VÁ áhrifin

Nú þarf að fara að undirbúa Ísland undir nýja framtíð. Því fyrr sem við getum byrjað, því betra.

Nú þurfum við íslendingar að setja í gang ný tækifæri fyrir íbúana.  Stjórnvöld á Íslandi skulda fólkinu sem varð undir vegna ákvarðanatöku fjárglæframannana, réttinn til að ákvarða framtíð sína. 

Vá áhrifin

Við íslendingar þurfum að leitast eftir rosalegum áhrifum verka okkar. Eitthvað sem við getum séð og sagt VÁ við, þetta er rosalegt. Og við sem eigum verkin gætum þannig verið stolt að þeim. Fólk sem kemur og sér á að geta verið lissa. Stara á verkin af undrun og aðdáun.

Hægt væri að byrja smátt að leitast eftir að setja í gang svona Vá áhrif til nýjunga og síðan smátt og smátt auka og stækka umfangið.

En í VÁ áhrifum eru atriði sem snúa að heildinni, svo sem: samheldni, eftirvænting, kraftur, hvatning,  undursamlegt, aðdáunarvert. Einnig hófsemi, aðhald, nægjusemi og fleiri atriði.

Á Íslandi þarf að vera til sérstök hvatning fyrir íbúana að vinna saman að framgangi fjölskyldunnar og heildarinnar. Svona hvatning þarf ekki að snúast um að við eigum að græða sem mest. Heldur frekar að byggjast á því að allir sem taki þátt njóti góðs af framtaki sínu og þátttöku. Meðal annars með því að njóta verkana sem og að hafa sanngjarna afkomu af verkum sínum.

Ísland á fullt af tækifærum fyrir íbúana. Einmitt vegna smæðar landsins og náttúrulegrar getu landsins okkar. Við þurfum að finna leiðir fyrir okkur sjálf sem allir njóta jafnt góðs af þegar að verið er að setja í gang verkefni.

Við íslendingar þurfum að vinna saman að því að endurreisa Ísland með því að finna nýjar leiðir saman.

Við þurfum að taka sameiginlegan þátt í að finna þennan Vá áhrifaþátt í öllum okkar verkum. Gera eitthvað rosalega spennandi og skemmtilegt sem við höfum ekki gert áður. Eitthvað sem allir vilja taka þátt í. Við þurfum að sækjast eftir setja í gang ný verk með nýjum formerkjum. Við þurfum að sýna þolinmæði saman til að vinna að góðum verkum sem geta verið til eflingar mannlegs þjóðfélags. Þar sem við hinn almenni borgari getum jafnt notið góðs af.

Við þurfum að efla mannsandann til þeirra verka og vinna sameiginlega að framgangi Íslands.

Við þurfum að finna leiðir til þess að endurvekja framgang Sjávarþorpana. Koma í veg fyrir að sagan endurtaki sig. Við þurfum að stórefla framgang gömlu þorpana með nýjum VÁ tækifærum. Við þurfum að setja í gang sérstaka tryggingu fyrir starfsfólk og íbúa Sjávarþorps fyrir því að halda eða/fá ný störf ef fyrirtækið á staðnum stendur illa. Finna leiðir til endurreisnar.

Það sama á við um Bændasamfélagið!

Við þurfum að setja í gang sérstaka tryggingu fyrir atvinnu þegar að fyrirtæki fara í gjaldþrot.

En er þetta allt hægt ef við göngum inn í ESB? Þegar að ég hugsa um þessi mál þá sé ég hvergi að manneskjan hafi þessi tækifæri til að búa sér til alvöru nýja framtíð með þessum Vá áhrifum. Tökum sem dæmi að ef við göngum inn þurfum við alltaf að vera fá leyfi til að gera hlutina. Og síðan alltaf að þurfa að standa í því að þurfa að hugsa um það hvort það sé nú í lagi fyrir ESB reglugerðum ef við ætlum að setja í gang eitthvað spennandi atriði. Við eigum ekki einu sinni að þurfa að hugsa um það hvort það sé í lagi erlendis frá  (leita í reglugerðir) ef við höfum áhuga að gera eitthvað.

Þessvegna, meðal svo margs annars, þarf að fara að ákveða að draga umsóknina um inngöngu í ESB til baka. Helst það strax.

Veltið því fyrir ykkur afhverju ég sé að skrifa um þessa þætti. Afherju ég sem hef unnið við nánast hvert einasta verkamanna starf sem hægt er að vinna við, út um allt land og það án þess að hafa náð sérstökum peningalegum ávinningi, heldur öfugt, hafi þennan sérstaka áhuga fyrir því að við íslendingar búum okkur sjálfir nýja VÁ framtíð án inngöngu í þetta títtnefnda samband.

Það er meðal annars vegna þess að VÁ tækifærin okkar eru í sjálfum okkur, saman!

Vilja snúa við samrunaþróun ESB

Athugasemdir

[Guðni Karl Harðarson, 21.8.2011 kl. 14:51]

Ég get sagt þær fréttir að sjálfur er ég byrjaður að kanna hugarverk mitt sem byggist á þætti með þennan VÁ faktor í huga.

[Ásthildur Cesil Þórðardóttir, 21.8.2011 kl. 20:33]

Góð grein hjá þér Guðni.

[Guðni Karl Harðarson, 21.8.2011 kl. 23:54]

Þakka þér fyrir. Veistu það Ásthildur að Össur og Jóhanna og Sf særðu stolt mitt óbærilega þegar að þau byrjuðu þessar viðræður á sínum tíma. Það gerðu þau líka við annað fólk sem hefur skilning á.

Það má aldrei taka af okkur réttinn á að velja framtíð okkar! Þennan rétt af vinnandi fólki til að búa til framtíð fyrir okkur og afkomendur okkar. Sem er réttur íslendingsins. Og þeim skal ekki takast það!

[Ásthildur Cesil Þórðardóttir, 22.8.2011 kl. 00:27]

Nei svo sannarlega skal þeim ekki takast það.  Þau munu enda fyrir landsdómi fyrr eða síðar og fleiri þeirra líkar. 

[Guðni Karl Harðarson, 22.8.2011 kl. 17:38]

Orðið "lissa" er fornt og úrelt orð sem notað var fyrir undrun.