Svo mælir hver sem hann maðurinn er til

Þriðjudagur, 26. janúar 2010

Rosalegt!

Það er dálítið sérstakt að Handboltalandslið frá þessari litlu þjóð sem Ísland er geti í raun verið svekktir yfir að gera jafntefli á móti svona rosaliði eins og Króatía sem hefur unnið marga stóra sigra á alþjóðlegum handbolta stórmótum undanfarin ár.

Strákarnir mega vera stoltir yfir frammistöðu sinni! Að hafa leitt allan leikinn með 2 til 4 mörkum yfir á móti þessari þjóð.

Ég segi bara. Við íslendingar erum orðin stór þjóð í Handboltaheiminum og þetta frábæra lið gæti svo sannarlega unnið hvað landslið sem er!

Mér fannst alveg frá fyrsta leik liðsins að það byggi eitthvað sérstakt í þessu liði sem ætti bara eftir að springa út þegar að kæmi inn í mótið og liðið færi að keppa við sterkari lið. Það kom á daginn.

Lítum aðeins yfir málin:

Við unnum Dani mjög sannfærandi sem eru jú núverandi Evrópumeistarar.

Við hefðum átt sannarlega skilið að vinna Króatíu sem hafa unnið alla titla í Handboltanum nema Evrópumeistarann....

Hvað gerist næst? Við höfum unnið Rússa áður. Eigum alveg eins að geta það nú. Sérstaklega eins og vörn liðsins er að spila.

ÁFRAM ÍSLAND vinnum Rússana!