Hvora leiðina?

Ég er kominn á þá skoðun að það þyrfti að frysta tímabundið öll lán ríkissjóðs. Kannski í 4 til 5 ár og án vaxta á meðan. Loka síðan líka á alla erlenda lántöku á meðan.

Síðan taka til við stórfellda uppbyggingu með verðmætasköpun út um allt land. Að auka landsframleiðslu töluvert á meðan að lánin eru fryst. Hugsa mætti sér að hver landshluti tæki að sér 3-5% aukna verðmætasköpun árlega og með nýjum séríslenskum vörum (sjá Okkar Ísland).

Að leita að einhverri svona leið er miklu betra heldur en stórauknar lántökur eins og ríkisstjórn er að gera og ætlar sér áfram að gera. Og sem mun gera ekkert en stórálögur á fólkið í landinu margra tuga komandi ára!

Að bjarga þjóðinni út úr þeim ofsalega vanda sem hún er í er miklu betra með einhverri þannig leið. Síðan væri fólk tilbúið að starfa að þessari uppbyggingu frekar en að þurfa að lenda í allri þessari holskeflu lána eins og Icesave og AGS lánið osfrv., en auðvitað á sanngjörnum launum.

Er ég svo vitlaus að halda að Hagfræðingar geti fundið þjóðhagkvæma leið með að nota uppbyggingarleiðina frekar en skuldaleiðina. Eða hvað?

Óbreytt lánshæfiseinkunn