Það vantar mikið í þetta

Það er hvergi getið þess í þessum tillögum hvernig og hvort eigi að taka á verðtryggingunni. Síðan er hvergi hægt að sjá hvort tillaga sé um að laga þann stóra galla á fyrrum frumvarpi ríkisstjórnar um að þeir sem óski eftir greiðsluaðlögun a. b. eða c. lendi ekki á 4ra ára vanskilalista.

Síðan virðist svo vera að þeir leggi engvar breytingar á Húsnæðiskerfinu sjálfu varðandi vaxtakerfið og innreikning húsnæðis inn í vísitöluna í stað sérstakrar Húsnæðisvísitölu sem setja mætti á.

Síðan er hvergi getið um afskriftir óeðlilegara vaxta af bæði lánunum í erlentu myntinni sem og öðrum lánum þar sem það á við.

Það vantar útfærsluna um hvernig á að lengja í lánunum. Eins og tildæmis að ef fólk geti ekki staðið í skilum væri hægt að bjóða upp á að greiðsla þess mánaðar sem ekki væri hægt að standa við þá gæti fólk komið sértaklega til að fá úrræði út af þeim vanda hvort sem það er af lánum í bönkum eða húsnæðisstofnun. Hugsa sér mætti að greiðsla þess mánaðar væri hægt að bæta inn í höfuðstólinn. En það eru fleiri útfærslur til.

Síðan er mikilvægt atriði að ef einhverjar breytingar á að gera vegna lána þá hafi þær ekki umtalsverðan kosnað í för með sér eins og tildæmis bankar vilja gera þegar að skuldbreytingar eru framkvæmdar. Þannig hafa allar aðgerðir banka til móts viðlántakanda miðast við að hagnast sjálfir af því með greiðslu sem þeir taka fyrir skuldbreytingu á lánum. Sem er eiginlega tvítekning vegna þess að skuldarinn hefur þegar tekið á sig háa vaxtaprósentu og aðrar greiðslur inn vegna lánanna. Tölur upp í kr. 8.000 hef ég séð að tekið fyrir skuldbreytingu. Ég er að benda á það atriði að þeir sem lenda í greiðsluvanda lenda inni í ýmsum aukagjöldum sem gera bara vandann enn meiri og erfiðara að taka á. Þegar að vandinn er byrjaður er skuldara ekki gefið neitt tækifæri á að spóla hann niður.

Það eru ýmis gjöld sem lenda á fólki í greiðsluvanda og þó taka ætti á einhverjum hluta þeirra þá þarf að taka á öllum málum þannig að fólk lendi ekki áfram í vanda og setja upp tryggingu til að koma í veg fyrir að slíkt kæmi fyrir aftur. 

Hugsa mætti sér kannski einhvern varasjóð með kannski brot af launum og aðstoð frá lífeyrissjóði eða verkalýðsfélagi sem aðstoð við þá sem eru inn í greiðsluaðlögun. Hugsað sem trygging gegn því að sami vandinn komi ekki upp aftur. En þeir sem lenda í vanda vilja haldast inni í og sogast í vandanum og eiga oft erfitt að losna út þó að eitthvað sé búið til eins og greiðslugetuplagg sem umsjónarmaður (lögmaður) heldur utanum. 

úr frétt>að ákveðnum skilyrðum uppfylltum og að kröfuhafi sem ekki sættir sig við niðurskurð veðskulda umfram 100% veðþol eignar geti leyst eignina til sín gegn yfirtöku veðskuldbindinga eða m.ö.o. að skuldari skili lyklunum að eigninni. Skuldari og fjölskylda hans geti engu að síður haldið afnotum eignarinnar í allt að 12 mánuði gegn greiðslu hæfilegs endurgjalds í formi húsaleigu.

Þetta atriði þarf að skoða útfærsluna á. Vegna þess að samningar á milli kröfuhafa og skráðum eiganda geta í mörgum tilfellum erfiðlegir. Þyrfti að hafa sérstakan fulltrúa sem ætti að vinna með báðum aðilum til að þetta virki.

Eftir því sem ég les þetta plagg úr fréttinni get ég hvergi séð neina viðurkenningu að kerfið hafi verið gallað og þurfi að stór laga. En viðurkenning á vandanum er fyrsta atriðið til að taka fyrir alvöru á kerfinu og breyta því þannig að fólk lendi ekki alltaf í því sama í framtíðinni!

 

Mæta vanda 10.000 fjölskyldna

Athugasemdir

[Æsir (IP-tala skráð) 24.9.2009 kl. 09:33]

Banna Þarf Verðtryggingu með lögum

Einungis Brot af Þjóðinni lifir í verðbólgu

Og einungis Brot af þjóðinni Blæðir fyrir verðtryggingu

aðrar þjóðir standa saman gegn verðbólgu

Stór hluti íslenskra þjóðar er skítsama um verðbólgu þar á meðal allar fjármálastofnair vegna þeir eru tryggðir með krabbameini = verðtryggingu

Verðtrygging er krabbamein

Kveðja

[Guðni Karl Harðarson, 24.9.2009 kl. 10:00]

´Æsir, auðvitað þyrfti að vera eitt fyrsta verk að taka verðtrygginuna af!

Einungis brot af þjóðinni hefur getu til að lifa af með verðtryggingu vegna ríkidæmis þeirra. Hinsvegar er það mjög margir sem blæða fyrir verðtrygginguna því hún er mjög ósanngjörn hvort sem hún er á fólki í millistétt eða lægri stéttum. 

Verðtryggingin er byggð inn í útreikningskerfið allt. Þessvegna segja þeir að það sé svo kosnaðarsamt að losna við hana þó ég fari ekki nánar út í það hér. Miklu erfiðara heldur en að setja hana á í upphafi.

Það þarf að enduruppbyggja lánakerfið til að losna við það krabbamein sem verðtryggingin er.

Kveðja,

[Steinar Immanúel Sörensson, 24.9.2009 kl. 10:11]

Það þarf ekki að hafa miklar áhyggjur af þessu þvi verði ekki komin góð lausn á þessum málum fyrir mánaðarmót mun hefjast hér allsherjar bylting - sem mun leiða til borgarastyrjaldar.

Svona einfalt er þetta.

[Guðni Karl Harðarson, 24.9.2009 kl. 10:47]

Steinar þakka þér innlitið. Líklega er þetta alveg rétt hjá þér. Því svo virðist sem þessi stjórn geri ekkert nema að gera vandann meiri og það sé ekki tekið á neinu. Allt muni lenda á saklausu fólki sem hefur aldrei gert neitt misjafn í öllu þessu sem hefur lent á þjóðina.

Væru þá allir flokkar búnir að reyna með sér stjórn og þá stæði aðeins eftir vald fólksins í landinu að setja hér á stjórn utan alþingis.