Púff segi ég bara

Svona lán enda eingöngu sem skattar og álögur á fólkið í landinu til framtíðarinnar! Það var augljóst í þessu (ó)stöðugleikaplaggi að það ætti að velta vandanum á undan sér með meiri álögur á þjóðina. Það er að koma enn betur í ljós að þetta lið hefur engin ráð! Við þurfum jú að borga þessi lán. En ekki get ég séð að með þeim sé fjárfest til framtíðarinnar til að búa eitthvað til......

>Alls er nú gert ráð fyrir að ríkissjóður þurfi að taka 950 milljarða króna að láni á þessu ári. Gert er ráð fyrir að taka þurfi 385 milljarða króna lán vegna endurfjármögnun nýju bankanna og 250 milljarða með útgáfu ríkisverðbréfa til að styrkja viðskipti á innlendum fjármálamarkaði. Þá er gert ráð fyrir að Norðurlöndin láni Íslandi jafnvirði 230.000 milljarða króna og Pólland og Rússland  85 milljarða.

Gott og vel? Ha? 385 milljarða til að endurfjármagna nýju bankana? Hvaða leyfi hefur stjórnin að taka lán sem þegnar landsins þurfa að borga, til þess að endurfjármagna óráðssíu og gjaldþrot? Síðan hefur engin séð uppgjör bankamálsins og langan tíma tekur til að sjá fyrir þau mál öll sömul! Ekki á þessu ári?!

Ég spyr?? Er þetta blekking? Á að nota þessa 385 milljarða í eitthvað annað?

Síðan 250 milljarða til að fjármagna viðskipti á innlendum fjármálamarkaði. Afhverju tóku þeir ekki lán til að setja í beina innspýtingu til einhvers verðmætaskapandi? Stuðning til þess að auka landsframleiðslu, sem verður ekki gert nema finna leiðir til að ná fjármagni sem sett væri í ný fyrirtæki og þá helst í matvælaframleiðslu og fatnaðar. Því í þeim flokkum eigum við hvað mesta möguleika til útflutnings.

Fyrst þeir gátu ekki búið neitt til með að ná peningum eftir öðrum leiðum þá hefði amk. mátt í versta tilfelli taka smá lán til þessa (þar að segja lán+ fjáröflun eftir öðrum leiðum).

 Það er verið að veðsetja framtíð okkar sem ríkisstjórn hefur ekki leyfi til samkvæmt stjórnarskránni. Ég stórlega efa að þessi lán séu réttlætanleg!

 

950 milljarðar að láni

Athugasemdir

[Magnús Sigurðsson, 27.6.2009 kl. 12:19]

Þessi stöðugleikasáttmáli virðist ganga út á að halda hörmungarástandinu stöðugum með stöðugt versnandi framtíðarhorfum. 

Eða þá að þeir ætla að krafsa yfir skítinn úr sjálfum sér með stórauknum lántökum á kostnað þjóðarinnar.  Fela þannig að allar eignir landsmann þ.m.t. lífeyrissjóðirnir eru uppgufaðar vegna mistaka þeirra sem standa að "stöðuleikasáttmálanum".

[Guðni Karl Harðarson, 27.6.2009 kl. 14:04]

Akkúrat málið!

svokallaður meintur stöðugleiki og stóraukin lán = auknar álögur = +++++stærri og stærri óstöðugleiki!Sem erfiðara verður að taka á.

Það verður enginn stöðugleiki því skuldir landsins aukast meðan að landsframleiðslan dregst saman og minnkar. Lántökur gera ekkert annað en að auka tekjuhalla því engvar alvöru framkvæmdir verða gerðar til að auka landsframleiðsluna!

Það verður að fara fyrir alvöru að gera eitthvað strax til að koma í veg fyrir fleiri áföll!

Svo dettur mér er eitt í hug:

>Á að nota þessa 385 milljarða í eitthvað annað?

Tildæmis eins og: á að nota hluta þessara 385 milljarða til að koma okkur inn í ESB? Mér er bara spurn því ekki er neitt komið enn fram hve staða þessara banka er!