Góðir íslendingar

Eftir atburði síðustu mánaða er það alltaf betur og betur að koma í ljós að ríkisstjórnir hverjar sem þær eru ætla sér ekkert að gera til að verja vinnandi almenning í landinu þessum áföllum.

Það á ekkert að gera til að gera gangskör í því að þeir sem settu þjóðina í þessa stöðu borgi henni til baka. Það á hinsvegar allt að gera til að skuldirnar lendi á fólkinu í landinu. Það á að setja öll fjármála áföll sem þessir menn framkvæmdu út í þjóðina.

Það er í raun hræðilegt að hugsa til þess að svona staða getur auðveldlega komið upp aftur fram í framtíðinni. Að fjármálahundar muni áfram geta valsað um landið eins og þeim listir. Því  ef við gerum ekkert við þessu þá mun ekkert vera gert. 

Ef þessi ríkisstjórn fellur af stalli fljótlega er því mikilvægt að gera sér ljóst að aðrar stjórnir flokka munu ekkert gera betur en hinir!

Eg trúi því að við íslendingar sjálfir gætum tekið okkur til og trúað manneskjunni sjálfri að stjórna landinu, án flokka og flokkunar. Það væri einfaldlega besta leiðin fyrir Ísland til framtíðarinnar!

Í alvöru talað erum við að sjá atburði hvað eftir annað sem sýna okkur vangetu þessa fólks sem kosið er til starfa fyrir fólkið. Alveg sama hvaða flokkur það er. 

Ef við gefum okkur að ný stjórn verði til eftir þessa. Viljum við virkilega kalla yfir okkur stjórn með flokkum sem gerði þessa aðstöðu í 27 ára fortíð kleyft? Viljum við virkilega lenda í sama ruglinu aftur og aftur?

Ég segi! Kjósum fólk en ekki flokka! Það er kominn tími fyrir eitthvað nýtt!