Um nýja stjórnarskrá

Það er minn einlægur áhugi að þjóðin öll fái að koma að gerð nýrrar stjórnarskrár. Til þess er besta leiðin (úr því sem komið er) að þjóðin haldi fundi og komi með tillögur að nýrri stjórnarskrá, hver á sínum landsfjórðungi. Þannig verður best tryggt að allir hlutar landsins fái jafnt að koma að endurgerð stjórnarskrárinnar.

Það þarf að losa algjörlega vald stjórnmálamanna frá endurgerð stjórnarskrárinnar!

Áttum okkar á að þetta er sjálfsögð frumkrafa almennings eftir hrunið og algjör forsenda enduruppbyggingar á Íslandi!

Eftir að búið væri að safna tillögum í stjórnarskrá þá kýs hver landsfjórðungur sér sinn fulltrúa til að taka saman efnið og mæta síðan á fundi þeirra fulltrúa til að klára samantekt stjórnarskrárinnar. Og þaðan færi útkoman beint í þjóðaratkvæðagreiðslu.

Það er mjög áríðandi fyrir framtíðina að þjóðin sjálf velji sér stjórnarskrána, án ráðgjafar frá stjórnvöldum og alþingi. Það þarf svo bara viljann til að klára verkið og fólkið í landinu fái að kjósa sér hvort að hún verður samþykkt eða ekki.

Þetta væri verk fyrir stjórnarskrárfélagið að koma að.

Með góðum kveðjum,
Guðni Karl Harðarson

Athugasemdir

[Guðni Karl Harðarson, 20.3.2011 kl. 14:36]

Það er frumskilyrði að þjóðin sjálf ákveði framtíðina og það gerir hún að með því að semja sér framtíð sína sjálf, án aðkomu valdapostula landsins!

Einu áhrifin eru frá fólkinu sjálfu. Sem síðan eftir það kýs sér fulltrúa (hvort sem það væri úr einhverjum flokki eða einstaklingar í persónukjöri) til að stjórna landinu.

Áttið ykkur á því að það er þjóðin sjálf sem hefur valdið með atkvæðum sínum en ekki þeir sem stjórna!

[Guðni Karl Harðarson, 20.3.2011 kl. 14:43]

Ég sé hvergi að það sé bannað að setja í gang eitt lagafrumvarp sem gengi út á það að þjóðin fái ákvörðunarréttinn! Og mætti setja í þau lög sérstakt ákvæði um breytingar á núverandi stjórnarskrá til að þetta væri framkvæmanlegt.

[Guðni Karl Harðarson, 21.3.2011 kl. 08:38]

Ástæðan fyrir að þessi bloggfærsla kom í gær var aðalfundur Stjórnarskrárfélagsins í gærdag, sem ég hef dálítið tekið þátt í.

[Ásthildur Cesil Þórðardóttir, 21.3.2011 kl. 09:17]

Algjörlega sammála þér í þessu, það verður enginn sátt um málin annars.

[Óskar Helgi Helgason (IP-tala skráð) 21.3.2011 kl. 22:47]

Heill og sæll Guðni minn; æfinlega - sem og, Ásthildur; og aðrir gestir !

Guðni Karl !

Tek ekki afstöðu; um einhverjar stjórnarskrár hugmyndir, því;; hér ættu að gilda Herlög, miklu fremur, fornvinur góður.

Með kveðjum góðum; sem jafnan /

Óskar Helgi

[Guðni Karl Harðarson, 22.3.2011 kl. 08:25]

Ásthildur, það hefur verið talað um að til að breyta stjórnarskrá megi ekki ganga gegn núverandi stjórnarskrá. Fara eigi eftir lögum hennar og því þurfi hún m.a. að fara í gegnum tvö þing.

Ég spyr á móti: hvernig geta þeir sem ráða sagt svo þegar að þeir sjálfir ætla sér að ganga gegn stjórnarskrá að eigin geðþótta með því að ganga gegn þrískiptingu valdsins og setja þetta stjórnlagaráð?

Það er ekki sama hvort það er fyrir almenning eða að geðþótta þeirra sem stjórna.

[Guðni Karl Harðarson, 22.3.2011 kl. 08:30]

Heill og sæll Óskar.

Þú hefur lengi skrifað svipað til mín og þetta. Hvar eru þessi Herlög sem þú nefnir? Hvenær koma þau? Hverjir setja þau? Hvernig verður Ísland sem land, með her?

Að sjálfsögðu á stjórnarskráin að vera undirstaða lýðveldis okkar. En breytingar á henni eiga ekki að vera að geðþótta þeirra sem hafa völdin. Heldur almennings sjálfs. 

Með góðum kveðjum; sem jafnan

Guðni Karl

[Óskar Helgi Helgason (IP-tala skráð) 22.3.2011 kl. 20:26]

Komið þið sæl; að nýju !

Guðni Karl !

Ég hugðist ekki; valda þér neinum misskilningi, en hefði átt að taka fram, að Lýðveldið hrundi hér; formlega, Haustið 2008 - og þar af leiðandi, væri engin stjórnarskrá gild, þar með.

Með Herlögum; átti ég við þá mögulegu framtíðarmynd, að okkur tækist, að koma á laggirnar lítilli Herdeild, sem annaðist alla stjórn hér, til ótiltekins tíma, fornvinur góður - og; þar með giltu Herlög, vitaskuld.

Með; ekki lakari kveðjum, en þeim fyrri /

Óskar Helgi 

[Guðni Karl Harðarson, 22.3.2011 kl. 23:11]

Heill og sæll Óskar Helgi,

Það er enginn misskilningur hjá mér. Vissulega hrundi Lýðveldið haustið 2008 en þjóðin kaus sér nýja stjórn sem því miður hefur langt frá staðið sig. Í stað þess að beina sjónum að því að fá fólk saman til að endurreisa þjóðarhag hafa þau notað þessar aðstæður til að sækja um ESB. Sem og haldið í stórgallað kerfi, sem og aðstoðað fjárglæfra fólkið, sem og ekkert gert til að taka fyrir alvöru á ofurlauna fólkinu.

Auðvitað hefði þjóðin átt að taka sig saman og vinna algjörlega saman að því að endurreisa Ísland. Í stað þess er barist um völdin á þingi og almenningur vinnur í sinn í hverju horni. Enginn gefur eftir. 

En samt er ég á móti því að sett yrði á lagginar herdeild, sama hversu stór eða lítil hún yrði. Hugsanlegur möguleiki væri ef allt fer í algjört óefni. Herdeild sem sett yrði í gang mundi því miður ekki vera lögð niður.

Við sem þjóð eigum að gera allt til þess að leysa málin friðsamlega. Og vissulega á ríkistjórn að gefa eftir sitt ofurvald yfir almenningi!

Að öðru leiti erum við um flest sammála.

Með góðum kveðjum.

Guðni Karl

[Óskar Helgi Helgason (IP-tala skráð) 23.3.2011 kl. 01:10]

Komið þið sæl; sem fyrr !

Guðni Karl !

Reyndar; eru farnar að sækja að mér, stórar efasemdir, um tilverurétt Íslendinga, sem þjóðar - úr því; sem komið er, fornvinur góður.

Glæpa lýðurinn; sem öllu kom hér, á 2. hjarið, gengur enn laus, sem kunnugt er.

Sumarið 2009; kom upp fjár svindlara mál, suður í Nígeríu - Bankamenn þar; sem hlutdeild áttu að því, fengu 1 ar viku frest - EINNAR viku frest, til þess að lagfæra sín mál - annarrs; biði þeirra dýflissan.

Þarna; sérðu nú Guðni minn, hversu fremri Nígeríumenn, sem aðrir í veröld inni yfirleitt, eru Íslendingum, þegar til siðferðilegra þátta, er litið.

Jú; reyndar, er Her starfandi, þar í landi. Enda; veitir hvítflibbum stjórnmála anna ekki af, aðhaldinu.

Svo; til dæmis sé tekið.

Með; þeim hinu sömu kveðjum - sem; áður og fyrri /

Óskar Helgi