Þýski markaðurinn DAX - Candlestick tæknigreining

Jæja, þar sem ég hef nokkuð vit á stefnu markaðarins þá ætla ég aðeins að skjóta hér inn greiningu á því sem kortin sýna.

Hér tek ég fyrir Dax eða German Dax Composite (þýska markaðinn).

Fyrst set ég upp kort þar sem ég hef sett sjálfur inn merki eins og línur og X og ?

Athugið að smella tvisvar á mynd

til að sjá í fullri stærð!

 

Fyrst skulum við skoða candelstick (kertastjaka) línurits kortið og fara yfir.

Eins og þið sjáið þá hef ég sett inn rauðar línur til að útskýra stefnu markaðins á milli hækkana og lækkana.

1. Fyrst skoðum við rauðu línuna á milli fyrri topps á undan og þeirra seinni topps sem er ný búinn að vera. Eins og þið sjáið þá lækkar línan og síðasti toppur er lægri en sá fyrri. Sem sýnir að markaðurinn er á niðurleið. Ætla má að sú stefna muni halda áfram. Líka með tilliti til þess sem aðrar athuganir sýna. Eins og AROON og MACD tildæmis.

2.  Þið sjáið X ið lengst til hægri ofarlega á kortinu. Þetta X merkir þá skoðun mína á þeirri stöðu sem næsti toppur verður. Það er líklegt að DAX taki einhverja hækkun í dag en á morgun mun taka við lítil toppstjarna sem merkir meðal annars að lítill munur er á milli kaup og sölu. Þessi toppstjarna mun þá vera rétt fyrir ofan 10 daga MA (simple moving average) sem er 7251.67. Eftir það tekur markaðurinn að falla enn meira niður áfram.

3.  Þið sjáið rauðu línu númer 2 sem er dregin út frá þegar að markaðurinn var í stuttri lægð og smá jöfnun (litlar hækkanir og lækkanir til skiptist án þess að taka einhverja hækkun eða lækkun að ráði). Þessi rauða lína gefur mér síðasta undirstuðning (fyrirstaða gegn lækkun) markaðarins. En reikna má að markaðurinn muni lækka í næstu viku amk. niður á þesa línu sem er ca. við 200 MA línua (2031.50) eða um 2050. Ef markaðurinn fellur niður fyrir þessa línu (sem ég tel líklegt) þá er næsti stuðningur við línu 3.

4.  Sjáið hvað þessar jöfnun við línu tvö eru veikar og standa yfir í marga daga. Sem er vegna óvissu um hvert markaðurinn stefni, upp eða niður. Berið þetta saman við síðasta topp sem er lægri eins og áður segir. Það að þessi toppur hafi ekki verið hærri en næsti á undan (eins og sést á rauðu línu 1), meðfram þessu, segir að markaðurinn sé á niðurleið til langs tíma. En þetta er mín skoðun meðal annars vegna skoðun á MACD samdráttar eins og sjá má síðar hér.

5.  Mér finnst ekkert ólíkegt að í næsta mánuði falli markaðurinn niður á næstu stuðningslínu (sem er hér lína 3 ofan frá talið) við ca. 6900. Hvað gerist þá? Er þá ekki líkegt að hann falli áfram niður á síðustu línuna vegna veikleika? En síðasti algjöri botn var við ca. 6600.

NÆST AROON

AROON sýnir dálítið breath markaðarins og hvaða stefnu hann sé að taka til lengri tíma.

1.  Fyrst sjáum við að ég hef undirstrikað (lárétt) með grænu síðustu botnstefnu GRÆNU AROON Uppstefnu línunar (UP) sem er þarna í botni. En það var hún þegar að þessi fyrrnefnda jöfnun átti sér stað. Ef þið berið þetta saman við stöðu GRÆNU AROON línunar núna (að byrja að fara niður) rétt eftir topp (og rétt eftir síðasta topp á korti) þá sjáið þið að markaðurinn er á niðurleið og líklegt er að þessi græna AROON lína stefni niður í núllið aftur og standi þar í einhverja daga á eftir. 

2. Rauða línan (down línan) er þegar á núllinu og á meðan að markaðurinn tekur lækkun mun hún stefna áfram í lárétta línu við núllið. 

3.  Ef rauða línan tekur að hækka mun markaðurinn rétta aðeins við sér og lækkunum fækka.

 4. Ef græna línan hættir á niður leið og fer aftur í topp þá mun markaðurinn halda og einhverjar hækkanir verða. 

5. Hvað haldið þið að gerist ef báðar línunar haldist í botni (þegar og ef að græna línan nær þangað)?

NÆST MACD = MOVING AVERAGE CONVERGENCE - DIVERGENCE

Útskýring:  Þið sjáið bláu stuðlana (hlið við hlið) sem hækka og lækka. Við skulum kalla þetta stuðlaberg FJÖLL fyrir ofan meðaltal (ímyndaða meðallínu sem sker lárétt á milli fyrir ofan og neðan). En VÖTN fyrir neðan þessa meðallínu. Fjöll þegar að verðið er í hækkunum, en vötn þegar að verðið er í lækkunum.

Eins og þið sjáið þá hef ég dregið tvær línur (rauða og bláa) frá vinstri til hægri.

Eins og þið sjáið þá er bláa línan dregin út frá þegar að verðið var í síðsta BOTNI VATNSINS, en rauða línan frá þegar að verðið var á TOPPI FJALLSINS. 

1. Við sjáum að á milli bláu línunnar og þeirrar rauðu er alltaf sífellt minna bil. Þetta merkir að markaðurinn tekur alltaf sífellt minni hækkanir og er að missa andann (dregist saman). 

2. Þið sjáið að fyrsti TOPPURINN var stór. En þið sjáið svo að TOPPARNIR sem koma á eftir eru að minnka. Næsti toppur á eftir er þannig töluvert minni en sá fyrri. Síðan er þriðji TOPPUR enn minni. Sem merkir að hækkanir eru veikar. En síðasti TOPPUR (lengst til hægri) er aðeins stærri. Sem merkir að markaðurinn tekur pínu við sér.

3.  BOTNANIR eru líka að minnka. En næsti BOTN á eftir þeim STÓRA (fyrsti til vinstri) er tölvert minni en sá fyrri. Síðan eftir það tekur markaðurinn pínulítið við sér.

4. Þriðji BOTN er rétt að byrja að myndast. Það merkir að markaðurinn sé líklega á niðurleið. 

5. Ef þið berið saman þennan samandrátt á milli rauðu og bláu línunnar þá mætti ætla að það sé enginn styrkur í markaðnum og hann taki þó nokkuð fall áfram. Það er líka að merkja vegna hversu lítill síðasti TOPPUR var. Sem og að síðsti toppur (á korti) var lægri en sá á undan.

SÍÐAST  SKOÐUM VIÐ Fast STO

Fast STO sýnir stefnu markaðins í stuttan tíma og crossover milli niður línu og upp línu.

Þetta verður stutt.

1. Við sjáum að  (Fast STO er neðst), svarta línan er rétt tekin við og farin upp fyrir þá rauðu. Það merkir aðeins að markaðurinn er að taka smá hækkun um tíma, eða einn til tvo daga. 

2. Ætla mætti að svarta línan fari aðeins lítillega upp eða við miðjuna. Er það með tilliti til þess að markaðurinn er frekar veikur og líka vegna þess að VATNIÐ í MACD er aðeins rétt að byrja. Því er líklegt að mínu mati að svarta línan taki fljótt að falla aftur niður fyrir þá rauðu!

Læt ég þetta nú duga í tæknigreiningu minni á Þýska markaðnum (DAX). En niðurstaðan er sú að ég tel líklegt að hann taki við verulegum lækkunum á næstunni.

********************

AÐEINS UM FRÉTTIR AF MÖRKUÐUM.

Ég er ekki sannfærður um þær fréttir sem koma um markaðina. Það er ýmislegt sem er þar undirlyggjandi. Tildæmis er  ekki endilega lækkun markaðarins í Evrópu vegna atvinnuleysis og skulda frá Grikklandi og Ítalíu. Það er fleira sem spilar þar inn í eins og tildæmis hræðsla um hvað gerist hjá Bandaríkjunum þann 2. ágúst. En það er sá dagur sem þeir hafa sem viðmiðun að geta ekki hækkað skuldir sínar meira. Spurningin er hvað Bandaríkjastjórn gerir. 

Síðan er aukið atvinnuleysi í bæði Bandaríkjunum og Evrópu sem spilar inn í lækkaninar. 

Líka mun það hafa áhrif að ef markaðir í Bandaríkjunum (Nasdaq, Nyse og $INDU) halda áfram að falla hafa áhrif meðfram öðru.

Síðan gerist það þegar að slæmar fréttir berast út í alþjóðasamfélagið taka spákaupmenninir að SKORTA markaðina. En við það mun falli enn aukast.

SCENARIO

Ég hef stundum vellt því fyrir mér hvort það geti verið að IMF hagnist mikið á því að lönd séu í slæmri skuldastöðu. Hvernig þá? Hugsið ykkur að fjármálamenn innan aþjóða gjaldeyrissjóðsins geti myndað saman fjármálahópa (vini) sem spili á markaðinn. Og þeir hagnist á slæmum fréttum þannig að SKORTA markaðinn í stórum stíl! Hugsið ykkur að ef það sé meðal þannig sem sjálfUR SJÓÐURINN geti líka fengið gróða til baka út frá öllum lánunum. 

Ég óneitanlega vellti því fyrir mér hvernig þessi stjórnun á mörkuðunum sé? Það er svo margt sem hefur áhrif á markaðina.

 

Áfram órói á evrópskum mörkuðum

Athugasemdir

[Ásthildur Cesil Þórðardóttir, 13.7.2011 kl. 13:00]

Þetta síðasta er hrollvekjandi því það gæti verið satt.

[Guðni Karl Harðarson, 13.7.2011 kl. 14:38]

I reyndinni finnst mér þetta líklegt. En auðvitað kemur þetta ekki fram í fréttum. Allt leynilegt. Þetta eru jú ríkustu fjármálakallar heims og örugglega útvinklaðir í bak og fyrir í svona spákaupmennsku. Örugglega vanir menn.

[Ásthildur Cesil Þórðardóttir, 13.7.2011 kl. 15:23]

Jamm það er það versta við þetta, þeir hafa þetta allt í höndum sér, sérstaklega pólitíkusana. 

[Guðni Karl Harðarson, 13.7.2011 kl. 16:54]

Já og jafnvel pólítíkusar hér heima líka. Sumir þeir póitíkusar sem hrópa sem hæst: "tökum á liðunu" eða einhvern veginn þannig. Þið skiljið hvað ég meina. Voru sjálfir alltf amk. meðvitaðir hvað var í gangi hér á Íslandi varðandi vitleysingana sem settu þjóðina í þessa stöðu. Sem og í sumum tilfellum þátttakendur í ósómanum, eins og hlutarbréfaviðskiptum í verðlausum fyrirtækjum og jafnvel skortstöðu, með hjálp.

Svo eru sumir sem vilja halda njálginum í þjóðinni áfram. Vilja að bankarnir hafi leyfi til að búa til verðlausa peninga áfram, eins og með að lána í fyrirtæki sem hafa enga von og eru algjörlega verðlaus. Sem og að bjarga vonlausum fyrirtækjum  sem  hafa skuldað stórfjárhæðir. Afskrifað þannig heilu milljarðana hjá sumum. Bankarnir hafa þá tekið við þeim og búið svo til ný vonlaus dæmi með því að selja (og lána jafnframt í) til eihverra kalla sem leika þennan sama endalausa leik aftur. Og sumir þessara kalla eru þeir sömu sem áttu í fyrra fyrirtækinu. Ný fyrirtæki sem eftir tvö til þrjú ár munu fara á hausinn (eða fyrr). Og þá byrja sömu milljarða afskriftinar aftur.

Svo reyna bankarnir að ljúga að fólki að þeir séu að bæta sig. Segja fólki að allt sé nú breytt. Þeir ætli að gera hlutina öðruvísi og svo framvegis................ 

Á meðan mun pólitíkusar gera ekkert til að losna við ósóman. Eins og að setja tildæmis sérstakar bankareglur um lánaviðskipti. Tildæmis megi ekki lána í fyrirtæki nema að verðmæti séu á bak við. Sem og sérstakar reglur um lánastarfsemi til þeirra sem munu ætla að spila með peningana í spákaupmennsku eins og að kaupa hlutabréf og skort selja hlutabréf, osfrv.

[Guðni Karl Harðarson, 13.7.2011 kl. 17:11]

Varðandi markaðsgreininguna hér á ofan er hún aðeins eins og mér sýnist að muni gerast á næstunni. Hinsvegar gæti allt eins farið að það verði þveröfugt. Og þá ómögulegt að segja með neinni nákvæmni hvað veldur.

Að skorta hlutabréf: 

Hér er síða sem skýrir út hvað að skorta er (short selling a stock)

infopedia short sell

[Guðni Karl Harðarson, 13.7.2011 kl. 17:12]

átti auðvitað að vera investopedia

[Ásthildur Cesil Þórðardóttir, 13.7.2011 kl. 17:36]

Það er einmitt það sem mér finnst, það er ekkert verið að taka á neinu sem skiptir máli til að vernda almenning, þjófarnir fá bara vasaljós og kúbein til að geta haldið áfram óáreittir, og það virðist sama hver er við stjórnvölin, sami rass undir þeim öllum. 

[Guðni Karl Harðarson, 13.7.2011 kl. 19:28]

Ásthildur, sástu skilaboðin sem ég sendi þér í dag?

[Ásthildur Cesil Þórðardóttir, 13.7.2011 kl. 20:32]

Já ég las þau.  Vona að allt gengi vel hjá þér, eins og þú segir einhversstaðar þarf að byrja.