Ekki reiknað með hverju?

Ég spurði einmitt að þessu á bloggi mínu í síðustu viku og var að skoða þessi mál. Var að velta því fyrir mér hversu þessi tala væri há? 130% af landsframleiðslu, er rosaleg tala? Er þessi tala með öllum nýju lánunum inn í sem á að taka? Alveg óviðráðanleg nema ef tilkæmi rosaleg verðmætasköpun um allt land. Að fólkið tæki sig til og byrjaði að vinna í þessu máli.

Mér er spurn hvernig ríkisstjórn ætlar að fjármagna 200 milljarða skuldina árið 2011? Með öðru nýju láni?

Það er verið að skuldsetja okkur rosalega fram í framtíðina. Og síðan bætist þetta Icesave við? Leppalúðinn hann Steingrímur ætlar sér að skuldbinda þjóðina til ævi-ábyrgða? Mér finnst að það að ætla að gera þetta vera hreinn glæpur gegn þjóðinni, gagnvart fólkinu í landinu. Er ekki að skilja manninn!

Það er einfaldlega komið nóg! Við íslendingar segjum stopp! 

 úr grein í mbl.

>Alls er nú gert ráð fyrir að ríkissjóður þurfi að taka 950 milljarða króna að láni á þessu ári. Gert er ráð fyrir að taka þurfi 385 milljarða króna lán vegna endurfjármögnun nýju bankanna og 250 milljarða með útgáfu ríkisverðbréfa til að styrkja viðskipti á innlendum fjármálamarkaði. Þá er gert ráð fyrir að Norðurlöndin láni Íslandi jafnvirði 230.000 milljarða króna og Pólland og Rússland  85 milljarða.

Hvað verður svo tekið mikið að láni á næsta ári? Til að borga upp skuldir?

Ég er farinn að hallast að þessi skrifuðu orð Hudson séu rétt!

Stríðið gegn Íslandi: **Michael Hudson** 

>Þeir sem heimta mest eru ekki þeir sem skulda mest, heldur þeir sem hafa lánað mest. Markmið þeirra er að tryggja völd sín í samfélaginu. Umfram allt vilja þeir hámarka vald skulda umfram verðmætasköpun. Þess vegna er verðtrygging lána notuð til að tryggja að bankarnir hagnist á hruni efnahagslífsins, en ekki almenningur, sem greiða þarf jafnt skuldirnar sem og kostnaðinn af hækkandi verðlagi og hruni krónunnar. Lánadrottnar um allan heim eru í óða önn að færa niður skuldir í takt við lækkandi fasteignaverð. Á Íslandi hafa bankarnir hins vegar fengið að hækka skuldabyrðina um 14% á síðasta ári, á meðan fasteignaverð hefur lækkað um 21%! Því verra sem efnahagsástandið er, því sterkari eru lánveitendurnir. Þetta er ávísun á efnahagslegt sjálfsmorð þar sem dýpkandi kreppa hneppir æ fleiri í skuldafangelsi.

*****

Síðan skrifaði hann þetta:

>Ísland getur tekið forystu og orðið fyrirmynd annarra þjóða í efnahagslegu jafnrétti. Aldrei hefur verið betra tækifæri til að taka afstöðu til þess um hvað standa á vörð - óyfirstíganlegar skuldir eða framtíð íslensks samfélags?

Munu stjórnvöld verja þegna sína fyrir afætum fjármálaheimsins, eða munu þau færa þeim íslenska hagkerfið á silfurfati? Það er spurningin sem íslensk stjórnvöld verða að svara.

 *

Þetta eru svo sannarlega rétt orð í tíma töluð! Við þurfum að taka okkur til fólkið í landinu! Taka okkur saman og gera hlutina sjálft! Því öðruvísi mun ekkert verða af viti gert til að losa Ísland út úr þessari rosalegu skuldaánauð sem á að leggja á okkur og afkomendur okkar til framtíðarinnar.

*****************************

Ég vil nota tækifærið að benda fólki á að fara inn á kjósa.is

Í OKKAR HENDUR ÁSKORUN TIL FORSETA ÍSLANDS VEGNA ICESAVE SAMINGANNA.

200 milljarðar á gjalddaga 2011

Athugasemdir

[Magnús Sigurðsson, 30.6.2009 kl. 13:57]

Þvílíkir stjórnmálamenn.   Kominn er tími til að átta sig á því að stjórnmálamenn leysa engan vanda, það eru þeir þeir sem búa hann til.  Þeir glíma því stöðugt við afleiðingar misstaka sinna en vilja ekki viðurkenna orsakir þeirra.

[Guðni Karl Harðarson, 1.7.2009 kl. 11:19]

Afsakaðu að ég svaraði ekki fyrr. Ég er búinn að fá gjörsamlega nóg af þessum venjulega stjórnmálamanni! Ég vil að við finnum kerfi það sem fólkið tekur við! Mér er sagt að ég sé með góðar hugmyndir í þá veru!

Það er sannarlega kominn tími til að sjá að Ísland mun ekki losa sig út úr erfiðleikunum nema að tilkomi mjög miklar breytingar á stjórnkerfi landsins.

Eins og ég sé það þá ætlar þessi stjórn að ofurskuldsetja okkur til framtíðarinnar. Öll ný atvinna virðist eingöngu vera til þess eins að búa til atvinnu. Ekkert gert til að framkvæma eða til verðmætasköpunar atvinnu. Ekkert gert til að ná niður skuldastöðu gagnvart landsframleiðlsu nema stækka vandann, 130%. 

Ég hef skoðað það hversvegna Ísland getur ekki tekið upp evru. Meðal annars stendur í Maastricht sáttmálanum að skuldirnar meiga ekki vera nema 60% gagnvart landsframleiðslunni. En nú meira en tvöfalt meiri.

Það er auðséð hvert stefnir! Þau ætla ekkert að gera til að leysa vandann heldur velta honum á undan sér og auka hann.