Hvað er þetta eiginlega með Dögun? VAKNIÐ!

Eins og við vitum þá fékk þjóðin tvo þjóðfundi til að draga fram hvað hún vildi leggja áherslu á fyrir framtíðina.

Á fyrri þjóðfundi valdi fólk sér öll þau mannlegu gildi sem það vildi leggja áherslu á. Voru þar nefnd gildi eins og Heiðarleiki, Virðing, Kærleikur og fleiri góð gildi.

Á seinni þjóðfundi sem settur á var vegna geðþóttaákvarðanar þar sem reynt hafði verið að telja fólki trú um að aðalástæðan fyrir hruninu væri gölluð stjórnarskrá Íslands. Fór í gang alveg ótrúleg atburðarrás þar sem hinn ótrúlegasta flóra fólks geystist fram á ritvöllinn með hinar og þessar greinar, bæði með og á móti. Atburðarrás sem eftir allan þennan tíma hefur ekki enn séð fyrir endann á.

Fyrir seinni þjóðfund var alveg ljóst hvað almenningur á Íslandi átti að krefja um að gera. Það átti að velja sér fulltrúa sem áttu að vinna að gerð nýrrar stjónarskrár. Allir vita hvernig það gekk fyrir sig. Og það þrátt fyrir alla vinnuna og peningana sem lagðar hafa verið í verkið og enn á eftir að leggja í verkið. Svo kom að því að velja sér fulltrúa og aðeins 35% þjóðarinnar kaus sér að mæta til að velja sér þessa fulltrúa. Og allir vita síðan hvernig til tókst eftir það.

Berandi saman þetta tvennt er alveg ljóst að í mínum huga er það ekki beint stjórnarskrá Íslands sem er aðalástæðan fyrir hruninu, heldur mannlegur breiskleiki. Það eru ótal atriði sem tengjast heiðarleika og virðingu meðal annars. Það eru þessi atriði varðandi stjórnmálin og viðskipti. Og þau atriði breytast ekkert með gerð nýrrar stjórnarskrár.

Eins og ljóst er á að leggja alla áherzlu í að breyta stjórnarskrá Íslands. Sama hvort þjóðin vill það eða ekki, eins og hún hefur þegar sýnt. En ekkert á að gera í því að vinna áfram með hin mannlegu gildi.

Ég veit það alveg í mínum huga hvað ég vill vinna áfram með! Það er ekki ný stjórnarskrá, heldur vil ég vinna að því stjórnmálamenn og viðskiptamenn séu heiðarlegir. Að þjóðfélagið ómi að öllum mannlegum gildum. Því þrátt fyrir nýja stórnarskrá þá stendur hitt eftir með þjóðinni óhreift og ólagað. Áfram mun allskonar fólk vinna sig áfram í á viðskiptalegum grunni þó að ný stjórnarskrá verði til.

Nú kynnu margir að velta fyrir hvernig eigi að vinna áfram með gildin? Erfitt að segja hvað fólk sæi fyrir sér, en hvað mig varðar þá væri tildæmis hægt að setja í gang manngilda hópa sem vinna saman að því að sýna fram á hið óheiðarlega, óvirðulega í þjóðfélaginu og krefjast þess að fólk breyti og gangi á veg heiðarleika, virðingu og réttlæti svo dæmi séu nefnd.

Já það er þetta með Dögun sem ég vellti fyrir mér. Í þeim margt jú ágæta mannskap fyrir utan þið vitið allt hitt sem hefur gengið á. Sjálf segja þau að aðaláherzla þeirra sé að vinna að gerð nýrrar stjórnarskrár. Þar á meðal tala þau ýmiss fögur orð eins og fólk eigi að velja sér möguleika á persónukjöri, þjóðaratkvæðagreiðslur á ýmiss mál, allt landið eitt kjördæmi og fiskimiðin í eigu þjóðarinnar.

Hugsandi um þetta þá eru þetta allt göfug og háleit sjónarmið. Bara þó inni í hvaða umhverfi lýðræðis þau eru sett. Það væri alveg tildæmis hægt að hugsa sér einhverjar þjóðatkvæðagreiðslur um ýmis mikilvæg mál. En þá kemur á móti hugsun um ýmis atriði eins og tilhvers við eigum að velja okkur þjóðaratkvæðagreiðslur ef það í reynd gerir svo lítið til að breyta stjórnmálaumhverfinu? Því þjóðaratkvæðagreiðslur gera lítið fyrir okkur nema að geta átt möguleika að kjósa um mál sem við teljum vera mikilvæg inni í því stjórnmálaumhverfi sem er fyrir. Ein aðal ástæðan er sú að í nýrri stjórnarskrá á að tryggja þingræðið um ókominn tíma. Í þeim hugleiðingum þá vellti ég því fyrir mér hvort að fólk inni í Dögun hafi gleymt þeim háleitu sjónarmiðum sem margir þeirra hafa með sér um beint lýðræði? Því ef stjórnarskrá yrði samþykkt svona þá hyrfu á braut allir draumar um beint lýðræði.

Svo er það þetta með persónukjörið. Gerir það eitthvað fyrir okkur meira að eiga kost á að kjósa okkur persónur utan flokka inn á óbreytt þingið? Lendum við ekki í því samt sem áður að velja okkur persónur sem ætla að ná inn á þingið með vinsældakosningu? Eða opnast ekki fyrir þann möguleika að ýmsir þrýstihópar, félagasamtök geti valið sér fulltrúa inn á þingið?

Það eru svo ótal margar spurningar sem vakna upp í þessu sambandi öllu.

Svo eru það blessaðar áherzlur Dögunar. Já hvernig er hægt að leggja ofur áherzlu á málefni sem hafa svo ótal margt sem þarf að hyggja að? Það kemur óneitanlega upp í hugann að aðaláherzla Dögunar sé á þetta stjórnarskrámál sé einn af þáttum þess að ná inn þessi 5% til að halda velli á þingi. Tökum tildæmis persónur þær innan Dögunar sem hafa eitt ótal miklum tíma í að skrifa um stjórnarskármál. Verða þær með þegar að kosið verður á nýtt þing þegar að það verður? Óneitanlega veltir maður fyrir sér þessu sjónarspili öllu og hver sé ástæðan fyrir ofuráherzlunum.

Ég vellti því fyrir mér hvort að Dögun sé stætt í því að byggja sig upp á svo veikum grunni? Tildæmis með það í huga að aðeins 35% valdi sér fulltrúa í stjórnlagaþingið og sýndi þannig hinn mikla áhuga á nýrri stjórnarskrá eða hitt þó heldur. Samkvæmt þeim forskriftum er nokkuð traust að byggja á þeirri fullyrðingu að lítið meiri þátttaka verði bæði í kosningu á þessum 6 atriðum blessuðum eða kosningu á nýrri stjónarskrá. Reikni nú hver sem vill út hvað 5% af 35% sé svo þið skiljið hvað ég meina. Yrði Dögun ekki mjög veikt stjórnmálaafl eftir allt saman?

Væri ekki miklu meira vit í því að beina sjónum að þeim málum sem skipta mestu máli fyrir fólk? Eins og ýmsar leiðréttinar sem fólk hefur lent í vegna hrunsins?

Eða það sem í mínum huga sem skiptir miklu máli? Að vinna að þeim atriðum sem snúa að mannlegum gildum!

Ástæðan fyrir því að ég fór út úr Dögun er sú að þetta blessað stjórnmálaafl vina og vandamanna hefur villst af vegi. Þetta er ekki það sem ég vill vinna að.

Hvað er þetta með Dögun? Hvernig er ykkur stætt á að byggja á svo veikum grunni? Á leggja ofuráherzlu á þau atriði sem svo rosalega mikið hefur mistekist að vinna að? 

Athugasemdir

[Óskar Helgi Helgason (IP-tala skráð) 25.5.2012 kl. 12:54]

Heill og sæll Guðni Karl; æfinlega !

Og; hafðu allra beztu þakkir, fyrir þessa eindregnu hugvekju, fornvinur góður.

Löngu; fyrir Haustið 2008 - og atburðarásarinnar, sem í kjölfar fylgdi, hugleiddi ég einmitt, hversu Stjórnarskráin núgildandi. hefði verið - og væri enn, niður tröðkuð, af stjórnmála- og embættismanna liðinu, Guðni Karl.

Rausið; um nýja Stjórnarskrá er einungis til þess fallið - að drepa málum á dreif, og draga ALLA athygli, frá hinum raunverulegu vandamálum, sem við er  að kljást, fornvinur góður.

Ádrepa þín; til handa Dögunar liðinu, er einnig fyllilega tímabær, sem annað það, sem þú nefnir hér að ofan, Guðni minn.

Ítrekaðar þakkir; og ekki hvað sízt, fyrir allt það óeigingjarna starf, sem þú hefir unnið - og ert enn, að vinna að, í þágu samlanda þinna, fölskvalaust, kæri drengur.

Bið þig; vel að virða, ósanngjarna óþolinmæði mína oftlega, í þinn garð, á liðnum árum, sem helgast af Austur- Asískum stofnum mínum, mögulega - sem og úr öðrum áttum, jafnvel.

Með baráttukveðjum góðum; úr Árnesþingi, sem jafnan / 

[Guðni Karl Harðarson, 25.5.2012 kl. 13:20]

Þakka þér fyrir þetta Óskar.

Ég hef hvergi neitt séð ósangjarna óþolinmæli gagnvart mér. Aðeins smá skoðanaágreiningur um leiðina að markinu

Með baráttukveðjum góðum

Guðni Karl

[Guðmundur Ásgeirsson, 25.5.2012 kl. 15:59]

Það kemur óneitanlega upp í hugann að aðaláherzla Dögunar sé á þetta stjórnarskrámál

Aðaláhersla á stjórnarskrármálið er af hálfu Hreyfingar sem er stór hluti Dögunar.

 - sko ég lagaði það fyrir þig :)

[Guðni Karl Harðarson, 25.5.2012 kl. 16:20]

Aðal áherzlan er bæði hjá Hreyfingunn og svo hjá Dögun vegna Hreyfingarinnar.

Talaði um þetta svona einmitt hvernig Hreyfingin tengist Dögun.

[Guðni Karl Harðarson, 25.5.2012 kl. 16:22]

Og allir vita tenginguna skoðanabróðir góður

[Gunnar Skúli Ármannsson, 25.5.2012 kl. 18:49]

Sæll Guðni,

við getum verið sammála um það að meðan fjórflokkurinn hefur meirihluta á Alþingi þá mun fátt gerast hér til batnaðar. Jafnvel meira en 15000 manns á Austurvelli haustið 2010 dugðu ekki til. Ég tel því 4 aðferðir tækar til að losna undan ægivaldi fjórflokksins;

Ná meirihluta á Alþingi með framboði til Alþingis,

Koma á nýrri stjórnarskrá þar sem almenningur getur gripið í taumana.

Byltingu,

Flytja til útlanda.

Dögun er að vinna að tveimur fyrstu liðunum. Uppbyggileg gagnrýni getur verið til bóta og veitir vissu fyrir því að menn vinni að sama lokamarkmiði. Niðurbrjótandi gagnrýni mun bara færa okkur fær þvi að sigra fjórflokkinn.

[Guðni Karl Harðarson, 26.5.2012 kl. 01:21]

Sæll Gunnar,

Því miður ert þú á villigötum.

Ný stjórnarskrá samþykkt er samþykki þjóðarinnar á áframhaldandi þingræði. Áframhaldandi yfirvald fjórflokksins. Eins og þú sérð í grein minni. Það er alveg ljóst. Og svo er það þetta með allt saman er ráðgefandi. Og þau geta þessvegna kosið sér að velja aðeins það sem þeim líkar.

Ég get hvergi séð að mín gagnrýni sé niðurbrjótandi. 

Bylting verður aldrei gerð á Íslandi nema að hún verði byggð á manngildunum. Þjóðin þarf að vinna með sér út úr breiskleikanum.

Þau atriði sem þú nefnir vekja upp alltof miklar spurningar hvort takist! Sérstaklega þetta með að ná meirihluta á alþingi. Mjög vafasamt að það náist og sérstaklega með því að ganga til liðs við það lið sem kom þessu stjórnarskrárrugli á. 

Skoðaðu vandlega grein mína og þá sérðu að flest allt þetta er mjög vafasamt, eins og með persónukjörið, þjóðaratkvæðagreiðslur og fleira. Þið eruð að fórna BEINU LÝÐRÆRÐI og það er alltof mikill fórnarkostnaður til að ná þessum 5% sem er líka alltof mikið vafamál eins og ég bendi líka á í greininni.

Þú móðgaðir mig með aths. þínum um flutning til útlanda. 

Leiðin er ekki rétt sem þið ætlið að velja. Enda er ég farinn úr Dögun að vinna að fyrsta kafla þessarar greinar!

[Guðni Karl Harðarson, 26.5.2012 kl. 01:26]

MUNA ÞETTA!!!!! ÞAÐ VAR EKKI ÞJÓÐIN SEM VALDI SÉR AÐ ENDURGERA STJÓRNARSKRÁ. Það var ríkistjórn til að byrja með.

[Gunnar Skúli Ármannsson, 27.5.2012 kl. 02:39]

Sæll Guðni,

mér þykir leitt að hafa móðgað þig það var ekki ætlun mín. Að flytja til útlanda er raunverulegur möguleiki, ég er fluttur til Svíþjóðar til dæmis.

[Guðni Karl Harðarson, 27.5.2012 kl. 13:09]

Ég var bara að beina sjónum að því að mér fannst þetta með að flytja til útlanda ekki eiga við í þessu sambandi.