Hvað sem baráttu líður

Smá hugleiðingar um þetta,,,,,,,

Þegar að ég var 7 ára 1961 þá var einelti í skólum. Meira að segja stundum mikið og í ýmsri mynd.

Hverju hefur baráttan gegn einelti áorkað? 

Nú er árið 2011 og enn er einelti.

Að fylgjast með sögum af einelti þegar að þeir sem hafa orðið fyrir henni segja frá,  þá virðist svo vera að gerendurnir, orðnir fullorðnir geti ekki viðurkennt verknaði sína. Afneitun gerendanna nær þannig langt fram á fullorðinsaldurinn og jafnvel út til enda lífs þeirra.

Að verða fyrir einelti getur haft mikil áhrif á líf þolandans. Jafnvel allt hans líf.

Þeir sem eru þolendurnir eiga mikið hrós skilið fyrir hetjuskapinn að þora að segja frá. Því það er mikil áræðni. Oft eru þeir sagðir ljúga um atburðarásirnar.

Einelti í sinni mynd birtist á ýmsan hátt. Tildæmis sem stöðugt áreiti á einstakling sem er á einhvern hátt öðruvísi en hinir. Það getur tildæmis sýnt sem skekkja á líkamsbyggingu, jafnvel að einstaklingur sé mjög feitur osfrv. Tali öðruvísi, sé lokaður persónuleiki og utan við hópinn og kannski félagslífið.

Oft hjálpar þolendum að leitast eftir að eignast vini og kunningja með sömu eða svipuð áhugamál.

Gerendurnir eru oft þeir sem vilja sýnast höfðingjarnir í hópnum. Hafa þörf fyrir að stjórna og ráðskast með hina. Sýna þannig þolanda ýmsa áreitni til að lýta vel út í augum hinna. Áreitni eins og sífellt sjá þolandi ekki í friði. Leitast eftir slagsmálum, rífa og toga, fela föt og aðrar eignir þolanda. Nefna þolanda allskonar ónöfnum. Elta þolanda út um allt. Þannig mætti lengi telja.

Oft eru gerendurnir úr fjölskyldum sem eiga í ýmsum vandamálum.

Er ekki leiðin sú að foreldrar kenni börnum sínum hvernig á að koma vel fram við fólk? Þó fulltrúar innan skóla fylgist með og taki á þeim málum sem kunna að koma upp. Séu vakandi.

 

 

 

Fékk póst frá Lady Gaga

Athugasemdir

[Guðni Karl Harðarson, 27.11.2011 kl. 22:56]

Vil líka bæta þessu við.

Það er hræðilegt að verða fyrir einelti eða áreitni fyrir þá sem eru komnir á fullorðins aldurinn og jafnvel fram á miðjan aldur. Því það er líka til!

Því þeir (þolendur) sem koma fram með einlægni og áræðni með það sem þeir trúa og treysta á að sé rétt ættu frekar að eiga hrós skilið fyrir það að þora að skjóta sér fram og brjótast út úr viðjum þess að vera lokaðir persónuleikar, svo dæmi séu nefnd. 

[Guðni Karl Harðarson, 27.11.2011 kl. 23:04]

Svo ég bæti við.

Fólk þarf að læra það að bera virði fyrir náunganum. Hvernig svo sem hann er. Öðruvísi eða hvað. 

Það sýnir sterkan persónuleika að geta borið virðingu fyrir þeim sem eru á einhvern hátt öðruvísi. Því mætti kannski telja í framhaldinu að þeir sem geti það ekki eigi lítið skilið að fá hugmyndir og skoðanir sínar uppfylltar.

[Guðni Karl Harðarson, 27.11.2011 kl. 23:14]

ég> Fólk þarf að læra það að bera virði fyrir náunganum. Hvernig svo sem hann er. Öðruvísi eða hvað.

Ég átti auðvitað við virðingu

[Óskar Arnórsson, 28.11.2011 kl. 00:41]

Góður pistill og þarfar hugleiðingar. Einelti í skólum endurspeglar sál þjóðfélagsins í hverju landi fyrir sig....

[Guðni Karl Harðarson, 28.11.2011 kl. 01:51]

Þakka þér Óskar.

Svo lengi lærir sem lifir.