Í dag er mikilvæg stund - Borgarahreyfingin - þjóðin á þing

Já það var í dag klukkan 14.00 sem Borgarahreyfingin var með blaðamannafund til að tilkynna nýtt framboð sitt. Nú erum við að fara af stað af fullu! (leiðinlegt að vera veikur heima á svona stundu)

Tilvísun í frétt> Við erum valkostur fyrir þá sem eru orðnir þreyttir á sömu frösunum, sömu andlitunum, sömu lausnunum og vilja gegnsætt réttlæti,

ístefnuskrá hreyfingarinnar segir að grípa verði til neyðarráðstafana í þágu heimila og fyrirtækja, landsmenn skuli semja sína eigin stjórnarskrá, fram fari trúverðug rannsókn fyrir opnum tjöldum undir stjórn og á ábyrgð óháðra erlendra sérfræðinga á íslenska efnahagshruninu en á meðan henni stæði yrðu eignir grunaðra auðmanna frystar. Þá segir einnig að lögfesta verði fagleg, gegnsæ og réttláta stjórnsýslu.>

 

Ég er að vinna að krafti og eldmóði fyrir Borgarahreyfinguna því ég vill sjá traustverðugt fólk á þingi óháð fjórflokkunum.

Ég vil vera þátttakandi í því að gera alvöru tilraun til að koma í veg fyrir að afleiðingar efnahagshrunsins lendi á hinum vinnandi íslendingi í stað þeirra sem urðu hrunsins valdandi! Það er aðeins hægt með að koma með framboð sem hefur það að leiðarljósi að vinna fyrir fólkið. Við munum að alvöru vinna fyrir fólkið í landinu!

Ef þú ert okkur sammála þá bjóðum við þig að ganga í lið með okkur við að koma að víðtækum lýðræðisumbætum. Við viljum einnig ná fram nausynlegum efnahagsaðgerðum til að rétta landið út úr þeim vanda sem það er í.

Við óskum eftir góðu fólki sem vill koma í starfið með okkur af eldmóði! Hefur þú áhuga að taka þátt í að breyta stjórnmálunum á Íslandi? Þegar að þú lítur til framtíðarinnar, viltu þá hafa tekið þátt í að breyta stjórnmálunum á Íslandi?

Þeir sem voru búnir að vera í sambandi við mig og ganga í lið með "Okkar Ísland" eru hvattir til að koma að starfinu!  Cecil? Óskar? og fleiri! Ég hef fært netfangið af hushmail.com yfir á mitt eigið sem er [e-mail] Allir sem hafa sent mér email á þetta netfang: [e-mail] eru hvattir til að endursenda póst á mitt gamla og góða netfang: [e-mail]

Ástæðan er að erfiðara er að halda utan um frían póstþjón heldur en póstþjón sem ég borga fyrir.

Heimasíða Borgarahreyfingarinnar er að fara í gang. Mjög fljótlega verður síðan opnuð skrifstofa.

Fyrir þá sem hafa áhuga að ganga í lið með okkur er hægt að heimsækja heimasíðu okkar og skrá inn nafn og netfang:

linkur á inngöngu: Borgarahreyfingin:

Hér eru stefnumálin sett inn á ný:

 

Borgarahreyfingin - Þjóðin á þing

 

 Stefnumál Borgarahreyfingunnar:

1. Gripið verði til neyðarráðstafana í þágu heimila og fyrirtækja.

1.1.   Alvarleg staða heimilanna verði tafarlaust lagfærð með því að færa vísitölu verðtryggingar handvirkt fram fyrir hrun hagkerfisins (jan. 2008) og hækkanir höfuðstóls og afborganir húsnæðislána til samræmis við það.  Raunvextir á verðtryggðum lánum verði að hámarki 2% og afborgunum af húsnæðislánum verði almennt hægt að fresta um tvö ár með lengingu lánsins um þann tíma. Náð verði samkomulagi við eigendur verðtryggðra húsnæðislána um að þeim verði breytt í skuldabréf með föstum vöxtum og verðtryggingarákvæði í lánasamningum verði bönnuð.

1.2.   Leitað verði leiða til að leysa myntvanda Íslands með myntbandalagi við aðrar þjóðir eða ef með þarf með einhliða upptöku annars gjaldmiðils.

1.3.   Atvinnulaust fólk verði hvatt með aukagreiðslum til að stunda nám og/eða vinnu með samfélagslegu markmiði til að koma í veg fyrir að tengsl þess við vinnumarkaðinn rofni.  Sett verði á stofn víðtæk aðstoð við atvinnulausa um allt land með það að markmiði að kenna þeim að nota atvinnuleysið sem tækifæri til hina betra.

1.4.   Skuldsett fyrirtæki verða boðin út og aðeins tekið tilboðum ef ásættanlegt verð fæst.  Annars verði starfsfólkinu leyft að taka yfir lífvænleg fyrirtæki sem ekki fæst ásættanlegt verð fyrir. Skuldir eigenda verði ekki felldar niður sjálkrafa en nota á endurreisnarsjóð atvinnulífsins til að veita hagstæð lán og breyta skuldum lífvænlegra fyrirtækja í hlutafé í eigu ríkisins frekar en að afskrifa skuldir.

1.5.   Halla á ríkissjóði verði mætt með endurskoðun skattkerfisins, m.a. með fjölgun skattþrepa, hátekjuskatti og breytingum á virðisaukaskatti, frekar en niðurskurði í heilbrigðis- og velferðarþjónustu.  AGS fái ekki að ráða ferðinni með stöðu ríkissjóðs.

1.6.   Strax verði hafist handa við að meta heildarskuldir þjóðarbúsins og að því loknu gert upp við lánardrottna eftir bestu getu og skynsemi.  ICESAVE reikningar Landsbankans og aðrar skuldir bankanna erlendis verði ekki greiddar fyrr en álit óháðra sérfræðinga liggur fyrir um skyldur Íslands og m.t.t. þess að sennilega hafi verið um svikamyllu að ræða en ekki eðlilega bankastarfsemi.  Rannsakað verði hvað varð um allar innlagnir á reikningana, fjármunirnir sóttir og þeim skilað til eigenda. Stjórnendur og eigendur bankanna verði gerðir persónulega ábyrgir fyrir því sem vantar upp á.  Samið verður um það sem út af stendur m.t.t. neyðarástands og reynt að fá þær skuldir niðurfelldar.  Samhliða því verði gefið loforð um framlag af hálfu Íslands sem nemi 2% af VLF renni til þróunaraðstoðar á ári næstu tíu ár til að sýna góðan vilja íslendinga til að verða ábyrg þjóð meðal þjóða.

2. Landsmenn semji sína eigin stjórnarskrá.

2.1.   Þjóðaratkvæðagreiðsla skal fara fram um tiltekið mál óski tiltekinn minnihluti þjóðarinnar þess. Sama gildir um að rjúfa þing.

2.2.   Bera skal alla samninga undir þjóðaratkvæðagreiðslu sem mögulega framselja vald, m.a. þar sem krafist er að lög og reglugerðir séu innleidd án atbeina Alþingis.

2.3.   Að viðurkenna þau sjálfsögðu mannréttindi sbr. 1. gr. Mannréttingayfirlýsingar Sameinuðu þjóðanna að vægi atkvæða í alþingiskosningum verði jafnt enda væri það í samræmi við hugmyndir um að auka vægi þjóðaratkvæðis um einstök mál enda augljóst að ekki væri hægt að láta suma landsmenn hafa meira vægi en aðra við þjóðaratkvæðagreiðslu.

2.4.   Að fjöldi þingmanna miðist við fjölda á kjörskrá í hlutfallinu 1/4000 sem væri í samræmi við algengt hlutfall í öðrum löndum. Þetta myndi þýða nokkra fækkun þingmanna í dag en hægfara fjölgun þeirra í framtíðinni með vaxandi fólksfjölda sem væri rökrétt.

2.5.   Að kjördæmaskipan verði endurskoðuð og kjördæmum fækkað á suðvesturhorninu.

2.6.   Að tryggð sé skipting valdsins milli löggjafar-, framkvæmda- og dómsvalds, m.a. þannig að ráðherrar sitji ekki á þingi

2.7.   Að ráðherrar og æðstu embættismenn framkvæmdavaldsins, nema dómarar, gegni embætti í mesta lagi í átta ár eða tvö kjörtímabil samfellt.

2.8. Að fyrsta málsgrein 76. greinar stjórnarskrárinnar verði breytt til samræmis við Mannréttindayfirlýsingu Sameinuðu þjóðanna um réttinn til lífskjara sem nauðsynleg eru til verndar heilsu og velliðan allra. Grein 76 muni þá hljóða svona eftir breytingu. “Öllum skal tryggður rétttur til grunn lífskjara sem nauðsynleg eru til verndar heilsu og lífsviðurværi þeirra sjálfra og fjölskyldu þeirra, sé þess nokkur kostur. Grunn lífskjör teljast vera nauðsynlegt fæði, hreint vatn, klæði, húsnæði, læknishjálp og nauðsynleg félagsleg þjónusta, svo og réttur til öryggis vegna atvinnuleysis, veikinda, fötlunar, fyrirvinnumissis, elli eða annars sem skorti veldur og menn geta ekki við gert.” Öllum skal tryggður í lögum réttur til almennrar menntunar og fræðslu við sitt hæfi. Börnum skal tryggð í lögum sú vernd og umönnun sem velferð þeirra krefst.

2.9.   Aðrar breytingar á stjórnarskrá verði gerðar þannig að hún samræmist Mannréttindayfirlýsingu Sameinuðu þjóðanna.

2.10.          Allar náttúruauðlindir verða í þjóðareigu og óheimilt að framleigja þær nema tímabundið og þá aðeins með viðurkenndum gagnsæjum aðferðum þar sem fyllsta jafnræðis og arðs er gætt.

 

3. Trúverðug rannsókn undir stjórn og á ábyrgð óháðra erlendra sérfræðinga á íslenska efnahagshruninu verði hrundið af stað og fari fram fyrir opnum tjöldum. Frysta eignir grunaðra auðmanna STRAX meðan á rannsókn stendur.

3.1.   Tafarlaust verði sett í gang opinber rannsókn undir stjórn erlendra sérfræðinga á hruni íslenska efnahagskerfisins.  Samhliða því verða sett verði afturvirk lög sem leyfa ógildingu allra fjármálagerninga undanfarinna tveggja ára þ.m.t. gerninga skilanefnda bankanna, og í undantekningartilfellum lengra aftur í tíma ef sýnt er að um óeðlilega gjörninga hafi verið að ræða sem leitt hafi af sér skaða fyrir íslenskt efnahagslíf.  Ef sýnt er að gjörningar félags og/eða eiganda þess hafi verið með þeim hætti að leitt hafi af sér skaða fyrir íslenskt efnahagslíf verður í þeim tilfellum ákvæði hlutafélagalaga um takmarkaða ábyrgð eigenda verði fellt niður.

4. Lögfest verði fagleg, gegnsæ og réttlát stjórnsýsla.

4.1.   Að ráðningatími (skipunartími) og þ.a.l. uppsagnarfrestur allra embættismanna sé í samræmi við það sem almennt gerist hjá stjórnendum á vinnumarkaði skv. nánari útfærslu sem verði í höndum Kjararáðs.

4.2.   Að tiltekinn minnihluti þingmanna geti boðað til þjóðaratkvæðagreiðslu um lagafrumvörp sem Alþingi hefur samþykkt.

4.3.   Að hæfi umsækjenda um störf hæstaréttar- og héraðsdómara sé metið af hlutlausri fagnefnd skipaðri af Alþingi eftir tilnefningu hæstaréttar. Fagnefndin geti lagt fyrir umsækjendur próf til að skera úr um þá hæfustu og að ráðherra beri að velja dómara úr hópi þeirra sem fagnefndin telur hæfasta.

4.4.   Að æðstu embættismenn séu valdir á faglegum forsendum.

4.5.   Að fastanefndir þingsins verði efldar. Að nefndarfundir verð almennt haldnir í heyranda hljóði. Gerð verði krafa um að fastanefndir afgreiði öll mál og skili niðurstöðu innan ákveðins tíma.

 

5. Lýðræðisumbætur STRAX.

5.1.   Stjórnlagaþing í haust

5.2.    Persónukjör

5.3.    Afnema 5% þröskuldinn

5.4.    Þjóðaratkvæðagreiðsur

5.5.   Ný framboð fái sama tíma í fjölmiðlum og sama stuðning og aðrir stjórnmálaflokkar

 

6. Borgarahreyfingin leggur sig niður og hættir störfum þegar þessum markmiðum hefur verið náð eða augljóst er að þeim verður ekki náð.

 

 

Vilja gegnsætt réttlæti

Athugasemdir

[Margrét (IP-tala skráð) 4.3.2009 kl. 15:51]

Mér líst vel á framboðið en það stuðar mig að þessi hreyfing skuli útiloka strax samstarf við Sjáfstæðisflokkinn.  Ég held einmitt að þessi hreyfing og Sjálfstæðisflokkurinn yrðu góð saman.

[Guðni Karl Harðarson, 4.3.2009 kl. 16:24]

Margrét? Við erum á þeim skoðunum að algjörlega þurfi að gefa Sjálfstæðisflokknum frí frá stjórnun landsins. Lang flest okkar.

Hinsvegar koma að framboði okkar gott fólk úr nánast öllum flokkum og stefnum. Þar á meðal hægri fólk og vinstri fólk. Sjáflur kom ég úr Samfylkingunni. Var um tíma í flokknum en sagði mig úr honum fyrir um 2 árum.

 Í þessu framboði okkar kemur bæði fólk sem vill að íslendingar gangi í ESB og líka fólk sem vill það ekki, eins og ég.  Hinsvegar viljum við þjóðaratkvæðagreiðslu um málið. Sem væri það rétta í stöðunni.

Ég legg til að allir sem hafa áhuga og lesa skoði vandlega stefnumál okkar. Hún er afrakstur mikillar vinnu fullt af fólki úr hinum ýmsu hópum. Meðala annars fólk sem var sterkt í mótmælunum við Búsáhaldabyltinguna.

Síðan var hún mörgum sinnum yfirfarin og dregin saman á stjórnarfundum og unnin með Hagfræðingnum Thor Shaar sem hefur verið okkur mikil hjálparhella!

[Guðni Karl Harðarson, 4.3.2009 kl. 16:34]

Ég er sjálfur að langmestum hluta sammála stefnumálunum hér að ofan. Örfá atriði sem ég er ekki alveg viss um. Þar vil ég sérstaklega taka fram lið númer 1.2

Ath. Ég er sammála það sem Kenneth Rogoff prófessor í Hagfræði sagði í enda  viðtalsins í gær:

http://dagskra.ruv.is/sjonvarpid/4464696/2009/03/03/

[Árni Gunnarsson, 4.3.2009 kl. 17:15]

Ef Margrét hefur rétt fyrir sér og þetta stjórnmálaafl á málefnalega samstöðu með Sjálfstæðisflokknum þá óska ég því skammra lífdaga.

Það væri hrein móðgun við Hörmangarana sem seldu Íslendingum maðkað mjöl að bera þá saman við Sjálfstæðismenn í stjórnsýsluhlutverkum.

Ég vona að framboð þau sem koma til með að bjóða fram í næstu kosningum átti sig á því að útiloka samstarf við hryðjuverkasamtök D listans um alla framtíð. 

[Guðni Karl Harðarson, 4.3.2009 kl. 18:20]

Ha? Ég get hvergi séð að Margrét segi að stefnumál okkar eigi heima með Sjálfsstæðisflokkunum. Hún segist aðeins halda að þessir tveir yrðu góð saman að stjórna. 

Hvort sem er. Sem ég er jú algjörlega ósammála. Ég get hvergi séð að við eigum málefnalega samstöðu með Sjálfsstæðisflokknum. Nefndu einhver atriði og við förum yfir það og svörum þér. 

Já! 100% sammála um að útiloka samstarf við D listann um alla framtíð.

Annars segir í stefnuskrá okkar að hreyfingin ætli að leggja sig niður þegar að markmiðunum sé náð. 

Legg ég á og mæli um að þið skoðið góða og málefnalega stefnuskrá okkar vandlega