Viðbót við Viðlagasjóðs hugmynd mína

Hér er smá viðbót sem er 2 liðir

1. Sá hluti Verðtryggingar sem hægt væri yrði tekinn af smám saman þannig:

Fyrst að banna alveg að lána með verðtryggðum lánum! Þora!

Í hverjum mánuði verði 40 aðilar (svona hugsanlega tala en mættu vera fleiri ef hægt væri) (sem sækja um og búa þarf til reglur um hverjir fá, en láglaunafólk og heimili í miklum erfiðleikum með að borga af húsnæðislánum gangi fyrir) sem fá fellt alveg niður verðtryggingu af lánum hjá bönkunum og öðrum lánastofnunum. Þannig taki hver banki og breyti lánum 10 aðila hver og fari eftir nöfnum af listanum. Til þess að þetta verði hægt yrði notaðir peningar sem bankarnir fá úr viðlagasjóðnum beint til að nota til að vega upp á móti tildæmis hugsanlegum öðrum vaxtahækkunum vegna þessara breytinga hjá persónunum sem eiga að fá breytinguna. Þetta gert til að hafa vega á móti hinum meintu áhrifum af niðurfellingunni. Síðan notar Ríkið líka peninga úr sjóðnum til að vega á móti hugsanlegum öðrum áhrifum.

Þettar er hugmynd sem vel væri hægt að hugsa til enda og útfæra!

2. Bankarnir og aðrar lánastofnanir leysi til sín lán af hálaunafólki sem hafa eignir ofurveðsettar og hluti af þeim peningum af seldum eignum (eða uppgreiddum lánum) fari beint til viðlagasjóðs til styrkingar á genginu svo dæmi sé tekið. Mjög mikilvægt að fækka mikið ofurveðsettum lánum á húseignum. Ef lán hafa verið tekin svo dæmi sé tekið til fjárfestingar, hlutabréfa eða skuldabréfakaupa þá er mjög réttlát krafa að þeir sem eru með eignir ofurveðsettar losi þær og borgi upp lán með því að selja bréfin. En eftir því sem mér skilst hafa nokkuð margir fjárfestar getað veðsett eignir langt umfram verðmæti þeirra.

 Hér er hinn hluti Viðlagasjóðs hugmyndarinnar settur aftur inn:

>VIÐLAGASJÓÐUR:

Í stað þess að borga hátekjuskatt mætti lækka þá hugmynd aðeins og síðan ættu hátekjumenn með sér bónusa og aukatekjur að borga beint í slíkan sjóð og byrja að borga strax! Þannig framkvæmt að fyrirtækin borguðu beint í sjóðinn í stað til  þeirra sem hafa fengið slíkar aukatekjur. 

Síðan tækju þeir við sem sem settu landið í þessa stöðu sem það er í. Og varðandi það legg ég til að rannsóknin sem er verið að framkvæma verði afleiðandi og nokkrir einstaklingar verði teknir og rannsakaðir í einu (skipta niður í litla pakka með ca. 5 til 10 manns í einu). Þannig kæmi útkoman miklu fyrr fram í sviðsljósið og hægt væri að dæma fyrr.

 

Það eru örugglega til fullt af öðrum leiðum sem hægt væri að ná í peninga án þess að hækka skatta eða vöruverð á almenning í landinu. Og það þarf að þora að framkvæma hlutina fljótt og örugglega.

Annað!

Mér finnst það til stórfelldra vansa fyrir Samfylkingu að hafa tekið þetta lán þið vitið sem þeir tóku í síðustu stjórn með Sjálfstæðismönnum.  Finna þarf leið til að losna út úr þessu láni ef hægt væri.