggjafar og takmörkuðu framkvæmdavaldi
3. Aðalstjórnun á Alþingi sem er í aðeins 5 mánuði á ári  á Þingvöllum. Sem er með löggjafarvaldi og aðal framkvæmdavaldi.

 

Fólkið í Þinginu veldi sér sína eigin umboðsmenn þannig:

 

Valið er að fyrstu 300 manns á hverjum stað til að kjósa úr. Þannig að tildæmis í Borgarnesi þá myndu þeir velja sér 300 manns til að vera á lista. Síðan velur fólkið sem býr á staðnum með því að kjósa af listanum 100 manns sem eiga á einhverjum tíma möguleika á að komast í þríþætta stjórnun.  1. Stjórnun í þorpi 2. Stjórnun svæðiþings 3. Stjórnun á Alþingi.

 

Þessi 100 manna listi er valinn með því að kjósa eftir vægi þannig: a. b. c. d. e. þar sem A er sterkast.  Tildæmis ef ég væri að kjósa þá hefði ég fyrir framan mig listann með öllum 300 nöfnum og möguleikana að velja þessa menn/konur þannig:

 

1. Ég sé Jón Jónsson og ég gef honum

 

 10 á vægi a.

 4. á vægi b.

 8. á vægi c.

 6 á  vægi d.

 2. á vægi e.

 

1. Síðan sé ég Jón Björnsson og gef honum vægi nema ég raða því öðruvísi upp til dæmis:            

2 á vægi a.

                6 á vægi b.

10     vægi c.

8 á vægi d.

        4 á vægi e.

 

Þannig koll af kolli þangað til að öll vægin hafa verið uppfyllt.

Sem sagt ég get valið mér 5 manns (vægin 2,4,6,8,10) á stjórnunarlistann þegar að ég hef valið á öll vægin, af þessum 100 manna lista. Það sama gerir næsti maður sem kýs. Síðan eru menn valdir í stjórnunina eftir hversu mörg atkvæði þeir fá með tilliti til væganna.

 

Síðan er talið saman vægi á listanum og fólkið sem var kosið raðast upp á listann eftir vægi hans.

Þeir sem vinna á hverju svæði gera það í til að byrja með 40 mánuði alls. En eftir 8 mánuði fara fyrstu 5 manns út úr stjórnun þorpssvæða og yfir í stjórnun á svæðisþingi (1 úr hverju þorpssvæði). Og næsti stjórnandi kæmi sem er á vægislistanum (nú 95 manna listanum) (1 úr hverju svæði) kæmi sjálfkrafa inn í stjórnun þorpsvæðis. Þannig einn út og einn inn í staðinn og svoleiðis á hverjum 8 mánuðum.

 

Þannig er hugmynd að Vestur-þingi yrðis skipt þannig:

1. Akranes 5 manns
2. Borgarnes 5 manns
3. Snæfellsnes 5 manns
4. Sunnanverðir vestfirðir 5 manns
5. Ísafjörður og nágrenni 5 manns

Síðan færu 5  manns að vinna úr hverju einu af þingsvæði landsins á Alþingi sem er starfandi 5 mánuði á ári. Samtals 5x5= 25 manns á Alþingi. Hverjir þessara 5 manna eru í  beinu sambandi við sitt svæðisþing. Síðan á næsta Alþingi yrði næsta Alþingi  5 mánuðum seinna (þannig að unnir 5, frí 5 og unnir 5 og svo koll af kolli án tillit til hversu ártalið er. Á þingi 2 færu næstu 5 menn inn og aðrir 5 koma inn frá hverju landssvæði.

Endurnýjun á 100 manna listanum færi fram á 2ja ára fresti. Þannig ættu sem flestir kost á að fara í gegnum þrí(3) skiptingu stjórn og valdkerfisins. Hugsunin er að allir sem eru við stjórnun fái sömu laun fyrir sömu vinnu.

 

Þetta sýnir hugmyndina á bak við kerfið og stöðuga valdskiptingu þess.

Hugmyndin er að í þorpunum og borginni komi undirvaldið sem vinni með það í huga að:

 1. Finna leiðir til arðbærrar atvinnusköpunar sem gefa peninga af sér  og verðmætasköpunar: til a. fyrir fólkið í þorpinu b. fyrir þingsvæðið og c. fyrir allt landið.

 2. Finna leiðir til að halda utanum hverskonar framkvæmdir og viðgerðir innan a. þorpsins b. þingsvæðinu og c. fyrir allt landið.

 

  Hugmyndin er að á hverju svæðisþingi fyrir sig komi inn mál sem:

 1. Samgöngumál

 2. Svæðismál

 3. Lausn vandamála á milli þorpa (svæða) innan Þingsvæðis

 4. Færa þau mál sem þykja til þess fallin til Aðalþings

 

Hugmyndin að Alþingi sem haldið yrði aðeins 5 mánuði í hvert sinn (5 – 5)

 

 1. Koma fram með mál sem snúa, hugnast og hagnast öllum þegnum landsins

 2.Sjá um fjármál landsins

 3. Sjá um utanríkismálefnin

 4. Sjá um að leysa lögmálin

 

Alþingi yrði tvískippt þannig að hluti þeirra 25 manna sem starfa þar komi að innri stjórnun þ.e. nokkursskonar Ríkisstjórn, en innan Alþingisins sjálfs. Skipt yrði um þessa yfirstjórnun eftir hverja 5 mánuði Alþingis og nýir menn taki við stjórnun þegar að Alþingi starfar ekki. Hugmyndin er sú að að slíkri stjórnun komi aðeins 5 menn: ráðstjórnarmenn sem eru saman í því að sjá um fjármál, fara yfir framkvæmdir (m.a. sem koma í gegnum allt batteríið frá þorpunum, í svæðisþing, yfir á alþingi og endar hjá ráðstjórnarmönnum, fara yfir utanríkismál og á allan hátt koma að þeim málum sem þarf.

Alþingismenn og yfirráð vinni saman á eins mikinn hátt og hægt er. Hafi sér sama vinnusvæði en ekki í sér húsi.

 Þetta er bara byrjunin að hugmynd minni. Athugið að ég er bara að setja hana hér fram og það er svo annara að skoða hvort hún sé framkvæmanleg.

 Ég æski einskis með að koma fram með hugmyndina en vona að einhverju svipuðu verði hægt að koma upp í framtíðinni og álít að það geti eingöngu verið til heilla fyrir Ísland og þegna þess.

 

Fyrir Bloggið og svör:

Ég vona að þeir sem lesi velti hugmyndinni vel fyrir sér og skoði fram og til baka. Ég æski ekki eftir neinum commentum um hana en vona samt eftir að þeir sem lesi muni senda öðrum sem þeir þekkja link á bloggið mitt. Ég vona að sem flestir lesi og jafnvel prenti út hjár sér.

 

Einhverjir dagar eða vikur geta verið þangað til að hugmyndafræðin verði alveg tilbúin til birtingar.

 

 Þetta er aðeins grunn hugmynd eins þegns þessa lands.

Guðni Karl Harðarson

 

 

 

 

 

 

 

 

Athugasemdir

[Guðni Karl Harðarson, 11.11.2008 kl. 00:39]

Erlingur,

Það má svo auðvitað útvinkla hugmyndina frekar. Tildæmis með öðrum fjölda en ég gat um. Eins og tildæmis að Höfuðborgin hafi 12 menn/konur á í fyrsta hlutanum af þremur því mér sýnist að Höfuðborgarsvæðið í hugmyndinni hafi helst til of fáa miðvað við stærð gagnvart þorpunum. Þannig gæti Reykjavík verið með 6 (borg-þorp) + Kópavogur 3 + Hafnarfjörður 3 samtals 12.

Síðan  má útvinkla hugmyndina yfir á fyrirtækin og starfsmenn þess.