Áríðandi - Sjálfbær framtíð okkar

Gott fólk. Ég er viss um að hér hef ég í höndunum alvöru tækifæri fyrir fólk. Sjálfur hef ég trú á að þessi hugmynd mín sé bara eiginlega ein sú besta sem hefur komið fram að undanförnu.

 

 

Sjálfbær framtíð okkar



Að byggja á nýjum grunni

Fáir staðir í heiminum eins og Ísland hafa eins mikil tækifæri til að eflast með nýjum verkefnum. Á Íslandi væri hægt að setja í gang skapandi atvinnustefnu í mannvænu, vistvænu og lýðræðislegu andrúmslofti. Nær hvert sem líta má um landið lyggja þessi tækifæri tilbúin að virkja þau.

Hér og þar um Ísland eru því næg tækifæri til að efla sjálfbær vistvæn verkefni. Þekking Íslendinga á þessum málum er orðin það mikil að setja má í gang verkefni í hverskonar landbúnaði sem byggir á nýtingu landsins okkar með sjálfbærni að leiðarljósi. Eins og verkefni sem tengjast ýmis konar fæðuöflun. Einnig höfum við nóg tækifæri að byrja á nýjum verkefnum sem tengjast fiskiðnaði, tækniiðnaði og menningarstarfsemi. En öll þessi verkefni ættu að vera byggð á vistvænum grunni og taka sérstakt tillit til náttúrunnar, sem og tryggja að verkefnin muni ekki eyðileggja lífríkið.

Undanfarin ár hafa ýmis smáverkefni verið sett á lagginar sem teljast mega til sjálfbærra verkefna. Mörg þessi verkefni eru einyrkja og eiga oft í erfiðleikum fjárhagslega. Verkefni hafa þannig farið í gang sem í fyrstunni líta vel út, ganga vel og eru sett í gang með krafti einstaklingana. Síðar hefur þó komið í ljós að sum þessi verkefni eru dálítið einsleit og skortir umfang og tenginu í fleiri verkefni sem snúa að svipuðum viðfangsefnum. Sem og frekari stuðning við viðfangsefnið til að það haldi sér gangandi.


Sjálfbærniþorp

Sem slík væru Sjálbærniþorp hentug til að setja upp á hverjum landsfjórðungi. Eitt á miðsvæði hvers landsfjórðungs.

Kjarni þess að búa til sjálfbærni verkefni er þróun út frá heildstæðri stefnu í nálægð við íbúana og verkefnin sjálf. Sjálfbærniþorp er þannig hugmynd sem byggir á  að styðja undir nýjan grunn verkefna í nálægð við ýmsa íbúakjarna svæðisins þar sem léttara væri að stýra þeim og fylgjast með þeim. Í stað þess að stjórna öllu frá fjarsamfélagi þar sem erfitt er að hafa yfirsýn yfir verkefnin og aðrar framkvæmdir íbúana.

Sjálfbærniþorp er þannig samfélagslegur kjarni þar sem almenningur kemur saman til starfs og leikja. Í Sjáflbærniþorpi getur fólk komið á sérstakar hátíðir sem haldnar væru með vissu millibili. Hátíðir slíkar gætu sprottið sem sameining allra hátíða svæðisins sem eru haldnar hér og þar um landið á sumartíma.

Ætlaðar til að samtengja íbúa alls svæðisins á einn stað þar sem íbúanir geta hittst til samverustunda. Á hátíðum sem þessum væri hægt að setja á lagginar ýmsa menningarviðburði, eins og hverskonar sýningar í listiðnaði. Sem og að hafa margt til yndis, fróðleiks og skemmtunar. Nánast engin undantekning væri á möguleikunum.

Í Sjálfbærniþorpi væru sett í gang sérstök sjálbær verkefni úti á svæðunum sem tengjast slíku þorpi. Ætluð til að byggja upp atvinnu á öllu svæðinu með samstýringu og  sameflingu út frá þorpinu. Sjálfbærniþorp gæti þannig orðið til að styðja við fólksfjölgun alls svæðisins. Tækifæri væri í margvísleg verkefni. Einnig má tengja inn ýmisskonar ferðamálefni til að efla hverskonar ferðaþjónustu á öllu svæðinu.

Í Sjálbærniþorpi væri í gangi sérstök verkefnaþróun sem er skrifstofa sem tekur á móti hugmyndum fólks til að setja í gang sjálbærniverkefni. Setur þær á umræðuvettfang þar sem almenningur getur rætt hugmyndinar saman og komist að sameiginlegum niðurstöðum hvort hægt væri að setja verkefni í gang.

Í Sjálfbærniþorpi væri í gangi sérstök atvinnuskrifstofa sem tekur á móti umsóknum fólks í verkefnin sem setja ætti í gang.

Tenging væri á milli þessara skrifstofa og mikil tækifæri fyrir fólk að hafa áhrif á framgang verkefnanna.

Inn í Sjálfbærniþorp væri hægt að setja í gang hvers konar kynningu á íslensku handverki og bjóða til  sölu hverskonar íslenskar vörur, eins og matvörur, prjónavörur og fleira. Væri það í beinum tengslum við hátíðir sem og utan þeirra. Slík starfsemi væri hentu til að kynna vörur einyrkja sem og stærri framleiðslufyrirtækja.


Lýðræði íbúanna

Í Sjálfbærniþorpi væri sett í gang sérstök lýðræðis fundastofa þar sem íbúar alls svæðisins gætum komið saman til skrafs og ráðagerða.

Oft er talað um hver sé merkingu orðsins “lýðræði” Leggja margir mismunandi skilning í það. Sumir vilja meina að lýðræði sé að fólk kjósi sér fulltrúa sem vinna að framgangi þess fólks sem kýs það til starfa. Sem kallast þá fulltrúalýðræði. Aðrir tala um að raunverulegt lýðræði sé að íbúarnir eigi að geta haft meiri áhrif á ákvörðunartöku þeirra atriða sem snúa að framgangi þeirra. Sem teljast má til beins lýðræðis.

Oft er það svo þegar talað er um lýðræði þá gleymast íbúanir sjálfir og þarfir þeirra í daglegu lífi. Þó segja megi að fólk sé orðið dálítið meira meðvitað um hvað það getur haft áhrif á, þá er það oft svo að erfitt er að fá fólk til beinnar þátttöku í lýðræðissköpun. Helgast það mikið til að þó fólk hafi ýmsar skoðanir og áhuga þá er svo mikið annað í lífinu sem fólk þarf að sinna að það hefur ekki tíma til beinnar þátttöku til að tjá sig um áhugamál sín. Þannig ef auglýstur væri fundur hjá einhverju lýðræðisfélagi er allt eins víst að innan við 20 manns mæti á slíkan fund.

Þar sem fólk kemur frekar saman til ýmissa athafna væri auðveldara að fá fólk til að taka þátt í sköpun lýðræðislegra ákvarðana. Þannig kveikir þátttaka í öðru starfi þörfina fyrir að hafa áhrif á ákvörðunatöku í því og öðru sem því tengist, sem og öðrum störfum. Lýðræðis fundastofa innan svæðissamfélags getur þannig örvað fólk til dáða og vakið innblástur meðal fólks. Verið þannig mikill hvati til sköpunar ýmissa verkefna. Slík framvinda er sterk undiralda að almennri hagsæld íbúanna og góð leið til lífshamingju.

Í slíkri lýðræðis fundastofu þar sem rætt væri um gagn og nauðsynjar alls svæðisins þurfa alls ekki allir að vera sammála um allar niðurstöðu umræðna. Umræðuvettfangurinn er því frekar grundvöllur á að íbúanir geti komið sér saman og kosið sameiginlega niðurstöðu. Að vera ósammála í einu atriði þarf alls ekki vera svo að fólk geti ekki verið sammála í einhverju öðru atriði. Slíkt samvinnuform lýðræðisins væri þannig upplagt sem hvati að framgangi íbúanna. Lýðræðið í slíku samfélagi er þannig stefna að sameiginlegu valdi þátttakendanna.

Með krafti og dugnaði íbúana væri hægt að setja í gang Svæðisþorp sem hugmynd þessi byggir á.

 

Guðni Karl Harðarson
Öryggis og Húsvörður

meðlimur í

Öldu, félags um sjálfbærni og lýðræði

Hugmyndin um Sjálfbærniþorp hefur komið inn í umræðuhóp hjá Öldu.

Verkefni í ferðamálum gætu haldist í hendur

Út frá sérstökum Sjálfbærnimiðstöðvum væri hægt að skipuleggja ferðamálefni betur yfir á landsvæðin.

Sjáið möguleika "Sjálfbærniþorpsins"

http://samfelagvesturs.weebly.com

og smá pistil um framtíðarmöguleika Íslands sem ferðamál geta algjörlega tengst inn í.

http://hreinn23.blog.is/blog/hreinn23/entry/1206366/

 

Ísland nýtur aukinna vinsælda

Sendum Nubo bréf!

Og í bréfinu á að standa að við íslendingar viljum og þurfum sjálfir að taka okkur saman til að efna til sér-íslenskra verkefna sem nýtast okkur sjálfum til eflingar almennings, með afkomu og atvinnu að leiðarljósi.

Sjálfsagt væri að selja útlendingum aðeins AFURÐINAR.

Bjóðum honum síðan að kaupa okkar eigin afurðir!

 

Boðið að bæta við upplýsingum

Það eru til aðrar leiðir

Afhverju ekki tildæmis að sekta þá sem eru alltaf talandi í farsíma við keyrslu? Mín vegna mætti það alveg vera kr. 50.000 og gera gangskör í því að stöðva fólksbíla þar sem þetta sést?!

Spáið í þetta! Með því að leggja vegtolla er verið að leggja álögur á alla sem keyra um á þessari leið. Sérstaklega líka þá sem þurfa að keyra á milli amk. tvisvar daglega.

Það er til fullt af fólki úti í þjóðfélaginu sem hefur orðið fyrir því að það hefur verið keyrt á það af fólki talandi í farsíma. Meira að segja hlotist slys af. Sjálfur hef ég orðið fyrir þessu.

Afhverju ekki að gera ekki eitthvað fyrirbyggjandi? Sem er nauðsyn þegar lögin sem fyrir eru nægja ekki til að fólk fari eftir þeim?

Ég er bara svona með fullri virðingu þó að benda á þetta!

200 króna veggjald

Ljósmynda linkur á gömlu myndirnar mínar

Margir ykkar sem heimsækið bloggið mitt vita að ég hef verið að taka landslagsmyndir hér og þar um Ísland.

Hér er linkur á myndirnar mínar sem ég tók á árunum 2005-2007.

Eldri landslagsmyndir mínar:

http://www.simnet.is/gudni/Gudni%20Karl%20Hardarson/Fyrir%20Forums/index.html

 

Ísland er landið mitt - nýjar myndir úr hringferð

Jæja, nú er ég að fara smám saman í gang eftir sumarhlé á blogginu mínu. Ég ætla rétt að vona að ég muni hafa eitthvað vitrænt fram að færa á næstunni. En ég ætla að byrja hægt, eins og að setja hér inn nokkrar myndir sem ég tók í ferðalagi sem ég fór kringum landið.

Mér finnst sjálfum ég aðeins vera fara að slappast í myndatökunni. Enda gaf ég mér ekki sérstakan tíma, meðal annars að ég var ekki einn á ferð. Síðan var eltingaleikur við HM leiki í ferðinni sem setti líka strik í reikninginn. Ég beið tildæmis ekki eftir neinum sérstökum andartökum í myndatökunni varðandi ljós og skugga, svo dæmi sé tekið.

En hér eru nokkrar myndir úr ferðinni. Ég vil taka það fram að ein myndin er breytt, þar að segja að tekinn var vegurinn burt úr vinstra meginn í einni Mývatns myndinni (fyrsta myndin).

Njótið heil

 ath. myndir hafa verið smækkaðar niður fyrir vefinn og hafa því tapað gæðum og eru því ekki góðar ef tvisvar er smellt á mynd (stórar). Nægjanlegt er að smella einu sinni á mynd til að skoða.

 

 

Maður til fyrirmyndar, eða hvað?

Fyrirmyndarkort til sölu, aðeins ætlað alþingismönnum og ráðherrum á Íslandi.

>Hann hefur hins vegar engan hug á að segja af sér sem þingmaður þrátt fyrir að hafa orðið uppvís að því að nýta kortið í eigin þágu.

Þó ekki hafi þekkst að alþingismenn á Íslandi hafi nýtt sér slíka þjónustu sem getið er í þessari frétt hér, má spyrja sig hversu oft íslenskir alþingismenn hafi notað sér aðstöðu sína að nota peninga úr ríkissjóði í ferðir erlendis. Man ég eftir slíkum ferðum ýmissa ráðherra þar se

m þeir notuðu peninga úr ríkissjóði til að borga dýr hótel og ferðir. Óhóflega.

Það sem ríkjandi spilling viðgengst á Íslandi hyggst ég bjóða þetta kort sérstaklega til sölu. Öll kort sem seljast þarf íslenska ríkið og alþingi sérstaklega að greiða úr ríkissjóði af notkun allra korta sem seljast. Eru þingmenn og ráðherrar sérstaklega hvattir til að nota kortið í eigin þágu.

Þetta kort er sérstaklega ætlað fyrir alþingismenn og ráðherra þegar að þeir ferðast erlendis og sérstaklega ef á eigin vegum. Því þá nýtist notkun kortsins sem best. Öll notkun kortins í einkaþágu greiðist úr ríkissjóði Íslands sem og ef þeir vilja nýta sér fyrsta flokks Lúxus Hótel, risnu í opinberum erindagjörðum. Sérstaklega mætti nefna ferðir til Kanada og eða Bandaríkjana. Sem og sérstakar ferðir til að selja Ísland til yfirherra tiltekinna Evrópuþjóða. Eða á alla slíka fundi þar sem ráðherra/r sækjast eftir við embættismenn slíkra þjóða. Því fleiri, því betra.

Í hverri ferð sem þingmaður eða ráðherra fer og notar kortið þá fær hann sérstakar ívilnanir. Eins og tildæmis ef viðkomandi þingmaður hyggst nota sér sérstaka þjónustu sem er í boði erlendis eins og tildæmis í Amsterdam og fleiri borgum. Þjónusta sem er nú bönnuð á Íslandi. (verður að vera með)

 Öll notkun kortsins gefur góða vildapunkta sem hægt verður að nota heima á Íslandi þegar sérstakir fulltrúar erlendra fyrirtækja eru boðnir til landsins til að kaupa þær auðlindir sem eru í boði sérstaklega fyrir þá. Þannig er hægt að nota vildarpunkta sérstaklega til að borga ýmislegt fyrir það fólk því best er að bjóða mest og best til að þeir verði nú hrifnir af landa og þjóð. Sérstaklega mætti bjóða þeim nóg af þeim sér-íslenska mjöð sem hellir þá blindfulla, en þannig væru þeir tilbúnir til að samþykkja allt.

Er eitthvað þvílíkt til á Íslandi þar sem alþingismenn ætla sér ekki að segja af sér þrátt fyrir einhverskonar spillingu? Ha? nei, nei, ég trúi því ekki........................

Ráðherra kláms

Ég vonast eftir þessu sem fyrst!

Vekur mig til umhugsunar.

Höfum svona Geimstöð sem stærsta og sendum allt þetta mígríka fólk þangað og skiljum það eftir þar! Ég legg hér með til að auðkýfingum verði skildað að fara í Geimstöðina, á einhverjum tímum með skiptingu með nöfnum á lista. Ágætt að þetta lið noti peningana í svona rugl-ekkert dæmi eins og Geimstöð þar sem ekkert er um að vera í.

Síðan mætti hugsa sér þetta sem alþjóðlegt fangelsi fyrir útrásarvíkinga ýmissa landa og láta þá sjálfa borga eða hina (stóru) sem eiga kröfur á hendur þeirra og/eða láta hina mígríku taka þátt í kosnaðinum við það. Hvernig væri það fyrir alvöru að nota hluta stöðvarinnar sem fangelsi?

Allavega þarf að búa til svona dæmi sem sýnir að fyrir alvöru verði tekið á þessu fólki.

Sumarfríið 2017 verður eins og í vísindaskáldsögu

Smá blogghlé + 4 myndir af ferðum mínum um Ísland

Kæru bloggvinir. Verð að láta ykkur vita af ég hef verið í smá blogghléi að undanförnum hér á bloggi mínu. Ástæðurnar eru tvær:

1. vinna við síður Þjóðarheiðurs

2. smá lasleiki

Ég mun þó vera smám saman að vinna að stórum pistli sem kemur brátt út.

 

Fyrir þær/þá/þau sem ekki hafa séð,

Hér eru nokkrar myndir sem ég hef tekið á ferðum mínum um Ísland:

Nokkrar myndir frá sumarferð minni

Sæl öll sömul Ég er nú kominn til baka úr sumarferðinni, ferskur og hress. Tilbúinn í slaginn með nokkrar hugmyndir komnar á blað sem ég mun setja í gang á næstunni.

Ég fór alla vestfirðina og þaðan til Akureyrar á eina með öllu. Ferðin tók 9 daga. Hér eru nokkrar myndir úr ferðinni: