Guð hjálpi þjóðinni!

Ef þessi kona þarna á myndinni heldur áfram um stjórnartaumana og þessi ríkistjórn.

Eigum við að fara svolítið yfir málin? Þegar að íslendingar sögðu NEI við Icesave þá hefði þessi ríkistjórn átt að fara frá! Icesave hefði átt að vera örlagavaldur stjórnarinnar. Tildæmis þetta segir hvaða ofurvald ríkistjórnir hafa yfir þjóðinni.

Ég velti því fyrir mér hversvegna fullt af fólki er að mótmæla? Er það afþví að ríkistjórnin hefur staðið sig svo ótrúlega vel? Eða er það afþví að við mótmælum alltaf hvað sem gengur á?

Hverju eru mótmælendur alltaf að mótmæla? Væru ekki allt rólegt ef ríkistjórnin hefði í reynd staðið sig rosalega vel eins og þau vilja láta fólk trúa?

Förum aðeins smávegis yfir málin og staðreyndinar:

1. að ríkistjórnin valdi þá leið að bjarga bönkunum frekar en að taka sig sérstaklega til með stuðningi við almenning. Og hafa þor til að breyta kerfinu.

2. að ríkistjórnin stendur ekki með heimilunum í landinu sem urðu undir í hruninu. Heldur stendur hún með fjármagnseigendum.

3. að ríkistjórnin hefur staðið gegn því að fella niður verðtrygginguna sem þúsundir manna á Íslandi hefur farið fram á.

4. að mikill fjöldi fólks er að missa heimili sín vegna stórgalla á fasteignakerfinu sem ekki hefur verið lagaður.

5. að ríkstjórnin hefur ekki þorað að finna leiðir til að breyta hagkerfinu heldur rígheldur í stórgallað fjármálakerfi.

6. fjöldi fólks er við fátæktarmörk og þeim fer fjölgandi sem hafa ekki fyrir brýnustu nauðsynjum.

7. að ráðherrar hafa ítrekað talað um að ekki eigi að hækka skatta á næsta ári. En hið gagnstæða hefur komið fram. Meðal annars vegna skattaálögur á aldraða.

8. að ríkistjórnin hefur beint sjónum sínum í að sækja um inn í stórgallað reglukerfi og fjármagnskerfi Evrópu og það þrátt fyrir að ráðamenn í þessum löndum hafa verið á endalausum fundum til að gera tilraun til að bjarga ósjálfbjarga skuldugum þjóðum innan þess sambands. Að þessir fundir þurfi að gerast segir allt í dæminu!

Og svo gæti ég eflaust lengi haldið áfram.

NEI! Staðreyndin er sú að það er fátt sem þessi stjórn hefur gert af viti.

Guð bjargi þjóðinni og forði henni frá að halda í eða velja slíka stjórn aftur! 

Samfylkingin fær í flestan sjó

Athugasemdir

[Guðni Karl Harðarson, 23.10.2011 kl. 16:46]

Veruleikafirringin er algjör!

[Óskar Helgi Helgason (IP-tala skráð) 23.10.2011 kl. 17:25]

Heill og sæll Guðni Karl; æfinlega !

Tek undir með þér; í hvívetna.

En; ég undirstrika það, að þeir fáráðlingar og eiginhagsmuna potarar, Bjarni og Sigmundur Davíð mega ALDREI komast til valda hér, tækist okkur, að losna við þau Jóhönnu og Steingrím.

Utanþingsstjórn; þegar í stað - að öðrum kosti, aumki sig eitthvert annað land (utan ESB; að sjálfsögðu) yfir Ísland, hafi samlandar okkar ekki rænu á, að koma hlutum hér, til betri vega, fornvinur góður.

Með beztu kveðjum; semn jafnan, úr Árnesþingi / 

[Ásthildur Cesil Þórðardóttir, 23.10.2011 kl. 18:33]

Tek undir með ykkur drengir algjörlega sammála.

[Guðni Karl Harðarson, 23.10.2011 kl. 19:10]

Heill og sæll Óskar Helgi. Ég er sammála þér með Bjarna og Sigmund Davíð.

Ég skoðaði dálítið núverandi stjórnarskrá okkar þegar og eftir að ég var í famboði á stjórnlagaþingið. Eftir því sem mér sýnist þyrftu alþingismenn að kjósa um og samþykkja þau mál sem kæmu frá utanþingsstjórn. Því öll frumvörp þurfa kosningu í gegnum þingið. Ég velti því fyrir mér hvaða mál utanþingsstjórn geti fengið samþykkt á þinginu?

Mér sýnist að þjóðin þurfi að setja í gang þjóðþing án afskipta stjórnmálamanna.  Taka þar ýmis mál fyrir og síðan að skipta niður til áframhaldandi vinnu á alla landsfjórðungana.

Við gætum líka unnið að því að fá fólk til að ekki kjósa í næstu kosningum og unnið þjóðina saman útfrá því (samkvæmt tld. liðinn hér næst að ofan). Koma með sterk atriði um hvernig við getum breytt.

Svo væri kannski líka leið til að breyta kerfinu innanfrá meðfram þessu.

[Guðni Karl Harðarson, 23.10.2011 kl. 19:18]

Ásthildur þegar að ég skoða þessi mál öll þá sýnist mér að vald stjórnmálamanna er algjörlega njörðað niður. Hvar sem maður lítur niður er komið að vegg.

Í alvöru talað þá þarf almenningur að taka sig til og taka málin alfarið úr höndum stjórnmálamanna og finna leiðir í sameiningu. Leiðir án þingsins vegna þess að á þinginu lenda kjörnir þingmenn og flokkar inn í endalausar aðstæður þar sem þeir eru sjálfum sér og þjóðinni til skammar. Eins og berlega hefur komið í ljós á undanförnum vikum, í hinum ýmsu málum eins og að hallmæla og reyna að sverta kjörinn forseta þjóðarinnar svo ég nefni dæmi.

[Ásthildur Cesil Þórðardóttir, 23.10.2011 kl. 19:22]

Já til þess þarf samstöðu allra sem eru á sama máli.  það þarf virkilega að virkja þann kraft sem almenningur hefur, við þurfum bara að finna leiðina að því marki.

[Magnús Ágústsson, 24.10.2011 kl. 02:47]

BYLTING er lausnin

[Júlíus Guðni Antonsson, 24.10.2011 kl. 04:26]

Þið gleymið einu sem er mjög mikilvægt, þ.e. um leið og þú tekur þátt í pólitísku starfi ertu orðinn stjórnmálamaður og því er það bara heimska og bull þegar fólk talar um að það þurfi að láta einhverja aðra stjórna. Þeir stjórna sem til þess eru kosnir og verða þá stjórnmálamenn.

[Guðni Karl Harðarson, 24.10.2011 kl. 11:04]

Já satt segir þú Ásthildur. Ég tel að mótmælendur þyrftu dálítið að beina sjónum sínum að finna leiðina að því takmarki.

Hljóðláta byltingu Magnús, sem verður framkvæmd þegar að næst verður kosið. Eftir mikinn undirbúning fólks.

Þið munið! Þjóðin er (á að vera) valdið!

[Ásthildur Cesil Þórðardóttir, 24.10.2011 kl. 11:14]

Júlíus þetta er nokkur einföldun hjá þér, viltu þá meina að um leið og fólk fer að vinna í pólitík verði það ósálfrátt siðlausir frekjudallar eða mútuþegar?

Guðn þetta markmið kemur smátt og smátt, við munum finna hana þegar tíminn kemur.

[Guðni Karl Harðarson, 24.10.2011 kl. 11:16]

Júlíus þú kemur hér inn á atriði sem ég hef mikið hugsað um og vil kalla fljótandi vald. Hvað á ég við? Það mætti segja að þjóðin hefði réttinn að finna lögin og búa þau til sjálf. Fyrir þá sem hefðu áhuga til þess að vera með að vinnu um mál sem snúa að þeirra málefnum og atriðum sem það vill fá í gegn. En þetta er ekki alveg rétt sem þú skrifar. Þú ert ekki orðinn stjórnmálamaður fyrr en að þú hefur verið kosinn. Því er það að lausnin er sú að almenningur getur komið saman til að ræða málin í sameiningu. Það þarf ekki að gera þau að stjórnmálamönnum. Og vinna að sínum málum sameiginlega á þeim stöðum þar sem það á heima. 

Eiginlega mætti finna leiðir til þess að almenningur í þjóðinni væri undir löggjafarvaldið (fyrra löggjafarvald) en kosnir fulltrúar yrðu enda löggjafarvaldið og síðan í lokin ríkistjórn með framkvæmdavaldið.

Ég sé það alveg fyrir mér að hægt væri að brjóta niður löggjafarvaldið og færa að hluta til þjóðinni.

[Guðni Karl Harðarson, 24.10.2011 kl. 11:23]

Ég er spenntur fyrir því að fólk fái að ráða meira sínum atriðum sjálf og mætti alveg skipta því niður og inn í nágrenni á þeim stöðum sem fólk á heima.

Þannig kæmu lausninar frá fólkinu inn á aðal alþingið sjálft. 

Ásthildur, fólk þarf að taka sig og vinna saman að því að losa um hið algjöra vald þingsins og breyta því.

[Ásthildur Cesil Þórðardóttir, 24.10.2011 kl. 11:24]

Já sammála.

[Guðni Karl Harðarson, 24.10.2011 kl. 11:26]

Því það er algjörlega ljóst að alþingi íslendinga þarf að breyta! Og það væri ein af grunnforsendunum til þess að losna við ruglið og ávirðingarnar á þinginu. 

[Guðni Karl Harðarson, 24.10.2011 kl. 11:31]

Þessvegna væri eitt af þeim fyrstu atriðum sem við þyrftum að beina sjónum okkar að væri að setja fram kröfu um að alþingi íslendinga yrði breytt. Það væri atriði sem væri hægt að fá sameiginlegan grundvöll almennings til að samþykkja til að byrja með.

[Ásthildur Cesil Þórðardóttir, 24.10.2011 kl. 11:40]

Já en þurfum við þá ekki að skilgreina þá breytingu?

[Guðni Karl Harðarson, 24.10.2011 kl. 12:06]

Vissulega þarf að skilgreina þá breytingu. En væri ekki alveg tilvalið til að byrja með að fókusa á breytinguna. Eins og ef fólk væri spurt hvort það vildi að alþingi yrði breytt og síðan leiða fólk inn og draga fram áhuga þess fyrir breytingunni?

Skilgreina svo á næsta stigi eftir það? En sú skilgreining gæti alveg verið fjölþætt. Eins og tildæmis ein af þeim væri að beina ljósi að því að fólk vildi breyta strukturnum á alþingi osfrv. 

[Ásthildur Cesil Þórðardóttir, 24.10.2011 kl. 12:26]

Jú það er auðvitað hægt að útfæra þetta svoleiðis.

[Kjartan Sigurgeirsson, 24.10.2011 kl. 13:14]

Hvað ætli Ólafur Ragnar þurfi undirskriftir margra Íslendinga til að hann beiti ákvæði 24. greinar Stjórnarskrárinnar. 

[Guðni Karl Harðarson, 24.10.2011 kl. 14:34]

Kjartan þú segir nokkuð. En ég spyr á móti. Hvaða atriði þurfa til þess að forseti muni nota ákvæði 24. greinar stjórnarskrárnar? Er viljig kjósenda nóg á þessu stigi? Eða: væri ekki hægt að mynda það stig að vilji kjósenda verði nóg?

Hinsvegar (ef ég má sletta aðeins) getur forsetinn notað aðrar greinar stjórnarskránar til að hafa leverage yfir þessu atriði 24. greinarinnar. Skoðum tildæmis 21. greinina sem segir að forsetinn megi gera samninga við önnur ríki. 

Svo er annað. Ríkistjórnin ætlar að láta kjósa um nýja stjórnarskrá. Væri ekki alveg tilvalið að hafna henni afgerandi til að ná fram breytingum á skipulagi alþingis?