Svo mælir hver sem hann maðurinn er til

Föstudagur, 24. ágúst 2012

Stjórnarskrárklúður aldarinnar? - afhverju er kjósendum mismunað?

Það er alvarlegur ágalli á þeim spurningum sem verða lagðar fyrir kjósendur varðandi nýja stjórnarskrá. Og kjósendum mismunað.

Ekki veit ég ástæður þessa. Hvort hér sé á ferðinni ásetningur eða alvarlegur hugsunargalli þeirra sem bjuggu til spurningarnar.

Hér er fyrsta spurningin sem lögð verður fyrir kjósendur þann 20 október varðandi ráðgefandi þjóðaratkvæðagreiðslu til stjórnskipunarlaga um nýja stjórnarskrá:

1. Vilt þú að tillögur stjórnlagaráðs verði lagðar til grundvallar frumvarpi að nýrri stjórnarskrá?

Já X, ég vil að tillögur stjórnlagaráðs verði lagðar til grundvallar frumvarpi að nýrri stjórnarskrá.

Nei X, ég vil ekki að tillögur stjórnlagaráðs verði lagðar til grundvallar frumvarpi að nýrri stjórnarskrá.

Ef ég samþykki og segi JÁ við spurningunni þá hef ég allan rétt á að svara hinum spurningunum 5 hvort sem er játandi eða neitandi. Þá hef ég skoðun á þessum atriðum öllum og get komið þeim inn, vegna þess að ég er samþykkur.

Ef ég hinsvegar neita og segi NEI við spurningunni þá hef ég ENGAN rétt til að svara hinum 5 spurningunum.

Vegna hvers? Vegna þess að með því að segja NEI þá segir það ákveðið að ég vil ekki að tillögur stjórnlagaráðs verði lagðar til grundvallar að nýrri stjórnarskrá, sem segir!: ég vil ekki þessa stjórnarskrá sem komu frá stjórnlagaráði. Þá get ég ekki haft skoðun á hinum 5 spurningunum eðli síns vegna, vegna þess að ég er þegar búinn að segja NEI.

Spurningarnar hinar 5 falla þá dauðar vegna þess að ég er búinn að segja NEI.

Áhyggjur mínar snúast um þau atriði afhverju kjósendum er mismunað? Afhverju eru þessar spurningar lagðar svona upp? Afhverju getur sá sem svarar fyrstu spurningunni ekki kosið með réttum hætti eins og fengið að tjá sig um önnur atriði sem kjósa á um?

Hver er ábyrgur fyrir svona vinnubrögðum?

_____________________________________________________________

2. Vilt þú að í nýrri stjórnarskrá verði náttúruauðlindir sem ekki eru í einkaeigu lýstar þjóðareign?
Já
Nei
3. Vilt þú að í nýrri stjórnarskrá verði ákvæði um þjóðkirkju á Íslandi?
Já
Nei
4. Vilt þú að í nýrri stjórnarskrá verði persónukjör í kosningum til Alþingis heimilað í meira mæli en nú er?
Já
Nei
5. Vilt þú að í nýrri stjórnarskrá verði ákvæði um að atkvæði kjósenda alls staðar að af landinu vegi jafnt?
Já
Nei

6. Vilt þú að í nýrri stjórnarskrá verði ákvæði um að tiltekið hlutfall kosningarbærra manna geti krafist
þess að mál fari í þjóðaratkvæðagreiðslu?
Já
Nei

	Atkvæðagreiðsla utan kjörfundar að hefjast
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Ég ætla rétt að vona að fólk sjái hér hvað ég á við!

Guðni Karl Harðarson, 24.8.2012 kl. 20:50

Já ekki datt mér í hug að fyrsta spurningin yrði svona. Er það bara ekki viðurkenning á að þú/ég viljir að tillögurnar verði lagðar til grundvallar að nýrri stjórnarskrá,að koma á kjörstað og skila atkvæðaseðlinum,hvort sem ég hef krotað þar á,eða ekki. Takk Guðni,áfram með þtt framlag til þjóðarinnar.

Helga Kristjánsdóttir, 25.8.2012 kl. 00:47

Nei Helga þú yrðir að segja álit þitt. 'Eg hvet þig að segja einfalt NEI við spurningu 1 og búið mál. Láta hinar eiga sig!

Guðni Karl Harðarson, 25.8.2012 kl. 12:38

Það er mikið atriði fyrir fólk að skilja að þegar að ég hef sagt NEI við spurningu 1. þá samkvæmt eðli sínu ætti ég ekki að geta svarað hinum.

Það gengi gegn samvisku minni að fara að svara spurningum um eitthvað játandi ef ég hef svarað því annarsstaðar neitandi.

Ég vil minna á það að þeir sem vilja ekki að þessar tillögur stjórnlagaráðs gætu haft skoðanir á hinum spurningunum.

Hinsvegar hefði verið hægt að orða spurningu eitt öðruvísi þannig að ekki fari á milli mála að ALLIR gætu svarað því sem þeir vildu.

En ég vil nota hér tækifærið og hvetja fólk til að mæta á kjörstað! Og setja X við NEI á spurningu 1! Og ekki svara hinum spurningunum!

Guðni Karl Harðarson, 25.8.2012 kl. 12:45