Hvað er lýðræði?

FORSÍÐA AFKOMUVALD  ÁHERZLUR  ÆTTIR  BARÁTTUMÁL  KYNNING  UM MIG

=====================

Hér fyrir ofan er beintenging á framboðssíðu mína
_______________________________________

Skoðun:

Síðan að ég byrjaði að hafa þennan mikla áhuga minn á stjórnarskrármálum fyrir meira en þremur mánuðum hef ég mikið vellt því fyrir mér hvað lýðræði sé. Fókusað þannig mikið á þeim tíma dálítið á þennan hluta verkefnisins. Þó að ég hafi oft vellt lýðræðismálum fyrir mér á undanförnum árum.

Já, hvað merkir eiginlega þetta fagurskapaða orð: LÝÐRÆÐI?

Er það ekki bara einfaldlega að lýðurinn ráði?

Í mínum huga er margt sem taka þarf með í reikninginn þegar að hugsað er um þessi mál.

1. Lýðræði er víðóma í þeim skilningi að það ómar vítt og breytt til fólksins.

2. Lýðræði er að hafa áhrif. Því er lýðræði sem slíkt sí-aukandi frekar en að það dragi úr áhrifum á verkefni.

3. Lýðræði er þannig meðvitund fólks til að hafa áhrif á stjórnarfar sem snúast um málefni sem snúa að fólkinu sjálfu sem búa og starfa í þessu landi. Snýst þannig fyrst og fremst um Ísland sjálft, því þar sem lýðræðið er, er jú lýðræðið í verki. 

4. Lýðræði er sem slíkt alltaf útbreiðanlegt og stækkar meira og meira. Eflist.

af lýðræði verður ekki tekið því lýðræði er aðeins eitt vald.

5. Lýðræði er sí-aukin meðvitund fólks til áhrifa.

Samlíking:

Við gætum hugsað okkur stóran og breiðan sívalan staut (staur) úr vaxi (lýðræðið) sem er verið að vinna að. Þeir sem vinna að eflingu hans koma að vinnu með því að stækka vaxstautinn að umfangi og  kannski með því að hækka hann líka.

Á meðan að aðrir mæta með Meitil og Hamar til að höggva stykki úr stautnum og taka það með sér til að hafa not fyrir það. Á sinn máta.

Ég er með þessu að beina sjónum að því að það er ekki hægt að taka af lýðræði og nota vald frá því, vegna þess að lýðræði verður alltaf efling en ekki skipting. Þannig geta ekki hópar (eins og tildæmis stjórnmálasamtök) komið og tekið af lýðræðinu (dreifa því) til að nota sjálfum sér til framdráttar. Eins og með þeirri hugsun að nota sem vald yfir fólkinu. Á sama hvaða hátt það væri gert.

Lýðræði er því ekki valdskipting því það verður ekki tekið af því og því verður ekki skipt niður.

Í mínum huga er því ekkert fulltrúalýðræði, eða beint lýðræði sem slíkt. Heldur aðeins LÝÐRÆÐI. Því orðið hefur aðeins eina merkingu.

Lýðræði er því aðeins sameining í eitt vald sem er vald fólksins. 

Hér tengi ég nú efnið yfir í skoðanir mínar á skiptingu valdsins.

Lýðræði snýst því um að við kjósum fulltrúa okkar sem leitast til við að ná fram skoðunum okkar að þeirra ákvarðanatöku sem snúa að málefnum íbúanna. Við veitum umboð til að þeir sem stjórna geri það eftir jákvæðum forskriftum eins og það að þeirra aðgerðir leiði ekki til síendurteknar neikvæðra ákvörðunartaka sama hvað skoðanir fólk hefur. Að valdið sé ekki þannig háttað að þeir sem stjórni geri það sem þeim sýnist án tillits til afleiðinga þess út í þjóðfélgið. Að þeir sem stjórna séu ekki eitthvert yfirvald sem geri hvað sem því sýnist.

Fulltrúar þessir eru því beinir fulltrúar fólksins og leitast þannig til þess að fá sjónarmið þess til uppbygginar ákvarðanataka.

En fólkið kemur síðan með sín sjónarmið til að hafa áhrif á uppbyggingu ákvarðanataka.

Lýðræði kemur þannig frá fólkinu og til baka til fólksins. Á þannig alltaf að virka í báðar áttir.

Samkvæmt mínum hugsunum er ekki ráðlegt að auka vald einhverrar stofnunar eins og tildæmis alþingi vegna þess að tilgangurinn hlýtur að vera sá að draga úr valdi. Þannig ætti að fækka þingmönnum eins og hægt væri til að losna við þingræði þar sem flokkarnir koma inn með vald sitt. Þannig væri fjölgun á þingmönnum aðeins til þess að alþingi fengi meira vald og því flokkarnir sem ráða þar. Skiptir því engu hvernig valdi væri skipt niður á þeim stað.

fleiri þingmenn= meira þingræði og meira flokksræði

færri þingmenn= valddreyfing (valdminnkun) og draga úr þingræði

Ég hef áhuga á að kjósa beint á ríkistjórn vegna þess að þar gætir áhrif lýðræðisins sem best og mestur möguleiki væri fyrir almenning að koma að ákvarðanatöku þar sem almenningur getur komið inn skoðunum sínum og þeir sem stjórna virði sjónarmið fólks og leitist eftir að fá fram skoðanir þess.

 

Athugasemdir

[Guðni Karl Harðarson, 17.11.2010 kl. 23:27]

>Í mínum huga er því ekkert fulltrúalýðræði, eða beint lýðræði sem slíkt. Heldur >aðeins LÝÐRÆÐI. Því orðið hefur aðeins eina merkingu.

Ég meinti auðvitað að það eigi ekki að vera til fulltrúalýðræði eða beint lýðræði. Heldur aðeins Lýðræði. Að orðið eigi að hafa eina merkingu.

Við búum við fulltrúalýðræði, sem er flokksræði og mikið þingræði. Það fyrirkomulag er ekki raunverulegt lýðræði  fólksins, heldur aðeins orð til að nýta sér valdið, sem þeir sem eru kosnir til valda nota sér í munn þegar að rætt er við fólk. 

Því þyrfti að breyta þannig að til verði aðeina raunverulegt lýðræði fólksins. 

[Ásthildur Cesil Þórðardóttir, 18.11.2010 kl. 08:36]

Sammála því Guðni.