>Guð hjálpi Íslandi

Við erum löngu orðin þreytt á ruglinu.

Það er alveg augljóst mál að ef við kjósum yfir okkur flokka innan sama kerfis þá mun litlu sem engu verða breytt fyrir framtíðina. 

Eftir því sem gengið hefur á í íslenskum stjórnmálum á undanförnum árum þá er komið að því að nú fái almenningur að velja sér sína framtíð sjálfur. Miklu frekar en að velja sér einhvern fulltrúa sem segir þér frá loforðum sem lítið gera og marg oft eru brotin.

Nú er komið að okkur að segja hvað við viljum! Við eigum ekki að leita til stjórnmálamanna eða flokka. Heldur eiga þeir að fara eftir kröfum okkar.

Við þurfum að velja okkur þá sem þora að fara eftir sanngjörnum kröfum okkar og setja þær í framkvæmd.

Eitt af því að sem viturlegt væri að gera er að snúa stjórnmálunum alveg við, þannig að almenningur verði miklu, miklu meiri þátttakendur í ákvörðunatöku. Því slíkt er raunverulegt lýðræði, fremur en það sem við búum við núna. Þar sem veljum okkur fulltrúa sem síðan búa til og framkvæma eftir eigin geðþótta fremur en að fara eftir vilja fólksins.

Það er mín von að við íslendingar höfum vit til að velja okkur framtíð þar sem allir þegnar þjóðfélagsins geti búið við fullkomin skilyrði til geta byggt okkur upp sanngjarna framtíð.

Það er mín von að við höfum vit á því að nota okkar eigið hugvit og kraft til að byggja upp nýtt Ísland. Uppbyggingu með dugnaði, umburðarlyndi, manngæsku og hverskonar manngildi að leiðarljósi.

Það er mín von að við íslendingar getum sjálf nýtt okkur gæði landsins okkar sem þætti í því að búa okkur til þessa framtíð. Fá lönd eins og Ísland hafa þannig eins mikil tækifæri til að nýta sér gæði landsins síns. Fá lönd hafa eins miklar auðlindir til þess.

Að sjálfsögðu eigum við að byggja á því að nýta þessar auðlindir sjálf og byggja upp frá því. Eins og með að selja afurðir verkefnanna. Því sú leið er sú sanngjarnasta vegna þess að þá erum við öll sjálf þátttakendur í þeim framkvæmdum sem leiða til þeirrar framtíðar sem við viljum búa til. 

Frekar en að selja auðlindir okkar til erlendra aðila sem mun ekkert annað gera en að mergsjúga landið okkar. Sem og sjúga úr okkur kraft okkar til að taka þátt í þeim framkvæmdum og verkefnum í lífinu sem við viljum byggja upp.

Það er von mín að íslendingar hafi þor til að gera miklar breytingar á stjórnskipun landsins. Það er tildæmis alls ekki nóg að breyta til þess stjórnarskrá Íslands, þó vissulega sé þörfin fyrir hendi. Við þurfum miklu frekar að fókusa á aðalatriðin sem eru að breyta Íslandi með því að byggja landið upp og búa til nýja framtíð. Það er svo mörg mál miklu meira aðkallandi heldur en stjórnarskráin.

Það er sanngjörn krafa að fá að vera þátttakandi í uppbyggingu verkefna. Að vera þátttakandi í því að byggja upp sanngjörn lífskjör. Ég hlýt þannig að hafa réttinn til að vera með. Að vera alvöru þátttakandi.

Þannig er miklu mikilvægara að búa til skilyrði fyrir framtíð sem hjálpar okkur að vera með í uppbyggingu nýrra verkefna.

Með því að selja landið okkar til erlendra fyrirtækja þá stendur ekkert eftir nema það að vera háður duttlungum þeirra aðila og hafa lítil sem engin tækifæri til að vera þátttakandi í gangsetningu verkefnanna. Með því að selja auðlindir okkar úr landi missum við úr höndum okkar umráðaréttinn yfir þær og tækifærin til að búa okkur til þátttöku í verðandi verkefnum.

Á sama hátt er það sanngjörn krafa að fá að vera þátttakandi í því að byggja upp og halda þeim gjaldmiðli sem Ísland hefur átt, amk. frá stofnun lýðveldisins okkar. Að segja að gjaldmiðill sé ónýtur segir alls ekki að ekki megi laga hann. Heldur frekar að mistekist hafi að vinna með hann. Það gerir ekkert fyrir okkur að velja nýjan gjaldmiðil því við munum eingöngu búa við sömu vandamál sem áður. Að skipta um gjaldmiðil leysir þannig engan vanda. Miklu frekar eigum við að tryggja okkar eigin gjaldmiðil með því að gera hann sjálfbæran. Það mætti tildæmis gera með því að byggja gjaldmiðilinn upp með því að hlutaskipta honum. Eins og það að gera innanlandskrónur sem væru byggðar upp eingöngu frá verðmætum þeim sem við náum fram með framkvæmdum nýrra verkefna með sjálfbærri nýtingu auðlinda okkar. Þannig haldast sjálfbærni og verðmæti í hendur til að vera undirlyggjandi á nýrri uppbyggingu á Íslandi.

Ég vil verka þátttakandi í því að búa til nýtt Ísland. En þú?

 

Leið illa í Framsókn

Athugasemdir

[Ásthildur Cesil Þórðardóttir, 11.12.2011 kl. 15:48]

Já svo sannarlega vil ég leggja mitt af mörkum til að byggja nýtt Ísland.  Og ég tek hér undir hvert orð hjá þér Guðni Karl.  Þetta er svo sannarlega þarfur og tímabær pistill.

[Helga Kristjánsdóttir, 11.12.2011 kl. 16:00]

 Já þú segir nokkuð,hlutaskipta gjaldmiðlinum,ef aðeins við fengjum að taka þátt í framtíð landsins,er sigur unninn,takk Guðni minn. 

[Sleggjan og Hvellurinn, 11.12.2011 kl. 21:37]

Ég vill taka þátt í að byggja Nýja Ísland.

Ný stórnarskrá er hluti af því ferli. 

Stór hluti.

[Guðni Karl Harðarson, 12.12.2011 kl. 11:43]

Ásthildur, því fyrr sem sem við vöknum, því betra. Við höfum tækifæri að gera Ísland stórkostlegasta land í heimi. Með metnaði okkar.

[Guðni Karl Harðarson, 12.12.2011 kl. 11:48]

Helga. Það er alls ekki ósanngjarnt að setja fram þær kröfur að hlutar af gjaldmiðli okkar verði byggður á sköpun verðmæta. 

Hugsað þannig:

1. aðal gjaldmiðill sem viðskipti milli landa

2. landsfjórðunga gjaldmiðlar sem byggja á verðmætum. Vestur, norður, austur og suður.

[Guðni Karl Harðarson, 12.12.2011 kl. 11:56]

Jæja Sleggja? Vissulega er nýs stjórnarskrá hluti af því ferli. Hinsvegar finnst mér að það verði dálítið að bíða með hana þangað til aðrar breytingar eru komnar á. Meðal annars vegna þess að stjórnarskráin á að helgast af því hvernig stjórnskipun við veljum okkur. Að það er alveg augljóst að við verðum að breyta þinginu því þar er í gangi aðstæður sem fær (oft hið ágætasta fólk) til að tala illa um aðra. Eins og við tildæmis nefnum hvað þau segja um forsetann okkar. Sem og önnur læti sem verða þar til.......

Hinsvegar er ég þó á þeirri skoðun að almenningur eigi að fá að kjósa um hvern hluta stjórnarskránnar. Frekar en hana sem eina heild.

Ég er líka dálítið hræddur um að þingið muni ætla sér að velja það sem þau vilja varðandi stjórnarskrána. Og fara þá lítið eða ekkert eftir því sem almenningur velur sér í þjóðaratkvæðagreiðslunni.