Stjórnvöld sjá ekki skóginn fyrir trjám

Besta leiðin hefði verið fyrir stjórnvöld að sækjast sérstaklega eftir því að setja saman hóp manna héðan og þaðan úr þjóðfélaginu. Bæði menntað fólk sem og ómenntað til að ná fram með vinnu hvað best væri að gera.

Út í þjóðfélagið berast raddir héðan og þaðan í útvarp, sjónvarp, veffréttamiðla og útprentuð blöð. Frá sérfræðingum sem þykjast vita allt best. En svo koma aðrir og segja eitthvað allt annað og þykjast það líka. Almenningur veit ekkert hverjum á að trúa. Nema þá kannski að hafa lært að trúa ekki hverju sem er.

Allskonar ráðleggingar eins og tildæmis: við eigum að taka upp efru vegna þess ,,,,,,bla,bla,,,. Sem og hið gagnstæða. 

Í stað þess er þjóðin enn að berjast við afleiðingar hrunsins og því miður sér langt fyrir endan á þeim málum. Það er síðan með ólíkindum alveg að stjórnvöld standa þeim sem varð hruninu valdandi í stað þess að standa með fólkinu. 

Nær eina vitið hefur komið frá fólkinu sem vinnur hörðum höndum að því að fá almenningi skaðan af hruninu bættan. Sem og því fólki sem hefur áttað sig að við svo má ekki búið standa. Það er gjörsamlega ómögulegt enn annað að vitiborið fólk sjái að þetta er ekki hægt lengur. 

Þjóðin þarf að velja sér nýjar leiðir. Ástæðan er sú að leiðin sem var notuð er stórgölluð. Það er augljóst mál. Ekki er hægt að bæta þá leið sem steytir ásteytingarsteinum. 

Ég held að stjórnvöld ættu að læra að fara dálítið meira eftir því sem almenningur í landinu vill að meirihluta. Í stað þess að standa gegn fólki. Það væri miklu meiri vit í því.

Annað er að sérfræðingarnir ættu nú að sleppa öllum rugluðu yfirlýsingunum í fréttum um hitt og þetta. Þeir hafa ekki sýnt fram á mikið skynbragð á stöðu landsins. Nema þá að vera vilhallir þeim sem bjuggu til höggin og koma með allskonar bull oft þvert á við staðreyndir í málunum.

Sagan mun segja að þeir sem standa ekki með þjóð sinni til framtíðarinnar munu gleymast í moldu grafar eða verða minnst aðeins fyrir þá skömm sem þeir eru valdandi.

Það er nokkuð augljóst mál að besta leiðin fyrir okkur er að finna leiðir til að efla framgang landsins okkar með nýjungum til framtíðarinnar. Eins og tildæmis að stórefla og setja í gang verkefni í vistvænni fæðuöflun. Með slíku sýnir þjóðin það vit með því að segja: við ætlum að taka á hlutunum öðruvísi. Sjálfbærni er einfaldlega næst á dagskrá. Það þyrfti að setja í gang heildstæða stefnu í þeim málum og búa þannig um knútana að svæði það sem setur verkin í gang njóti alvöru afrakstur af þeim verkefnum sem sett væru í gang.

Eins og staðan er núna er langt frá að afleiðing kreppunnar sé búin. Og svo virðist að fjármálahirðin hafi ekki neitt lært og ætli sér að leika sama leikinn aftur og aftur.

Lærum að efla Ísland að eigin verkum en ekki annarra. 

Læra af hagsýnum víkingum

Athugasemdir

[Aðalsteinn Agnarsson, 20.2.2012 kl. 12:48]

Frelsi almennings til handfæraveiða kemur gjaldþrota þjóð í gang og eru 100% sjálfbærar veiðar.   Íslenskir ráðamenn vita ekki eða vilja ekki vita hvað handfæraveiðar gætu gert þjóðfélagið gott.

[Guðni Karl Harðarson, 20.2.2012 kl. 13:20]

Aðalsteinn, vissulega væru frelsi til handfæraveiða ein af leiðunum. En ekki eru þó allir sem stundað geta sjóinn.

Hinsvegar er sjálfbærni miklu fleira en bara handfæraveiðar. Sjálfbærni snýst líka um fólkið sjálft. Það snýst um að fólk geti komið saman á stað sem það getur bæði tekið þátt í störfum og leik, sem og hjálpað til við að mynda verkefni. Þar sem alveg eins geta verið verkefni í sjávarútvegi eins og landbúnaði og tækninni. 

Það snýst líka um að fólk geti tekið þátt í lýðræðismyndun og komið að sýnum hugmyndum á ákvörðunartöku í verkefnum með þátttöku í lýðræði á þeim sama stað þar sem fólkið kemur til þesara ofannefndra atriða.