Eigum við? - Nei!

Það er stórt spurningarmerki hvort að erlent fjármagn ætti að nota yfirleitt til að endurreisa Ísland. Sama þó það komi frá Noregi sem er þó skárra en að það komi frá forríkum fjárfestum utan frá einhverrum ríkjanna innan ESB. Sem skal aldrei verða!

Ég er eiginlega frekar á móti erlendu fjármagni í þessu formi inn í landið því við íslendingar eigum að framkvæma hlutina sjálfir þó næstu ár verði mjög erfið! Eignamyndun innanfrá er alltaf best þó taki tíma. Svo er annað í þessu! Ekki ætla þessir menn sér að fjárfesta hér til að bjarga Íslandi? Ó nei! Auðvitað eru þeir að hugsa um eigin hag að hagnast fyrst og fremst. Hvenær tækju þeir síðan peninga sína aftur?

Síðan er ég á móti því að nota eigi erlent fjármagn til að fjárfesta í auðlindum okkar! Hvað getur gerst í framtíðinni? Við vöknum upp við þann vonda draum að útlendingar eigi flest allar auðlindinar. Við verðum að fara að stoppa þessa erlendu fjárfestingu af því við þurfum að gera eignamyndun sjálfir í okkar auðlindum sem við eigum nóg af! Auðlindirnar eru jú eign íslendinga og við eigum að nota útkomu af þeim sjálfir til að selja til erlendra ríkja sem munu ólmir kaupa af okkur. ÞAÐ ERU TIL ÓTAL TÆKIFÆRI FYRIR OKKUR SJÁLF! Og í þeim felst uppbygging Íslands!

Það virðist sem fólk átti sig ekki enn á að Ísland þarf eitthvað nýtt! Að ekki eigi að leika sama fjármálaleikinn aftur sem mun bara leiða til þess að við lendum áfram í sömu stöðu fram í framtíðinni og framlengja vandann um ókomin 100 ár.

 

ÁFRAM ÍSLAND - EKKERT ESB!

Vilja setja fé í endurreisnina