Umkomuleysið

Það er svo ömurlegt að fylgjast með og taka eftir því sem gengur á úti í hinum stóra heimi. Að tilfinningar manns fari svona út í allan líkamann. Að vera með tárin í augunum meðan maður horfir á ógeðið. Að hlusta á allt saman. Að vera með stíflað nef og það renni nær endalaust úr því. Að vera óglatt af öllu saman. Og að fá verki í skrokkinn.

Allt þetta vitandi og sjá hversu umkomulaus við erum.

Það er líka svo dapurlegt að sjá saklaust vel meinandi fólk taka afstöðu með öðrum hvorum aðilanum þegar aldrei einn á sök þegar að tveir deila. Að það verði til þessi einhverskonar múgæsing þar sem fólk er fengið til taka afstöðu, en gleymir því í leiðinni að það sem skiptir máli er að það þarf að fókusa á að breyta heiminum. Og það verður aldrei gert nema að vel meinandi og gott fólk taka sig saman til þess, fyrst í sjálfu sér og síðan að búa til hópeflingu góðra og vel meinandi manna. Efling sem á sér engin landamæri á milli trúarbragða og annarra stríðandi aðila.

Svo eru það þessar hræðilegu mannverur sem eru undirlyggjandi og ákveðið eiga sök á öllu saman. Þar sem saklausu fólki er att saman og spilað á tilfinningar þess. Það heilaþvegið. Allt til að þessir aðilar geti fengið sínu fram. Hvort sem það eru peningar, völd eða hvað annað sem liggur að baki. ÞAÐ ER EKKI HÆGT AÐ TALA UM AÐ SLÍKT FÓLK SÉU MANNVERUR heldur eitthvað allt annað sem maður tekur sér ekki í munn.

Að taka of eindregna afstöðu elur bara á Hatri í heiminum.

 

Reyndu að fá stuðning allra þingmanna

Athugasemdir

[Guðni Karl Harðarson, 24.11.2012 kl. 01:44]

Hér er set ég inn æðruleysisbænina til umhugsunar :

Æðruleysisbænin

Guð gefi mér æðruleysi

til að sætta mig við það

sem ég get ekki breytt,

kjark til að breyta því

sem ég get breytt

og vit til að greina þar á milli.

Til að lifa dag í senn, njóta

andartaksins sem líður,

sætta mig við að leiðin til friðar

sé vörðuð erfiðleikum,

að taka, svo sem Guð gerir, þessum

synduga heimi eins og hann er,

ekki eins og ég vildi að hann væri,

treysta því að Guð láti allt ganga mér

í hag ef ég gef mig honum á vald,

svo ég megi njóta þeirrar hamingju

sem mér gefst í þessu lífi

og óumræðilegrar sælu með Guði í

því komanda. Amen.

[Ásthildur Cesil Þórðardóttir, 24.11.2012 kl. 01:48]

Guðni minn þú ert ótrúlega skynsamur og flottu.  Tek algjörlega undir þetta hjá þér.

[Sigurður Haraldsson, 24.11.2012 kl. 01:54]

Verjum óréttlæti hvar sem er í heiminum!

[Guðni Karl Harðarson, 24.11.2012 kl. 01:57]

Þakka þér Ásthildur

Þó ég segi sjálfur frá þá held ég að alþingsmenn megi hugsa vandlega um þetta mál áður en þeir taka einhverjar vanhugsaðar ákvarðanir.

[Ásthildur Cesil Þórðardóttir, 24.11.2012 kl. 01:59]

Já algjörlega sammála.

[Guðni Karl Harðarson, 24.11.2012 kl. 02:02]

Ha? Verja óréttlæti?

Nei! þú losar þig frá hatrinu og gefur ótvírætt í skyn að þú viljir að heimurinn breytist, án þess að taka afstöðu með einhverjum aðila sérstaklega. Afstöðu sem við vitum kannski lítið hvað liggi að baki. 

[Guðni Karl Harðarson, 24.11.2012 kl. 02:04]

Eina leiðin til friðar er að hefja sig yfir öll landamæri á milli trúarbragða og annarra stríðandi aðila.

[Sleggjan og Hvellurinn, 24.11.2012 kl. 03:40]

Þessir þingmenn hafa ekkert kannað málin. Hafa bara lesið fréttaumfjöllun DV sem er hefur verið hræðilegur.

Þetta eru þingmenn! því fylgir ábyrgð!.

kv

sl

[Helga Kristjánsdóttir, 24.11.2012 kl. 14:07]

Sæll Guðni minn! Þú ert góð göfug sál vinur. ég skrifaði þér stutta ath.semd á Facebook,vegna þessarar færslu,en það umhverfi hentar mér ekki til alvarlegri lengri tjáninga. Þú talar um hræðilegar mannverur,ég sé þig fyrir mér með sársaukann máðan í andlitinu,varnarlaus,umkomulaus.Veistu að ég ærist er ég sé afleiðingar stríðsátaka í Afríku,aftaka lítilmagnans er hægfara,kveljandi tæring. Ég veit að ég er ,,sjálfhverf,, er ég æpi í tómið,”því eru þau að sýna okkur þetta” ,en það helgast af því að í velsældinni get ég ekkert gert,Rauði Krossinn gefur okkur þó tækifæri. --- Ég sé að þú skrifar æðruleysisbænina,hvaðan hún er upprunnin veit ég ekki,en sé ákall til guðs. Ég fór nýlega á fundi í Lindakirkju,hálfvolg hrædd við ,,halleluja,, ,en fólkið var svo hlýtt og frjálslegt hreinlega elskulegt.Ég tók að lesa bókina “Spurningar Lífsins”,eftir Nikky Gumbel,upphafs-orð hans eru; “ Árum saman var þrennt sem ég hafði gegn kristindómnum.Í fyrsta lagi fannst mér hann leiðinlegur. En hvað mér leiddist alltaf í kapellunni í skólanum! Ég skildi hvað Robert Lois Stevensson átti við.þegar hann skrifaði eitt sinn í dagbók sína,eins og til marks um undur og stórmerki: “Ég fór til kirkju í dag og er ekki þunglyndur”. Bókin er 201 síða en að lokum vitna ég í Bernard Levin,sem er líklega einn merkasti pislahöfundur þessarar kynslóðar. Þrátt fyrir að hafa notið mikillar velgengni sem pistlahöfundur í meira en tuttugu ár,talaði hann um þá staðreynd,að hann óttaðist að hafa e.t.v. ,,sóað lífinu í eftirsókn eftir vindi.” Það minni á aðra staðreynd sem dr.Gunnar Tómasson sagði í gær í viðtali á útv.Sögu,að lán viðskiptabankanna væru ekki peningaseðlar heldur loft/vindur . Kært kvaddur Guðni minn verð að fara og sjá Manutd.og slaka á.

[Guðni Karl Harðarson, 24.11.2012 kl. 14:17]

Sæl Helga mín Þakka þér fyrir þetta innlega þitt.

Ekki sjá bara mig sérstaklega fyrir þér því ég er að lýsa þessari tilfynningu sem kemur í okkur öll vegna þess hræðilega sem gerist daglega í heiminum.

Æðruleysisbænin var mér ofarlega í huga og fannst hún henta ágætlega (amk. þó aðallega fyrsti hluti hennar) til að hafa í huga.

Þess má geta að ég er trúaður á þann hátt að ég vil kærleikurinn, friðurinn, jákvæðnin og gleðin eigi að vera í hjörtum mannana. 

Ég tek það fram að ég fer mjög sjaldan í Kirkju heldur iðka trú mína í mínu Hjarta og mínum Huga. Og ég tel að kærleikurinn eigi að eiga sér engin mörk og engin landamæri. Ná yfir öll trúarbrögð í heiminum.

Flott að horfa á ManUtd! njóttu vel og kær kveðja. Guðni Karl

[Guðni Karl Harðarson, 24.11.2012 kl. 14:22]

Til Sl & Hv

Mér finnst að alþingi eigi að taka öðruvísi á þessum málum og vanda sig mjög vel. Taka dálítið annan pól í hæðina. Svo er þetta dálítið úrelt og lepjandi sem kemur þarna frá þessu þingliði Þór Saari og því öllu. Alla vega í þessu máli.

[Guðni Karl Harðarson, 24.11.2012 kl. 17:57]

Eftirfarandi hef ég sett á facebook vegginn hjá mér:

ÁRÍÐANDI TILKYNNING OG TILLAGA!

Af tilefni umræðu um morð, stríðsglæpa og tillagna alþingismanna!

Mikil umræða hefur verið um stríðsglæpi í þjóðfélaginu að undanförnu.

Ég legg til að við tökum annan pól í þetta allt saman!

Vegna þeirrar umræðu um enda heimsins sem hafa verið um 22. desember.
______________________________

Íslendingar sendum alþjóðasamfélaginu skýr skilaboð!

Gerum 22. desember að dag vonar og friðar í heiminum.
Látum þau skilaboð koma frá einni mest friðelskandi þjóð í heiminum: ÍSLANDI.

Hugsa má sér að 22. desember hvert ár sé NÝTT UPPHAF, NÝ VON!