Í hverjum endi skal nýtt upphaf skoða

Á Internetinu og þar sérstaklega Youtube hafa verið í gangi fullt af myndböndum um þetta háværa málefni.  Í sumum þeirra má sjá heimsendaspár og svo eru aðrar sem spá á jákvæðan máta.

Vegna þessa langar mig til að beina sjónum ykkar á  hversu neikvæð þessi myndbönd hafa verið og slæm fyrir saklaust fólk sem trúir þessu. Svo má hugsa sér hver sé tilgangur þessa fólks sem vinnur svona myndbönd. Nema kannski til að hagnast á þeim? En eitt er augljóst að þeir sem gera svona tapa öllum áreiðanleika. Ég held að margir "svokallaðir nýaldarspekingar" vilji ekkert með svona hafa. Svo ég noti orðalagið hér í fréttinni.

Sjáið samt fyrir ykkur hverjar ferðatekjunar verða af þessum hátíðahöldum í Mexíkó. Allt þó vegna þessara tímamóta.

Það jákvæða við þetta er þó að þetta tímatal Mayanna og þetta nýja upphaf þess, hjálpar okkur til að hugsa um hvað við séum að gera við Jörðina. Það er líka góður hvati fyrir fólk að velta fyrir sér hver leið þeirra sé í gegnum lífið. Munu gerðir okkar á endanum verða til þess að við endanlega eyðum Jörðinni, við sjálf?

Hinsvegar mun gott fólk hugsa sér þennan dag sem nýtt upphaf, friðar, vonar og kærleika. Og eflingu trúar fyrir þá sem trúa á Guð.  Hvati til að snúa þróuninni við.

Það er nú einu sinni svo að þegar við sjáum allt ljóta og það illa sem gerist í heiminum þá vaknar í hjarta okkar umhugsunin hvað við séum eiginlega að gera? Hvort við gætum ekki tekið okkur saman og breytt þessum lifnaðarháttum og snúið þessari að virðist endalausu þróun við og búið okkur til betri heim. En það byrjar þó í hugum og hjörtum okkar.

Kæri lesandi notum þennan dag til þess að hugleiða hvort og hvernig við getum tekið höndum saman til að byggja okkur nýtt upphaf þess góða. Notum það til að hugsa og framkvæma á jákvæðan hátt athafnir okkar í gegnum lífið.

Hafðu Hjartað með í för

Gleðileg Jól

Upphafi nýrrar hringrásar í tímatali maya fagnað

Athugasemdir

[Ásthildur Cesil Þórðardóttir, 23.12.2012 kl. 18:39]

Sammála þér Guðni minn, höfum þetta tímatal sem upphaf af einhverju nýju og góðu okkur til hagsbóta.  Nýtt upphaf.

[Helga Kristjánsdóttir, 24.12.2012 kl. 00:52]

Ég er reyðubúin og á ekki von á að núa óréttlætinu um nasir þeirra stjórnmálamanna sem frömdu það. Þið sem eigið eftir meira en 2áratugi munið sjá breytta tíma í fjármálum,vogunarsjóðum settar skorður,ef ekki bannaðir. Veit Guðni minn að þú ert ekki að meina það sérstaklega,en þetta sótti á mig eftir ,,Forrest Gump,, Gleðileg Jól! til ykkar.