Áskorun á Ríkistjórn - Video

Gott fólk.

Í dag eru 50 dagar þangað til að þjóðin á að kjósa um stjórnarskrárspurningar í þjóðaratkvæðagreiðslu.

Það er mikilvægt að þeir sem eru andstæðir inngöngu í ESB mæti í kjörklefann og segi þvert NEI við spurningu 1.

Í 111. grein tillagna stjórnlagaráðs, - Framsal Ríkisvalds stendur:

>Heimilt er að gera þjóðréttarsamninga sem fela í sér framsal ríkisvalds til alþjóðlegra stofnana sem Ísland á aðild að í þágu friðar og efnahagssamvinnu. Framsal ríkisvalds skal ávallt vera afturkræft.

Með lögum skal afmarka nánar í hverju framsal ríkisvalds samkvæmt þjóðréttarsamningi felst.

Samþykki Alþingi fullgildingu samnings sem felur í sér framsal ríkisvalds skal ákvörðunin borin undir þjóðaratkvæði til samþykktar eða synjunar. Niðurstaða slíkrar þjóðaratkvæðagreiðslu er bindandi.<


Ef þjóðin mætir í kjörklefann þann 20. október og setur X NEI við spurningu 1, er sjálfhætt í viðræðum við esb og helsta mál Ríkistjórnarinnar fallið um sjálft sig.
Og í sjálfu sér sjálfsögð krafa að ríkistjórnin segði af sér í framhaldinu.

Þetta Video er það fyrsta af nokkrum sem ég mun setja inn á næstunni.

Athugasemdir

[Óskar Helgi Helgason (IP-tala skráð) 1.9.2012 kl. 18:00]

Heill og sæll Guðni minn; æfinlega !

Því miður; hafa svona brýningar ekkert að segja, gagnvart þessu packi - annað hvort, förum við að þeim, og göngum frá þeim, eða; þau merja líftóruna úr okkur, hægt - og bítandi að óbreyttu, Helvízk.

Með beztu kveðjum; sem jafnan, úr Súldar leiðindaveðri, á Suðurlandi, utanverðu / 

[Guðni Karl Harðarson, 2.9.2012 kl. 00:30]

Heill og sæll Óskar Helgi.

Hugsaðu nú málið út á hvað þetta gengur!
Þá ertu ekki að skilja þetta Óskar minn. Því þó ekkert yrði úr þessu þá fylgir það ríkistjórn inn í gegnum tímann fram að næstu kosningum. Spurningin er því sú, er viturlegra að segja af sér strax eftir þjóðaratkvæðagreiðsluna eða er betra að bíða fram að kosningum á næsta ári og vera óviss um hvað þetta stjórnarskrármál gerði þeim varðandi fylgið! Að hafa neitun fólks á bakinu.

Með bestum kveðjum,
Guðni Karl

[Ásthildur Cesil Þórðardóttir, 2.9.2012 kl. 00:46]

algjörlega sammála þessu sem þú segir hér.

Í 111. grein tillagna stjórnlagaráðs, - Framsal Ríkisvalds stendur:

>Heimilt er að gera þjóðréttarsamninga sem fela í sér framsal ríkisvalds til alþjóðlegra stofnana sem Ísland á aðild að í þágu friðar og efnahagssamvinnu. Framsal ríkisvalds skal ávallt vera afturkræft.

Með lögum skal afmarka nánar í hverju framsal ríkisvalds samkvæmt þjóðréttarsamningi felst.

Samþykki Alþingi fullgildingu samnings sem felur í sér framsal ríkisvalds skal ákvörðunin borin undir þjóðaratkvæði til samþykktar eða synjunar. Niðurstaða slíkrar þjóðaratkvæðagreiðslu er bindandi.<

En er nóg að segja nei við spurningu eitt? eða þurfum við að hafna öllu... spyr sú sem ekki veit, og vissulega vil ég ekki veita Jóhönnu og Steingrími neinn ádrátt um að fá leyfi til að selja landið okkar erlendum svikahröppum.  

[Guðni Karl Harðarson, 2.9.2012 kl. 20:40]

Ég hef verið að benda á það þessar spurningar séu sniðnar fyrir þá sem munu segja já, samþykkja spurningarnar.

Vegna þess að rökfræðilega áttu ekki að geta svarað hinum spurningunum vegna þess að þú værir búin að svara spurningu 1 með NEI.

Ég held að best sé að mæta í kjörklefann og setja aðeins 1 X við NEI við  spurningu eitt. Og svara svo engum öðrum spurningum! Búið og gert

[Helga Kristjánsdóttir, 15.9.2012 kl. 03:24]

Takk Guðni minn, sammála.