Heldur hún virkilega að þetta sé svona?

Það er ýmislegt sem íslenskir stjórnmálamenn bulla í fréttamiðlum.

>Hún segir að þar stangist á gerðir Breta og meginreglu Brown sjálfs. Með því að láta Íslendinga greiða fyrir mistök íslensks einkabanka. „Breski forsætisráðherrann hefur sagt að almenningur eigi ekki að líða fyrir rangar gjörðir bankanna en að  bankarnir eigi að umbuna almenningi. Greinilega telur hann ekki íslenskan almenning þar með," segir Jóhanna.

Hvernig getur hún sagt þetta þegar  hennar stjórn stendur ekki með almenningi á Íslandi í þessu Icesave máli í stað þess að vera á móti þeim? Afhverju eruð þið í ríkisstjórn ekki að framkvæma það sem breski forsætisráðherran sagði?

>Hún segir að Íslendingar beri sjálfir einhverja ábyrgð hruninu en helsta skýringin sé óhaminn kapitalismi og græðgi. Auk mikilmennskubrjálæðis og krosseignatengsla fárra leikmanna.

Hinn almenni borgari á Íslandi voru fórnarlömb þeirra sem bjuggu til óðærið og plötuðu fólk til þátttöku. Hinn almenni borgari Íslands ber litla sem enga ábyrgð á hruninu. Það eru eingöngu þeir sem gerðu allt frjálst og lofuðu græðgina. Það var aðeins sumt af fólki sem leiddist inn með en alls ekki allir! Síðan voru búnar til þær aðstæður að saklaust fólk lenti í miklum fjármálaerfiðleikum vegna þess hvernig bankakerfið hefur virkað inni í þessu græðgis-hagkerfi. Og það margir orðnir gjaldþrota vegna þess. 

Það er ekki þar með sagt að þú og þín stjórn og ykkar flokkar séuð saklaus í þessu máli því allir flokkar tóku þátt í þessum græðgis árum og stjórnmálamenn hafa notfært sér sjálfir aðstöðu sína til að hagnast.

Það eru allir stjórnmálamenn sem bera nokkra ábyrgð á að svona fór. Einmitt vegna þess að þeir hafa ekki verið vakandi til varnar þeim sem höfðu ekki getu til að standa undir því græðgisflóði sem búið var til fyrir þessa græðgispostula.

Jóhanna gagnrýnir Brown